Mahsulotning tashqi ko'rinishi fotosuratda ko'rsatilganidan farq qilishi mumkin
Yetkazib berish faqat retseptsiz dori-darmonlar uchun amalga oshiriladi
Uviromed tabletkalar 500mg №10
Uviromed tabletkalar 500mg №10
'Ushbu mahsulot stokda yo'q, lekin biz siz uchun analoglarni tanladik
Yetkazib berish
Yetkazib berish punktidan olib ketish
Yetkazib berish Toshkentdagi yetkazib berish punktigaсha bepul. Hududlarga yetkazib berish yakshanba va bayram kunlaridan tashqari 24 soat ichida amalga oshiriladi, agar buyurtma soat 16:00 gacha amalga oshirilgan bo'lsa.Yetkazib berish xizmati har kuni dam olish kunlarisiz 9-00 dan 21-00 gacha ishlaydi.
Toshkent
2 soat bepul
O'zbekiston
18 000 UZS
Yetkazib beruvchidan uyingizgacha
Yetkazib berish jadvaliga muvofiq 2 soat ichida eshikingiz gacha yetkazib berish. Yetkazib berish xizmati ish vaqti dam olish kunlarisiz har kuni 9-00 dan 21-00 gacha.
Toshkent
20 000 UZS
Ekspress yetkazib berish
Ekspress yetkazib berish-20 daqiqa ichida, yetkazib berish narxini aniqlash uchun siz Call-markaz operatori bilan bog'lanasiz. Yetkazib berish xizmati ish vaqti dam olish kunlarisiz har kuni 9-00 dan 21-00 gacha.
Toshkent
Yandex Go ta'rifi bo'yicha
Yetkazib berish | Toshkent | O'zbekiston | |
Yetkazib berish punktidan olib ketish | 2 soat bepul | 18 000 UZS |
Yetkazib berish Toshkentdagi yetkazib berish punktigaсha bepul. Hududlarga yetkazib berish yakshanba va bayram kunlaridan tashqari 24 soat ichida amalga oshiriladi, agar buyurtma soat 16:00 gacha amalga oshirilgan bo'lsa.Yetkazib berish xizmati har kuni dam olish kunlarisiz 9-00 dan 21-00 gacha ishlaydi.
|
Yetkazib beruvchidan uyingizgacha | 20 000 UZS | yo'q |
Yetkazib berish jadvaliga muvofiq 2 soat ichida eshikingiz gacha yetkazib berish. Yetkazib berish xizmati ish vaqti dam olish kunlarisiz har kuni 9-00 dan 21-00 gacha.
|
Ekspress yetkazib berish | Yandex Go ta'rifi bo'yicha | yo'q |
Ekspress yetkazib berish-20 daqiqa ichida, yetkazib berish narxini aniqlash uchun siz Call-markaz operatori bilan bog'lanasiz. Yetkazib berish xizmati ish vaqti dam olish kunlarisiz har kuni 9-00 dan 21-00 gacha.
|
Xususiyatlari
Faol modda
Валацикловир
Страна производитель
Турция
Дозировка
500 мг
Производитель
World Medicine Ilac San. ve Tic. A.S.
Рецептурный препарат
Да
Форма выпуска
Таблетки
Ko'rsatmalar
- Preparatning savdo nomi
- Dori shakli
- Tarkibi
- Farmakoterapevtik guruhi
- Farmakologik xususiyatlari
- Farmakokinetikasi
- Qo‘llash usuli va dozalari
- Qo‘llanilishi
- Maxsus ko‘rsatmalar
- Qo‘llash mumkin bo‘lmagan holatlar
- Dozani oshirib yuborilishi
- Chiqarilish shakli
- Saqlash sharoiti
- Yaroqlilik muddati
- Ishlab chiqaruvchi
- Dorixonalardan berish tartibi
Preparatning savdo nomi
Uviromed
Ta'sir etuvchi modda (XPN) valatsiklovir
Dori shakli
plyonka qobiq bilan qoplangan tabletkalar.
Tarkibi
Plyonka qobiq bilan qoplangan har bir tabletka quyidagilarni saqlaydi
faol modda valatsiklovir (valatsiklovir gidroxloridi shaklida) 500 mg yoki 1000 mg.
yordamchi moddalar mikrokristall sellyuloza, povidon K30, suvsiz kolloid kremniy dioksidi, magniy stearati.
qobig‘ini tarkibi oq opadri II 85F18422 (qisman gidrolizlangan polivinil spirti, titan dioksidi, makrogol, talk).
Ta'rifi
Uviromed 500 mg uzunchoq, ikki tomonlama qavariq, bir tomonida «U500» gravirovkasi bo‘lgan oq rangli plyonka qobiq bilan qoplangan tabletkalar.
