Preparatning savdo nomi
Listora
Ta'sir etuvchi modda (XPN) Orlistat

Dori shakli
Kapsulalar

Tarkibi

Har bir kapsula quyidagilarni saqlaydi
faol modda 60 mg yoki 120 mg orlistat;
yordamchi moddalar laktoza monogidrati, povidon K30, natriy kraxmal glikolyati, natriy laurilsulfati;
kapsula indigotin, titan dioksidi, jelatin.
Ta'rifi
Listora 60 mg oq yoki deyarli oq rangli pelletlarni saqlovchi, qopqoqchasi va korpusi och ko‘k rangli, tiniq bo‘lmagan, №2 o‘lchamli, qattiq jelatin kapsulalar.
Listora 120 mg oq yoki deyarli oq rangli pelletlarni saqlovchi, qopqoqchasi va korpusi och ko‘k rangli, tiniq bo‘lmagan, №0 o‘lchamli, qattiq jelatin kapsulalar.

Farmakoterapevtik guruhi
Semirishni davolash uchun periferik ta'sir qiluvchi preparatlar.
ATX kodi A08AB01

Farmakologik hususiyatlari

Farmakodinamika

Orlistat – uzoq vaqt ta'sir qiluvchi, ovqat hazm qiluvchi lipazalarning kuchli spetsifik ingibitoridir. Uning terapevtik ta'siri me'da va ingichka ichakning bo‘shlig‘ida, me'da va me'da osti bezi lipazalarining faol serin sohasi bilan kovalent bog‘ hosil qilish yo‘li bilan amalga oshadi. Bunda faolsizlangan ferment ovqat bilan triglitseridlar shaklida organizmga tushadigan, erkin yog‘ kislotalari va monoglitseridlarga absorbtsiyalanadigan yog‘larni gidrolizlash hususiyatini yo‘qotadi.

Farmakokinetikasi

So‘rilishi
Tana vazni normal bo‘lgan va semirish bilan xastalangan ko‘ngillilar ishtirokida o‘tkazilgan tadqiqotda, orlistatni so‘rilishi minimal darajada ekanligini ko‘rsatilgan. 360 mg orlistat peroral qabul qilinganidan so‘ng 8 soat o‘tgach o‘zgarmagan orlistatning plazmadagi kontsentratsiyalari (< 5 ng/ml) aniqlanmagan. Umuman olganda orlistat terapevtik dozalarda qabul qilinganidan so‘ng qon plazmasida o‘zgarmagan orlistatni faqat ayrim holatlarda aniqlashni imkoni bo‘lgan, uning kontsentratsiyasi juda kam (< 10 ng/ml yoki 0,02 mkmol) bo‘lgan; bunda kumulyatsiyaning belgilari bo‘lmagan, bu preparatni minimal darajada so‘rilishidan dalolat beradi.
Taqsimlanishi
Orlistatni taqsimlanish hajmini aniqlash mumkin emas, chunki u minimal darajada so‘riladi va ma'lum tizimli farmakokinetikaga ega emas. In vitro sharoitida orlistat qondagi plazma oqsillari bilan 99% dan ortiq darajada bog‘lanadi (lipoproteinlar va albumin asosiy bog‘lovchi oqsillar bo‘lgan). Orlistat minimal miqdorda eritrotsitlarga o‘tadi.
Metabolizmi
Hayvonlarda o‘tkazilgan tadqiqotlardan olingan ma'lumotlariga muvofiq, orlistatning metabolizmi, ehtimol, asosan me'da-ichak yo‘llari (MIY) da amalga oshadi. Semirish bilan xastalangan patsiyentlar ishtirokida o‘tkazilgan tadqiqotlarga muvofiq, tizimli so‘rilgan dozaning minimal qiymatidan, ikkita asosiy metaboliti – M1 (4-a'zoli gidrolizlangan lakton xalqasi) va M3 (N-formilleytsinning ajralgan qoldig‘i bo‘lgan M1) umumiy plazmadagi kontsentratsiyasining taxminan 42% ni tashkil etadi.
M1 va M3 lar ochiq beta-lakton xalqasiga ega va lipazani juda sust (orlistatga nisbatan muvofiq ravishda 1000 va 2500 marta kuchsiz) ingibitsiya qiladilar. Terapevtik dozalari qabul qilinganidan so‘ng ingibitsiya qiluvchi faolligi pastligi va plazmadagi kontsentratsiyalari pastligini (muvofiq ravishda o‘rtacha 26 ng/ml va 108 ng/ml) inobatga olib, ushbu metabolitlar farmakologik jihatdan nofaol sifatida qaraladilar.
Chiqarilishi
Tana vazni normal bo‘lgan va semirish bilan xastalangan ko‘ngillilar ishtirokida o‘tkazilgan tadqiqotlar, asosan so‘rilmagan preparat axlat bilan qabul qilingan dozaning taxminan 97%, shundan 83% - o‘zgarmagan orlistat ko‘rinishida chiqarilishini ko‘rsatgan.
Orlistat bilan bog‘langan barcha substantsiyalarni kumulyativ buyrak ekskretsiyasi qabul qilingan dozaning < 2% tashkil etgan. Preparatni butunlay chiqarilgunicha (axlat va siydik bilan) kerak bo‘ladigan vaqt 3-5 kunni tashkil etgan. Tana vazni normal bo‘lgan va semirish bilan xastalangan ko‘ngillilarda orlistatni chiqarilish yo‘li nisbati o‘xshash bo‘lib chiqqan. Orlistat va uning M1 va M3 metabolitlari safro bilan ekskretsiya bo‘lishi mumkin.


