Preparatning savdo nomi
Sofosbin
Ta'sir etuvchi modda (XPN) sofosbuvir

Dori shakli
plyonka qobiq bilan qoplangan tabletkalar

Tarkibi

Plyonka qobiq bilan qoplangan har bir tabletka quyidagilarni saqlaydi
faol shakli 400 mg sofosbuvir
yordamchi moddalar mikrokritall sellyuloza, mannit, natriy kroskarmelloza, suvsiz kolloid kremniy dioksidi, magniy stearati.
qobig‘ini tarkibi oq Opadri® 85F18422 (polivinil spirti, titan dioksidi, makrogol, talk).
Ta'rifi uzunchoq, ikki tomonlama qavariq har ikkala tomoni silliq, oq rangli plyonka qobiq bilan qoplangan tabletkalar.

Farmakoterapevtik guruhi
Bevosita ta'sir qiluvchi viruslarga qarshi vositalar.
ATX kodi J05AX15

Farmakologik hususiyatlari

Farmakodinamika

Ta'sir mexanizmi
Sofosbuvir virus replikatsiyasi uchun zarur bo‘lgan, S gepatiti virusining RNK-bog‘liq polimeraza NS5B ingibitori hisoblanadi. Sofosbuvir nukleotid preparat bo‘lib, hujayra ichida metabolizmga uchrashi jarayonida uridinni analogi bo‘lgan, farmakologik jihatdan faol trifosfat (GS-461203) hosil bo‘ladi, u NS5B polimeraza yordamida S gepatiti virusining RNK siga kirib saflanadi va zanjirning terminatori sifatida ta'sir qiladi. Biokimyoviy tahlilda GS-461203 S gepatiti virusining 1b, 2a, 3a va 4a genotiplaridagi rekombinant oqsili polimerazasining faolligini 0,7 dan 2,6 mkM gacha bo‘lgan diapazonda IC50 qiymatlar bilan ingibitsiya qilgan. GS-461203 (sofosbuvirning faol metaboliti) odamdagi DNK- va RNK-polimerazalarning va mitoxondriyalardagi RNK-polimerazaning ingibitori hisoblanmaydi.
Viruslarga qarshi faolligi
S gepatiti virusining replikonlari tahlilida sofosbufirning 1a, 1b, 2a, 3a va 4a genotiplarining to‘liq o‘lchamli replikonlariga qarshi va 2b, 5a yoki 6a genotiplari, NS5B kodlaydigan 1b genotipining ximer replikonlariga qarshi EC50 qiymati 0,014 dan 0,11 mkM gacha bo‘lgan diapazonda tebrangan. Klinik izolyatlarda NS5B ketma-ket kodlaydigan ximer replikonlariga qarshi sofosbuvirning EC50 qiymati 1a (n = 67) genotipi uchun 0,068 ± 0,024 mkM, 1b (n = 29) genotipi uchun 0,11 ± 0,029 mkM, 2 (n = 15) genotipi uchun 0,035 ± 0,018 mkM va 3a (n = 106) genotipi uchun 0,085 ± 0,034 mkM ni tashkil qilgan. Ushbu tahlillarda in vitro sharoitlarda, kamroq tarqalgan 4, 5 va 6 genotiplariga qarshi sofosbuvirning viruslarga qarshi faolligi 1, 2 va 3 genotiplari uchun kuzatiladigan faolliga o‘xshash bo‘lgan.
Rezistentligi
Hujayra kulturasida
Sofosbuvirga sezgirligi past bo‘lgan S gepatiti virusi replikonlari ko‘pchilik genotiplar, shu jumladan 1b, 2a, 2b, 3a, 4a, 5a va 6a genotiplari uchun hujayra kulturasida selektsiya qilingan. Sofosbuvirga sezuvchanlikni pastligi tekshirilayotgan barcha genotiplarning replikonlarida S282T ni NS5B ga birlamchi almashinishi bilan bog‘liq bo‘lgan. 8 genotiplarning replikonlarida S282T almashinishiga qaratilgan mutagenez muvofiq virusning yovvoyi turiga nisbatan sofosbuvirga sezuvchanlikni 2-18 barobar kamayishiga va virusning replikativ faolligini 89-99% ga pasayishiga olib kelgan. Biokimyoviy tahlilda 1b, 2a, 3a va 4a genotiplarining, S282T almashinishini ekspressiya qiluvchi rekombinant polimeraza NS5B muvofiq virusning yovvoyi turiga nisbatan GS-461203 ga sezuvchanlikni pastligi namoyish etilgan.
Kesishgan rezistentlik
Sofosbuvirga chidamliligi bilan bog‘liq S282T almashinishini ekspressiya qiluvchi S gepatiti virusining replikonlari, S gepatiti virusiga qarshi preparatlarning boshqa sinflariga butunlay sezgir bo‘lgan. Sofosbuvir boshqa nukleozid ingibitorlariga chidamliligi bilan bog‘liq bo‘lgan, L159F va L320F almashinishlari bilan NS5B qarshi faollikni saqlab qolgan.
Sofosbuvir NS5B nukleozid bo‘lmagan ingibitorlar, NS3 proteaza ingibitorlari va NS5A ingibitorlari kabi turli ta'sir mexanizmlari ega bo‘lgan boshqa bevosita viruslarga qarshi vositalarga chidamliligi bilan bog‘liq bo‘lgan almashinishga qarshi butunlay faol bo‘lgan.

