Preparatning savdo nomi
Ademta
Ta'sir etuvchi modda (XPN) ademetionin

Dori shakli
ichakda eruvchan qobiq bilan qoplangan tabletkalar.

Tarkibi

Ichakda eruvchan qobiq bilan qoplangan har bir tabletka quyidagilarni saqlaydi
faol modda 400 mg ademetionin (ademetionin 1,4-butandisulfonat shaklida);
yordamchi moddalar mikrokristall sellyuloza, natriy kraxmalglikolyati, suvsiz kolloid kremniy dioksidi, magniy stearati;
qobig‘ining tarkibi temir (II) oksidi, temir (III) oksidi, eudragit L-100-55, makrogol 6000, polisorbat 80, simetikon, natriy gidroksidi, talk.
Ta'rifi oval, ikki tomonlama qavariq, to‘q sariq-pushti rangli ichakda eruvchan qobiq bilan qoplangan tabletkalar.

Farmakoterapevtik guruhi
gepatoprotektor vosita.
ATX kodi A16AA02

Farmakologik hususiyatlari

Farmakodinamika
si
Ademta gepatoprotektorlar guruhiga mansub bo‘lib, shuningdek antidepressiv faollikka ham ega. Xoleretik va xolekinetik ta'sir ko‘rsatadi, detoksikatsion, regeneratsiya qiluvchi, antioksidant, fibroz hosil bo‘lishiga qarshi va neyroprotektiv hususiyatlarga ega. S-adenozil-L-metionin (ademetionin) tanqisligini to‘ldiradi va uni organizmda ishlab chiqarilishini rag‘batlantiradi, organizmning barcha muhitlarida mavjud bo‘ladi. Ademetioninning eng yuqori kontsentratsiyasi jigarda va bosh miyada aniqlangan. Ademetionin organizmdagi metabolik jarayonlarda asosiy rol o‘ynaydi, muhim biokimyoviy reaktsiyalar transmetillanishi, transsulfollanishi, transaminlanishi da ishtirok etadi. Transmetillanishi reaktsiyalarida ademetionin hujayra membranalaridagi fosfolipidlar, neyrotransmitterlar, nuklein kislotalar, oqsillar, gormonlar va boshqalarni sintezi uchun metil guruhini beradi. Transsulfolanishi reaktsiyalarida ademetionin sistein, taurin, glyutationning (hujayra detoksikatsiyasining oksidlanish-qaytarilish mexanizmlarini ta'minlaydi), koenzim A ning (uch karbon kislotalari siklidagi biokimyoviy reaktsiyalarga kirishadi va hujayraning energetik potentsialini to‘ldiradi) o‘tmishdoshi hisoblanadi. Ademta jigarda glutaminning miqdorini, plazmada sistein va taurinning miqdorini oshiradi; qon zardobida metioninning miqdorini pasaytirib, jigarda metabolik reaktsiyalarni normallashtiradi. Dekarboksillanganidan keyin ribosomalarning tarkibiga kiruvchi putrestsin (hujayralar regeneratsiyasini va gepatotsitlar proliferatsiyasini stimulyatori), spermidin va spermin – poliminlarning o‘tmishdoshi sifatida aminopropillanish reaktsiyalarida ishtirok etadi, bu fibroz hosil bo‘lish havfini pasaytiradi. Xoleretik ta'sir ko‘rsatadi. Ademetionin gepatotsitlardagi endogen fosfotidilxolinni sintezini normallashtiradi, bu membranalarning oquvchanligi va polyarizatsiyasini oshiradi. Bu o‘t kislotalarining transport tizimida membranalar bilan assotsiatsiyalangan gepatotsitlarning faoliyatini yaxshilaydi va o‘t kislotalarini o‘t chiqarish yo‘llariga passajini ta'minlaydi. Xolestazning bo‘lak ichki variantida (safroni sintezi va oqimini buzilishi) samaralidir. Ademetionin gepatotsitda o‘t kislotalarining kon'yugatsiyasi va sulfat guruhi bilan birikishini amalga oshirib, ularning toksikligini pasaytiradi. Taurin bilan kon'yugatsiyasi o‘t kislotalarining eruvchanligi va ularni gepatotsitlardan ajralib chiqishini oshiradi. O‘t kislotalarini sulfatlanish jarayoni ularni buyraklar orqali eliminatsiya bo‘lishiga yordam beradi, gepatotsitning membranasi orqali o‘tishini va safro bilan chiqarilishini yengillashtiradi. Bundan tashqari, sulfatlangan o‘t kislotalarining o‘zi jigar hujayralarining membranalarini sulfatlanmagan o‘t kislotalarining (jigar ichki xolestazida gepatotsitlarda mavjud bo‘lgan yuqori kontsentratsiyalarda) toksik ta'siridan qo‘shimcha ravishda himoya qiladi. Jigar ichki xolestazi sindromi bilan kechuvchi jigarning diffuz kasalliklari (tsirroz, gepatit) bo‘lgan patsiyentlarda ademetionin terini qichishishi va biokimyoviy ko‘rsatkichlarni o‘zgarishlarini, shu jumladan bog‘langan bilirubinning darajasi, ishqoriy fosfataza, aminotransferazaning faolligi va boshqalarning o‘zgarishlari yaqqolligini pasaytiradi. Xoleretik va gepatoprotektor samarasi davolash tugaganidan so‘ng 3 oygacha vaqt davomida saqlanib turadi. Turli gepatotoksik preparatlar sabab bo‘lgan gepatopatiyalarda preparatning samaradorligi isbotlangan. Jigarni shikastlanishi bilan kechuvchi opioidli narkomaniyasi bo‘lgan patsiyentlarga preparatni buyurish abstinentsiya sindromining klinik ko‘rinishlarini regressiyasiga, jigarning funktsional holatini va mikrosomal oksidlanish jarayonlarini yaxshilanishiga olib keladi. Antidepressiv faolligi asta-sekin, davolashning birinchi haftasi yakunidan boshlab namoyon bo‘ladi va 2 hafta davolash davomida barqarorlashadi. Rekurrent endogen va amitriptilinga rezistent nevrotik depressiyalarda samaralidir. Depressiyani qaytalanishlarini oldini olish hususiyatiga ega. Osteoartritlarda buyurish og‘riq sindromining yaqqolligini kamaytiradi, proteoglikanlar sintezini oshiradi va tog‘ay to‘qimasini qisman regeneratsiyasiga olib keladi.