Qo‘llanilishi

Listora 60 mg tana vazni ortiqcha (tana vazni indeksi (TVI) ≥ 28 kg/m2) bo‘lgan patsiyentlarni davolash uchun o‘rtacha gipokaloriyali parhez bilan birga qo‘llash ko‘rsatilgan. 12 hafta davomida davolashdan keyin tana vaznini kamayishi kuzatilmasa, shifokor bilan maslahatlashish kerak.
Listora 120 mg semirish bilan xastalangan TVI ≥ 30 kg/m2 bo‘lgan patsiyentlarni, yoki assotsiatsiyalangan havf omillariga ega, tana vazni ortiqcha (TVI ≥ 28 kg/m2) bo‘lgan patsiyentlarni davolash uchun o‘rtacha gipokaloriyali parhez bilan birga qo‘llash ko‘rsatilgan. 12 hafta davomida davolashdan keyin tana vaznini dastlabki tana vazniga nisbatan kamida 5% ga kamayishi kuzatilmasa, preparat bilan davolashni to‘xtatish kerak.


Qo‘llash usuli va dozalari

Preparat har safar asosiy ovqat iste'mol qilinishidan bevosita oldin, ovqatlanish vaqtida yoki qabul qilinganlan so‘ng uzog‘i bir soatdan keyin suv bilan qabul qilinadi. Agar ovqatlanish o‘tkazib yuborilgan bo‘lsa yoki ovqat yog‘siz bo‘lsa, u holda orlistatni qabul qilishni o‘tkazib yuborish kerak.
Kattalar
Listora 60 mg tana vazni ortiqcha bo‘lganida preparatning tavsiya etiladigan dozasi – 1 kapsuladan sutkada 3 marta. 24 soat davomida 3 tadan ortiq kapsulani qabul qilish mumkin emas. Parhez va jismoniy mashqlar tana vaznini kamaytirish bo‘yicha dasturning muhim qismi hisoblanadi. Parhez va jismoniy mashqlar dasturini preparatni qabul qilishdan oldin boshlash va davolash tugaganidan so‘ng davom ettirish tavsiya etiladi. Davolashning davomiyligi 6 oydan oshmasligi kerak.
Listora 120 mg semirishda yoki ortiqcha tana vaznida preparatni tavsiya etiladigan dozasi – 1 kapsuladan sutkada 3 marta. Orlistatning 120 mg dan yuqori dozasini sutkada 3 marta qo‘llash uning terapevtik samarasini kuchaytirmaydi.
Patsiyentlar yog‘larning miqdori 30% dan yuqori bo‘lmagan muvozanatlangan, o‘rtacha gipokaloriyali parhezga (masalan, ovqat ratsionida sutkada 2000 kkal ga teng, bu < 67 g yog‘ga to‘g‘ri keladi) rioya qilishlari kerak. Mevalar va sabzavotlarga boy parhezga rioya qilish tavsiya etiladi. Yog‘lar, uglevodlar va oqsillarning sutkalik iste'molini uchta marta asosiy ovqatlanishga taqsimlash kerak.
Orlistatni ta'siri preparatning dozasi qabul qilinganidan so‘ng 24-48 soat o‘tgan zahoti axlat massalarida yog‘larning kontsentratsiyasini oshishiga olib keladi. Davolash bekor qilinganidan so‘ng axlat massalaridagi yog‘larning miqdori 48-72 soat davomida odatda davolash boshlangunigacha bo‘lgan darajaga qaytadi.
65 yoshdan oshgan patsiyentlarda qo‘llanishi
Keksa yoshdagi patsiyentlarda orlistatni qo‘llash bo‘yicha cheklangan ma'lumotlar mavjud. Biroq, orlistatni so‘rilishi minimal bo‘lsada, dozaga tuzatish kiritish talab etilmaydi.
Jigar va buyrak funktsiyasini buzilishi bo‘lgan patsiyentlarda qo‘llanishi
Jigar va/yoki buyrak funktsiyasini buzilishi bo‘lgan patsiyentlarga orlistatning ta'siri o‘rganilmagan. Orlistatni so‘rilishi minimal bo‘lganligi tufayli, dozaga tuzatish kiritish talab etilmaydi.
Bolalarda qo‘llanishi
18 yoshgacha bo‘lgan bolalar va o‘smirlarda orlistatni qo‘llash havfsizligi va samaradorligi aniqlanmagan.

