Preparatning savdo nomi
Doritritsin
Ta'sir etuvchi modda (XPN) benzalkoniy xloridi + benzokain + tirotritsin

Dori shakli
shimish uchun tabletkalar

Tarkibi

1 tabletka quyidagilarni saqlaydi
Faol moddalar
benzalkoniy xloridi1,00 mg
benzokain1,50 mg
tirotritsin0,50 mg
Yordamchi moddalar povidon-25 ming 10,00 mg, natriy saxarinati 1,00 mg, qalampir yalpiz barglari moyi 5,00 mg, sorbitol 870,7 mg, talьk 80,00 mg, saxaroza stearati 20,00 mg, natriy karmelloza 10,00 mg.
Ta'rifi tabletkalar oq rangli, dumaloq, biplanar silliq yuzaga ega, ikki tekis yuzalarning bir tomonida “DORITHRICIN” belgisi mavjud. Yalpiz moyi hidiga ega.

Farmakoterapevtik guruhi
antiseptik, mikroblarga qarshi va og‘riqsizlantiruvchi og‘iz bo‘shlig‘i va tomoq kasalliklarini davolash uchun vosita.
ATX kodi R02AA20

Farmakologik xususiyatlari


Farmakodinamika

Majmuaviy preparat, antiseptik va mahalliy og‘riqsizlantiruvchi ta'sir ko‘rsatadi. Tomoqda ta'sirlanish va og‘riqni, shuningdek og‘iz bo‘shlig‘i shilliq qavatini shishini kamaytiradi.
Benzokain ko‘pincha og‘iz bo‘shlig‘i va tomoqtsagi infektsion-yallig‘lanish jarayonlarida kuzatiladigan yutinganda og‘riqni kamaytiruvchi mahalliy og‘riqsizlantiruvchi vosita bo‘lib hisoblanadi.
Benzalkoniy xloridi - antiseptik, mikroorganizmlarning xujayra membranasi o‘tkazuvchanligini izdan chiqaradi va fermentativ jarayonlarini tormozlaydi, ko‘pgina bakteriyalar, viruslar, zamburug‘lar va sodda hayvonlarning ayrim turlariga nisbatan faol.
Tirotritsin - mahalliy ta'sirga ega antibiotik. Og‘iz bo‘shlig‘idagi grammusbat mikroorganizmlarning va spiroxetalarning keng doirasiga nisbatan faol. Tizimli ta'sirga ega antibiotiklarda kuzatilmaydigan tirotritsinning maxsus ta'sir mexanizmi tufayli, preparatga kesishgan chidamlilik yuzaga kelmaydi.

Farmakokinetikasi

Benzokain suvda kam eriydi, bu uni ichakda yomon erishini tushuntiradi. Qon plazmasida fermentlar tomonidan parchalanadi va oz miqdorda jigarda metabolizmga uchraydi. Buyraklar orqali chiqariladi.
Benzalkoniy xloridi ichakda deyarli so‘rilmaydi va rezorbtiv ta'sir ko‘rsatmaydi. Buyraklar orqali chiqariladi.
Tirotritsin - tizimli so‘rilishi pastligi tufayli, farmakokinetikasi haqidagi ma'lumotlar mavjud emas. Ichak mikroflorasiga ta'sir ko‘rsatmaydi. 

Qo‘llanilishi

Og‘riq sindromi bilan kechuvchi og‘iz bo‘shlig‘i va tomoqtsa infektsion-yallig‘lanish kasalliklarini simptomatik davolash
-faringit, laringit, tonzillit;
-milklar va og‘iz bo‘shlig‘i shilliq qavatini yallig‘lanishi (gingivit, stomatit)ni davolashda qo‘llanadi.

Qo‘llash mumkin bo‘lmagan holatlar

Benzalkoniy xloridi, benzokain, tirotritsin, paraaminobenzoy kislotasi, ammoniyning to‘rtlamchi birikmalari, preparatning har qanday boshqa komponentiga individual yuqori sezuvchanlik;
Fruktozani nasliy o‘zlashtiraolmaslik va glyukoza / galaktozani so‘rilishini buzilishi sindromi yoki saxaraza / izomalьtaza tanqisligi (preparatning tarkibida saxaroza mavjudligi tufayli);
Og‘iz bo‘shligi va tomoqda yangi yaralar, shu jumladan yuz-jag‘ operatsiyasi, stomatologik muolajalardan keyin darhol;
6 yoshgacha bo‘lgan bolalarda qo‘llash mumkin emas.
Homiladorlik va emizish davrida qo‘llanishi
Homiladorlik va emizish davrida Doritritsin preparatini faqat ona uchun kutilgan foydani homila va bola uchun potentsial xavfidan yuqori xavfidan yuqori ekanligini aniqlash uchun shifokor bilan maslahatlashgandan keyin qo‘llash mumkin.