Uviromed 1000 mg uzunchoq, ikki tomonlama qavariq, bir tomonida «U1000» gravirovkasi va boshqa tomonidan bo‘lish uchun riskasi bo‘lgan oq rangli plyonka qobiq bilan qoplangan tabletkalar.
Farmakoterapevtik guruhi
viruslarga qarshi vosita.
ATX kodi J05AB11
Farmakologik xususiyatlari
Uviromed – viruslarga qarshi preparat. Odam organizmida valatsiklovir valatsiklovirgidrolaza ta'sirida atsiklovir va L-valinga tez va to‘liq aylanadi. In vitro sharoitlarida atsiklovir Herpes simplex virusining 1 va 2 turlari, Varicella zoster va Epshteyn-Barr, sitomegalovirus (TSMV) va odam gerpes virusining 6 turiga nisbatan spetsifik ingibitsiya qiluvchi faollikka ega. Atsiklovir fosfor guruhini biriktirishi va faol shakli atsiklovir trifosfatga aylangan zahoti viruslardagi dezoksiribonuklein kislotasi (DNK) sintezini ingibitsiya qiladi. Fosforlanishini birinchi bosqichi virusga spetsifik fermentlar ishtirokida amalga oshadi. Herpes simplex, Varicella zoster va Epshteyn-Barr viruslari uchun bunday ferment bo‘lib virus tomonidan shikastlangan hujayralarda mavjud bo‘lgan virus timidinkinaza hisoblanadi. Fosforlanishga qisman selektivlik SMV da saqlanadi va UL 97 fosfotransferaza genining mahsuloti orqali namoyon bo‘ladi. Atsiklovirni spetsifik virus fermenti tomonidan faollashuvi uning yuqori darajada selektivligi bilan tushuntiriladi.
Atsiklovirni fosforlanish jarayoni (monofosfatdan trifosfatga o‘tishi) hujayra kinazalari tomonidan tugatiladi. Atsiklovir trifosfati virusdagi DNK-polimerazani raqobatli ingibitsiya qiladi va nukleozidni analogi sifatida virus DNK siga saflanadi, bu holat DNK zanjirini obligat (to‘liq) uzilishiga, DNK sintezini to‘xtashiga va nihoyat virus replikatsiyasini bloklanishiga olib keladi.
Immuniteti saqlangan valatsiklovirga sezuvchanligi past bo‘lgan Herpes simplex va Varicella zoster viruslari juda kam (0,1% dan kam) uchraydi, ammo ba'zida immunitetni og‘ir darajadagi buzilishlari bo‘lgan patsiyentlarda, masalan suyak ko‘migi ko‘chirib o‘tkazilgan, xavfli o‘smalari borligi sababli kimyoviy davolash olayotgan va odam immunitet tanqisligi virusi (OITV) bilan infektsiyalangan patsiyentlarda aniqlanishi mumkin.
Rezistentlik virusdagi timidinkinazani tanqisligi bilan ifodalanadi, bu holat odam organizmida virusni haddan tashqari tarqalishiga olib keladi. Ba'zida atsiklovirga sezuvchanlikni pasayishi virusdagi timidinkinaza yoki DNK-polimeraza tuzilishi buzilgan virus shtammlarini paydo bo‘lishi bilan ifodalanadi. Virusning bunday turlarini virulentligi uning yovvoyi shtammini eslatadi.
Farmakokinetikasi
So‘rilishi. Ichga qabul qilinganidan so‘ng valatsiklovir me'da-ichak yo‘llari (MIY) dan yaxshi so‘riladi, atsiklovir va L-valinga tez va deyarli butunlay aylanadi. Ushbu o‘zgarishlar odam jigaridan ishlab chiqariladigan valatsiklovirgidrolaza fermenti tomonidan katalizlanadi.
0,25-2 g valatsiklovir bir marta qabul qilinganidan so‘ng buyrak faoliyati normal bo‘lgan sog‘lom ko‘ngillilarda atsiklovirning qon plazmasidagi maksimal kontsentratsiyasi (Smax) o‘rtacha 10-37 mkmol/l (2,2-8,3 mkg/ml) ni tashkil etadi, ushbu kontsentratsiyaga erishish vaqti medianasi – 1-2 soatni tashkil etadi.
Valatsiklovir 1 g dan boshlab dozada qabul qilinganida atsiklovirning biokiraolishligi 54% ni tashkil etadi va ovqat qabul qilishga bog‘liq emas.
Plazmada valatsiklovirning Smax atsiklovirning kontsentratsiyasidan atigi 4% ni tashkil etadi va bunga preparat qabul qilingandan so‘ng o‘rtacha 30-100 minutdan keyin erishiladi; 3 soatdan keyin Smax darajasi dastlabki darajada qoladi yoki pasayadi.
