Preparatning savdo nomi
Lipidra
Ta'sir etuvchi modda (XPN) atorvastatin

Dori shakli
qobiq bilan qoplangan tabletkalar

Tarkibi

faol modda atorvastatin kaltsiy trigidrati (10 mg, 20 mg, 40 mg yoki 80 mg atorvastatinga ekvivalent);
yordamchi moddalar kaltsiy karbonat, laktoza monogidrati, mikrokristallik sellyuloza, natriy kroskarmeloza, polisorbat, qovushqoqligi kam bo‘lgan gidroksipropiltsellyuloza, magniy stearati;
qobiq qoplama uchun material (polivinil spirti, titan dioksidi, talk, letsitin/talk, ksantan kamedi).
Ta'rifi
10 mg, 20 mg – oq yoki deyarli oq rangli, oval shaklli, bir tomonida riskali qobiq bilan qoplangan tabletkalar.
40 mg, 80 mg – oq yoki deyarli oq rangli, oval shaklli, qobiq bilan qoplangan tabletkalar.

Farmakoterapevtik guruhi
Gipolipidemik vositalar.
ATX kodi C10AA05


Farmakologik xususiyatlari

Atorvastatin – statinlar guruhiga mansub gipolipidemik vositasidir. Atorvastatinning asosiy ta'sir mexanizmi, GMG-KoA ni mevalon kislotasiga aylanishini katalizlovchi 3-gidroksi-3-metilglutaril-koenzim A-(GMG-KoA-) reduktaza fermentining faolligini ingibirlashi hisoblanadi. Bu aylanish organizmda xolesterin sintezi zanjirining erta bosqichlaridan biridir. Atorvastatin tomonidan xolesterinni sintezini bostirilishi jigarda, shuningdek, jigardan tashqari to‘qimalarda past zichlikdagi lipoproteinlar (PZLP) retseptorlarini reaktivligini oshishiga olib keladi. Bu retseptorlar PZLP zarrachalarini bog‘laydi va ularni qon plazmasidan chiqarib tashlaydi, bu esa PZLP xolesterinining qondagi darajasini pasayishiga olib keladi.
Atorvastatinning antiaterosklerotik samarasi preparatning qon tomir devorlariga va qon komponentlariga ta'sirining oqibatidir. Preparat tomirlarning ichki qavati hujayralarini o‘sish omillari hisoblangan izoprenoidlarning sintezini bostiradi. Atorvastatinning ta'siri ostida qon tomirlarning endoteliysiga bog‘liq kengayishi yaxshilanadi. Atorvastatin PZLP, xolesterinni, V apolipoproteini, triglitseridlar miqdorini kamaytiradi. Yuqori zichlikdagi lipoproteinlar (YuZLP) xolesterini va A apolipoproteinning miqdorini oshishini chaqiradi, Xs-PZLP/ Xs-YuZLP va umumiy xolesterin Xs-YuZLP nisbatlari ko‘rsatkichlarini kamaytiradi.
Odatda preparatning ta'siri uni 2 hafta qabul qilinganidan keyin rivojlanadi, maksimal samarasiga esa 4 haftadan keyin erishiladi.