Farmakokinetikasi

So‘rilishi
Tabletkalar faqat ichakda eruvchi plyonka qobiq bilan qoplangan, shu sababli ademetionin o‘n ikki barmoq ichakda ajralib chiqadi.
Ichga qabul qilinganida biokiraolishligi 5% ni tashkil etadi, och qoringa qabul qilinganida oshadi. Ademetioninning plazmadagi maksimal kontsentratsiyasi (Smax) dozaga bog‘liq hisoblanadi va 400 mg dan 1000 mg gacha bo‘lgan dozalarda ichga bir marta qabul qilingandan so‘ng 3-5 soat o‘tgach 0,5-1 ml/l ni tashkil etadi. Ademetioninning plazmadagi Smax 24 soat davomida dastlabki darajasigacha pasayadi.
Taqsimlanishi
Plazma oqsillari bilan bog‘lanishi ahamiyatsiz darajada, ≤ 5% ni tashkil etadi. Gematoentsefalik to‘siq orqali o‘tadi. Orqa miya suyuqligida ademetioninning kontsentratsiyasini ahamiyatli darajada oshishi kuzatiladi.
Metabolizmi
Jigarda metabolizmga uchraydi. Ademetioninni hosil bo‘lishi, sarflanishi va qayta hosil bo‘lishi jarayonlari ademetionin sikli deb ataladi. Ushbu siklning birinchi bosqichida ademetioninga bog‘liq metilaza ademetioninni S-adenozilgomotsisteinni ishlab chiqarilishi uchun substrat sifatida sarflaydi, keyinchalik u S-adenozilgomo-tsisteingidralaza yordamida gomotsistein va adenozingacha gidrolizlanadi. Gomotsistein, o‘z navbatida 5-metiltetragidrofolatdan metil guruhini tashilishi orqali metioningacha qayta transformatsiyaga uchraydi. Natijada metionindan ademetionin hosil bo‘lishi mumkin, shu bilan sikl tugaydi.
Chiqarilishi
Yarim chiqarilish davri (T1/2) – 1,5 soatni tashkil etadi. Buyraklar orqali chiqariladi.