Farmakokinetikasi

Sofosbuvir faol metabolizmga uchraydigan olddori hisoblanadi. Faol metaboliti gepatotsitlarda hosil bo‘ladi va plazmada aniqlanmaydi. Ko‘p uchraydigan (> 90%), GS-331007, nofaoldir. U faol metabolitini hosil bo‘lishiga olib keladigan, ketma-ket va parallel kechadigan reaktsiyalar orqali hosil bo‘ladi.
So‘rilishi
Sofosbuvir va asosiy aylanib yuruvchi metaboliti GS-331007 ning farmakokinetik hususiyatlari katta yoshdagi sog‘lom ko‘ngillilarda va surunkali S gepatiti virusi bilan xastalangan patsiyentlarda baholangan. Peroral qabul qilinganidan so‘ng tez so‘riladi va maksimal kontsentratsiyasiga dozasidan qat'iy nazar taxminan 0,5-2 soat davomida erishiladi. Plazmada GS-331007 maksimal kontsentratsiyasi dozasi qabul qilinganidan so‘ng 2-4 soat davomida kuzatiladi. S gepatiti virusining 1-6 genotiplari (n = 986) bilan infektsiyalangan patsiyentlardagi populyatsion farmakokinetik tahlil natijalari AUC0-24 sofosbuvir uchun statsionar holatda va GS-331007 muvofiq ravishda 1010 ng soat/ml va 7200 ng soat/ml tashkil qilgan.
S gepatiti virusi bilan infektsiyalangan patsiyentlarda sofosbuvirning AUC0-24 qiymati va GS-331007, sog‘lom ko‘ngillilardagi (n = 284) muvofiq qiymatlarga nisbatan 57% ga yuqori va 39% ga past bo‘lgan.
Ovqatlanishni ta'siri
Sofosbuvirning bir martalik dozasini yog‘ning miqdori yuqori bo‘lgan ovqat bilan birga yuborish, sofosbuvirni so‘rilishini och qoringa qabul qilingandagiga nisbatan sekinlashtirgan. Sofosbuvirni so‘rilish darajasi maksimal kontsentratsiyasiga biroz ta'sir qilganda taxminan 1,8 marta oshgan.
Taqsimlanishi
Sofosbuvir odamning plazma oqsillari bilan taxminan 85% ga bog‘lanadi va bog‘lanishi 1 mkg/ml dan 20 mkg/ml gacha bo‘lgan diapazonda preparatning kontsentratsiyasiga bog‘liq emas. GS-331007 plazma oqsillari bilan bog‘lanishi minimal darajada bo‘lgan. 14S-sofosbuvir bir marta qabul qilinganidan so‘ng sog‘lom ko‘ngillilarda plazma va qonning 14S-radioaktivlik qiymatini nisbati taxminan 0,7 tashkil qilgan.
Metabolizmi
Sofosbuvir asosan jigarda metabolizmga uchrab, nukleozidning analogi hisoblangan, farmakologik jihatdan faol trifosfat GS-461203 hosil qiladi. Metabolik faollashuv yo‘li odamning katepsin A yoki karboksilesteraza 1 tomonidan katalizlanadigan karbon kislotasining murakkab efiri guruhini ketma-ket gidrolizidan va fosforamidatni gistidin triadalari bilan nukleotid-bog‘lovchi oqsil 1 (HINT1) tomonidan parchalanishi va keyinchalik pirimidin nukleotidini biosintezi jarayonida fosforlanishidan iborat. Defosforlanish nukleozid metaboliti GS-331007 hosil bo‘lishiga olib keladi, u samarali qayta fosforlanishga uchramaydi va in vitro sharoitlarda S gepatiti virusiga qarshi ta'sirga ega emas. Sofosbuvir va GS-331007 ne yavlyayutsya substratami ili ingibitorami fermentov UGT1A1 yoki CYP3A4, CYP1A2, CYP2B6, CYP2C8, CYP2C9, CYP2C19 va CYP2D6 fermentlarining substratlari yoki ingibitorlari hisoblanmaydilar.
14S-sofosbuvir 400 mg dozada ichga bir marta qabul qilinganidan so‘ng sofosbuvir va GS-331007 ning ulushi preparatning tizimli ekspozitsiyasini taxminan 4% va > 90% tashkil qilgan.
Chiqarilishi
14S-sofosbuvir 400 mg dozada ichga bir marta qabul qilinganidan so‘ng umumiy chiqarilgan dozaning o‘rtacha kattaligi 92% dan ortiq qiymatni tashkil qilgan, ulardan taxminan 80%, 14% va 2,5% muvofiq ravishda siydik, axlat va o‘pkalar orqali havo bilan chiqarilgan. Siydik bilan chiqariladigan sofosbuvirning dozasini katta qismi GS-331007 (78%) tashkil qilgan, va taxminan 3,5% o‘zgarmagan holda chiqarilgan. Bu ma'lumotlar, buyrak klirensi asosiy chiqarilish yo‘li ekanligini ko‘rsatadi. Sofosbuvir va GS-331007 uchun yarim chiqarilish davri muvofiq ravishda o‘rtacha 0,4 va 27 soatni tashkil etgan.
Proportsionalligi/noproportsionalligi
Sog‘lom ko‘ngillilarda sofosbuvir va GS-331007 ning AUC 200-400 mg dozalar diapazonida dozaga deyarli proportsionaldir.
Alohida patsiyentlar guruhi
Jins va irq
Sofosbuvir va GS-331007 ning farmakokinetikasida jins va irq bilan bog‘liq bo‘lgan klinik ahamiyatli farqlar aniqlanmagan.
Keksa odamlar
Yosh sofosbuvir va GS-331007 ning farmakokinetikasiga klinik ahamiyatli ta'sir ko‘rsatmaydi.
Buyrak funktsiyasini buzilishlari bo‘lgan patsiyentlar
Yengil yoki o‘rtacha og‘irlik darajasidagi buyrak yetishmovchiligi bo‘lgan patsiyentlarda preparatning dozasiga tuzatish kiritish talab etilmaydi. Og‘ir darajadagi buyrak yetishmovchiligi yoki buyrak yetishmovchiligining terminal bosqichi bo‘lgan patsiyentlarda sofosbuvirning havfsizligi va samaradorligi o‘rganilmagan.
Gemodializ ko‘p uchraydigan metaboliti GS-331007 samarali chiqarishi mumkin (4-soatlik gemodializ seansida yuborilgan dozaning taxminan 18% chiqariladi).
Jigar fukntsiyasini buzilishlari bo‘lgan patsiyentlar
Jigan funktsiyasini yengil, o‘rtacha va og‘ir darajada buzilishlari bo‘lgan patsiyentlarda preparatning dozasiga tuzatish kiritish talab etilmaydi.
Bolalar
Bolalarda Sofosbuvir va GS-331007 ning farmakokinetikasi o‘rganilmagan.


