Preparatning savdo nomi
Ingalipt

Dori shakli
maxalliy qo‘llash uchun aerozol

Tarkibi

Bir ballon quyidagilarni saqlaydi
faol moddalar sulfanilamid natriy (eruvchan streptotsid) - 0,750 g; sulfatizol natriy pentagidrati 0,750 g; evkalipt moyi - 0,015 g; qalampir yalpiz moyi - 0,015 g; timol - 0,015 g;
yordamchi moddalar etanol (etil spirti 95% yoki 96%) - 1,800 g; saxaroza (qand) - 1,500 g; glitserol (glitserin) - 2,100 g; polisorbat-80 - 0,900 g; tozalangansuv – 30 ml gacha; azot - 0,300 dan 0,400 g gacha.
Ta'rifi och-sariqdan to to‘q–sariqqacha bo‘lgan rangli tiniq suyuqlik, ballondan chiqishda o‘ziga xos timol va mentol hidili oqim hosil qiladi.

Farmakoterapevtik guruhi
majmuaviy mikroblarga qarshi vosita.
ATX kodi R02AA20


Farmakologik xususiyatlari

Mahalliy qo‘llash uchun majmuaviy preparat. Preparat tarkibiga kiruvchi eruvchan sulfanilamidlar mikroblarga qarshi (og‘iz bo‘shlig‘i va tomoqning kasalliklarini chaqiruvchi grammusbat va grammanfiy bakteriyalarga nisbatan) ta'sir ko‘rsatadi. Timol, evkalipt moyi va qalampir yalpiz moyi zamburug‘larga qarshi (Candida turi zamburug‘lariga nisbatan), mikroblarga qarshi, yallig‘lanishga qarshi va yengil og‘riqsizlantiruchi samara ko‘rsatadi.


Qo‘llanilishi

Tonzillit, faringit, laringit, aftoz va yarali stomatitda qo‘llanadi.


Qo‘llash usuli va dozalari

Mahalliy qo‘llanadi. Flakondan himoyalovchi qopqoqcha olinadi va berilgan purkagich kiritilab, og‘iz bo‘shlig‘iga osilma 1-2 sekund davomida purkaladi. Preparat og‘iz bo‘shlig‘ida 5-7 minut tutiladi. Og‘iz bo‘shlig‘ini qaynagan suv bilan oldindan chayish bilan yuvish sutkada 3-4 marta o‘tkaziladi.
Purkagichning teshigini tiqilib qolishidan saqlanish uchun, muolaja tugatilgach uni puflash yoki toza suvli stakanga solib qo‘yish kerak.
Ishlatilganda ballonni qat'iy vertikal holda tutib turish kerak.

Nojo‘ya ta'sirlari
Allergik reaktsiyalar (teri toshmalari, qichishish), tomoqda qisqa muddatli achishish yoki qirilish.
Nojo‘ya reaktsiyalar paydo bo‘lganida preparatni qo‘llashni to‘xtatish va shifokorga murojaat kilish kerak.
Odatdagi bo‘lmagan reaktsiyalar paydo bo‘lgan holda preparatni keyingi qo‘llashning maqsadga muvofiqligi bo‘yicha shifokor bilan maslahatlashish kerak.


Qo‘llash mumkin bo‘lmagan holatlar

Preparatning har qanday komponentlaridan biriga yuqori sezuvchanlik, bolalarda (3 yoshgacha) qo‘llash mumkin emas.

Dorilarning o‘zaro ta'siri
Boshqa dori vositalari bilan mutanosib, klinik ahamiyatli o‘zaro ta'siri bo‘yicha ma'lumotlar yo‘q.
Ta'sir doirasini kengaytirish va samaradorligini oshirish maqsadida boshqa mahalliy mikroblarga qarshi vositalar bilan bir vaqtda qo‘llash mumkin.


Maxsus ko‘rsatmalar

Ingalipt preparatini bolalarda faqat shifokorning tavsiyasi bo‘yicha qo‘llash mumkin.
Transport vositalarini boshqarish va mexanizmlar bilan ishlash qobiliyatiga noxush ta'siri bo‘yicha ma'lumot qayd qilinmagan.
Homiladorlikda va emizish davrida qo‘llanilishi
Ona uchun foyda homila va bola uchun mumkin bo‘lgan xavfdan yuqori bo‘lganida, shifokor tavsiyasi bo‘yicha qo‘llash mumkin.
Preparat bolalar ololmaydigan joyda saqlansin va yaroqlilik muddati o‘tgach ishlatilmasin.


Dozani oshirib yuborilishi

Simptomlari preparatning bir qismini yutilishi bilan bog‘liq bo‘lgan ko‘ngil aynishi, qusish.
Davolash spetsifik antidoti yo‘q, simptomatik va tutib turuvchi davolash.


Chiqarilish shakli

Mahalliy qo‘llash uchun aerozol 30 ml dan uzluksiz ta'sirli klapan, purkagich uchlik va himoyalovchi qalpoqcha bilan ta'minlangan aerozol alyumin ballonlarda. Har bir ballon qo‘llash bo‘yicha yo‘riqnomasi bilan birga karton qutiga joylanadi.


Saqlash sharoiti

30°S dan yuqori bo‘lmagan haroratda.


Yaroqlilik muddati

2 yil.


Dorixonalardan berish tartibi

Retseptsiz.


Ishlab chiqaruvchi

“Altayvitamin” YoAJ
Manzil 659325, Oltoy o‘lkasi, Biysk sh., Zavodskaya ko‘ch., 69
Telefon (3854) 338-719, 326-946
Faks (3854) 327-640

O‘zbekiston Respublikasi xududida dori vositalarining sifati bo‘yicha e'tirozlar (takliflar) ni qabul qiluvchi tashkilot nomi va manzili
«FAGUSAL» MChJ,
100005, Toshkent sh., Mirobod tumani, Inokobod ko‘ch., №1 tor ko‘cha, 7 «A» uy.
Tel. + 99871 291 11 98; + 99871 283 30 71.