Gliatilin in'ektsiya uchun eritma 1000mg/4ml №3

GLIATILIN® (xolin alfostserahti)

Dori shakli

kapsulalar, in'ektsiya uchun eritma

Farmakoterapevtik guruhi

nootrop vosita.

Tarkibi

In'ektsiya uchun eritmaning bir ampulasi (4 ml) quyidagilarni saqlaydi faol ingrediyenti xolin alfostserati - 1000 mg; nofaol ingrediyentlari in'ektsiya uchun suv q.s. 4 ml gacha. Bir yumshoq jelatin kapsula quyidagilarni saqlaydi faol ingrediyenti xolin alfosterati - 400 mg; nofaol ingrediyentlari tozalangan suv, glitserin, kapsula qobig‘ining tarkibi jelatin, ezitol, sorbitan, natriy etil-r-gidroksibenzoati, natriy r-gidroksibenzoati, titan dioksidi (E 171), temir (III) metagidroksidi (E 172).
FARMAKOLOGIK TAЪSIRI. GLIATILIN asosan MNT ga ta'sirga ega xolinomimetiklar guruhiga mansub yangi birikmadir. Preparatning tarkibiga 40,5% metabolik jihatdan himoyalangan xolin kiradi. Metabolik himoya bosh miyada xolinni ajralib chiqishini ta'minlaydi. Tadqiqotlarning natijalari GLIATILIN xotira faoliyati va ta'lim olish qobiliyatiga, shuningdek yomonlashuvi bosh miyaning involyutsion patologiyasini rivojlanishi oqibitida chaqirilgan emotsional holat va xulq ko‘rsatkichlariga ancha ijobiy ta'sir qilishni ko‘rsatadi.
Ta'sir mexanizmi organizmga tushganida xolin alfostserati fermentlar ta'sirida xolin va glikerofosfatga parchalanishiga asoslangan; xolin nerv qo‘zg‘alishining asosiy mediatorlaridan biri bo‘lgan - atsetilxolinni (AX) biosintezida ishtirok etadi; glitserofosfat neyronlar membranasining fosfolipidlarini (fosfatidilxolinni) o‘tmishdoshi hisoblanadi. Shunday qilib, GLIATILIN xolinergik neyronlarda nerv impulslarining o‘tishini yaxshilaydi; neyronal membranalarning plastikligi va mediatorlarning faoliyatiga ijobiy ta'sir ko‘rsatadi.
GLIATILIN serebral qon oqimini yaxshilaydi, bosh miyada metabolik jarayonlarni kuchaytiradi, bosh miyaning retikulyar formatsiyasining tuzilmalarini faollashtiradi va bosh miyaning jarohat shikastlanishida es-xushni tiklaydi.

Farmakokinetikasi

. Ichga qabul qilinganida yuborilgan dozaning o‘rtacha 88% ga yaqini so‘riladi. Birikmaning chiqarilishi, asosan o‘pka orqali, uglerod (IV) oksidi (CO2) ko‘rinishida ro‘y beradi. Preparatning taxminan 15% buyraklar va ichak orqali chiqariladi.