Qo‘llanilishi

Sofosbuvir kattalarda surunkali S gepatiti (SSG) ni davolash uchun boshqa dori preparatlari bilan majmuada qo‘llash uchun ko‘rsatilgan.


Qo‘llash usuli va dozalari

Sofosbuvin bilan davolash SSG bilan xastalangan patsiyentlarni davolash tajribasiga ega bo‘lgan shifokorning nazorati ostida boshlanishi va o‘tkazilishi kerak.
Sofosbuvirning tavsiya etiladigan dozasi – bir tabletka (400 mg) sutkada 1 marta ovqat vaqtida peroral qabul qilinadi. Tabletka butunligicha, chaynamasdan va bo‘lmasdan yutiladi.
Agar qabul qilingandan so‘ng 2 soat davomida qusish kuzatilsa, qo‘shimcha tabletka qabul qilish kerak (qusish dozasi qabul qilingandan so‘ng 2 soatdan ortiq vaqt o‘tganidan keyin kuzatilsa, qo‘shimcha tabletka qabul qilish talab etilmaydi).
Agar preparatning dozasini qabul qilish o‘tkazib yuborilgan bo‘lsa, va uni qabul qilish kerak bo‘lgan momentdan boshlab 18 soatdan kamroq vaqt o‘tgan bo‘lsa, patsiyent tabletkani imkon boricha tezroq qilishi, so‘ngra esa navbatdagi dozani odatdagi vaqtda qabul qilishi kerak. Agar 18 soatdan ko‘proq vaqt o‘tgan bo‘lsa, u holda patsiyent kutishi va navbatdagi dozani odatdagi vaqtda qabul qilishi kerak. Patsiyent ikki marta katta dozani qabul qilishi mumkin emas.
Sofosbuvir boshqa dori vositalari bilan majmuada buyurilishi kerak. Sofosbuvir bilan monoterapiya o‘tkazish tavsiya etilmaydi.
Faqat S gepatiti infektsiyasi bilan xastalangan va S gepatiti virusi hamda OITV-koinfektsiyasi bilan xastalangan patsiyentlarni sofosbuvir bilan tavsiya etilgan majmuaviy davolash davomiyligi va sxemalari quyidagi jadvalda keltirilgan.


Davolash sxemasi
Davomiyligi
SSG 1, 4, 5 yoki 6 genotiplari bilan xastalangan patsiyentlar
Sofosbin + ribavirin + peginterferon alfa
12 haftaa,b
Sofosbin + ribavirin
Peginterferon alfa qo‘llash mumkin bo‘lmagan patsiyentlar uchun
24 hafta
SSG 2 genotipi bilan xastalangan patsiyentlar

