Preparatning savdo nomi
Alloxol

Chiqarilish shakli
qobiq bilan qoplangan tabletkalar

Tarkibi

Bir tabletka quyidagilarni saqlaydi
faol moddalar qoramolning quruq safrosi – 80 mg, quritilgan sarimsoqpiyoz – 40 mg; faollashtirilgan ko‘mir – 25 mg; gazanda barglari – 5 mg;
yordamchi moddalar (yadro) magniy oksidi – 11 mg, kartoshka kraxmali – 43 mg, talьk –3 mg, kolloid kremniy dioksidi (aerosil) – 1 mg, kalьtsiy stearati – 2 mg.
yordamchi moddalar (qobig‘i) saxaroza (qand) – 164 mg, magniy gidrokarbonati (magniy karbonat asosi) – 35 mg, kolloid kremniy dioksidi (aerosil) – 2 mg, titan dioksidi – 3 mg, povidon (polivinilpirolidon) – 2 mg, talьk – 3 mg, tropeolin O bo‘yovchisi – 0,04 mg, asalari mumi – 0,2 mg.
Ta'rifi dumaloq, ikki tomoni qavariq, och-sariq rangli qobiq bilan qoplangan tabletkalar. Ko‘ndalang kesimida uch qavat yadrosi – kulrang-qora rangli dog‘li, o‘rta qavati – oq rangli, va tashqi – och sariq rangli ko‘rinadi.

Farmakoterapevtik guruhi
safro haydovchi vosita.
ATX kodi A05AX.


Farmakologik xususiyatlari


Farmakodinamika
si
Safro haydovchi (xolekinetik va xoleretik) vosita bo‘lib, ichakda chirish va achish jarayonlarini pasaytiradi. Jigar hujayralarining sekretor funktsiyasini kuchaytiradi, me'da-ichak yo‘llarining (MIY) a'zolarining sekretor va harakat faolligini reflektor oshiradi. Safro va o‘t kislotalarini hosil bo‘lishini kuchaytiradi.
Safroning ta'siri jigar parenximasini sekretor funktsiyasiga reflektor ta'siri bilan ifodalanadi. Safro shuningdek MIY sekretor va harakat funktsiyasini kuchaytiradi.
Sarimsoqpiyozning tarkibidagi moddalar MIY sekretor va motor funktsiyasini kuchaytiradi, safroning sekretsiyasini rag‘batlantiradi.
Gazandaning barglari safro haydovchi va yallig‘lanishga qarshi xususiyatlarga ega.
Faollashtirilgan ko‘mir MIY da toksik moddalarni bog‘lab oluvchi adsorbent hisoblanadi.

Farmakokinetikasi

Alloxol MIY da yaxshi so‘riladi. Alloxolning tarkibidagi holat va xenodezoksixolat kislotalari jigarda metabolizmga uchraydi aminokislotalar bilan kon'yugatsiyaga uchraydi, safroga sekretsiyalanadi, u yerdan yana ichakka chiqariladi, so‘ngra qisman qayta so‘riladi; qolgan qismi ichak orqali chiqariladi.


Qo‘llanilishi

Surunkali reaktiv gepatit, xolangit, toshsiz (kalьkulyoz bo‘lmagan) xoletsistitda, o‘t chiqarish yo‘llarining gipokinetik tur bo‘yicha diskeneziyasi, atonik qabziyat, postxoletsistektomik sindromida majmuaviy davolash tarkibida qo‘llanadi.


Qo‘llash usuli va dozalari

Ichga, ovqatdan keyin, 1-2 tabletkadan sutkada 3-4 marta 3-4 hafta davomida buyuriladi.
12 yoshdan oshgan bolalarga – 1 tabletkadan kuniga 3 marta (ovqatdan keyin) 3-4 hafta davomida buyuriladi.
Takroriy davolash kurslari 3 oylik interval bilan o‘tkaziladi.

Nojo‘ya ta'sirlari
Diareya, allergik reaktsiyalar, qon zardobida “jigar” transaminazalarining faolligini oshishi.

Qo‘llash mumkin bo‘lmagan xolatlar.
O‘ta yuqori sezuvchanlik, kalьkulyoz xoletsistit, obturatsion sariqlik, o‘tkir gepatit, jigarning o‘tkir va nimo‘tkir distrofiyasi, me'da va 12 barmoqli ichak yara kasalligi (zo‘rayish bosqichida), o‘tkir pankreatit, 12 yoshgacha bo‘lgan bolalar, saxaroza/izomalьtoza tanqisligi, fruktozani o‘zlashtiraolmaslik, glyukoza-galaktozani malьabsorbtsiya sindromida (chunki tarkibida saxaroza bor) qo‘llash mumkin emas.
Ehtiyotkorlik bilan
Qandli diabet (preparatning tarkibida saxaroza bor).

Dorilarning o‘zaro ta'siri
Alyumin gidroksid saqlovchi preparatlar, kolestiramin, kolestipol preparatning so‘rilishi va samarasini kamaytiradi. Bir vaqtda qabul qilish maqsadga muvofiq emas.


Maxsus ko‘rsatmalar

Homiladorlik va laktatsiya davrida qo‘llanishi
Homiladorlik va laktatsiya davrida preparatni ona uchun foyda, homila yoki bola uchun xavfdan yuqori bo‘lganida, shifokorning ko‘rsatmasi bo‘yicha qo‘llash mumkin.
Alohida diqqat va reaktsiyalar tezligini talab qiluvchi potentsial xavfli faoliyat turlarini bajarishga preparatning ta'siri
Preparat avtomobilni boshqarish qobiliyatiga va alohida diqqatni va reaktsiyalar tezligini talab qiluvchi boshqa potentsial xavfli faoliyat turlarini bajarishga ta'sir qilmaydi.
Preparat bolalar ololmaydigan joyda saqlansin va yaroqlilik muddati o‘tgach qo‘llanilmasin.


Dozani oshirib yuborilishi

Diareya, ko‘ngil aynishi, jig‘ildon qaynashi, terini qichishishi kuzatilishi mumkin. Davolash simptomatik.


Chiqarilish shakli

Qobiq bilan qoplangan tabletkalar.
50 tabletkadan polimer bankalarda.
10, 20, 24, 50 tabletkadan polivinilxlorid plyonka va bosma laklangan alyumin folьgali kontur uyali o‘ramda.
10 tabletkadan 2, 3, 4 yoki 5 kontur uyali o‘ram yoki 1 polimer banka tibbiyotda qo‘llash bo‘yicha yo‘riqnomasi bilan birga karton qutiga joylanadi.
10, 20, 24 va 50 tabletkadan kontur uyali o‘ramlar teng miqdordagi qo‘llash bo‘yicha yo‘riqnomasi bilan birga yoki karton qutilar guruh o‘ramiga joylanadi.


Saqlash sharoiti

Quruq joyda, 25°S dan yuqori bo‘lmagan haroratda saqlansin.


Yaroqlilik muddati

4 yil.


Dorixonalardan berish tartibi

Retseptsiz.


Ishlab chiqaruvchi

«Biosintez» OAJ, Rossiya, 440033, Penza sh. Drujba ko‘ch., 4, tel/faks (8412) 57-72-49.