Taqsimlanishi
Atsiklovirni plazma oqsillari bilan bog‘lanish darajasi juda past – taxminan 15%. Atsiklovir organizmning to‘qimalariga, ayniqsa jigar, buyraklar, mushaklar, o‘pkalarga tez taqsimlanidi. U shuningdek qin sekreti, serebrospinal suyuqlik va gerpes pufakchalaridagi suyuqlikka ham o‘tadi.
Chiqarilishi
Buyrak faoliyati normal bo‘lgan patsiyentlarda atsiklovirning yarim chiqarilish davri (T1/2) bir martalik dozasi va takroran qo‘llanganidan so‘ng taxminan 3 soatni tashkil etadi. Valatsiklovir siydik bilan, asosan atsiklovir holida (dozaning 80% dan ko‘proq qismi) va uning 9-karboksimetoksimetilguanin metaboliti ko‘rinishida chiqariladi, o‘zgarmagan holda preparatning 1% dan kamroq qismi chiqariladi.
Ayrim klinik holatlardagi farmakokinetikasi
Terminal bosqichidagi buyrak yetishmovchiligi bo‘lgan patsiyentlarda atsiklovirning T1/2 taxminan 14 soatni tashkil etadi.
Herpes simplex va Varicella zoster viruslari bilan infektsiyalangan patsiyentlarda, shuningdek keksa yoshdagi patsiyentlarda, shuningdek jigar sirrozi bo‘lgan patsiyentlarda atsiklovirning farmakokinetikasi ahamiyatli darajada buzilmaydi.
Buyrak faoliyatini og‘ir darajadagi buzilishlari bo‘lgan patsiyentlarda atsiklovirning Smax sog‘lom patsiyentlardagiga nisbatan taxminan ikki marta yuqori bo‘ladi, atsiklovirning T1/2 5 marta oshadi. Valatsiklovirning asosiy metaboliti atsiklovir ko‘krak suti bilan ajralib chiqadi. Valatsiklovir ichga 500 mg dozada qabul qilinganidan so‘ng ko‘krak sutidagi atsiklovirning Smax uni ona plazmasidagi muvofiq kontsentratsiyasidan 0,5-2,3 marta (o‘rtacha 1,4 marta) yuqori bo‘lgan. Ko‘krak sutida mavjud bo‘lgan atsiklovirning “kontsentratsiya-vaqt” egri chizig‘i ostidagi maydonini ona plazmasidagi atsiklovirning AUC ga nisbati 1,4-2,6 (o‘rtacha 2,2) tashkil etgan. Ko‘krak sutidagi atsiklovirning kontsentratsiyasini o‘rtacha qiymati – 2,24 mkg/ml. Onaga valatsiklovir 500 mg dozada kuniga 2 marta buyurilganida, bola atsiklovirni kuniga taxminan 0,61 mg/kg dozada qabul qilinganida kuzatiladigan atsiklovirning ta'siriga uchraydi. Atsiklovirni ko‘krak sutidan T1/2 qon plazmasidan T1/2 bilan bir xil bo‘ladi. Valatsiklovir ona plazmasi, ko‘krak suti yoki bolani siydigida o‘zgarmagan holda aniqlanmaydi.
Homiladorlikning kechki muddatlarida valatsiklovir 1 g dozada qabul qilinganidan so‘ng barqaror sutkalik AUC ko‘rsatkichi, atsiklovir sutkada 1,2 g dozada qabul qilinganida ko‘rsatkichga nisbatan taxminan 2 marta yuqori bo‘lgan. Homiladorlikda valatsiklovirning farmakokinetik hususiyatlari o‘zgarmaydi.
Valatsiklovirni 1 g va 2 g dozada qabul qilish OITV bilan infektsiyalangan patsiyentlarda valatsiklovirni taqsimlanishi va uning farmakokinetik ko‘rsatkichlarini sog‘lom shaxslarga nisbatan izdan chiqarmaydi.
Valatsiklovirni 2 g dozada sutkada 4 marta olayotgan, a'zolar ko‘chirib o‘tkazilgan retsipiyentlarda atsiklovirni Smax preparatni aynan shunday dozada olayotgan sog‘lom ko‘ngillilardagi Smax ga teng yoki ustun bo‘ladi, ularda AUC sutkalik ko‘rsatkichlari ahamiyatli darajada yuqori bo‘lgan.