Farmakokinetikasi

Atorvastatinning so‘rilishi yuqori, me'da-ichak yo‘llaridan taxminan 80% so‘riladi. Maksimal kontsentratsiyasiga (Smax) o‘rtacha 1-2 soatdan keyin erishiladi. Ayollarda Smax 20% ga yuqori, egri osti maydoni “kontsentratsiya-vaqt” (AVC) ko‘rsatkichi esa 10% ga past. Alkogolli jigar sirrozi bo‘lgan bemorlarda maksimal kontsentratsiyaga erishish vaqti (TSmax) me'yordan 16 marta yuqori.
Atorvastatinni nisbiy biokiraolishligi 95-99%, mutloq – 12-14%, GMK-KoA reduktazaga nisbatan faollikni ingibirlovchi tizimli biokiraolishligi taxminan 30% tashqil qiladi. Past tizimli biokiraolishligi me'da-ichak yo‘llarini shilliq qavatidagi tizim oldi klirensi va/yoki jigar orqali “birinchi o‘tishda”gi metabolizmi bilan tushuntiriladi.
Atorvastatinning o‘rtacha taqsimlanish hajmi (Vd) 381 l ga teng.
Atorvastatinning 98% dan ko‘prog‘i qon plazmasi oqsillari bilan bog‘lanadi. Atorvastatin gematoentsefalik to‘siq orqali o‘tmaydi. Asosan jigarda sitoxrom R4503A4 ta'sirida farmakologik faol metabolitlar (orto- va paragidroksillangan metabolitlar, beta- oksidlanish mahsulotlarini) hosil qilish bilan metabolizmga uchraydi. GMG-KoA-reduktazaga nisbatan taxminan 70% ingibitsiya qiluvchi faollikka ega bo‘lgan bu faol metabolitlari 20-30 soat saqlanadi.
Atorvastatinning yarim chiqarilish davri (T1/2) 14 soatga teng. Asosan safro bilan (yaqqol ichak-jigar retsirkulyatsiyasiga uchramaydi, gemodializda chiqarilmaydi) chiqariladi. Atorvastatinning taxminan 46% ahlat bilan va 2% dan kamrog‘i buyraklar bilan chiqariladi.


Qo‘llanilishi

Giperxolesterinemiya
- umumiy xolesterin miqdorini kamaytirish uchun parhez bilan birgalikda, PZLP-XS, kattalarda apolipoprotein V, triglitseridlar va YuZLP-Xs miqdorini oshirish maqsadida, 10 yosh va undan dan katta bo‘lgan bolalar va o‘smir yoshdagilarda birlamchi giperxolesterinemiya (geterozigot oilaviy va nooilaviy giperxolesterinemiya)da va aralash giperlipidemiya (Fredrikson tasnifi buyicha II a va II b tiplari), parhez bilan davolashadekvat samara bermaganida;
- zardobdagi triglitseridlar (Fredrikson tasnifi bo‘yicha IVtip) miqdori yuqori bo‘lganda parhezga qo‘shimcha ravishda, disbetalipoproteinemiya (Fredrikson tasnifi bo‘yicha III tip) da parhez bilan davolash adekvat samara bermaganida;
- gomozigotali oilaviy giperxolesterinemiyasi bor bemorlarda parhez bilan va nofarmakologik usullar bilandavolash yetarlicha samaradorsizligida umumiy xolesterin va PZLP-Xs miqdorini kamaytirish uchun qo‘llaniladi;
Yurak qon-tomir kasalliklarini oldini olish maqsadida
- katta yoshdagi patsiyentlarda yurak-qon tomir kasalliklarini oldini olish, boshqa qo‘shimcha va birlamchi xavf omillarni oldini olish maqsadida;
- YuIK o‘lim xavfini pasaytirish va infarkt miokardi rivojlanish xavfini oldini olish, stenokardiya, insult rivojlanishi xavfini oldini olish maqsadida va yurak qon tomir kasalliklari va/yoki dislipidemiyasi bor bemorlarda revaskulirizatsiya muolajalarini o‘tkazishni kamaytirish maqsadida, shuningdek yuqoridagi kasalliklar aniqlanmasa, YuIK rivojlanishiga quyidagi uchtadan kam bo‘lmagan xavf omillardan biri bo‘lganida, bular - 55 yoshdan katta yoshdagilar, chekish, arterial gipertenziya, qon zardobidagi YuZLP-Xs miqdori kam bo‘lganida, yaqin qarindoshlarida YuIK erta rivojlanish holatlari bo‘lganida qo‘llaniladi.


