Preparatning savdo nomi
Dimedrol
Ta'sir etuvchi modda (XPN) difengidramin

Dori shakli
in'ektsiya uchun eritma

Tarkibi

faol modda dimedrol 10 mg.
yordamchi moddalar in'ektsiya uchun suv 1 ml gacha.
Ta'rifi tiniq rangsiz suyuqlik.
Farmakoterapevtik guruxi allergiya qarshi vositalar
ATX kodi R06AA02


Farmakologik xususiyatlari

I avlod N1-g‘istamin retseptorlarni blokatori, gistaminning shu turdagi retseptorlari orqali yuz beradigan samaralarini bartaraf kiladi. Markaziy nerv tizimiga ta'siri bosh miyaning N3-gistamin retseptorlarini blokadasi va markaziy xolinergik tuzilmalarni susaytirishi bilan bog‘liq. Yaqqol antigistamin faollikka ega, gistamin tomonidan chaqirilgan silliq mushaklarining spazmini, kapillyarlarning o‘tkazuvchanligini oshishini, to‘qimalarning shishini, qichishishni va giperemiyani kamaytiradi yoki oldini oladi. Mahalliy og‘riqni qoldiruvchi samara ko‘rsatadi (ichga qabul qilinganida og‘iz bo‘shlig‘i shilliq qavatini qisqa muddatli uvishishi payda bo‘ladi), gangliylarning va markaziy nerv tizimining xolinoretseptorlarini bloklaydi (arterial bosimni pasaytiradi), sedativ, uxlatuvchi, parkinsonizmga qarshi va qusishga qarshi samaralarni ko‘rsatadi. Gistamin bilan antagonizmi yallig‘lanishda va allergiyada tizimli reaktsiyalarga, ya'ni arterial bosimni pasayishiga qaraganda, mahalliy qon tomir reaktsiyalariga nisbatan ko‘proq darajada namoyon bo‘ladi. Biroq aylanayotgan qon hajmining tanqisligi bo‘lgan patsiyentlarga parenteral yuborilganida arterial bosim pasayishi va gang‘lioblokatorlik ta'siri tufayli mavjud gipotoniya kuchayishi mumkin. Bosh miyani lokal shikastlanishi va tutqanog‘i bo‘lgan odamlarda (xatto past dozalarda) EEG dagi epileptik razryadlarni faollashtiradi va tutqanoq hurujini qo‘zg‘atishi mumkin. Gistaminning liberatorlari (tubokurarin, morfin, sombrevin) chaqirgan bronxosiazmda ko‘proq darajada samarali va allergik bronxospazmda esa kamroq faol. Sedativ, uyquni chaqiruvchi samaralari takroriy qabul qilinganida bir muncha yaqqolroq.

Farmakokinetikasi

Plazma oqsillari bilan bog‘lanishi - 98-99%. Katta qismi jigarda metabolizmga uchraydi, kamrok qismi – o‘zgarmagan ko‘rinishda buyrak orqali 24 soat ichida chiqariladi. Yarim chiqarilish davri (T½) 1-4 soatni tashkil qiladi. Organizmda yaxshi taqsimlanadi, gematoentsefalik to‘siq orqali o‘tadi.
Asosan jigarda gidroksi guruhini qo‘shilishini va glyukuronidlarga kon'yugatsiya yo‘li bilan metabolizmga uchraydi; biotransformatsiya mahsulotlari siydik bilan chiqariladi. Ko‘krak suti bilan chiqariladi va emizikli bolalarda sedativ samara chaqirishi mumkin. Maksimal faolligi 1 soatdan keyin rivojlanadi, ta'siri davomiyligi — 4 soatdan 6 soatgacha.


Qo‘llanilishi

Anafilaktik shok, eshakemi, pichan isitmasi, zardob kasalligi; gemorragik vaskulit (kapillyarotoksikoz), ko‘p shaklli ekssudativ eritema, Kvinke shishi, qichishuvchi dermatozlar, kichishish, allergik kon'yunktivit va ko‘zning allergik kasalliklari, dori vositalarini qabul qilish bilan bog‘lik bo‘lgan allergik reaktsiyalar, xoreya, Men'er kasalligi, operatsiyadan keyin qusishda qo‘llaniladi.


Qo‘llash usuli va dozalari

Preparat kattalarga mushak ichiga va vena ichiga tomchilab yuborish uchun buyuriladi.
Ta'sirlovchi samarasi tufayli preparat teri ostiga yuborilmaydi.
Mushak ichiga bir martalik doza 10-50 mg (1-5 ml) ni buyuriladi, maksimal bir martalik doza - 50 mg (5 ml) ni, maksimal sutkalik doza – 150 mg (15 ml) ni tashkil qiladi. Vena ichiga preparat, Dimedrolni 20-50 mg (2-5 ml) dozada 0,9% li natriy xloridi eritmasining 100 ml da tomchilab yuboriladi. Davolash davomiyligi erishilgan samara va preparatni o‘zlashtiraolinishiga bog‘lik.