Sofosbin + ribavirin
12 hafta b
SSG 3 genotipi bilan xastalangan patsiyentlar

Sofosbin + ribavirin + peginterferon alfa
12 hafta b
Sofosbin + ribavirin
24 hafta
SSG bilan xastalangan, jigar transplantatsiyasi kutilayotgan patsiyentlar
Sofosbin + ribavirin
Jigar transplantatsiyasidan oldin

a. SSG 1 genotipi bilan xastalangan, ilgari davolanmagan patsiyentlarni sofosbuvir, ribavirin va peginterferon alfa majmuasini qo‘llash bo‘yicha ma'lumotlar yo‘q.
b. Davolash davomiyligini 12 haftadan ortiq va 24 haftagacha potentsial uzaytirish ehtimolini, ayniqsa interferon asosida davolashga nisbatan musbat klinik javob reaktsiyasi tezligi pastligi bilan bog‘liq bo‘lgan bir yoki undan ortiq omillarga (masalan, jigar sirrozi/fibrozi, dastlabki viruslar kontsentratsiyasini yuqori bo‘lishi, negroid irqiga mansub, SS genotipi bo‘lmagan IL28B, peginterferon alfa va ribavirin bilan ilgari davolashga javob reaktsiyasini bo‘lmaganli) ega bo‘lgan kichik guruhlar uchun ko‘rib chiqilishi kerak.

Sofosbin bilan birga ishlatilganida ribavirinning dozasi tana vazniga bog‘liq (< 75 kg = 1000 mg va ≥ 75 kg = 1200 mg) va ovqat bilan ikki marta qabulga peroral yuboriladi.

Dozani o‘zgartirish
Sofosbinning dozasini kamaytirish tavsiya etilmaydi.
Agar sofosbuvir peginterferon alfa bilan majmuada ishlatilsa, va patsiyentda ushbu preparat bilan potentsial bog‘liq bo‘lgan jiddiy nojo‘ya reaktsiyalar kuzatilsa, peginterferon alfaning dozasi kamaytirilishi yoki preparat bekor qilinishi kerak. Peginterferon alfaning dozasini kamaytirish va/yoki bekor qilish yuzasidan qo‘shimcha ma'lumot muvofiq qo‘llash bo‘yicha yo‘riqnomasida keltiriladi.
Agar patsiyentda ribavirin bilan potentsial bog‘liq bo‘lgan jiddiy noxush reaktsiyalar kuzatilsa, ribavirinning dozasiga tuzatish kiritilishi yoki noxush reaktsiyalarning og‘irligi yo‘qolgunicha yoki susaygunicha preparat bekor qilinishi kerak. Quyidagi jadvalda patsiyentning kardiologik holati va gemoglobinning kontsentratsiyasiga qarab ribavirinning dozasini o‘zgartirish va bekor qilish bo‘yicha tavsiyalar keltirilgan.

Laborator qiymatlar
Ribavirinningdozasini sutkada 600 mg gacha kamaytirish, agar
Ribavirinni qabul qilishni to‘xtatish, agar
Kardiologik kasalliklari bo‘lmagan patsiyentlardagi gemoglobin
< 10 g/dl
< 8,5 g/dl
Barqaror kardiologik kasalliklari bo‘lgan patsiyentlardagi gemoglobin
Istalgan 4 hafta davolash davomida gemoglobinni
≥ 2 g/dl ga pasayishi
< 12 g/dl (4 hafta davomida kamaytirilgan doza bilan davolashga qaramasdan)

Laborator ko‘rsatkichlarni normadan siljishi yoki klinik ko‘rinishlar paydo bo‘lishi tufayli, ribavirin bilan davolash to‘xtatilganidan so‘ng ribavirinni sutkada 600 mg dozasi bilan davolashni qayta boshlashga, keyinchalik dozasini sutkada 800 mg gacha oshirishga harakat qilish mumkin. Ribavirinning dozasini dastlabki buyurilgan doza (sutkada 1000-1200 mg) gacha oshirish tavsiya etilmaydi.

Davolashni bekor qilish
Sofosbuvir bilan majmuada buyurilgan boshqa preparatlar butunlay bekor qilinganida ham Sofosbinni bekor qilish kerak.

Alohida patsiyentlar guruhi
Keksa odamlar
Keksa yoshdagi patsiyentlarda dozaga tuzatish kiritish talab etilmaydi.
Buyrak funktsiyasini buzilishlari bo‘lgan patsiyentlar
Yengil yoki o‘rtacha og‘irlik darajasidagi buyrak yetishmovchiligi bo‘lgan patsiyentlar uchun preparatning dozasiga tuzatish kiritish talab etilmaydi. Og‘ir darajadagi buyrak yetishmovchiligi yoki terminal bosqichdagi buyrak yetishmovchiligi bo‘lgan patsiyentlarda sofosbuvirni qo‘llash havfsizligi va samaradorligi o‘rganilmagan.
Jigar funktsiyasini buzilishlari bo‘lgan patsiyentlar
Jigar funktsiyasini yengil, o‘rtacha og‘ir va og‘ir darajada buzilishlari bo‘lgan patsiyentlar uchun dozaga tuzatish kiritish talab etilmaydi. Dekompensatsiyalangan jigar sirrozi bo‘lgan patsiyentlarda sofosbuvirni qo‘llash havfsizligi va samaradorligi o‘rganilmagan.
Jigar transplantatsiyasi kutilayotgan patsiyentlar
Jigar transplantatsiyasi kutilayotgan patsiyentlarda Sofosbinni qo‘llash davomiyligi har bir alohida patsiyent uchun potentsial foyda va havf nisbatini baholab aniqlanishi kerak.
Bolalar
18 yoshgacha bo‘lgan bolalar va o‘smirlarda sofosbuvirni qo‘llash havfsizligi va samaradorligi o‘rganilmagan.