Qo‘llanilishi

Quyidagi kasalliklarda kuzatilishi mumkin bo‘lgan sirroz oldi va sirroz holatlarida jigar ichki xolestazini davolash uchun qo‘llanadi
• jigarni yog‘li distrofiyasi;
• surunkali gepatit;
• jigarni turli etiologiyali, shu jumladan alkogolli, virusli, dori vositalari (antibiotiklar, o‘smalarga qarshi vositalar, tuberkulyozga qarshi vositalar va viruslarga qarshi preparatlar, tritsiklik antidepressantlar, peroral kontratseptivlar) ning ta'siri oqibatida toksik shikastlanishi;
• surunkali toshsiz xoletsistit;
• xolangit;
• jigar sirrozi;
• ikkilamchi genezli entsefalopatiya, shu jumladan jigar yetishmovchiligi (alkogolli va boshqalar) bilan assotsiatsiyalangan entsefalopatiya;
• homiladorlardagi jigar ichki xolestazi;
• depressiya;
• osteoartritlarni majmuaviy davolash uchun qo‘llanadi.


Qo‘llash usuli va dozalari

Ichakda eruvchan qobiq bilan qoplangan tablekalar, ichga, butun holda, chaynamasdan, qabul qilinadi, kunning birinchi yarmida, ovqat qabul qilishlar orasida qabul qilgan afzal. Tabletkani bevosita ichga qabul qilishdan oldin blisterdan chiqarib olish kerak. Agar tabletkaning rangi qo‘llash bo‘yicha yo‘riqnomasida ta'riflangan rangidan farqlansa, preparatni qo‘llash tavsiya etilmaydi.
Tavsiya etilgan sutkalik dozasi 2-4 tabletka (sutkada 800 mg dan 1600 mg gacha) ni tashkil etadi.
Davolash davomiyligi shifokor tomonidan belgilanadi.
Keksa yoshdagi (65 yoshdan oshgan) patsiyentlar
Preparatni klinik qo‘llash tajribasida keksa yoshdagi patsiyentlar va katta yoshdagi patsiyentlarda preparatning samaradorligi yuzasidan biror-bir farq aniqlanmagan. Biroq, jigar, buyrak yoki yurak faoliyatini buzilishlari, boshqa yondosh patologiya mavjud bo‘lishi yoki boshqa dori vositalari bilan bir vaqtda davolanish ehtimoli yuqoriligini inobatga olib, keksa yoshdagi patsiyentlarga buyurilganda preparatning dozasini ehtiyotkorlik bilan tanlash, preparatni dozalar diapazonining pastki chegarasidan (sutkada 1-2 tabletka) boshlash kerak.
Buyrak yetishmovchiligi bo‘lgan patsiyentlar
Buyrak yetishmovchiligi bo‘lgan patsiyentlarda tadqiqotlar o‘tkazilmagan, shu sababli preparat buyday patsiyentlarga qo‘llanganida ehtiyotkorlikka rioya qilish tavsiya etiladi.
Jigar yetishmovchiligi bo‘lgan patsiyentlar
Ademetioninning farmakokinetik ko‘rsatkichlari sog‘lom ko‘ngillilarda va surunkali jigar yetishmovchiligi bo‘lgan patsiyentlarda o‘xshashdir.