Nojo‘ya ta'sirlari
Rivojlanishiga ko‘ra, orlistatga nisbatan noxush reaktsiyalar asosan MIY tomonidan yuzaga keladi. Orlistat uzoq muddat qo‘llanganida noxush reaktsiyalarni uchrash tezligi pasaygan.
Noxush reaktsiyalarni uchrash tezligini ko‘rsatkichlari quyidagi tarzda aniqlanadi juda tez-tez (≥ 1/10); tez-tez (≥ 1/100, ammo < 1/10); tez-tez emas (≥ 1/1000, ammo < 1/100); kam hollarda (≥ 1/10000, ammo < 1/1000); juda kam hollarda (< 1/10000); uchrash tezligi noma'lum (mavjud ma'lumotlar asosida uchrash tezligini baholash mumkin emas). Har bir noxush reaktsiyalar mezonini ichida ularning jiddiyligini pasayishi tartibida keltirilgan.
Quyidagi noxush reaktsiyalar davomiyligi 1 va 2 yil bo‘lgan klinik tadqiqotlarda davolashning birinchi yilida platsebo guruhiga nisbatan > 2% uchrash tezligi bilan va 
≥ 1% ga ko‘proq tarqalganligi bilan rivojlangan
Nerv tizimi tomonidan juda tez-tez – bosh og‘rig‘i.
Nafas tizimi, ko‘krak qafasi va ko‘ks oralig‘i a'zolari tomonidan juda tez-tez – yuqori nafas yo‘llarining infektsiyalari; tez-tez – quyi nafas yo‘llarining infektsiyalari.
MIY tomonidan juda tez-tez – qorinda og‘riq/diskomfort, to‘g‘ri ichakdan yog‘li axlatni kelishi, biroz miqdordagi ajralma bilan gazlarni chiqarilishi, defekatsiyaga imperativ qistovlar, steatoreya, meteorizm, suyuq axlat, yog‘simon axlat kelishi, defekatsiya aktini tezlashishi; tez-tez – to‘g‘ri ichakda og‘riq/diskomfort, yumshoq axlat kelishi, axlatni ushlab turolmaslik, qorinni dam bo‘lishi, tishlarni shikastlanishi, milklarni shikastlanishi.
Buyrak va siydik chiqarish yo‘llari tomonidan tez-tez – siydik chiqarish yo‘llarining infektsiyalari.
Moddalar almashinuvi va oziqlanish tomonidan juda tez-tez – gipoglikemiya.
Infektsiyalar va invaziyalar juda tez-tez – gripp.
Umumiy buzilishlar tez-tez – toliqish.
Reproduktiv tizimi va sut bezlari tomonidan tez-tez – nomuntazam hayz ko‘rish sikli.
Ruhiyatni buzilishi tez-tez – xavotirlik.
qandlik diabetning II tipi bilan xastalangan patsiyentlarda platsebo guruhiga nisbatan > 2% uchrash tezligi va ≥ 1% ko‘proq tarqalganligi bilan rivojlangan faqat spetsifik noxush reaktsiyalar.
4 yil davom etgan klinik tadqiqotlarda noxush reaktsiyalarni umumiy taqsimlanish strukturasi 1 va 2 yil davomiylikdagi klinik tadqiqotlarda xabar berilgan taqsimlanish strukturasiga o‘xshash bo‘lgan; bunda MIY tomonidan birinchi yilda rivojlangan noxush reaktsiyalarni umumiy tarqalganligi 4 yillik davr mobaynida har yili kamaygan.
Quyidagi noxush reaktsiyalar xaqida ma'lumotlar postmarketing davrda spontan kelib tushgan xabarlarga asoslangan, shuning uchun noxush reaktsiyalarni uchrash tezligi noma'lum bo‘lib qoladi
Laborator ko‘rsatkichlar jigar transaminazalari va ishqoriy fosfatazaning faolligini oshishi. Orlistatni antikoagulyantlar bilan bir vaqtda qabul qilgan patsiyentlarda protrombinning darajasini pasayishi, xalqaro normallashtirilgan nisbat (XNN) ni oshishi va antikoagulyant davolashning samaradorligini pasayishi holatlari xaqida xabar berilgan, bu holat gemostatik ko‘rsatkichlarni o‘zgarishlariga olib kelgan.
MIY tomonidan rektal qon ketishi, divertikulit, pankreatit.
Teri va teri osti to‘qimalari tomonidan bullyoz toshmalar.
Immun tizimi tomonidan o‘ta yuqori sezuvchanlik reaktsiyalari (masalan, qichishish, toshma, eshakemi, angionevrotik shish, bronxospazm va anafilaksiya).
Jigar va o‘t chiqarish yo‘llari tomonidan o‘t-tosh kasalligi, gepatit, jiddiy gepatit holatlari bo‘lishi mumkin. O‘lim bilan yakunlangan ayrim holatlar yoki jigar transplantatsiyasini talab qiluvchi holatlar xaqida xabar berilgan.
Buyrak va siydik chiqarish yo‘llari tomonidan oksalat nefropatiya, bu holat buyrak yetishmovchiligini rivojlanishiga olib kelishi mumkin.