Qo‘llash usuli va dozalari

Sutka mobaynida, aynan bir vaqtda, ovqat qabul qilishyoki qilmasligidan qat'iy nazar, preparat ichga qabul qilinadi.
Lipidra bilan davolashni boshlashdan oldin, giperxolesterinemiyani nazoratini parhez, jismoniy mashqlar yordamida, semizligi bor patsiyentlarni tana vaznini kamaytirishga erishish, shuningdek asosiy kasallikni davolash yo‘li bilan urinib ko‘rish kerak.
Davolashni boshlashdan oldin patsiyentni standartgipoxolesterinemik parhezga o‘tishini va unga preparat bilan davolanish davrida rioya qilishligini tavsiya etish kerak.
Preparat dozasi PZLP-Xs kontsentratsiyasiga qarab, davolash maqsadlari va davolash uchun individual javobga qarab, sutkasiga 10 mg dan 80 mg gacha o‘zgaradi va titrlanadi. Maksimal sutkalik doza 80 mg gacha .
Davolashning boshida va/yoki Lipidra dozasini oshirilganda qondagi lipidlar kontsentratsiyasi har 2-4 haftada nazorat qilinishi zarur, bu esa o‘z navbatida preparatning dozasini to‘g‘rilashni talab etadi.
Birlamchi giperxolesterinemiya va majmuaviy (aralash) giperlipidemiyada ko‘pchilik patsiyentlarga Lipidra preparatining tavsiya etiluvchi dozasi sutkasiga 10 mg ni tashkil etadi. Terapevtik ta'siri 2 hafta davomida namoyon bo‘lib, odatda 4 hafta davomida maksimal ta'sirga erishiladi. Uzoq muddatli davolashda samara saqlanadi.
Gomozigotli oilaviy giperxolesterinemiyada preparatni odatda ko‘p hollarda sutkasiga 80 mg buyuriladi ( PZLP-Xs kontsentratsiyasi 15-45 % pasayadi).
Geterozigot oilaviy giperxolesterinemiyada boshlang‘ich doza sutkasiga 10 mg ni tashkil etadi. Dozani individual tanlash tavsiya etiladi va har 4 haftada dozani dolzarbliligi baholanib, sutkasiga 40 mg gacha oshirilishi mumkin. So‘ngra yoki maksimal doza sutkasiga 80 mg gacha oshiriladi yoki o‘t kislotalari sekvestrantlari bilan birgalikda atorvastatinni sutkasiga 40 mg gacha qo‘llash mumkin.
Yurak-qon tomir kasalliklari profilaktikasida birlamchi profilaktik tekshiruvlarda atorvastatin sutkasiga 10 mg ni tashkil etgan. Tegishli zamonaviy tavsiyalarga ko‘ra, PZLP-Xs miqdorini pasaytirish maqsadida atorvastatin dozasini oshirish mumkin.
10 yoshdan 18 yoshgacha bolalarda qo‘llash geterozigotali oilaviy giperxolesterinemiyada tavsiya etiluvchi boshlang‘ich doza sutkasiga 10 mg dan 1 mahal. Klinik samaradorligiga qarab, doza sutkasiga 20 mg gacha oshirilishi mumkin. Malakali tajribaga tayangan holda, 20 mg dan yuqori bo‘lgan doza cheklangan bo‘lishi kerak (0,5 mg/tana vazniga to‘g‘ri keladi). Gipolipidemik terapiya maqsadiga qarab, dozani titrlash lozim. Dozani to‘g‘rilash 4 haftada 1 marta yoki undan ko‘p oraliqda o‘tkazish kerak.
Jigar yetishmovchiligida ALT va AST faolligining doimiy nazorati ostida Lipidra dozasini kamaytirish lozim.
Buyrak funktsiyasining buzilishi atorvastatinning qon zardobidagi kontsentratsiyasiga yoki Lipidrani qo‘llanilishida PZLP-Xs kamaytirish darajasiga hech qanday ta'siri bo‘lmaganligi sababli, preparatning dozasini to‘g‘rilash talab etilmaydi.
Keksa yoshdagi shaxslarda preparatni qo‘llashda preparatning xavfliligi va samaradorliligi bo‘yicha umumiy populyatsiyaga nisbatanxatarlitomonlari aniqlanmagan, preparatning dozasini to‘g‘rilash talab etilmaydi.