Nojo‘ya ta'sirlari
Sofosbuvir ribavirin bilan birga, peginterferon alfa bilan birga yoki usiz qo‘llanadi, shuning uchun sofosbuvir uchun xos bo‘lgan nojo‘ya reaktsiyalar aniqlanmagan.
Sofosbuvirni ribavirin bilan birga yoki peginterferon alfa va ribavirin bilan birga qo‘llanganida eng ko‘p ribavirin va peginterferon alfaning havfsizlik profili bilan mos keladigan noxush reaktsiyalar xaqida xabar berilgan, bunda ularning uchrash tezligi va og‘irligi oshmagan. Sofosbuvir va ribavirin yoki sofosbuvir, peginterferon alfa va ribavirin qabul qilinganida eng keng tarqalgan noxush reaktsiyalar toliqish, bosh og‘rig‘i, ko‘ngil aynishi va uyqusizlik bo‘lgan.
Nojo‘ya samaralarni uchrash tezligini ko‘rsatkichlari quyidagi tarzda aniqlangan juda tez-tez (≥ 1/10); tez-tez (≥ 1/100, < 1/10).
Sofosbuvir va ribavirin majmuasi uchun
Infektsiyalar va invaziyalar tez-tez – nazofaringit.
Qon va limfa tizimlari tomonidan buzilishlar juda tez-tez – gemoglobinning darajasini past bo‘lishi; tez-tez – anemiya.
Ruhiyatni buzilishi juda tez-tez – uyqusizlik; tez-tez – depressiya.
Nerv tizimi tomonidan buzilishlar juda tez-tez – bosh og‘rig‘i, tez-tez – diqqatni buzilishi.
Nafas tizimi, ko‘krak qafasi va ko‘ks oralig‘i a'zolari tomonidan buzilishlar tez-tez – hansirash, jismoniy yuklamada hansirash, yo‘tal.
Me'da-ichak yo‘llari tomonidan buzilishlar juda tez-tez – ko‘ngil aynishi; tez-tez – qorinda diskomfort qabziyat, dispepsiya.
Jigar va o‘t chiqarish yo‘llari tomonidan buzilishlar juda tez-tez – qonda bilirubinning darajasini yuqori bo‘lishi.
Teri va teri osti to‘qimalari tomonidan buzilishlar tez-tez – alopetsiya, terini qurishi, qichishishi.
Skelet-mushak va biriktiruvchi to‘qima tomonidan buzilishlar tez-tez – artralgiya, belda og‘riq, mushak spazmlari, mialgiya.
Umumiy buzilishlar juda tez-tez – toliqish, ta'sirchanlik, tez-tez – pireksiya, asteniya.
Sofosbuvir, peginterferon alfa va ribavirin
Qon va limfa tizimlari tomonidan buzilishlar juda tez-tez – anemiya, neytropeniya, limfotsitlar miqdorini past bo‘lishi, trombotsitlar miqdorini past bo‘lishi.
Moddalar almashinuvi va oziqlanish tomonidan buzilishlar juda tez-tez – ishtahani past bo‘lishi; tez-tez – tana vaznini kamayishi.
Ruhiyatni buzilishlari juda tez-tez – uyqusizlik; tez-tez – depressiya, xavotirlik, ajitatsiya.
Nerv tizimi tomonidan buzilishlar juda tez-tez – bosh aylanishi, bosh og‘rig‘i, tez-tez – migren, xotirani buzilishi, diqqatni buzilishi.
Ko‘rish a'zolari tomonidan buzilishlar tez-tez – ko‘rishni noaniqligi.
Nafas tizimi, ko‘krak qafasi va ko‘ks oralig‘i a'zolari tomonidan buzilishlar juda tez-tez – hansirash, yo‘tal; tez-tez – jismoniy yuklamada hansirash.
Me'da-ichak yo‘llari tomonidan buzilishlar juda tez-tez – diareya, ko‘ngil aynishi, qusish; tez-tez – qabziyat, og‘izni qurishi, gastroezofageal reflyuks.
Jigar va o‘t chiqarish yo‘llari tomonidan buzilishlar juda tez-tez – qonda bilirubinning darajasini yuqori bo‘lishi.
Teri va teri osti to‘qimalari tomonidan buzilishlar juda tez-tez – toshma, qichishish; tez-tez – alopetsiya, terini qurishi.
Skelet-mushak tizimi va biriktiruvchi to‘qima tomonidan buzilishlar juda tez-tez – artralgiya, mialgiya; tez-tez – belda og‘riq, mushak spazmlari.
Umumiy buzilishlar juda tez-tez – et uvishishi, toliqish, grippsimon kasalliklar, ta'sirchanlik, og‘riq, pireksiya; tez-tez – ko‘krakda og‘riq, asteniya bo‘lishi mumkin.


Qo‘llash mumkin bo‘lmagan holatlar

Preparatning komponentlaridan birortasiga yuqori sezuvchanlikda qo‘llash mumkin emas.