Qo‘llash mumkin bo‘lmagan holatlar

• preparatning ta'sir etuvchi moddasiga yoki yordamchi moddalaridan birortasiga yuqori sezuvchanlik;
• surunkali malabsorbtsiya sindromi;
• xolestaz;
• homiladorlik;
• emizish davrida qo‘llash mumkin emas.

Dorilarning o‘zaro ta'siri
Siklosporin. Siklosporinning plazmadagi kontsentratsiyasini pasayishi dorilarning o‘zaro ta'sirini o‘rganish yuzasidan o‘tkazilgan tadqiqotlarda kuzatilgan, shuningdek orlistat va siklosporin birga qo‘llangandagi bir necha holatlarda xabar berilgan. Bu siklosporinning immunosupressiv samaradorligini pasayishiga olib kelishi mumkin. Shuning uchun ushbu majmuani qo‘llash tavsiya etilmagan. Biroq agar orlistat va siklosporinni bir vaqtda qo‘llashdan saqlanish imkoni bo‘lmasa, u holda siklosporin bilan davolanayotgan patsiyentlarda davolashga orlistat qo‘shilganidan keyin va u bekor qilinganidan so‘ng qonda siklosporinning kontsentratsiyasini tez-tez aniqlash kerak. Siklosporinning qondagi kontsentratsiyasini u barqarorlashgunicha nazorat qilish kerak.
Akarboza. Farmakokinetik o‘zaro ta'sirini o‘tganish yuzasidan tadqiqotlar yo‘qligi tufayli, orlistat va akarbozani bir vaqtda qo‘llashdan saqlanish kerak.
Peroral antikoagulyantlar. Varfarin yoki boshqa antikoagulyantlar orlistat bilan majmuada qabul qilinganida XNN ko‘rsatkichini nazorat qilish kerak.
Yog‘da eruvchan vitaminlar. Orlistat bilan davolanish yog‘da eruvchan vitaminlar (A, D, Ye va K) larni so‘rilishini potentsial kamaytirishi mumkin. Klinik tadqiqotlarda orlistat bilan to‘liq to‘rt yil davomida davolangan ko‘pchilik patsiyentlarda A, D, E, K vitaminlari va beta-karotinning darajasi normal chegaralarda qolgan. Gipokaloriyali parhezga rioya qiladigan patsiyentlarni to‘liq ovqatlanishini ta'minlash uchun sutkalik ovqat ratsioniga yetarli miqdorda sabzavotlar va mevalarni kiritish kerakligi xaqida ogohlantirish lozim. Shuningdek polivitaminli preparatlarni buyurish masalasini ko‘rib chiqish lozim. Agar polivitaminli preparatlarni qabul qilish tavsiya etilgan bo‘lsa, u holda ularni orlistat qabul qilinganidan so‘ng kamida ikki soatdan keyin yoki uxlashdan oldin qabul qilish kerak.
Amiodaron. Orlistat qabul qilgan sog‘lom ko‘ngillilarning cheklangan miqdorida, amiodaronning bir martalik dozasi qabul qilinganidan so‘ng amiodaronning plazmadagi kontsentratsiyasini biroz pasayishi kuzatilgan. Amiodaron bilan davolanayotgan patsiyentlarda ushbu samaraning klinik ahamiyati yetarlicha aniqlanmagan, ammo ayrim holatlarda klinik jihatdan yaqqol bo‘lishi mumkin. Amiodaron va orlistatni bir vaqtda qabul qilayotgan patsiyentlar klinik kuzatuvda bo‘lishlari va ularda EKG monitoringini o‘tkazish kerak.
