Preparatning savdo nomi
Tonzilgon N

Dori shakli
Qobiq bilan qoplangan tabletkalar

Tarkibi

Qobiq bilan qoplangan 1 tabletka quyidagi maydalangan dorivor o‘simlik xomashyosini saqlaydi (kukun)
faol moddalar
Qoqi o‘t (Dandelion herb)​ 4 mg
Qirqbo‘g‘in o‘ti (Equiseti herba) ​​​10 mg
Gulxayri ildizi (Marshmallow root) ​8 mg
Moychechak gullari (Matricaria flower)​​ 6 mg
Eman po‘stlog‘i (Oak bark)​​ 4 mg
Grek yong‘og‘i barglari (Walnut leaf)​​​ 12 mg
Bo‘yimodaron (Yarrow)​ 4 mg
yordamchi moddalar glyukoza monogidrati, laktoza monogidrati, makkajo‘xori kraxmali, kartoshka kraxmali, suvsiz kolloid kremniy, stearin kislotasi, kaltsiy karbonati, kanakunjut moyi, dekstrin, glyukoza siropi, indigotin Ye132, tog‘ glikolein mumi, povidon K-25, povidon K-30, saxaroza, shellak, talk, titan dioksidi.
Ta'rifi dumaloq shaklli, ikki tomonlama qavariq, och-zangori rangli qobiq bilan qoplangan silliq tabletkalar.

Farmakoterapevtik guruhi
og‘iz-halqum kasalliklarini davolash uchun o‘simliklardan olinadigan dori preparati.
ATX kodi R02AP30.


Farmakologik xususiyatlari

Eksperimental tadqiqotlarning natijalari Tonzilgon N fagotsitlar va tabiiy killer hujayralarini oshishi hisobiga immun tizimiga modulyator ta'sir qilishini ko‘rsatdi. Bundan tashqari, tadqiqotlar Tonzilgon N yallig‘lanishga qarshi, antioksidant, antibakterial va viruslarga qarshi ta'sirga ega ekanini ko‘rsatdi.
Farmakokinetikasi
Farmakokinetikasi va biologik kiraolishligi bo‘yicha tadqiqot ma'lumotlari preparatning barcha faol moddalari haqidagi ma'lumotlar yetarli bo‘lmaganligi sababli mavjud emas.


Qo‘llanilishi

- shamollashning birinchi belgilarida simptomlarni davolash.
- yuqori nafas yo‘llarining o‘tkir va surunkali kasalliklari (tonzillit, faringit, laringit);
- respirator virusli infektsiyalardagi asoratlarning profilaktikasi va bakterial infektsiyalarda antibiotiklar bilan davolashga qo‘shimcha sifatida qo‘llanadi.


Qo‘llash usuli va dozalari

Kasallikni rivojlanishining o‘tkir davrida
Kattalar va 12 yoshdan oshgan o‘smirlar 2 tabletkadan kuniga 5-6 marta qabul qiladilar. Maktab yoshidagi 6 yoshdan 11 yoshgacha bo‘lgan bolalar 1 tabletkadan kuniga 5-6 marta qabul qiladilar. Kasallik yengillashganidan keyin davolanishni yana 1 hafta davom ettirish kerak.
O‘tkir simptomlar yengillashganidan keyin
Kattalar va 12 yoshdan oshgan o‘smirlar 2 tabletkadan kuniga 3 marta qabul qiladilar. Maktab yoshidagi 6 yoshdan 11 yoshgacha bo‘lgan bolalar 1 tabletkadan kuniga 3 marta qabul qiladilar. Tabletkalar chaynamasdan, butunligicha oz miqdordagi suyuqlik bilan yutiladi.

Nojo‘ya ta'sirlari
Allergik reaktsiyalar va me'da­ichak yo‘llari tomonidan buzilishlar kuzatilishi mumkin.
Tonzilgon N qobiq bilan qoplangan tabletkalarga allergik reaktsiyaning birinchi belgilari paydo bo‘lganida preparatni qabul qilishni to‘xtatish kerak.


Qo‘llash mumkin bo‘lmagan holatlar

Preparatning komponentlariga yuqori sezuvchanlik.
Moychechak gullariga kesishgan reaktsiya tufayli, murakkabguldoshlar oilasiga mansub o‘simliklar, masalan shuvoq, bo‘yimodaron, xrizantema, dastorgulga allergiya bo‘lganida.
6 yoshgacha bo‘lgan bolalarda qo‘llash mumkin emas.

Dorilarning o‘zaro ta'siri
Antibakterial dori vositalari bilan majmuada qo‘llash mumkin va maqsadga muvofiq. Boshqa dori vositalari bilan o‘zaro ta'siri noma'lum.


Maxsus ko‘rsatmalar

Agar simptomlar saqlansa, shuningdek hansirash, yuqori harorat, yiringli yoki qonli balg‘am paydo bo‘lganida shifokorga murojaat etish kerak.
Ushbu dori vositasi glyukoza, laktoza va saxaroza saqlaydi. Agar Sizda biron-bir qandlarni o‘zlashtiraolmaslik bo‘lsa, ushbu preparatni qabul qilishdan oldin shifokorga murojaat eting.
Preparat transport vositalarini boshqarish va mexanizmlar bilan ishlash qobliyatiga ta'sir ko‘rsatmaydi.
Qandli diabeti bo‘lgan bemorlarda qo‘llanishi 1 tabletka taxminan 0,02 “non birligi” (NB) saqlaydi.
Homiladorlik va laktatsiya davrida qo‘llanishi.
Yetarli ma'lumotlar yo‘qligi tufayli, homiladorlik va laktatsiya davrida ushbu tibbiy preparatni faqat davolovchi shifokor tomonidan xavf-foyda nisbatini sinchkovlik bilan baholagandan keyin qabul qilish mumkin.


Dozani oshirib yuborilishi

Hozirgi vaqtgacha preparatning dozasi oshirib yuborilishi haqida ma'lumotlar yo‘q.
Davolash simptomatik.


Chiqarilish shakli

Qobiq bilan qoplangan tabletkalar;
Qobiq bilan qoplangan 25 tabletkadan blisterda.
O‘ram o‘lchami №50 va №100.


Saqlash sharoiti

30°C dan yuqori bo‘lmagan haroratda saqlansin.
Bolalar ololmaydigan joyda saqlansin.



Yaroqlilik muddati

4 yil.

Yaroqlilik muddati
o‘tgach qo‘llanilmasin.


Dorixonalardan berish tartibi

Retseptsiz.