Nojo‘ya ta'sirlari
JSST ma'lumotiga ko‘ra, nojo‘ya ta'sirlar rivojlanish tezligi bo‘yicha quyidagicha taqsimlanadi juda tez-tez (≥1/10); tez-tez (≥1/100 dan <1/10 gacha); kam (≥1/1000 dan <1/100 gacha); kamdan-kam (≥1/10000 dan <1/1000 gacha); juda kam (<1/10000); noma'lum – mavjud ma'lumotlarga ko‘ra uchrash soni aniqlashni imkoniyati yo‘q.
Infektsion va parazitar kasalliklar tez-tez – nazofaringit.
Qon yaratish va limfatik tizimi tomonidan kamdan-kam – trombotsitopeniya;
Immun tizimi tomonidan tez-tez – allergik reaktsiyalar; juda kam – anafilaksis.
Oziqlanish va modda almashinuvi tomonidan tez-tez – giperglikemiya; kamdan-kam – gipoglikemiya, tana vaznining oshishi, anoreksiya.
Ruhiyat tomonidan kamdan-kam – qo‘rqinchli tushlar, uyquchanlik.
Nerv tizimi tomonidan tez-tez – bosh og‘rig‘i; kam – bosh aylanishi, paresteziya, gipoesteziya, disgeziya, amneziya; kamdan-kam – periferik nevropatiya.
Ko‘rish a'zolari tomonidan kam – ko‘rishni xiralashishi; kamdan-kam – ko‘rishning buzilishi.
Eshitish a'zolari va muvozanat tomonidan kam – quloqlarni shang‘illashi; juda kam – karlik.
Nafas tizimi, ko‘krak qafasi va ko‘ks oralig‘i tomonidan tez-tez – burun-halqum sohasida og‘riq, burundan qon ketishi.
Me'da–ichak yo‘llari tomonidan tez-tez – qabziyat, meteorizm, dispepsiya, ko‘ngil aynishi, diareya; kam – qusish, qorinning yuqori va pastki sohalarida og‘riq, kekirish, pankreatit.
Jigar va o‘t chiqarish yo‘llari tomonidan kam – gepatit; kamdan-kam – xolestaz; juda kam – jigar yetishmovchiligi.
Teri va teri osti to‘qimalari tomonidan kam – eshakemi, toshma, qichishish, alopetsiya; kam – angionevrotik shish, bullez dermatit, multiform eritema, Stivens-Jonson sindromi va toksik epidermal nekroliz.
Tayanch-harakat tizimi tomonidan tez-tez – mialgiya, artralgiya, oyoq va qo‘l uchlarida og‘riq, mushaklar spazmi, bo‘g‘imlar shishi, belda og‘riq; kam – bo‘yinda og‘riq, mushaklarda holsizlik; kamdan-kam – miopatiya, miozit, rabdomioliz, tendinopatiya, ba'zi hollarda mushaklar yirtilishi.
Jinsiy a'zolar va sut bezlari tomonidan juda kam – ginekomastiya.
Umumiy buzilishlar va yuborish joyidan buzilishlar kam – darmonsizlik, asteniya, ko‘krakda og‘riq, periferik shishlar, charchoq, tana haroratining ko‘tarilishi.
Laboratoriya ko‘rsatkichlari tomonidan giperglikemiya, gipoglikemiya, KFK ni zardobda oshishi, albuminuriya, ALT, AST faolligining oshishi, trombotsitopeniya, eozinofiliya, eritrotsilar cho‘kishining oshishi(EChT).
Miopatiya rivojlanishida yoki miopatiyaga shubha tug‘ilganda KFK miqdorining nazoratga olish kerak, KFK miqdori oshganida Lipidra buyurish bekor qilinadi. Boshqa statinlarni qo‘llanilganiday, atorvastatin bilan davolashda ham mioglobulinuriya sababli rabdomioliz, ikkilamchi buyrak yetishmovchiligi rivojlanishi mumkin. Og‘ir holatlarda, miopatiyada vaikkilamchi buyrak yetishmovchiligi rivojlanishiga olib keluvchi bir yoki bir nechta xavf omillari, shu jumladano‘tkir infektsion kasalliklarning og‘ir shakllari, gipotoniya, travma, operativ aralashishlar, endokrin va suv-elektrolit balansining buzilishlarida atorvastatin bilan terapiyani to‘xtatish zarur.
Atorvastatin qabul qilayotgan paytda, qayta gemorragik insult vagemorragik insultrivojlanishxavf ehtimoli bir ozbo‘lishi mumkin.
NOXUSh REAKTSIYaLAR KUZATILGANDA ShIFOKORGA MUROJAAT QILING!