Nojo‘ya ta'sirlari
Eng ko‘p uchragan nojo‘ya reaktsiyalar ichida quyidagilar ko‘ngil aynishi, qorinda og‘riq va diareya kuzatilgan. Quyida klinik tadqiqotlar vaqtida va ademetionin postmarketing qo‘llanganida aniqlangan nojo‘ya reaktsiyalar yuzasidan umumiy ma'lumotlar keltirilgan.
Immun tizimi tomonidan o‘ta yuqori sezuvchanlik reaktsiyalari, anafilaktoid yoki anafilaktik reaktsiyalar (shu jumladan teri qoplamlarini giperemiyasi, hansirash, bronxospazm, belda og‘riq, ko‘krak qafasi sohasida diskomfort hissi, arterial bosimni pasayishi, arterial bosimni oshishi, taxikardiya, bradikardiya).
Nafas a'zolari tomonidan xiqildoqni shishi.
Teri qoplamlari tomonidan Kvinke shishi, kuchli terlash, teri reaktsiyalari, shu jumladan terini qichishishi, teri toshmasi.
Infektsiyalar va invaziyalar siydik chiqarish yo‘llarining infektsiyalari.
Nerv tizimi tomonidan bosh aylanishi, bosh og‘rig‘i, paresteziyalar, bezovtalik, ongni chalkashishi, uyqusizlik.
Yurak-qon tomir tizimi tomonidan qizib ketishlar, yuzaki venalar flebiti, yurak-qon tomir buzilishlari.
Ovqat hazm qilish tizimi tomonidan qorinni dam bo‘lishi, qorinda og‘riq, diareya, og‘izni qurishi, dispepsiya, ezofagit, meteorizm, me'da-ichak tizimi faoliyatini buzilishi, me'da-ichakdan qon ketishi, ko‘ngil aynishi, jigar sanchig‘i, jigar sirrozi.
Suyak-mushak tizimi tomonidan artralgiya, mushak spazmlari.
Boshqalar asteniya, et uvishishi, grippsimon sindrom, lohaslik, periferik shishlar, isitma bo‘lishi mumkin.


Qo‘llash mumkin bo‘lmagan holatlar

• ademetioninga va/yoki preparatning boshqa komponentlariga yuqori sezuvchanlik;
• metionin sikliga ta'sir qiluvchi va/yoki gomotsistinuriya va/yoki gipergomotsisteinemiyani chaqiruvchi genetik buzilishlar (tsistationin beta-sintetaza tanqisligi, B12 vitaminining metabolizmini buzilishi) da qo‘llash mumkin emas.

Dorilarning o‘zaro ta'siri
Boshqa dori vositalari bilan ma'lum o‘zaro ta'siri kuzatilmagan.
Ademetioninni serotoninni qayta qamrab olinishini selektiv ingibitorlari, tritsiklik antidepressantlar (klomipramin kabi), shuningdek fitopreparatlar va tarkibida triptofan saqlovchi preparatlar bilan birga ehtiyotkorlik bilan buyurish kerak.