Qo‘llash usuli va dozalari

Shimish uchun tabletkalar. Kattalar va 6 yoshdan oshgan bolalarda har 3 soatda 1 tabletkadan og‘iz bo‘shlig‘ida sekin shimiladi. Maksimal sutkalik doza 6 tabletkani tashkil qiladi, Davolash kursi 7 kunni tashkil qiladi. Zarurati bo‘yicha davolash kursini uzaytirish - shifokor tavsiyasi bo‘yicha.
Preparatni qo‘llagandan keyin 1 soat davomida yoki og‘iz bo‘shlig‘i va tomoqda uvishish hissi saqlanib qolguncha ovqat qabul qilish va saqich chaynash tavsiya etilmaydi, chunki aspiratsiya va og‘iz bo‘shligi shilliq qavatini shikastlanishi xavfi mavjud.
Agar preparatni 2-3 kun qo‘llagandan keyin patsiyentning holati yaxshilanmasa, shifokorga murojaat etish kerak.
Nojo‘ya ta'sirlari
Allergik reaktsiyalar, me'da-ichak yo‘llari tomonidan buzilishlar (ko‘ngil aynishi, diareya) kuzatilishi mumkin.
Allergik reaktsiyalar teri qichishishi, teri toshmasi, og‘iz bo‘shligi va tomoq shilliq qavatini shishi, anafilaktik reaktsiyalar; ogiz bo‘shligi va tomoqda achishish, sanchish hissi; tirishishlar, taxikardiya, dermatit. Ogiz bo‘shlig‘i va tomoq shilliq qavatining sezuvchanligi pasayishi mumkin. Mahalliy qo‘llagandan keyin, xususan og‘iz bo‘shligi va tomoqtsa katta yaralar bo‘lganida, ayniksa bolalarda metgemoglobinemiya rivojlanishi mumkin, u hansirash, lab va barmoqlarni ko‘kish rangga bo‘yalishi bilan namoyon bo‘lishi mumkin. Tirotritsin yangi yaralar mavjud bo‘lganida qon ketishini chaqirishi mumkin. Sensilibilizatsiyalangan patsiyentlarda qalampir yalpiz moyi chaqirgan yuqori sezuvchanlik reaktsiyalari (shu jumladan hansirash) rivojlanishi mumkin. Moyil patsiyentlarda penitsillinlar, sulьfanilamidlar, quyoshdan himoya qiluvchi kosmetik krem kabi benzokain bilan kimyoviy jihatdan bogliq bo‘lgan moddalar chaqirgan allergik reaktsiyalar kuzatilishi mumkin. Agar yo‘riqnomada ko‘rsatilgan nojo‘ya samaralar chuqurlashsa yoki Siz yo‘riqnomada ko‘rsatilmagan har qanday boshqa nojo‘ya samaralarni sezsangiz, bu haqida shifokorga xabar bering.

Dozani oshirib yuborilishi

Tavsiya etilgan dozalarda dozani oshirib yuborilishi holatlari ta'riflanmagan. Doritritsin preparatining yuqori dozalarini to‘satdan qabul qilish ovqat hazm qilish tizimi tomonidan buzilishlar (ko‘ngil aynishi, qusish, diareya), metgemoglobinemiya (nafas olishni qiyinlashishi va terining moviy rangi)ni chaqirishi mumkin. Bunday hollarda me'dani yuvish, faollashtirilgan ko‘mir qabul qilish va shifokorga murojaat etish kerak.
Dorilarning o‘zaro ta'siri
Doritritsin preparatining boshka dori vositalari bilan klinik ahamiyatli o‘zaro ta'sirini ta'riflanmagan.

Maxsus ko‘rsatmalar

Qandli diabeti bo‘lgan bemorlar uchun ma'lumot preparatning 1 tabletkasidagi uglevodlar miqdori ~ 0,07 non birligini (NB) tashkil qiladi.
6 yoshdan oshgan bolalarda preparatni faqat tibbiy ko‘rsatmalar bo‘yicha qo‘llash tavsiya etiladi. Og‘ir darajadagi anginada (tomokda og‘riq yuqori tana haroragi, bosh ogrigi, ko‘ngil aynishi yoki qusish bilan kechadi) maslahat uchun shifokorga murojaat etish kerak. Terining ma'lum o‘ta yuqori sezuvchanlik reaktsiyalarida (allergik kontakt dermatit) yuqori sezuvchanlik reaktsiyalari rivojlanishi mumkinligi tufayli preparatni qo‘llashdan saqlanish kerak. Preparatni qo‘llash va tish pastasini qo‘llash orasida 1 soat intervalga rioya qilish kerak, chunki preparatning antibakterial ta'siri pasayishi mumkin. Sorbitol kuchsiz surgi ta'sir ko‘rsatishi mumkin.
Transport vositalarini boshqarish va mexanizmlar bilan ishlash qobiliyatiga ta'siri
Ta'sir qilmaydi.

Chiqarilish shakli

Shimish uchun tabletkalar.
10 tabletkadan blisterda. 1 blisterdan tibbiyotda qo‘llanilishiga doir yo‘riqnomasi bilan birga kartonli penalga joylanadi.
Saqlash sharoitlari
25°C dan yuqori bo‘lmagan haroratda saqlansin.
Bolalar ololmaydigan joyda saqlansin!

Yaroqlilik muddati

3 yil.

Yaroqlilik muddati
o‘tgach ishlatilmasin.

Dorixonalardan berish tartibi

Retseptsiz beriladi.
Ro‘yxatdan o‘tkazilganlik 1uvohnomasining egasi berilgan yuridik shaxs
Meditse Artsnaymittelь Pyutter GmbX & Ko. KG, Kuloveg 37, 58638 Izerlon, Germaniya