Qo‘llanilishi
-o‘rab oluvchi gerpesni davolash;
-teri va shilliq qavatlarni oddiy gerpes virusi (shu jumladan birinchi marta aniqlangan va qaytalanuvchi genital gerpes) chaqirgan infektsiyalarni qaytalanishlarini davolash va oldini olish;
-labial gerpesni davolash;
-agar preparat xavfsiz jinsiy aloqa bilan birga supressiv davolash sifatida qabul qilinsa, sog‘lom sherikni genital gerpes bilan infektsiyalanish xavfini pasaytirish;
-kattalar va 12 yoshdan oshgan bolalarda a'zolar ko‘chirib o‘tkazilganida rivojlanadigan sitomegalovirus infektsiyasini oldini olish (buyraklar ko‘chirib o‘tkazilgan patsiyentlarda translantatni o‘tkir ko‘chish reaktsiyasini yaqqolligini, opportunistik infektsiyalar hamda Herpes simplex va Varicella zoster chaqirgan boshqa virusli infektsiyalarni rivojlanishi kamaytiradi) uchun qo‘llanadi.
Qo‘llash usuli va dozalari
Uviromed preparati ichga qabul qilinadi.
Kattalarga
O‘rab oluvchi gerpesda 1000 mg dan sutkada 3 marta 7 kun davomida buyuriladi.
Oddiy gerpesda – 500 mg dan sutkada 2 marta buyuriladi. Qaytalanganida davolash kursi 3 kunni yoki 5 kunni tashkil etishi kerak. Birinchi og‘ir kechuvchi hurujlarida davolash davomiyligi 10 kungacha uzaytirilishi mumkin (qaytalanishlarda Uviromedni prodromal davrida buyurgan afzal yoki kasallikni birinchi simptomlari paydo bo‘lganida, ya'ni chimchilash, qichishish, achishish belgilari paydo bo‘lganida buyurgan afzal).
Labial gerpesni davolash uchun preparatni 2 g dozad 2 marta 1 kun davomida buyurish samaralidir ikkinchi dozasi birinchi dozani qabul qilinganidan so‘ng taxminan 12 soatdan keyin (ammo kamida 6 soatdan keyin) qabul qilinishi kerak (ushbu davolash tartibini 1 kundan ortiq qo‘llash mumkin emas, chunki ma'lum bo‘lishi-cha, qo‘shimcha klinik imtiyoz bermaydi).
Oddiy gerpes virusi chaqirgan infektsiyaning qaytalanishlarini oldini olish uchun immuniteti saqlangan patsiyentlarda – 500 mg dan sutkada 1 marta; qaytalanishlari juda ko‘p (yiliga 10 va undan ko‘p) bo‘lganida – 250 mg dan sutkada 2 marta; immunitet tanqisligi bo‘lgan katta yoshdagi patsiyentlar uchun 500 mg dan sutkada 2 marta buyuriladi. Davolash kursining davomiyligi 4-12 oyni tashkil etadi.
Sog‘lom jinsiy sherikni genital gerpes bilan infektsiyalanishini oldini olish uchun immuniteti saqlangan va zo‘rayishlarni soni yiliga 9 martagacha kuzatiladigan infektsiyalangan geteroseksual kattalarga – 500 mg dan kuniga 1 marta 1 yil va undan ko‘p, jinsiy aloqa muntazam ravishda bo‘lganida har kuni, nomuntazam jinsiy aloqalarda Uviromedni qabul qilishni ko‘zlangan jinsiy aloqadan 3 kun oldin boshlash kerak (boshqa bemorlar populyatsiyalarida infektsiyalanishni oldini olish yuzasidan ma'lumotlar yo‘q).
Sitomegalovirus infektsiyasini oldini olish uchun kattalar va 12 yoshdan oshgan o‘smirlarga – 2 g dan sutkada 4 marta (transplantatsiyadan keyin imkon boricha ertaroq) buyuriladi. Davolash kursining davomiyligi 90 kun, ammo xavf yuqori bo‘lgan bemorlarda davolash davomliroq bo‘lishi mumkin. Preparatning dozasini buyrak faoliyati ahamiyatli darajada pasaygan patsiyentlarda kamaytirish tavsiya etiladi.