Tirishishlarni rivojlanish holatlari orlistat va tutqanoqqa qarshi preparatlar, masalan, valproat, lamotridjin bilan bir vaqtda davolangan patsiyentlarda kuzatilgan; ushbu noxush reaktsiyani rivojlanishida dorilarning o‘zaro ta'siri bilan bog‘liqligini istisno qilish mumkin emas. Bunday patsiyentlarda tirishishlarni uchrash tezligi va/yoki og‘irligida kuzatilishi mumkin bo‘lgan o‘zgarishlarni aniqlash maqsadida patsiyentlarni nazorat qilish kerak.
Gipotireozning va/yoki yetarlicha nazorat qilib bo‘lmaydigan gipotireozni kam holatlari kuzatilishi mumkin. Bunday ko‘rinishning mexanizmi, garchi u isbotlangan bo‘lmasa-da, yod tuzlari va/yoki levotiroksinni so‘rilishini pasayishini kiritish mumkin.
Adabiyotlardagi va postmarketing tajriba ma'lumotlariga muvofiq, orlistat OITV davolash uchun antiretrovirus preparatlarni so‘rilishini potentsial pasaytirishi va ularning samaradorligiga salbiy ta'sir ko‘rsatishi mumkin.
Ilgari muvofiq kasallikni adekvat nazorat qilishga erishilgan patsiyentlarda orlistat bilan davolashni boshlash bilan to‘g‘ri kelgan antidepressantlar, antipsixotik preparatlar (jumladan litiy) va benzodiazepinlarning samaralorligini pasayishini bir qancha holatlari xaqida xabarlar mavjud. Bunday patsiyentlarda orlistat bilan davolashni kuzatilishi mumkin bo‘lgan ta'siri sinchiklab ko‘rib chiqilgandan so‘ng boshlash kerak.
O‘zaro ta'sirini yo‘qligi
Amitriptilin, atorvastatin, biguanidlar, digoksin, fibratlar, fluoksetin, lozartan, fenitoin, fentermin, pravastatin, Gastrointestinal Terapevtik Tizim (GITT) chiqarilish shaklidagi nifedipin, ajralib chiqishi sekinlashtirilgan nifedipin, sibutramin va alkogol bilan o‘zaro ta'siri kuzatilmagan. Bunday o‘zaro ta'sirlarni yo‘qligi dorilar o‘rtasidagi o‘zaro ta'sirlarni o‘rganish yuzasidan o‘tkazilgan maxsus tadqiqotlarda ko‘rsatilgan.
Dorilar o‘rtasidagi o‘zaro ta'sirlarni o‘rganish yuzasidan o‘tkazilgan maxsus tadqiqotlarda peroral kontratseptivlar va orlistat o‘rtasida o‘zaro ta'sirlarni yo‘qligi namoyish etilgan. Biroq orlistat peroral kontratseptivlarning samaradorligini bog‘liq ravishda pasaytirishi mumkin va ayrim holatlarda rejalashtirilmagan homiladorlikka olib kelishi mumkin. Og‘ir darajadagi diareyada qo‘shimcha kontratseptsiya usulidan foydalanish tavsiya etiladi.