Dorilarning o‘zaro ta'siri
Sofosbuvir, GS-331007 dan farqli ravishda, dori vositalarni tashuvchi R-glikoprotein va sut bezi rakining rezistentligi oqsillari uchun substrat hisoblanadi. Ichakda R-glikoproteinning kuchli induktorlari (masalan, rifampitsin, dalachoy, karbamazepin va fenitoin) plazmada sofosbuvirning kontsentratsiyasini ahamiyatli darajada pasaytirishi va sofosbuvirning terapevtik ta'sirini susaytirishi mumkin. Bunday dori vositalari sofosbuvir bilan bir vaqtda qo‘llanilishi mumkin emas.
Sofosbuvirni R-glikoprotein va/yoki sut bezi rakining rezistentligi oqsillarini ingibitsiya qiluvchi preparatlar bilan bir vaqtda qo‘llash plazmada sofosbuvirning kontsentratsiyasini, GS-331007 ning kontsentratsiyasini oshirmasdan, oshirishi mumkin. Sofosbuvir R-glikoprotein va/yoki sut bezi rakining rezistentligi oqsillari ingibitorlari bilan bir vaqtda buyurilishi mumkin. Sofosbuvir va GS-331007 R-glikoprotein va/yoki sut bezi rakining rezistentligi oqsillarini ingibitorlari hisoblanmaydilar va ushbu transporterlarning substratlari hisoblangan dori vositalarning ta'sirini oshishiga ta'sir qilmasliklari kerak.
Boshqa o‘zaro ta'sirlar
Analeptik vositalar. Sofosbuvirni modafinil bilan bir vaqtda qo‘llash sofosbuvirning kontsentratsiyasini pasayishiga olib kelishi kutiladi, bu Sofosbinning terapevtik samarasini kamayishiga olib keladi. Ushbu dori vositalarni bir vaqtda qo‘llash tavsiya etilmaydi.
Antiaritmik vositalar. Amiodaronni, faqat boshqa muqobil dori vositasi bo‘lmagan holatdagina ishlatish mumkin. Sofosbuvir va daklatasvirning majmuasi bir vaqtda qo‘llanganida sinchiklab kuzatish tavsiya etiladi.
Tirishishga qarshi vositalar. Sofosbuvirni karbamazepin, fenitoin, fenobarbital yoki okskarbazepin bilan bir vaqtda qo‘llash sofosbuvirning kontsentratsiyasini pasayishiga olib kelishi kutiladi, bu esa Sofosbinning terapevtik samarasini kamayishiga olib keladi. Ushbu dori vositalarini bir vaqtda qo‘llash tavsiya etilmaydi.
Antimikobakterial vositalar. Sofosbuvirni rifabutin yoki rifapentin bilan bir vaqtda qo‘llash sofosbuvirning kontsentratsiyasini pasayishiga olib kelishi kutiladi, bu esa Sofosbinning terapevtik samarasini kamayishiga olib keladi. Ushbu dori vositalarini bir vaqtda qo‘llash tavsiya etilmaydi.
Sofosbin ichak R-glikoproteinining kuchli induktori, rifampitsin bilan birga qo‘llanishi mumkin emas.
S gepatiti virusiga qarshi vositalar SGV proteaza ingibitorlari. Sofosbuvir va botseprevir yoki telaprevir bir vaqtda qo‘llanganida dorilarning o‘zaro ta'siri yuzasidan ma'lumotlar yo‘q.
Narkotik analgetiklar. Metadon yoki sofosbuvir bir vaqtda qo‘llanganida ularning dozalariga tuzatish kiritish talab etilmaydi.
Immunodepressantlar. Siklosporin, takrolimus yoki sofosbuvir bir vaqtda qo‘llanganida ularning dozalariga tuzatish kiritish talab etilmaydi.
OITVga qarshi vositalar qaytar transkriptaza ingibitorlari. Efavirenz, emtritsitabin, tenofovir dizoproksil fumarati, rilpivirin va sofosbuvir bir vaqtda qo‘llanganida dori vositalarning dozalariga tuzatish kiritish talab etilmaydi.
OITVga qarshi vositalar OITV proteaza ingibitorlari. Darunavir (ritoonavir bilan kuchaytirilgan) yoki sofosbuvir bir vaqtda qo‘llanganida ularning dozalariga tuzatish kiritish talab etilmaydi.
OITVga qarshi vositalar integraza ingibitorlari. Raltegravir yoki sofosbuvir bir vaqtda qo‘llanganida ularning dozalariga tuzatish kiritish talab etilmaydi.
Peroral kontratseptivlar. Norgestimat/etinilestradiol yoki sofosbuvir bir vaqtda qo‘llanganida ularning dozalariga tuzatish kiritish talab etilmaydi.



