Preparatning savdo nomi
Ulkaril®
Ta'sir etuvchi modda (XPN) Atsiklovir

Dori shakli
Tabletkalar

Tarkibi

Faol modda Atsiklovir 200, 400 va 800 mg.
Yordamchi moddalar laktoza monogidrati, makkajo‘hori kraxmali, natriy kraxmal glikolyati, magniy stearati.
Ta'rifi
200 mg – oq rangli, dumaloq shaklli, ikki yoqlama qavariq tabletkalar.
400 mg – oq rangli, dumaloq shaklli, ikki yoqlama qavariq, bir tomoni chiziqli tabletkalar.
800 mg – oq rangli, oval shaklli, ikki yoqlama qavariq, bir tomoni chiziqli.

Farmakoterapevtik guruhi
Viruslarga qarshi vosita.


Farmakologik xususiyatlari

Oddiy gerpes Herpes simplexni 1 va 2 tiplari, o‘rab oluvchi temiratki virusi (Varicella zoster), Epshteyn-Barra virusi va sitomegaloviruslarga nisbatan faoldir.
Preparatning viruslarga qarshi faolligi yuqori tanlab ta'sir ko‘rsatishi va uni virusning timidinkinaza fermenti bilan raqobatli o‘zaro ta'siri bilan belgilanadi. Uning ta'sirida preparat bir qator ketma-ket reaktsiyalar orqali atsiklovir trifosfatga aylanadi, u virus DNK-polimerazasi bilan o‘zaro ta'sirga kirishib, yangi viruslar uchun sintezlanayotgan DNK-ga tizilib oladi. Natijada viruslarni yangi avlodini replikatsiyasi susaytiriladi.


Farmakokinetikasi

Ichga qabul qilingandan keyin me'da-ichak yo‘llaridan dozaning 15-30% so‘riladi. Plazma oqsillari bilan bog‘lanishi 9-33% ni tashkil etadi. Qonda maksimal kontsentratsiyasiga erishish vaqti 1,5–2 soatni tashkil etadi. Ovqat qabul qilish preparatni o‘zlashtirilishiga ta'sir etmaydi. Preparatning orqa miya suyuqligidagi kontsentratsiyasi plazmadagi kontsentratsiyasining 50% ni tashkil etadi. Yo‘ldosh orqali o‘tadi. Preparatning 98% buyrak orqali siydik bilan, shundan 10-15% metabolitlar ko‘rinishida, qolgan qismi – o‘zgarmagan holda siydik bilan chiqariladi. Preparatning bir qismi ona suti bilan ajralib chiqishi mumkin, ayni paytda ko‘krak sutidagi uning kontsentratsiyasi onaning qon plazmasidagi kontsentratsiyasiga nisbatan taxminan 3 marta yuqori bo‘ladi. Yarim chiqarilish davri 3 soatni tashkil etadi, surunkali buyrak yetishmovchiligida yarim chiqarilish davri 19 soatgacha uzayadi.


Qo‘llanilishi

Oddiy gerpes Herpes simplex ning 1 va 2 tiplari va Varicella zoster viruslari tomonidan chaqirilgan teri va shilliq qavatining infektsiyalarini (suvchechak va o‘rab oluvchi temiratki) davolash. Immuniteti susaygan bemorlarning oddiy gerpes Herpes simplex ni 1 va 2 tiplari va Varicella zoster viruslari bilan chaqirilgan infektsiyalarni oldini olish. Immuntanqislik yaqqol namoyon bo‘lgan bemorlarda majmuaviy davo tarkibida, shu jumladan OITV-infektsiyasining yaqqol klinik ko‘rinishida va suyak ko‘migi transplantatsiyasini o‘tkazgan bemorlarda. Suyak ko‘migi transplantatsiyasidan keyingi sitomegalovirus infektsiyasini oldini olish.