Qo‘llash mumkin bo‘lmagan holatlar

• preparatning har qanday komponentlariga yuqori sezuvchanlik;
• jigarning faol bosqichidagi kasalliklari (shu jumladan faol surunkali gepatit, surunkali alkogolli gepatit);
• jigar yetishmovchiligi;
• turli etiologiyali jigar sirrozi;
• jigar transaminazalari faolligining noaniq genezli oshishi;
• skelet mushaklari kasalliklari;
• homiladorlik va laktatsiya davri, shuningdek, kontratseptsiyaning adekvat usullaridan foydalanmaydigan reproduktiv yoshdagi ayollarda qo‘llanilishi;
• 10 yoshgacha bo‘lgan bolalar;
• galaktozemiya (preparat laktoza saqlaydi) yoki glyukoza/galaktoza so‘rilishining buzilish sindromi, laktaza tanqisligida qo‘llash mumkin emas.
Ehtiyotkorlik bilan alkogolizm, anamnezdagi jigar kasalliklari, elektrolit muvozanatining og‘ir buzilishlari, endokrin va metabolik buzilishlar, arterial gipotenziya, og‘ir o‘tkir infektsiyalar (sepsis), nazorat qilinmaydigan tutqanoq, katta jarrohlik aralashuvlari, jarohatlarda ehtiyotkorlik bilan buyuriladi.