Farmakodinamika

si. Eksperimental tadqiqotlar, GLIATILINni neyrotransmissiyaning fiziologik sharoitlarida atsetilxolinni dozaga bog‘liq ravishda ajralib chiqishini rag‘batlantirishini ko‘rsatdi.
GLIATILIN bir tomondan xolinning donori bo‘lib, atsetilxolinning sintezini oshiradi, bu o‘z navbatida neyrotransmissiyaga ijobiy ta'sir ko‘rsatadi, boshqa tomondan fosfatidilxolinning (membrana fosfolipidi) sintezida ishtirok etadigan glitserofosfatning donori hisoblanadi, natijada membranalarning egiluvchanligi va retseptorlarning faoliyati yaxshilanadi, bu sinaptik o‘tkazuvchanlikka ijobiy ta'sir ko‘rsatadi.
QO‘LLANILISHI
- bosh-miyaning og‘ir jarohatini asosan miya ustuni darajasidagi shikastlanishining o‘tkir davrida (ongni buzilishi, komatoz holat, o‘chog‘li yarim shar simptomatikasi, miya ustunining shikastlanish simptomlari);
-ishemik tipdagi bosh miyada qon aylanishi buzilishi (o‘tkir va tiklanish davrida) va gemorragik tipdagi qon aylanishini buzilishi (tiklanish davrida)
- miyaning degenerativ va involyutsion psixoorganik sindromlari va keksa yoshdagi shaxslarda xotirani buzilishi, es-xushni chalkashishi, dezoriyentatsiya; motivatsiya va tashabbuskorlikni kamayishi, diqqatning jamlanishini susayishi bilan xarakterlanadigan fikrlash faoliyatining birlamchi va ikkilamchi buzilishlari kabi serebrovaskulyar yetishmovchilik oqibatlari;
- emotsional va xulq doirasidagi o‘zgarishlar emotsional beqarorlik, ta'sirchanlik, qiziqishni pasayishi;
- qarilik soxtamelanxoliyasi
- multiinfarkt dementsiya.
--turli sabablar natijasida kelib chikkan dementsiya (Altsgeymertipidagi dementsiya, qarilik dementsiyasi, aralash turlari) Altsgeymer kasalligi, Gentington xoreyasi.
- kognitiv funktsiyalarni buzilishi (fikrlash funktsiyalarini buzilishi, xotira vadiqqatni jamlash) xar xil sabablarga ko‘ra bosh miyada qon aylanish buzilishi natijasida aqlzaiflikni yengil yeki og‘ir darajalari mavjud bo‘lgan bemorlarda bosh miyada qon tomirlari aterosklerozi, distsirkulyator entsefalopatiya, arterial gipertoniyada qo‘llanadi.
QO‘LLASH MUMKIN BO‘LMAGAN HOLATLAR. Preparatga aniqlangan yuqori sezuvchanlikda qo‘llash mumkin emas.
HOMILADORLIK VA LAKTATSIYA. Preparatni homiladorlik va emizish davrida qo‘llash mumkin emas.
NOJO‘YA TA'SIRLARI. Odatda preparat hatto uzoq vaqt qo‘llanganida ham yaxshi o‘zlashtiriladi. Kam hollarda ko‘ngil aynishi (asosan dopaminergik faollashuv oqibati sifatida) paydo bo‘lishi mumkin, bunday hollarda preparatning dozasi kamaytiriladi.
MEXANIZMLARNI BOSHQARISH QOBILIYATIGA TA'SIRI. Avtomobilni yoki boshqa mexanizmlarni boshqarish qobiliyatiga ta'sir ko‘rsatmaydi.
DOZALARI VA QO‘LLASh USULI.O‘tkir xolatlarda GLIATILIN mushak ichiga yoki vena ichiga (tomchilab) sutkada 1 gr dan (1 ampula) 3 gr gacha qo‘llaniladi. Vena ichiga yuborilganda bir ampula (4 ml) 50 ml fiziologik eritmada eritilib tomchilab yuboriladi, minutiga 60-80 tomchi. Davolash davomiyligi odatda 10 kun, ammo zarur bo‘lganda davolash kursini ijobiy natijaga erishilguncha davom ettirish mumkin keyinchalik kapsula qabul qilishga o‘tkaziladi
Surunkali serebrovaskulyar yetishmovchilik va dementsiya sindromlarida GLIATILIN 400 mg (1 kapsula) dan sutkada 2-3 marta buyuriladi, yaxshisi ovqatdan oldin.
Davolash davomiyligi 3-6 oyni tashkil qiladi.
DORI VOSITALARI BILAN O‘ZARO TA'SIRI. Boshqa preparatlar bilan o‘zaro ta'siri aniqlanmagan.
ChIQARILISh ShAKLI. GLIATILIN in'ektsiya uchun eritma o‘ram plastik konteynerda 4 ml dan 3 ampulani (preparatning 1000 mg ampulada) va qo‘llash bo‘yicha yo‘riqnomani saqlaydi.
GLIATILIN kapsulalari o‘ram PVX/alyumin blisterlarda 14 kapsula va qo‘llash bo‘yicha yo‘riqnoma saqlaydi.
YAROQLILIK MUDDATI VA SAQLASH SHAROITI. Ampulalar - 5 yil. Kapsulalar - 3 yil.
+250S dan yuqori bo‘lmagan haroratda saqlansin.
Bolalar ololmaydigan joyda saqlansin!
DORIXONALARDAN BERISH TARTIBI. Shifokor retsepti bo‘yicha.

Ishlab chiqaruvchi

«ITALFARMAKO», Italiya
«ITALFARMACO» S.p.A., Italy