Turli terapevtik ko‘rsatmalarda Uviromed preparatini kreatinin klirensiga (KK) qarab dozalash tartibi
Qo‘llanilishi
Kreatinin klirensi
(ml/min)Valatsiklovirning dozasi
Suvchechak virusi (SV) chaqirgan infektsiyalar
Immuniteti saqlangan katta yoshdagi patsiyentlarda va immuniteti susaygan katta yoshdagi patsiyentlarda o‘rab oluvchi gerpes (o‘rab oluvchi temiratki) ni davolash ≥ 501000 mg sutkada 3 marta
30 dan 49 gacha 1000 mg sutkada 2 marta
10 dan 29 gacha 1000 mg sutkada 1 marta
< 10500 mg sutkada 1 marta
Oddiy gerpes virusi (OGV) chaqirgan infektsiyalar
OGV infektsiyasini davolash
- immuniteti saqlangan katta yoshdagi patsiyentlar va o‘smirlar ≥ 30500 mg sutkada 2 marta
< 30500 mg sutkada 1 marta
- immuniteti sust bo‘lgan katta yoshdagi patsiyentlar ≥ 301000 mg sutkada 2 marta
< 301000 mg sutkada 1 marta
Immuniteti saqlangan katta yoshdagi patsiyentlar va o‘smirlarda lab gerpesi (lab isitmasi) ni davolash (muqobil 1 kunlik davolash tartibi) ≥ 502000 mg sutkada 2 marta
30 dan 49 gacha 1000 mg sutkada 2 marta
10 dan 29 gacha 500 mg sutkada 2 marta
< 10500 mg sutkada 1 marta
OGV infektsiyasini supressiyasi
- immuniteti saqlangan katta yoshdagi patsiyentlar va o‘smirlar ≥ 30500 mg sutkada 1 marta
< 30250 mg sutkada 1 marta
- immuniteti sust bo‘lgan katta yoshdagi patsiyentlar ≥ 30500 mg sutkada 2 marta
< 30500 mg sutkada 1 marta
SMV infektsiyasi
Kattalar va o‘smirlarda butun a'zolar ko‘chirib o‘tkazilgan retsipiyentlarda SMV ni oldini olish
≥ 752000 mg sutkada 4 marta
50 dan < 75 gacha1500 mg sutkada 4 marta
25 dan < 50 gacha 1500 mg sutkada 3 marta
10 dan < 25 gacha 1500 mg sutkada 2 marta
< 10 yoki dializ 1500 mg sutkada 1 marta
Gemodializdagi patsiyentlarga Uviromed preparatini gemodializ seansi tugaganidan so‘ng darhol KK minutiga 15 ml dan kam bo‘lgan patsiyentlarga qo‘llanadigan dozada qo‘llash tavsiya etiladi.
Gemodializdagi patsiyentlarga preparatni gemodializ seansi tugaganidan so‘ng buyurish kerak. kreatinin klirensi (KK) ni tez-tez, ayniqsa, buyrak faoliyati tez o‘zgaradigan davrlarda, masalan, transplantatsiyadan so‘ng yoki transplantat bitib ketganidan so‘ng darhol aniqlash kerak. Bunda Uviromedning dozasi KK ko‘rsatkichlariga muvofiq ravishda korrektsiya qilinadi.
Jigar faoliyatini buzilishi yengil va o‘rtacha darajadagi jigar sirrozida (jigarning sintetik faoliyati saqlangan) preparatning dozasiga tuzatish kiritish talab etilmaydi.
Og‘ir darajadagi jigar sirrozi (jigarning sintetik faoliyatini buzilishi va portal tizim va umumiy qon-tomirlar havzasi o‘rtasida shunt bo‘lgan) bo‘lgan patsiyentlarda farmakokinetik ma'lumotlar ham preparatning dozasiga tuzatish kiritish kerakligidan dalolat beradi, ammo bunday patologiyada uni klinik qo‘llash tajribasi cheklangan. Keksa yoshdagi shaxslarda buyrak faoliyatini ahamiyatli darajada buzilishidan tashqari holatlarda preparatning dozasiga tuzatish kiritish talab etilmaydi. suv-elektrolitlar muvozanatini adekvat ravishda tutib turish kerak.
Nojo‘ya ta'sirlari
Nojo‘ya samaralarni uchrash tezligini quyida keltirilgan ko‘rsatkichlari quyidagi tarzda aniqlangan tez-tez (≥ 1/100 dan < 1/10 gacha), tez-tez emas (≥ 1/1000 dan < 1/100 gacha), kam hollarda (≥ 1/10000 dan < 1/1000 gacha), juda kam hollarda (< 1/10000), uchrash tezligi aniqlanmagan – uchrash tezligi ko‘rsatkichlarini mavjud bo‘lgan ma'lumotlar bo‘yicha baholash mumkin emas.
Valatsiklovir qo‘llanganida eng ko‘p rivojlanadigan nojo‘ya reaktsiyalar bosh og‘rig‘i va ko‘ngil aynishi; jiddiyroq nojo‘ya reaktsiyalar trombotik trombotsitopenik purpura / gemolitik-uremik sindrom, o‘tkir buyrak yetishmovchiligi va nevrologik buzilishlar hisoblanadi.