Maxsus ko‘rsatmalar

Ademetioninning umumiy tonusni oshiruvchi samarasini inobatga olib, preparatni uxlashdan oldin qabul qilish tavsiya etilmaydi.
Jigar sirrozi bo‘lgan patsiyentlarda giperazotemiya fonida qoldiq azotni tizimli ravishda nazorat qilish kerak. Uzoq muddat davolanish vaqtida qon zardobida mochevina va kreatininning miqdorini aniqlash kerak.
Bipolyar buzilishlari bo‘lgan patsiyentlarga ademetioninni buyurish tavsiya etilmaydi. ademetionin qabul qilgan patsiyentlarda depressiyani gipomaniya yoki maniyaga o‘tganligi yuzasidan xabarlar bor.
Shuningdek ademetionin qabul qilgan patsiyentlarda bezovtalikni to‘satdan paydo bo‘lganligi kuchayganligi yuzasidan ham xabarlar bor. Ko‘pchilik hollarda davolashni bekor qilish talab etilmaydi, ayrim hollarda preparatning dozasi pasaytirilgandan so‘ng yoki bekor qilingandan so‘ng bezovtalik o‘tib ketgan.
Depressiya bo‘lgan patsiyentlarda o‘z joniga suiqasdlik va boshqa jiddiy noxush ko‘rinishlarni oshish havfi bor, shuning uchun preparat bilan davolanish vaqtida bunday patsiyentlar psixiatrning doimiy nazoratida bo‘lishlari kerak.
V12 vitamini va folat kislotasining tanqisligi havf guruhidagi (anemiya, jigar kasalliklari bo‘lgan, homiladorlikda yoki boshqa kasalliklar yoki parhez bilan bog‘liq vitaminlar yetishmovchiligini ehtimoli bo‘lgan, masalan vegetarianlar) patsiyentlarda ademetioninning darajasi pasayishi mumkinligi tufayli, vitaminlarning darajasini nazorat qilish kerak. Agar vitaminlar yetishmovchiligi aniqlangan bo‘lsa, preparatni V12 vitamini va folat kislotasi bilan bir vaqtda qabul qilish tavsiya etilgan.
Ademetionin gomotsisteinning immunologik tahlil natijasiga ta'sir ko‘rsatadi, buning sababi plazmada gomotsisteinning darajasini soxta yuqori bo‘lishi mumkin. Ademetionin qabul qilayotgan patsiyentlarda gomotsisteinning darajasini aniqlash uchun noimmunologik tahlil usullaridan foydalanish tavsiya etilgan.
Keksa yoshdagi patsiyentlarga va buyrak yetishmovchiligi bo‘lgan patsiyentlarga preparat ehtiyotkorlik bilan buyuriladi.
Homiladorlik va laktatsiya davrida qo‘llanishi
Homiladorlikning III uch oyligida ademetioninni yuqori dozalarda qo‘llash biron-bir nojo‘ya reaktsiyalarni chaqirmaydi. Homiladorlikning I uch oyligida va emizish davrida preparatni ona uchun davolashdan kutiladigan foyda go‘dak uchun potentsial havfdan ustun bo‘lgan hollardagina preparatni qo‘llash mumkin.
Pediatriyada qo‘llanishi
18 yoshgacha bo‘lgan bolalarda preparatni qo‘llash samaradorligi va havfsizligi aniqlanmagan.
Avtotransportni haydash va mexanizmlarni boshqarish qobiliyatiga ta'siri
Davolanish vaqtida bosh aylanishi paydo bo‘lishi mumkinligi tufayli, avtomobil va boshqa mexanizmlarni, ko‘rsatilgan faoliyat turlarini bajarishda reaktsiya tezligiga ta'sir qilishi mumkin bo‘lgan simptomlar butunlay yo‘qolmagunicha boshqarish tavsiya etilmaydi.
Preparat bolalar ololmaydigan joyda saqlansin va yaroqlilik muddati tugaganidan so‘ng ishlatilmasin.


Dozani oshirib yuborilishi

Preparatning dozasini oshirib yuborilish ehtimoli kam. Dozasi oshirib yuborilganida patsiyentni kuzatish va simptomatik davolash o‘tkazish tavsiya etiladi.


Chiqarilish shakli

Ichakda eruvchan qobiq bilan qoplangan tabletkalar. 10 tabletkadan blisterda. 2 blister qo‘llash bo‘yicha yo‘riqnomasi bilan birga karton qutiga joylanadi.


Saqlash sharoiti

25°S dan yuqori bo‘lmagan haroratda saqlansin.


Yaroqlilik muddati

3 yil.


Dorixonalardan berish tartibi

Retsept bo‘yicha.


Ishlab chiqaruvchi

Savdo belgisi va qayd etish sertifikatining egasi
«Dr Sertus Ilach Sanayi ve Tidjaret Limited Shirketi», Turkiya
(“Dr Sertus Ilaç Sanayi ve Ticaret Limited Şirketi”, Turkey).


Ishlab chiqarilgan

«Uorld Meditsin Ilach San. ve Tidj. A.Sh.», Turkiya
(Bagdjыlar Ilchesi, Gyuneshli, Evren Maxallesi,
Djami Yolu Djad. №50 K. 1V Zemin 4-5-6, Istambul)
“World Medicine İlaç San. ve Tic. A.Ş.”, Turkey
(Bağcılar İlçesi, Güneşli, Evren Mahallesi,
Cami Yolu Cad. No50 K. 1B Zemin 4-5-6, İstanbul).