Preparatning savdo nomi
Fosfogliv®
Ta'sir qiluvchi moddalar (XPN) fosfatidilxolin + gitsirrizin kislotasi.

Dori shakli
kapsulalar

Tarkibi

Bir kapsula saqlaydi
Faol moddalar Fosfolipidlar (Lipoid S80) (fosfatidilxolinning asosiy komponenti 73-79%) – 65 mg, natriy glitsirrizinati (gitsirrizin kislotasining uchnatriyli tuzi) – 35 mg.
Yordamchi moddalar mikrokristallik sellyuloza – 141,2 mg, kaltsiy karbonati – 204,7 mg, kaltsiy stearati – 0,9 mg, talk – 7,7 mg, kolloid kremniy dioksidi (aerosil) – 5,5 mg.
Kapsula qobig‘ining tarkibi
Qattiq jelatin kapsulalar №0.
Korpusi titan diokidi (E 171), temir (III) oksidi (E 172), metilparagidroksibenzoat (metilgidroksibenzoat), propilparagidroksibenzoat (propilgidroksibenzoat), sirka kislotasi, jelatin.
Qopqoqchasi titan diokidi (E 171), temir (II, III) oksidi (E 172), metilparagidroksibenzoat (metilgidroksibenzoat), propilparagidroksibenzoat (propilgidroksibenzoat), sirka kislotasi, jelatin.
Yoki qattiq jelatin kapsulalar №0.
Korpusi titan diokidi (E 171), temir (III) oksidi (E 172), jelatin.

Farmakoterapevtik guruhi
gepatoprotektor vosita.
ATX kodi A05BA






Farmakologik xususiyatlari

Majmuaviy vosita. Membranalarni barqarorlashtiruvchi, gepatoprotektor va viruslarga qarshi ta'sir ko‘rsatadi.
Fosfatidilxolin (fosfolipidlarning ta'sir qiluvchi moddasi) xujayra va xujayra ichki membranalarning asosiy struktur elementi bo‘lib, sitoprotektor ta'sir ko‘rsatadi va ular shikastlanganida, ularning tuzilishi va faoliyatini tiklash qobilyatiga ega. Oqsil va lipid almashinuvini normallashtiradi, gepatotsitlarni fermentlar va boshqa faol moddalarni yo‘qotishini oldini oladi, jigarning detokskatsiyalovchi faoliyatini tiklaydi, jigar fibrozi va sirrozini ro‘y berish xavfini pasaytirib, biriktiruvchi to‘qimani shakllanishini ingibirlaydi.
Glitsirat (glitsirrizin kislotasi va tuzlari) yallig‘lanishga qarshi ta'sirga ega, interferonlarni hosil bo‘lishini rag‘batlantirishi, fagotsitozni oshirishi, tabiiy killer-xujayralarning faolligini oshirishi hisobiga, jigarda viruslarning reproduktsiyasini bostiradi. Antioksidant va membranalarni barqarorlashtiruvchi faolligi tufayli gepatoprotektor ta'sir ko‘rsatadi. Jigarning noinfektsion shikastlanishlarida endogen glyukokortikoidlarning ta'sirini potentsiyalab, yallig‘lanishga qarshi va allergiyaga qarshi ta'sir ko‘rsatadi.
Teri shikastlanishlarida komponentlarining membranalarni barqarorlashtiruvchi va yallig‘lanishga qarshi ta'siri hisobiga jarayonni tarqalishini cheklaydi va kasallikning regressiga yordam beradi.


Farmakokinetikasi

Preparatning komponentlari butun molekula ko‘rinishida ham, va gidrolizining biofaol mahsulotlari (to‘yinmagan yog‘ kislotalari, xolin, glitsirret kislotasi) ko‘rinishida ham yaxshi so‘riladi, ular ichak devori orqali so‘rilganidan keyin jigar, o‘pka, teri va boshqa a'zolarga oson kiradi.


Qo‘llanilishi

Virusli gepatit (o‘tkir va surunkali), jigarning yog‘li degeneratsiyasi (gepatoz), jigarning boshqa shikastlanishlari (dorili, alkogolli, toksik), jigar sirrozi, intoksikatsiyalar, psoriaz, neyrodermit, ekzema.


Qo‘llash usuli va dozalari

Ichga, ovqatlanish vaqtida, katta bo‘lmagan miqdordagi suyuqlik bilan qabul qilinadi. Kattalar va 12 yoshdan oshgan bolalarga 1-2 kapsuladan sutkada 3-4 marta.

Nojo‘ya ta'sirlari
Shaxsiy yuqori sezuvchanlikda teri toshmasi paydo bo‘lishi mumkin, u preparat bekor qilinganidan keyin o‘tib ketadi.


Qo‘llash mumkin bo‘lmagan holatlar

Preparatning komponentlariga o‘ta yuqori sezuvchanlik, homiladorlik, laktatsiya davri.
Ehtiyotkorlik bilan. Portal gipertenziyasi bo‘lgan bemorlarda.

Dorilarning o‘zaro ta'siri
Ta'riflanmagan.


Maxsus ko‘rsatmalar

Preparat bolalar olaolmaydigan joyda saqlansin va yaroqlilik muddati o‘tgach qo‘llanilmasin.


Dozani oshirib yuborilishi

Aniqlanmagan.


Chiqarilish shakli

10 kapsuladan polivinilxlorid plyonka va alyumin folga kontur uyali o‘ramda.
5 kontur uyali o‘ramlar qo‘llash bo‘yicha yo‘riqnomasi bilan birga karton qutiga joylanadi.


Saqlash sharoiti

25ºS dan yuqori bo‘lmagan haroratda saqlansin.


Yaroqlilik muddati

3 yil.


Dorixonalardan berish tartibi

Retsept bo‘yicha.


Ishlab chiqaruvchi
/e'tirozlarni qabul qiluvchi tashkilotning nomi va manzili
«Farmstandart-Leksredstva» OAJ, 305022, Rossiya, Kursk sh., 2-nchi Agregatnaya ko‘ch.,
1a/18 uy, tel./faks (4712) 34-03-13, www.pharmstd.ru