Maxsus ko‘rsatmalar

Klinik tadqiqotlarda orlistat bilan davolanganda tana vaznini pasayishi qandli diabetning II tipi bilan xastalangan patsiyentlarda qandli diabet bilan xastalanmagan patsiyentlarga nisbatan kamroq bo‘lgan. Orlistatni qabul qilish vaqtida diabetga qarshi dori vositalari bilan davolashni sinchiklab monitoring qilish kerak.
Tana vaznini pasayishi arterial bosim va xolesterinning darajasini nazorat qilinishini yaxshilanishi bilan kechishi mumkin. Orlistatni gipertoniya yoki giperxolesterinemiyani davolash uchun qo‘llanadigan preparatlar bilan birga qabul qilayotgan patsiyentlarga ko‘rsatilgan preparatlarning dozalariga tuzatish kiritish talab etilishi mumkin.
Orlistatni siklosporin bilan birga qo‘llash tavsiya etilmaydi.
Parhezga rioya qilish bo‘yicha olingan tavsiyalarga amal qilish kerakligi xaqida patsiyentlarni xabardor qilish lozim.
Yog‘larning miqdori yuqori (masalan, sutkada 2000 kkal, shundan yog‘lar ko‘rinishida > 30%, 67 g yog‘ga to‘g‘ri keladi) bo‘lgan parhez fonida orlistat qabul qilinganida MIY tomonidan noxush reaktsiyalarni rivojlanish ehtimoli oshishi mumkin. Yog‘larni sutkalik iste'molini uchta asosiy ovqatlanish vaqtiga taqsimlash kerak. Agar orlistat yog‘larning miqdori yuqori bo‘lgan ovqat bilan qabul qilinsa, MIY tomonidan noxush reaktsiyalarni rivojlanish ehtimoli oshishi mumkin.
Orlistat bilan davolanganda rektal qon ketish holatlari xaqida xabar berilgan. Patsiyentda og‘ir darajadagi va/yoki persistentsiyalanuvchi simptomlar rivojlanganida shifokor qo‘shimcha tekshiruvni buyurish kerak.
Og‘ir diareya vaqtida kuzatilishi mumkin bo‘lgan peroral kontratseptsiyaning potentsial samarasizligini oldini olish uchun kontratseptsiyaning qo‘shimcha usulidan foydalanish tavsiya etiladi.
Peroral antikoagulyantlar bilan birga davolanayotgan patsiyentlarda koagulogramma ko‘rsatkichlarini nazorat qilish kerak.
Orlistatni qo‘llash giperoksaluriya va oksalatli nefropatiya bilan bog‘liq bo‘lishi mumkin, ular ba'zida buyrak yetishmovchiligini rivojlanishiga olib keladi. Buyrakning surunkali kasalliklari va/yoki suvsizlanish bo‘lgan patsiyentlarda rivojlanish havfi yuqori bo‘ladi.
Orlistat va levotiroksin yondosh qabul qilinganida gipotireoz va/yoki yetarlicha nazorat qilib bo‘lmaydigan gipotireozning kam holatlari kuzatilishi mumkin. Orlistat va levotiroksinni turli vaqtda qabul qilish masalasi ko‘rib chiqilishi mumkin, shuningdek levotiroksinning dozasiga tuzatish kiritish talab etilishi mumkin.
Tutqanoqqa qarshi preparatlarni qabul qilayotgan patsiyentlarda orlistat tutqanoqqa qarshi preparatlarning so‘rilishini pasaytirishi orqali tirishishga qarshi davolashning samaradorligini izdan chiqarishi, bu tirishishlarga olib kelishi mumkin. Orlistat va tutqanoqqa qarshi preparatlarni turli vaqtlarda qabul qilish masalasi ko‘rib chiqilishi mumkin.
Orlistat OITVni davolash uchun qo‘llanadigan antiretrovirus preparatlarning so‘rilishini potentsial pasaytirishi va ularning samaradorligiga salbiy ta'sir qilishi mumkin.
Homiladorlikda va laktatsiya davrida qo‘llanishi
Fertillik
Hayvonlarda o‘tkazilgan tadqiqotlar fertillikka nisbatan havfli ta'sir qilishini ko‘rsatmaydi.
Homiladorlik
Homiladorlik vaqtida orlistatni qo‘llashga nisbatan klinik ma'lumotlar mavjud emas. Hayvonlarda o‘tkazilgan tadqiqotlar, preparatni homiladorlikka, embrion/homilani rivojlanishi, tug‘ruq yoki postnatal rivojlanishga bevosita yoki bilvosita ta'sir qilishini ko‘rsatmaydi. Homiladorlikda preparatni qo‘llash mumkin emas.
Laktatsiya
Orlistatni ko‘krak suti bilan ajralib chiqishi noma'lum bo‘lganligi tufayli, emizish davrida preparatni qo‘llash mumkin emas.
Pediatriyada qo‘llanishi
18 yoshgacha bo‘lgan bolalar va o‘smirlarda orlistatni qo‘llash havfsizligi va samaradorligi aniqlanmagan.
Avtotransportni haydash va mexanizmlarni boshqarish qobiliyatiga ta'siri
Orlistat avtotransportni haydash va mexanizmlarni boshqarish qobiliyatiga ta'sir ko‘rsatmaydi yoki ahamiyatsiz darajada ta'sir ko‘rsatadi.