Maxsus ko‘rsatmalar

Sofosbin bilan monoterapiya tavsiya etilmaydi. Sofosbuvir boshqa dori vositalari bilan majmuada buyurilishi kerak. Sofosbuvir bilan majmuada ishlatilayotgan dori preparatlari bekor qilinsa, Sofosbinni ham bekor qilish kerak.
Kuchli bradikardiya va yurak blokadasi
Sofosbuvir daklatasvir va amiodaron bilan birga yurak qisqarishlari sonini kamaytiradigan boshqa dori vositalari bilan birga yoki ularsiz ishlatilganida, kuchli bradikardiya va yurak blokadasi holatlari kuzatilgan. Bu hayot uchun havfli, shuning uchun sofosbuvirni daklatasvir bilan birga qabul qilayotgan patsiyentlarda amiodaronni, muqobil antiaritmik preparatlar o‘zlashtira olinmagan yoki qo‘llash mumkin bo‘lmagan holatlardagina qo‘llash kerak.
Agar amiodaronni bir vaqtda qo‘llash zarur deb hisoblansa, sofosbuvirni daklatasvir bilan birga davolashni boshlanishida patsiyentlarni sinchkov nazorat ostida bo‘lishlari tavsiya etiladi. Bradiaritmiyani rivojlanish havfi yuqori bo‘lgan patsiyentlar muvofiq klinik sharoitda 48 soat davomida doimiy nazorat ostida bo‘lishlari kerak.
Amiodaronning yarim chiqarilish davri davomli ekanligi bilan xarakterlanishi tufayli, oxirgi bir necha oy davomida amiodaronni qabul qilishni to‘xtatgan patsiyentlar ham sofosbuvir daklatasvir bilan birga qabul qilish boshlanishida nazorat ostida bo‘lishlari kerak.
SGVning 1, 4, 5 va 6 genotiplari bilan xastalangan, ilgari davolangan patsiyentlar
SGVning 1, 4, 5 va 6 genotiplari bilan xastalangan, ilgari davolangan patsiyentlar uchun optimal davolash davomiyligi aniqlanmagan.
Davolash davomiyligini 12 haftadan ortiq va 24 haftagacha potentsial uzaytirish ehtimolini, ayniqsa interferon asosida davolashga nisbatan musbat klinik javob reaktsiyasi tezligi pastligi bilan bog‘liq bo‘lgan bir yoki undan ortiq omillarga (masalan, jigar sirrozi/fibrozi, dastlabki viruslar kontsentratsiyasini yuqori bo‘lishi, negroid irqiga mansub, SS genotipi bo‘lmagan IL28B) ega bo‘lgan kichik guruhlar uchun ko‘rib chiqilishi kerak.
SGVning 5 yoki 6 genotiplari bilan xastalangan patsiyentlarni davolash
SGVning 5 yoki 6 genotiplari bilan xastalangan patsiyentlarda sofosbuvirni qo‘llash yuzasidan klinik ma'lumotlar juda cheklangan.
SGVning 1, 4, 5 va 6 genotiplarini interferonsiz davolash
SGVning 1, 4, 5 va 6 genotiplari bilan xastalangan patsiyentlar uchun interferonni qo‘llamasdan, sofosbuvirni asosida davolash davomiyligi va optimal tartibi aniqlanmagan. Bunday sxemalar interferon bilan davolashga reaktsiya ko‘rsatmaydigan yoki uni qo‘llashga qarshi ko‘rsatmalar bo‘lgan va zudlik bilan davolashga muhtoj bo‘lgan patsiyentlar uchun ishlatilishi kerak.
Gepatit virusiga qarshi to‘g‘ridan-to‘g‘ri ta'sir qiluvchi boshqa vositalar bilan bir vaqtda qo‘llash
Sofosbuvir viruslarga qarshi to‘g‘ridan-to‘g‘ri ta'sir qiluvchi boshqa vositalar bilan bir vaqtda, mavjud bo‘lgan ma'lumotlar asosida kutiladigan foyda havfdan ustun bo‘ladigan holatlardagina qo‘llanishi mumkin. Sofosbuvir va telaprevir yoki botseprevirni bir vaqtda qo‘llash yuzasidan ma'lumotlar yo‘q. Ushbu preparatlarni bir vaqtda qo‘llash tavsiya etilmaydi.
Homiladorlik va ribavirin bilan bir vaqtda qo‘llash
Sofosbinni ribavirin yoki peginterferon alfa/ribavirin bilan majmuada davolanayotgan ayollarda, shuningdek ushbu majmuani olayotgan erkaklarning ayol-sheriklarida homiladorlikni oldini olish maqsadida juda ehtiyotkorlikka rioya qilish kerak. Davolashni bevosita boshlashdan oldin homiladorlikni aniqlash sinama natijalari manfiy bo‘lmagunicha, davolashni boshlash mumkin emas. Butun davolash kursi davomida, shuningdek davolash tugaganidan so‘ng 6 oy davomida gormonal bo‘lmagan ikkita kontratseptiv vositalarning majmuasini qo‘llash kerak (chunki sofosbuvir bilan davolanayotgan ayollarda tizimli gormonal kontratseptiv vositalarning samaradorligi to‘g‘risida ma'lumotlar yo‘q). Bu vaqt davomida homiladorlikni aniqlash sinamasini har oy o‘tkazish kerak.
R-glikoproteinning kuchli induktorlari bilan birga qo‘llash
Ichakda R-glikoproteinning kuchli induktorlari (masalan, rifampitsin, dalachoy, karbamazepin va fenitoin) plazmada sofosbuvirning kontsentratsiyasini ahamiyatli darajada pasaytirishi va sofosbuvirning terapevtik ta'sirini susaytirishi mumkin. Bunday dori vositalar sofosbuvir bilan bir vaqtda qo‘llanishi mumkin emas.
Buyrak yetishmovchiligi
Yengil yoki o‘rtacha og‘irlik darajasidagi buyrak yetishmovchiligi bo‘lgan patsiyentlarda preparatning dozasiga tuzatish kiritish talab etilmaydi. Og‘ir darajadagi buyrak yetishmovchiligi yoki terminal bosqichdagi buyrak yetishmovchiligi bo‘lgan patsiyentlarda sofosbuvirni qo‘llash havfsizligi va samaradorligi o‘rganilmagan.
SGV/VGV (V gepatiti virusi) aralash infektsiyasi
SGV/VGV aralash infektsiyasi bo‘lgan patsiyentlarda sofosbuvirni qo‘llash yuzasidan ma'lumotlar yo‘q.