Dorilarning o‘zaro ta'siri
Atorvastatinni siklosporin, antibiotiklar (eritromitsin, klaritromitsin, kvinupristin/dalfopristin), OITV proteaza ingibitorlari (indinavir, ritonavir), zamburug‘larga qarshi vositalar (flukonazol, itrakonazol, ketokonazol) yoki nefazodon bilan bir vaqtda qo‘llash qon zardobida atorvastatin miqdorining oshishiga olib kelishi mumkin, bu rabdomioliz va buyrak yetishmovchiligi bilan kechuvchi miopatiyaning paydo bo‘lishi xavfini oshiradi. O‘xshash o‘zaro ta'sirlar preparatni fibroy kislotasining hosilalari (fibratlar bilan) va niatsin bilan (nikotin kislotasi bilan) birga qabul qilishda bo‘lishi mumkin.
Atorvastatinni fenitoin bilan bir vaqtda qabul qilish atorvastatin samaradorligining kamayishiga olib kelishi mumkin.
Birga qo‘llanganida antatsidlar (magniy va alyuminiy gidroksidining suspenziyasi) atorvastatinning qon plazmasidagi miqdorini pasaytiradi. Atorvastatinni kolestipol bilan bir vaqtda qabul qilinganida atorvastatinning plazmadagi kontsentratsiyasi 25% ga pasayadi, ammo majmuaning terapevtik samarasi atorvastatinning bir o‘zini samarasidan yuqori bo‘ladi.
80 mg atorvastatin va digoksinni bir vaqtda olayotgan bemorlarda, digoksinning plazmadagi miqdori taxminan 20% ga oshadi. Atorvastatinni digoksin bilan birgaqabul qilayotgan bemorlar shifokor kuzatuvi ostida bo‘lishlari kerak.
Atorvastatinni peroral kontratseptivlar (noretindron va etinilestradiol majmuasi) bilan birga qabul qilinganda kontratseptivlar so‘rilishining kuchayishi va ularning qon plazmasidagi kontsentratsiyasi oshishi mumkin.
Atorvastatin olayotgan ayollarda kontratseptivlarning dozasini nazorat qilish lozim.
Atorvastatinni varfarin bilan bir vaqtda qabul qilish birinchi kunlarda varfarinning qon ivishi ko‘rsatkichlariga bo‘lgan ta'sirini (protrombin vaqtining kamayishi) kuchaytirishi mumkin. Bu samara yuqorida ko‘rsatilgan preparatlarni birga 15 kun qo‘llanganidan keyin yo‘qoladi.
Preparat bilan davolash davrida greypfrut sharbatini ist'emol qilish preparatning qon plazmasidagi kontsentratsiyasini oshishiga olib kelishi mumkin. Shu sababli preparat qabul qilayotgan bemorlar ushbu sharbatni iste'mol qilishdan saqlanishlari kerak.

Mahsus ko‘rsatmalar
Davolashni boshlashdan oldin bemorga standart gipoxolesterinemik parhezni buyurish kerak, unga davolashning hamma davri davomida rioya qilishi kerak.
Qon zardobida jigar fermentlarining faolligining oshishi davolash davomida kuzatilishi mumkin. Bu oshish odatda, unchalik katta emas va klinik ahamiyatiga ega emas. Ammo qon zardobida jigar fermentlarining faolligini davolashdan oldin, 6 va 12 haftadan keyin hamda atorvastatinning dozasi oshirilganida nazorat qilish tavsiya qilinadi. Agarda AST va/yoki ALT faolligini me'yorning yuqori chegaralariga nisbatan uch marta oshishi aniqlansa, davolashni to‘xtatish kerak.
Ishonchli kontratseptsiyani ishlatmaydigan tug‘ish yoshidagi ayollarga, preparatni qo‘llash tavsiya qilinmaydi. Agarda patsiyent ayol davolanish vaqtida homiladorlikni rejalashtirsa, u rejalashtirilgan homiladorlikdan kamida bir oy oldin preparatni qabul qilishni to‘xtatishi kerak.
Davolash miopatiya chaqirishi mumkin, u ba'zida o‘tkir buyrak yetishmovchiligiga olib keluvchi rabdomioliz bilan birga kechadi. Bu asoratning xavfi preparatni quyidagi dori vositalardan bir yoki bir nechta preparatlarni fibroy kislotasi hosilalari, niatsin, siklosporin, nefazodon, ayrim antibiotiklar, azollar guruhiga mansub zamburug‘larga qarshi vositalar, OITV-proteaza ingibitorlari bilan bir vaqtda qabul qilinganida oshadi.
Atorvastatinni avtomobilni boshqarish va mexanizmlar bilan ishlash qobiliyatiga noxush ta'siri to‘g‘risida xabar qilinmagan.
Homiladorlik va laktatsiya davrida qo‘llanilishi
Preparatning xomiladorlik davrida qo‘llanilishi bo‘yicha FDAtasnifiga binoan Lipidra (atorvastatin) preparati homilaga ta'siriga ko‘ra “X” toifaga kiradi.
Ushbu dori vositasi ta'siri oqibatidahomila rivojlanishining buzilishi aniqlangan yoki uning salbiy ta'sir xavfi haqida dalillar bor, shunday qilib bu dori vositasidanhomila uchun xatarlar homilador ayol uchun bo‘lgan foydadan yuqori.
Lipidra preparatini homiladorlik va laktatsiya davrida qo‘llash ma'n etiladi. Tug‘ruq yoshidagi ayollarga atorvastatinni ishonchli kontratseptsiya vositalaridan foydalangan holdagina buyuriladi. Agarda atorvastatin qabul qilayotgan davrda homiladorlik yuzaga kelsa, ayolni homilada kelib chiqishi mumkin bo‘lgan xavf xatarlar bilan ogoxlantirish kerak va dislipidemiyani davolashni davom ettirish haqidagi masalani xal etish kerak.
Laktatsiya davrida atorvastatinni qo‘llash,ko‘krak bilan emizishni to‘xtatilgandan keyingina amalga oshirish mumkin.
Avtomobilni va murakkab mexanizmlarni boshqarish qobiliyatiga ta'siri
Ta'sir qilmaydi.


