Preparatning savdo nomi
Atsiklovir
Ta'sir etuvchi modda (XPN) Atsiklovir

Dori shakli
Surtma

Tarkibi

Atsiklovir (suvsiz moddaga qayta hisoblanganda) – 5,0 g.
Polietilenglikol (polietilenoksid) yuqori molekulyar va past molekulyar.
Ta'rifi Oq srag‘ish tusli yoki oq rangli surtma.

Farmakoterapevtik guruhi
Viruslarga qarshi vosita.
ATX kodi D06VV03


Farmakologik xususiyatlari

Viruslarga qarshi preparat, gerpes virusiga nisbatan yuqori tanlab ta'sir qilish xususiyatiga ega bo‘lgan atsiklik purin nukleozidining sintetik analogi. Virus bilan infektsiyalangan hujayra ichida atsiklovir virus timidinkinazasi ta'sirida mono-, di- va trifosfat atsiklovir hosil bo‘lgunigacha qator ketma-ket rivojlanuvchi transformatsiya reaktsiyalari yuz beradi. Atsiklovir tri fosfati virus DNK si zanjiriga kiradi va virus DNK- polimeraza sintezini raqobatli ingibirlashi orqali uning sintezini to‘xtatadi. In vitro atsiklovir oddiy gerpes – Herpes simplex ni I va II turlari, Varicella zoster viruslariga nisbatan yuqoriroq kontsentratsiyalarda esa Epshteyn-Barra virusiga nisbatan faol. In vivo sharoitida atsiklovir terapevtik va profilaktik, avvalom bor Herpes simplex viruslari chiqargan infektsiyalarda samarali.


Farmakokinetikasi

Surtma sog‘lom teriga qo‘llaganda so‘rilishi minimal, shikastlangan terida – o‘rtacha. Qonda va siydikda aniqlanmaydi. Buyrak faolliyati me'yorida bo‘lgan bemorlarda qon zardobidagi kontsentratsiyasi 0,28 mkg/ml gachani, surunkali buyrak yetishmovchiligi bo‘lgan bemorlarda – 0,78 mkg/ml gachani tashkil qiladi. Buyraklar orqali chiqariladi (sutkalik dozani 9,4% gachasi).


Qo‘llanilishi

Terining oddiy gerpesi, genital gerpes (birlamchi va qaytalanuvchan) cheklangan o‘rab oluvchi temiratki (yordamchi davolash).


Qo‘llash usuli va dozalari

Sirtga. Surtma shikastlangan sohaga sutkada 5-6 marta (iloji boricha infektsiyaning boshlanishidan oldin) teng vaqt oralig‘ida surtiladi.
Qaytalanuvchan infektsiyaning davolashni prodromal bosqichi vaqtida yoki infektsiyaning belgilarini namoyon bo‘lishining eng boshida boshlash muhim.
Davolashning davomiyligi kamida 5 kun, maksimum - 10 kun.

Nojo‘ya ta'sirlari
Alohida hollarda qo‘yilgan joyida og‘riq va achishish, qichishish, teri toshmasi, vulьvit. Ko‘rsatilgan ko‘rinishlar preparat bekor qilingandan keyin yo‘qoladi.

Qo‘llash mumkin bo‘lmagan xolatlar
Atsiklovir yoki valatsiklovirga yoki preparatning har qanday komponentiga o‘ta yuqori sezuvchanlik.
Extiyotkorlik bilan homiladorlik, laktatsiya davri.
Preparatni homiladorlikda ona uchun kutiladigan foyda faqat homila uchun bo‘lgan potentsial xavfdan ustun bo‘lgan xollarda qo‘llash mumkin. Onaning tizimli qon oqimiga tushganida atsiklovir ko‘krak sutiga o‘tadi, ammo surtmaqo‘llanganida bola oladigan preparatning miqdori juda oz.

Dorilarning o‘zaro ta'siri
Immunostimulyatorlar bilan birga qo‘llash atsiklovirning samarasini kuchaytiradi.


Maxsus ko‘rsatmalar

Shilliq qavatlarga (ayniqsa og‘iz va burunning), hamda ko‘zga tushishidan saqlanish kerak. Preparat qo‘yilganidan keyin darxol yuvinish va cho‘milish mumkin emas. Immuniteti pasaygan patsiyentlarga (OITV/OITSda yoki suyak ko‘miki ko‘chirib o‘tkazilgandan keyin) va infektsiyaning og‘ir va qaytalanuvchan hollarida, atsiklovir surtmasini mahalliy qo‘llash fonida preparatni tizimlibuyurishkerak.
2,5 smli uzunlikdagi surtmani shikastlangan terining 25 kv. Sm ga surtish lozim. Terining boshqa soxalariga autoinokulyatsiyani oldini olish uchun barmoqqa kiygiziladigan rezinani va rezina qo‘lqoplarni ishlatish kerak.
Atsiklovir gerpesning jinsiy yo‘l bilan yuqishini oldini olmaydi, shuning uchun davolash davrida jinsiy aloqalardan, klinik belgilari bo‘lmasada saqlanish kerak.
Preparatni bolalar olaolmaydigan joyda saqlash va uni yaroqlilik muddati o‘tgach ishlatmaslik lozim.


Dozani oshirib yuborilishi

Atsiklovir sirtga qo‘llaganida dozani oshirib yuborilish hollari kuzatilmagan.


Chiqarilish shakli

Sirtga qo‘llash uchun 5% surtma, 5 g, 10 g yoki 15 g dan tubalarda.


Saqlash sharoiti

Quruq, yorug‘likdan himoyalangan joyda, 25°C yuqori bo‘lmagan haroratda saqlansin.


Yaroqlilik muddati

2 yil.


Dorixonalardan berish tartibi

Retseptsiz.


Ishlab chiqaruvchi

“Belmedpreparaty”, RUK
Belarus' Respublikasi, 220007, Minsk,
Fabritsius ko‘ch., 30. t/f (+375 17) 2203716.