Homiladorlik va laktatsiya davrida qo‘llanishi
Tug‘ruq yoshidagi ayollar/erkaklar va ayollarda kontratseptsiya
Sofosbinni ribavirin yoki peginterferon alfa/ribavirin bilan majmuada davolanayotgan ayollarda, shuningdek ushbu majmuani olayotgan erkaklarning ayol-sheriklarida homiladorlikni oldini olish maqsadida juda ehtiyotkorlikka rioya qilish kerak. Davolashni bevosita boshlashdan oldin homiladorlikni aniqlash sinama natijalari manfiy bo‘lmagunicha, davolashni boshlash mumkin emas. Butun davolash kursi davomida, shuningdek davolash tugaganidan so‘ng 6 oy davomida gormonal bo‘lmagan ikkita kontratseptiv vositalarning majmuasini qo‘llash kerak (chunki sofosbuvir bilan davolanayotgan ayollarda tizimli gormonal kontratseptiv vositalarning samaradorligi to‘g‘risida ma'lumotlar yo‘q). Bu vaqt davomida homiladorlikni aniqlash sinamasini har oy o‘tkazish kerak.
Homiladorlik
Homilador ayollarda sofosbuvirni qo‘llash yuzasidan ma'lumotlar cheklangan. Homiladorlik vaqtida Sofosbin preparatini qo‘llashdan saqlangan afzal.
Agar sofosbuvir bilan bir vaqtda ribavirin buyurilsa, u holda homiladorlik vaqtida bunday davolash mumkin emas.
Emizish davri
Sofosbuvir va uning metabolitlarini ko‘krak suti bilan ajralib chiqishi noma'lum. Yangi tug‘ilgan chaqaloqlar/go‘daklar uchun havfni istisno qilish mumkin emas, shuning uchun Sofosbuvirni emizish vaqtida qo‘llash mumkin emas.

Pediatriyada qo‘llanishi
Sofosbin 18 yoshgacha bo‘lgan bolalar va o‘smirlarda qo‘llash uchun tavsiya etilmaydi, chunki bunday yoshdagi guruhda sofosbuvirni qo‘llash havfsizligi va samaradorligi aniqlanmagan.

Avtotransportni haydash va mexanizmlarni boshqarish qobiliyatiga ta'siri
Sofosbuvir avtotransportni haydash va mexanizmlarni boshqarish qobiliyatiga ahamiyatsiz ta'sir ko‘rsatadi. Sofosbuvirni peginterferon alfa va ribavirin bilan birga davolash vaqtida toliqish, diqqatni buzilishi, bosh aylanishi va ko‘rishni noaniqligi qayd etilgan.
Preparat bolalar ololmaydigan joyda saqlansin va yaroqlilik muddati tugaganidan so‘ng ishlatilmasin.


Dozani oshirib yuborilishi

Simptomlari Sofosbuvirning 1200 mg dozasi qo‘llanganida dozani oshirib yuborilish belgilari kuzatilmagan. Yanada yuqoriroq dozalarning samarasi noma'lum.
Davolash. Sofosbuvir uchun spetsifik antidot mavjud emas. Dozasi oshirib yuborilganida patsiyentda zaharlanish belgilari paydo bo‘layotganligini kuzatish kerak. Sofosbuvirning dozasi oshirib yuborilishini davolash umumiy tutib turuvchi davolash choralari, shu jumladan hayotiy muhim a'zolar funktsiyasi ko‘rsatkichlarini nazorat qilish va patsiyentning klinik holatini kuzatishdan iborat. 4-soatlik gemodializ seansi davomida qabul qilingan dozaning 18% chiqariladi.


Chiqarilish shakli

Plyonka qobiq bilan qoplangan tabletkalar. 28 tabletka flakonda. 1 flakon qo‘llash bo‘yicha yo‘riqnomasi bilan birga karton qutiga joylangan.


Saqlash sharoiti

30oS dan yuqori bo‘lmagan xaroratda saqlansin.


Yaroqlilik muddati

2 yil.


Dorixonalardan berish tartibi

Retsept bo‘yicha.