Nojo‘ya ta'sirlari
Nerv tizimi va sezgi a'zolari tomonidan umumiy holsizlik, toliqish, sedativ ta'sir, diqqatni pasayishi, harakat koordinatsiyasini buzilishi, psixomotor reaktsiyalar tezligini pasayishi, bosh aylanishi, uyquchanlik, bosh og‘rig‘i, bezovtalik, yuqori qo‘zg‘aluvchanlik, uyqusizlik, asabiylik, ta'sirchanlik, eyforiya, o‘lim qo‘rquvi, ongni chalkashishi, tremor, nevrit, tirishishlar, paresteziyalar, qorachiqlarni kengayishi, diplopiya, ko‘z ichki bosimini oshishi, ko‘rishni buzilishi, o‘tkir labirintit, quloqlarda shovqin. Bosh miyani lokal shikastlanishi va tutqanog‘i bo‘lgan odamlarda (hatto past dozalarda) EEG dagi epileptik razryadlarni faollashtiradi va tutqanoq hurujini qo‘zg‘atishi mumkin.
Yurak-qon tomir tizimi tomonidan arterial gipotenziya, yurak urishini his qilish, taxikardiya, ekstrasistoliya.
Qon tizimi tomonidan agranulotsitoz, trombotsitopeniya, gemolitik anemiya.
Ovqat hazm qilish yo‘llari tomonidan og‘izni qurishi, og‘iz bo‘shlig‘i shilliq qavatini qisqa muddatli uvishishi, anoreksiya, ko‘ngil aynishi, epigastral sohada og‘riq, qusish, diareya, qabziyat.
Siydik-jinsiy tizimi tomonidan tez-tez va/yoki qiyinchilik bilan siyish, siydikni tutilishi, erta hayz ko‘rish.
Nafas tizimi tomonidan burun va tomoqning shillik qavatini quruqligi, burunni bitishi, bronxlarning sekretini quyuqlashishi, ko‘krak qafasida siqilish hissi, nafasni qiyinlashishi, hansirash.
Teri va uning hosilalari tomonidan giperemiya, qichishish, ko‘p shaklli toshmalar, teri va shilliq qavatlar sianozi.
Allergik reaktsiyalar teri toshmasi, eshakemi, anafilaktik shok.
Yuborish joyidagi reaktsiyalar teri ostiga va teri ichiga yuborilganida lokal nekrozlar.
Boshqalar kuchli terlash, etni uvishishi, isitma, gipertermik sindrom, fotosensibilizatsiya.


Qo‘llash mumkin bo‘lmagan holatlar

Preparatga o‘ta yuqori sezuvchanlik. Bronxial astma huruji, feoxromotsitoma, tutqanoq,
QT intervalini uzayishi sindromi yoki QT intervalini uzaytiruvchi preparatlarni davomli qo‘llash, yopiq burchakli glaukoma, prostata bezining giperplaziyasi, me'da va o‘n ikki barmoqli ichak yara kasalligida privratnikni stenozi, qovuqni stenozi, bradikardiya, yurak ritmini buzilishi, porfiriya, homiladorlik va laktatsiya davri, bolalarda qo‘llash mumkin emas.

Dorilarning o‘zaro ta'siri
Dimedrol narkoz uchun vositalari, uxlatuvchi, sedativ vositalar, narkotik anal'getiklar va mahalliy anestetiklarning samaralarini potentsiyalaydi. Tritsiklik
antidepressantlar bilan birga qo‘llanganida xolinoblokatorlik va markaziy nerv tizimiga susaytiruvchi ta'siri kuchayishi mumkin. Analeptiklar bilan birga qo‘llanganida tirishishlarni rivojlanish xavfi bo‘lishi mumkin. MAO ingibitorlari va dimedrolni bir vaqtda qo‘llanishi arterial bosimni oshishiga olib kelishi mumkin, shuningdek markaziy nerv tizimi va nafas tizimiga ta'sir qilishi mumkin. Gipotenziv preparatlar bilan birga qo‘llash toliqish hissini kuchaytirishi mumkin. Preparat etanolning ta'sirini kuchaytiradi, zaharlanishlarni davolashda qusishga qarshi vosita sifatida qo‘llanuvchi apomorfinning samaradorligini pasaytiradi. Dimedrol saqlovchi, shu jumladan mahalliy qo‘llash uchun preparatlar bilan birga buyurish mumkin emas.
Nomutanosiblik. Bir idishda boshka dori vositalari bilan aralashtirish mumkin emas.
Faqat tavsiya qilingan erituvchi ishlatilsin.