MIY a'zolari tomonidan tez-tez – ko‘ngil aynishi; kam hollarda – qorinda diskomfort, shu jumladan qorinda og‘riq; qusish, diareya; juda kam hollarda – jigarning funktsional sinamalarini qaytuvchi buzilishlari, ular ba'zida gepatitni ko‘rinishlari sifatida baholanadi.
Qon va limfa tizimi tomonidan juda kam hollarda – leykopeniya (asosan immuniteti sust bo‘lgan patsiyentlarda), trombotsitopeniya, uchrash tezligi noma'lum – neytropeniya, aplastik anemiya, leykoplastik vaskulit, trombotik trombotsitopenik purpura.
Immun tizimi tomonidan juda kam hollarda – anafilaksiya.
Ruhiy buzilishlar va nerv tizimi tomonidan buzilishlar tez-tez – bosh og‘rig‘i; tez-tez emas – ajitatsiya, jumladan tajavvuzkor harakatlar; kam hollarda – bosh aylanishi, ongni chalkashishi, gallyutsinatsiyalar, aqliy qobiliyatni pasayishi; juda kam hollarda – qo‘zg‘aluvchanlik, tremor, ataksiya, dizartriya, psixotik simptomlar (shu jumladan, maniyalar), depressiya, tirishishlar, entsefalopatiya, koma. Sanab o‘tilgan simptomlar orqaga qaytuvchan va odatda jigar faoliyatini buzilishi bo‘lgan bemorlarda yoki boshqa kasalliklar fonida kuzatiladi. SMV infektsiyasini oldini olish uchun valatsiklovirning yuqori dozalari (sutkada 8 g) ni olayotgan, a'zolar ko‘chirib o‘tkazilgan bemorlarda nevrologik reaktsiyalar kichikroq dozalarini qabul qilingandagiga nisbatan ko‘proq rivojlanadi.
Nafas va ko‘ks oralig‘i a'zolari tomonidan tez-tez emas – dispnoe.
Teri va teri osti yog‘ qavati tomonidan tez-tez emas – toshmalar, shu jumladan yorug‘likka sezuvchanlikni ko‘rinishlari; kam hollarda – qichishish; uchrash tezligi noma'lum – ko‘p shaklli eritema.
Allergik reaktsiyalar juda tez-tez – eshakemi, angionevrotik shish.
Siydik chiqarish tizimi tomonidan kam hollarda – buyrak faoliyatini buzilishi; juda kam hollarda – o‘tkir buyrak yetishmovchiligi, buyrak sanchig‘i (buyrak faoliyatini buzilishi bilan bog‘liq bo‘lishi mumkin).
Sezgi a'zolari tomonidan uchrash tezligi noma'lum – ko‘rishni buzilishi.
Laborator ko‘rsatkichlar uchrash tezligi noma'lum – gemoglobinni pasayishi, giperkreatininemiya.
Boshqalar uchrash tezligi noma'lum – dismenoreya, artralgiya, nazofaringit, nafas yo‘llarini infektsiyalari, yuzni shishi, arterial bosimni oshishi, taxikardiya, toliqish; bolalarda qo‘shimcha ravishda – isitma, degidratatsiya, rinoreya.
Immunitetni og‘ir darajada buzilishlari bo‘lgan bemorlarda, ayniqsa valatsiklovirning katta dozalari (sutkada 8 g) ni uzoq vaqt davomida olayotgan, orttirilgan immunitet tanqisligi sindromini juda kechikkan bosqichi bo‘lgan patsiyentlarda, noma'lum tezlikda buyrak yetishmovchiligi, mikroangiopatik gemolitik anemiya va trombotsitopeniya (ba'zida majmuada) hollari kuzatilgan. Bunday asoratlar shunday kasalliklari bo‘lgan, ammo valatsiklovir olmagan patsiyentlarda ham kuzatilgan.
Qo‘llash mumkin bo‘lmagan holatlar
-valatsiklovirga, atsiklovirga va preparatning boshqa komponentlariga o‘ta yuqori sezuvchanlikda;
-OITV-infektsiyaning klinik yaqqol ifodalangan shakllari S04+-limfotsitlarning miqdori 100/mkl dan kam bo‘lganida;
-suyak ko‘migi ko‘chirib o‘tkazilganida;
-buyrak ko‘chirib o‘tkazilganida;
-bolalar (TSMV da 12 yoshgacha, qolgan ko‘rsatmalar bo‘yicha – 18 yoshgacha) da qo‘llash mumkin emas.
Ehtiyotkorlik bilan jigar yetishmovchiligi (preparatning yuqori dozalari), buyrak yetishmovchiligi, homiladorlik, laktatsiya davrida ehtiyotkorlik bilan qo‘llanadi.