Dozani oshirib yuborilishi

Tana vazni normal bo‘lgan va semirish bilan xastalangan ko‘ngillilarda orlistatni 800 mg dozada bir marta qabul qilish va 400 mg gacha bo‘lgan dozada sutkada 3 marta 15 kun davomida qabul qilish o‘rganilgan, yaqqol noxush reaktsiyalarni rivojlanganligi xaqida ma'lumotlar olinmagan. Bundan tashqari, semirish bilan xastalangan patsiyentlar orlistatni 240 mg dozada sutkada 3 marta 6 oy davomida qabul qilganlar. Orlistatning dozasini oshirib yuborilishini ko‘pchilik hollarida, ular xaqidagi xabarlar postmarketing davrda olingan, yoki noxush reaktsiyalar xaqida xabar berilmagan, yoki preparat tavsiya etilgan dozalarda qo‘llanganida qayd etilgan noxush reaktsiyalarga o‘xshash bo‘lgan noxush reaktsiyalar xaqida xabar berilgan.
Orlistatning dozasi ahamiyatli darajada oshirib yuborilganida patsiyentning ahvolini 24 soat davomida kuzatish tavsiya etiladi. Odamlarda va hayvonlarda o‘tkazilgan tadqiqotlarning ma'lumotlariga ko‘ra, orlistatning lipazani ingibitsiya qiluvchi hususiyatlari bilan bog‘liq bo‘lgan har qanday tizimli samarasi odatda tez qaytgan.


Chiqarilish shakli

Kapsulalar. 14 kapsula blisterda.
3 yoki 6 blister tibbiyotda qo‘llanilishiga doir yo‘riqnomasi bilan birga karton qutiga joylangan


Saqlash sharoiti

Namlik va yorug‘likdan himoyalangan joyda, 25°C dan yuqori bo‘lmagan xaroratda saqlansin.
Bolalar ololmaydigan joyda saqlansin.


Yaroqlilik muddati

3 yil.

Yaroqlilik muddati
tugaganidan so‘ng qo‘llanilmasin.


Dorixonalardan berish tartibi

Retsept bo‘yicha.