Maxsus ko‘rsatmalar

Teri ostiga yuborish tavsiya qilinmaydi. Dimedrol atropinsimon ta'sirga ega bo‘lganligi tufayli, uni anamnezida yaqinda respirator kasalliklari (shu jumladan astmasi) bo‘lgan, ko‘z ichki bosimi oshgan patsiyentlarga, gipertireozda, yurak-qon tomir tizimining kasalliklarida, arterial gipotenziyada ehtiyotkorlik bilan qo‘llash kerak.
O‘pkaning obstruktiv kasalliklarini, yurak-qon tomir tizimining og‘ir kasalliklarini, ileusni kechishini, o‘t yo‘llarining obetruktsiyasi holatini yomonlashtirishi mumkin. Dimedrol tormozlanishni chaqirishi mumkin, shuningdek, ayniqsa doza oshirib yuborilganida qo‘zg‘alish va gallyutsinatsiyalar, tirishishlar chaqirishi mumkin. 60 yoshli va undan katta patsiyentlarda ehtiyotkorlik bilan qo‘llanadi, chunki bosh aylanishi, sedatsiya va aretrial gipotenziyani rivojlanish ehtimoli yuqoridir.
Jigar va buyrak funktsiyasini buzilishlari bo‘lgan patsiyentlarga ehtiyotkorlik bilan buyuriladi.
Davolanish davrida UB-nurlanish va etanolni iste'mol qilishdan saqlanish kerak.
Bemorlar bu preparatni qo‘llayotganlari to‘g‘risida shifokorni xabardor kilishlari kerak, chunki preparatning qusishga qarshi ta'siri appenditsitning tashxisini va boshqa dori vositalarning dozasini oshirib yuborilishi simptomlarini aniqlashni qiyinlashtirishi mumkin.
Homiladorlik va laktatsiya davrida qo‘llanishi.
Dimedrolni homiladorlik davrida qo‘llash mumkin emas, chunki uni qo‘llashning xavfsizligi va samaradorligi bo‘yicha adekvat ma'lumotlar yo‘q.
Preparatni qo‘llashning zarurati bo‘lganida emizishni to‘xtatish kerak.
Bolalar. Preparat pediatriya amaliyotida ko‘llanmaydi.
Avtomobilni va murakkab mexanizmlarni boshqarish qobiliyatiga ta'siri
Dimedrol sedativ va uxlatuvchi samaralarga ega bo‘lganligi tufayli, preparat bilan davolanish vaqtida diqqatni yuqori jamlash va psixomtor reaktsiyalar tezligini talab qiluvchi potentsial xavfli faoliyat turlaridan saqlanish kerak.


Dozani oshirib yuborilishi

Simipitomlari og‘izni qurishi, nafasni susayishi, turg‘un midriaz, yuzni qizarishi, markaziy nerv tizimini susayishi yoki qo‘zg‘alishi, depressiya, ongni chalkashishi, giperkineziya, tirishishlar, alaxsirash, taxikardiya, aritmiya kuzatiladi. Dimedrolning dozasi oshirib yuborilganidan keyin rabdomiolizning rivojlanish holatlari ta'riflangan.
Davolash nafas faoliyati va arterial bosimni sinchkov nazorati ostida simptomatik va tutib turuvchi davolash. Plazma o‘rnini bosuvchi suyuqliklarni vena ichiga tomchilab yuborish, oksigenoterapiya. Epinefrin va analeptiklarni qo‘llashga ruxsat berilmaydi.
Dimedrolning dozasi oshirib yuborilganida, agar antixolinergik simptomlari kuchayib borsa, antidot sifatida fizostigmin (tana vazniga 0,02-0,06 mg/kg vena ichiga) bir necha marta buyurilishi mumkin. Fizostigminning dozasi oshirib yuborilgan hollarda atropinni yuborish tavsiya qilinadi. Tirishishlar va markaziy nerv tizimining qo‘zg‘alish simptomlari rivojlanganida parenteral ravishda diazepam yuboriladi.


Chiqarilish shakli

In'ektsiya uchun eritma 1%. 1 ml va 2 ml dan ampulada. 10 dona ampuladan qo‘llanilishiga doir yo‘riqnoma va ampulani ochish uchun pichoq yoki ampula skarifikatori bilan birga karton qutiga joylanadi.


Saqlash sharoiti

Yerug‘likdan himoyalangan joyda, 25°C dan yuqori bo‘lmagan haroratda saqlansin.
Bolalar ololmaydigan joyda saqlansin.


Yaroqlilik muddati

2 yil.

Yaroqlilik muddati
o‘tgach qo‘llanilmasin.


Dorixonalardan berish tartibi

Retsept bo‘yicha.


Ishlab chiqaruvchi

«Dentafill Plyus» MChJ