Dorilarning o‘zaro ta'siri
Klinik jihatdan ahamiyatli o‘zaro ta'sirlar aniqlanmagan.
Simetidin va probenetsid 1 g valatsiklovir qabul qilinganidan so‘ng atsiklovirning AUC oshirib, buyrak klirensini pasaytiradilar (biroq atsiklovirning terapevtik indeksi keng bo‘lganligi sababli, valatsiklovirning dozasiga tuzatish kiritish talab etilmaydi.
Valatsiklovirni yuqori dozalarda (sutkada 4 g) va eliminatsiya uchun atsiklovir bilan raqobatlashadigan dori vositalar bir vaqtda qo‘llanganida ehtiyotkorlikka rioya qilish kerak (oxirgilari buyrak naychalari orqali faol sekretsiyasi natijasida siydik bilan o‘zgarmagan holda chiqariladi), chunki plazmada bir yoki har ikkala preparatning yoki ularning metabolitlari darajasini potentsial oshish xavfi mavjud.
Atsiklovir mikofenolat mofetil bilan bir vaqtda qo‘llanganida birinchisining AUC va ikkinchisining nofaol metabolitini oshishi kuzatilgan.
Valatsiklovir yuqori dozalarda (sutkada 4 g va undan ortiq) buyrak faoliyatiga ta'sir qiluvchi preparatlar (masalan, siklosporin, takrolimus) birga qo‘llanganida ham ehtiyotkorlikka rioya qilish kerak.
Valatsiklovirni nefrotoksik dori vositalari bilan majmuada, ayniqsa buyrak faoliyatini buzilishi bo‘lgan patsiyentlarda ehtiyotkorlik bilan qo‘llash kerak va bunda buyrak faoliyatini muntazam ravishda monitoring qilish talab etiladi. Bu holat aminoglikozidlar, platinani organik birikmalari, yodlangan kontrast vositalar, metotreksat, pentamidin, foskarnet, siklosporin va takrolimuslarni bir vaqtda qo‘llashga ham taalluqlidir.
Maxsus ko‘rsatmalar
Degidratatsiya xavfi bo‘lgan patsiyentlarga, ayniqsa keksa yoshdagi bemorlarga, Uviromed preparati bilan davolanish davrida organizmni adekvat gidratatsiyasini ta'minlash kerak. Buyrak yetishmovchiligi bo‘lgan patsiyentlarda nevrologik asoratlar rivojlanishini yuqori xavfi mavjud.
Atsiklovir organizmdan buyrak klirensi orqali chiqariladi, shuning uchun buyrak yetishmovchiligi bo‘lgan patsiyentlarga valatsiklovirning dozasini kamaytirish kerak.
Keksa yoshdagi patsiyentlarga preparatning dozasiga tuzatish kiritish talab etilmaydi, buyrak faoliyatini ahamiyatli darajada buzilishi bundan mustasno. Suv-elektrolitlar muvozanatini adekvat holda tutib turish kerak.
Jigar faoliyatini buzilishlarida yengil yoki o‘rtacha darajada ifodalangan jigar sirrozi (jigarning sintetik faoliyati saqlangan) Uviromed preparatining dozasiga tuzatish kiritish talab etilmaydi. Jigar kasalliklari bo‘lgan patsiyentlarga preparatni yuqori dozalarda (sutkada 4 g va undan yuqori) qo‘llash yuzasidan ma'lumotlar yo‘q, shuning uchun ushbu toifadagi patsiyentlarga preparatni yuqori dozalarda ehtiyotkorlik bilan buyurish kerak.
Jigar ko‘chirib o‘tkazilgan patsiyentlarga preparatning ta'sirini o‘rganish bo‘yicha maxsus tadqiqotlar o‘tkazilmagan. Biroq, atsiklovirni yuqori dozalarda profilaktik buyurish SMV infektsiyasini reduktsiya qilishi ko‘rsatilgan.
Yaqqol ifodalangan immunitet tanqisligi bilan kechuvchi holatlarda (suyak ko‘migini ko‘chirib o‘tkazish, OITV-infektsiyasini klinik yaqqol ifodalangan shakllari, buyrak transplantatsiyasi) preparatni yuqori dozalarda uzoq vaqt davomida qabul qilish, trombotsitopenik purpura va gemolitiko-uremik sindromi, hatto o‘lim bilan tugagan holatlar rivojlanishiga olib kelgan. Markaziy nerv tizimi tomonidan nojo‘ya samaralar (shu jumladan, ajitatsiya, gallyutsinatsiyalar, ongni chalkashishi, alahlash, tirishishlar va entsefalopatiya) rivojlanganida preparat bekor qilinadi.