Dozani oshirib yuborilishi

Belgilari arterial gipotenziya, keyinchalik rabdomioliz va o‘tkir buyrak yetishmovchiligi bilan kechuvchi miopatiya rivojlanishi (kam, ammo og‘ir nojo‘ya samara) bo‘lishi mumkin.
Davolash preparat darhol bekor qilinishi kerak. Umumiy tadbirlar monitoring va hayotiy muhim a'zolarning faoliyatini tutib turish va preparatni keyinchalik so‘rilishini oldini olish (me'dani yuvish, faollashtirilgan ko‘mir yoki surgi vositalarni buyurish). Simptomatik davolash rabdomioliz rivojlanganda bemorga diuretik va natriy gidrokarbonatning eritmasini yuborish kerak. Rabdomioliz giperkaliyemiyaga olib kelishi mumkin, uni bartaraf qilish uchun kaltsiy xloridi yoki kaltsiy glyukonatini vena ichiga yuborish, glyukozaning insulin bilan infuziyasi, kaliy ionlarini almashtiruvchilarini ishlatish yoki og‘ir hollarda kaliy ionlarini chiqarish uchun gemodializni o‘tkazish talab qilinadi. Atorvastatin qon plazmasi oqsillari bilan sezilarli darajada bog‘lanishi tufayli, gemodializ bu moddani organizmdan chiqarish bo‘yicha nisbatan kam samarali usul hisoblanadi.


Chiqarilish shakli

«Lipidra 10», qobiq bilan qoplangan tabletkalar 10 mg dan, №28.
«Lipidra 20», qobiq bilan qoplangan tabletkalar 20 mg dan, №28.
«Lipidra 40», qobiq bilan qoplangan tabletkalar 40 mg dan, №28.
«Lipidra 80», qobiq bilan qoplangan tabletkalar 80 mg dan, №28, tibbiyotda qo‘llanilishiga doir yo‘riqnomasi bilan birga.


Saqlash sharoiti

Quruq, yorug‘likdan himoyalangan joyda, 250C dan yuqori bo‘lmagan haroratda.
Bolalar ololmaydigan joyda saqlansin.


Yaroqlilik muddati

2 yil.

Yaroqlilik muddati
o‘tgach qo‘llanilmasin.


Dorixonalardan berish tartibi

Retsept bo‘yicha.


Ishlab chiqaruvchi

MChJ "NOBEL PHARMSANOAT" ChEK

O‘zbekiston Respublikasi xududida dori vositalarining sifati bo‘yicha e'tirozlar (takliflar) ni qabul qiluvchi tashkilot nomi va manzili
MChJ “NOBEL PHARMSANOAT” ChEK
O‘zbekiston Respublikasi, Toshkent shahri, Mirzo Ulug‘bek tumani, Qorasuvbo‘yi ko‘chasi, 5 “A”. Tel (99871) 207 99 00; Faks (99871) 207 99 01; E-mail pv@nobel.uz, www.nobel.uz