Uivromed preparati bilan supressiv davolash genital gerpesni yuqish xavfini pasaytiradi, ammo uni butunlay bartaraf qilmaydi va butunlay sog‘ayib ketishiga olib kelmaydi. Preparat bilan davolanish vaqtida patsiyent jinsiy aloqalarda jinsiy sherikning xavfsizligini ta'minlash choralarini ko‘rishi kerak.
Homiladorlik va laktatsiyada qo‘llanishi
Homiladorlikda preparatni, ona uchun davolashdan kutilgan samara homila uchun potentsial xavfdan ustun bo‘lgan holatdagina qo‘llash mumkin (homiladorlikda qo‘llash yuzasidan ma'lumotlar yetarli emas).
Atsiklovir (valatsiklovirning asosiy metaboliti) ko‘krak suti bilan ajralib chiqadi.
Valatsiklovir bilan davolanishda, ona uchun davolashdan kutilgan samara bola uchun potentsial xavfdan ustun bo‘lgan holatdagina emizish mumkin.
Pediatriyada qo‘llanishi
Preparatni bolalarda klinik qo‘llash tajribasi yo‘qligi sababli, SMV da 12 yoshgacha bo‘lgan bolalarga, qolgan ko‘rsatmalar bo‘yicha – 18 yoshgacha bo‘lgan bolalarga qo‘llash mumkin emas.
Avtotransportni haydash va mexanizmlarni boshqarish qobiliyatiga ta'siri
Preparat qo‘llanganida psixomotor reaktsiyalar tezligiga ta'sir qiluvchi nojo‘ya reaktsiyalar rivojlanganida ehtiyotkorlikka rioya qilish kerak.
Preparat bolalar ololmaydigan joyda saqlansin va yaroqlilik muddati tugaganidan so‘ng ishlatilmasin.
Dozani oshirib yuborilishi
Hozirgi vaqtda valatsiklovirning dozasini oshirib yuborilishi yuzasidan ma'lumotlar yetarli emas.
Simptomlari valatsiklovir ichga haddan tashqari katta dozalarda bir necha kun davomida qabul qilinganida ko‘ngil aynishi, qusish, bosh og‘rig‘i, ongni chalkashishi, gallyutsinatsiyalar, qo‘zg‘aluvchanlik, tirishishlar, koma, o‘tkir buyrak yetishmovchiligi rivojlangan.
Davolash preparatning toksik belgilarini aniqlash uchun bemorlar sinchkov tibbiy kuzatuv ostida bo‘lishlari kerak. Gemodializ atsiklovirni qondan chiqarilishini ahamiyatli darajada kuchaytiradi va valatsiklovirni dozasi oshirib yuborilgan patsiyentlarni olib borishda tanlov usuli bo‘lishi mumkin.
Chiqarilish shakli
Plyonka qobiq bilan qoplangan tabletkalar.
Uviromed 500 mg 7 tabletkadan blisterda. 3 yoki 6 blister qo‘llash bo‘yicha yo‘riqnomasi bilan birga karton qutiga joylangan. 10 tabletkadan blisterda. 1 blister qo‘llash bo‘yicha yo‘riqnomasi bilan birga karton qutiga joylangan.
Uviromed 1000 mg 7 tabletkadan blisterda. 3 yoki 6 blister qo‘llash bo‘yicha yo‘riqnomasi bilan birga karton qutiga joylangan.
Saqlash sharoiti
25°S dan yuqori bo‘lmagan haroratda saqlansin.
Yaroqlilik muddati
3 yil.
Dorixonalardan berish tartibi
Retsept bo‘yicha beriladi.
Ishlab chiqaruvchi
«Uorld Meditsin Ilach San. ve Tidj. A.Sh.», Turkiya
(Bagdjыlar Ilchesi, Gyuneshli, Evren Maxallesi,
Djami Yolu Djad. №50 K. 1V Zemin 4-5-6, Istambul)
“World Medicine Ilaç San. ve Tic. A.Ş.”, Turkey
(Bağcılar İlçesi, Güneşli, Evren Mahallesi,
Cami Yolu Cad. No50 K. 1B Zemin 4-5-6, İstanbul).
Diqqat!
Ma'lumotlar faqat ma'lumot olish uchun berilgan va o'z-o'zidan davolanish uchun qo'llanma sifatida foydalanilmasligi kerak. Faqat shifokor preparatni buyurishga qaror qilishi mumkin, shuningdek uni qo'llash dozasi va usullarini aniqlaydi.
Pharmalick.uz veb-sayti Pharmalick.uz veb-saytida joylashtirilgan ma'lumotlardan foydalanish natijasida yuzaga kelishi mumkin bo'lgan salbiy oqibatlar uchun javobgar emas.