Qo‘llash usuli va dozalari

Ichga qabul qilish buyuriladi. Tabletkalar ovqatdan keyin, chaynamasdan, suv bilan qabul qilinadi.
Dozalash tartibi
shaxsiy ravishda belgilanadi. Kattalarga 200-800 mg (1-4 tabletka) dan sutkada 2-5 marta buyuriladi. 6 yoshdan oshgan bolalarga – sutkada 3 g, 2-6 yoshdagi bolalarga – sutkada 1-1,6 g, 2 yoshgacha bo‘lgan bolalarga – sutkada 500-800 mg buyuriladi. Sutkalik dozani 4 marta qabul qilishga bo‘lib qabul qilish lozim. Kattalar va bolalarda davolash davomiyligi kamida 5 kunni tashkil etadi.
Yaqqol namoyon bo‘lgan immuntanqisligida (shu jumladan suyak ko‘migini transplantatsiyasidan keyin yoki ichakdan so‘rilishi buzilganda) ichga sutkada 400 mg dan 5 marta buyuriladi. Normal immun statusli bemorlarda, oddiy Herpes simplex virusini 1 va 2 turlari chaqirgan infektsiyalarni qaytallanishini oldini olish uchun ichga 200 mg dan sutkada 4 marta har 6 soatda yoki 400 mg dan sutkada 2 marta har 12 soatda buyuriladi. Qaytalanishlarda preparatni prodromal davrda yoki toshmaning birinchi ko‘rinishlari paydo bo‘lganda buyurish tavsiya etiladi.
Herpes simplex virusini 1 va 2 tipi chaqirgan infektsiyalarni oldini olish uchun, immuntanqisligi bo‘lgan patsiyentlarga ichga 200 mg dan sutkada 4 marta har 6 soatda buyurish tavsiya qilinadi.
Yaqqol immuntanqisligi (masalan, suyak ko‘migi transilantatsiyasidankeyin ichakdan so‘rilishini buzilishida) holatlarida ichga qabul qilish uchun preparat dozasi 400 mg gacha sutkasiga 5 marta oshirish mumkin. Varicella zoster virusi chaqirgan infektsiyalarni davolash uchun ichga 800 mg dan sutkada 5 marta har 4 soatda) buyurish tavsiya qilinadi. Davolash kursi 5-7 kunni tashkil qiladi.
Bolalarda suvchechakni davolash uchun preparatni quyidagicha buyurish tavsiya etiladi 6 yoshdan oshgan bolalarga bir martalik doza 800 mg; 2 yoshdan 6 yoshgacha - 400 mg; 2 yoshdan kichik - 200 mg. Aniqroq dozani 20 mg/kg hisobidan belgilash mumkin, lekin 800 mg dan ko‘p emas. Qabul qilish karraligi – sutkada 4 marta.
Davolash kursi 5 kunni tashkil etadi.

Nojo‘ya ta'sirlari
Me'da-ichak yo‘llari, jigar tomonidan ko‘ngil aynishi, qayt qilish, diareya, ichak sanchig‘i, qonda bilirubinni miqdorini ko‘payishi, jigar fermentlari faolligini oshishi.
Markaziy nerv tizimi tomonidan bosh og‘rig‘i, charchoqlik, uyquchanlik, bosh aylanishi.
Allergik reaktsiyalar teri toshmasi, qichima, isitma kamdan kam – hansirash, angionevrotik shish, anafilaksiya.
Qon yaratish tizimi tomonidan leykopeniya.
Buyrak tomonidan qonda kreatinin va mochevina miqdorini tranzitor oshishi.
Kam alopetsiya.


Qo‘llash mumkin bo‘lmagan holatlar

Preparatga yuqori sezuvchanlik, homiladorlik, laktatsiya.

Dorilarning o‘zaro ta'siri
OITV chaqirgan infektsiyalarda preparat sitovudin bilan bir vaqtda buyurilganida, bu preparatlarni farmakokinetikasi o‘zgarmaydi. Bir vaqtda qo‘llanganida probenetsid preparatni naychalar sekretsiyasini kamaytiradi va shu orqali preparatni qon plazmasidagi kontsentratsiyasini va yarimchiqarilish davrini oshiradi.


Maxsus ko‘rsatmalar

Preparatni xomiladorlikda va laktatsiya davrida faqat hayotiy ko‘rsatmalar bo‘yicha buyuriladi. Preparat qo‘llanganida uning kristallaridan cho‘kma hosil bo‘lishi oqibatida o‘tkir buyrak yetishmovchiligini rivojlanishi mumkinligini hisobga olish kerak, buni ayniqsa buyrak yetishmovchiligi bo‘lgan bemorlarda bir vaqtda nefrotoksik preparatlarni qo‘llashda va suv yuklamasi yetarlicha bo‘lmaganida extimoli bor. Preparat qo‘llanganida buyrak faoliyatini (qonda mochevina azoti darajasini va qon plazmasida kreatininni aniqlash) nazorat qilish kerak.
Keksa yoshdagi bemorlarni davolashni suv yuklamasini yetarlicha oshirib va shifokorning nazorati ostida o‘tkazish kerak, chunki bu toifadagi patsiyentlarda preparatni yarimchiqarilish davri uzayadi.
Genital gerpesni davolashda jinsiy aloqadan saqlanish yoki prezervativlarni ishlatish kerak, chunki preparatni qo‘llash sheriklarga virusni yuqishini oldini olaolmaydi. Ayrim patsiyentlarda preparatni ichga 800 mg sutkalik dozada qabul qilish fonida, klinik yaqqol infektsiya rivojlanishi mumkin. Vaqti-vaqti bilan, 6-12 oydan keyin kasallikni tabiiy kechishidagi mumkin bo‘lgan o‘zgarishlarni aniqlash uchun, davolashni to‘xtatish kerak.
Preparat bolalar olaolmaydigan joyda saqlansin va yaroqlilik muddati o‘tganidan so‘ng ishlatilmasin.


Dozani oshirib yuborilishi

Preparat me'da-ichak yo‘llaridan qisman so‘rilgani uchun, hattoki juda yuqori dozalarda qabul qilinganida ham, o‘tkir zaharlanish yuz bermaydi. Ichga 5 g dan ko‘proq preparat qabul qilinganida, patsiyent holatini diqqat bilan kuzatish tavsiya qilinadi. Preparat organizmdan gemodializ orqali chiqariladi.




Chiqarilish shakli

«Ulkaril 200»,tabletkalar 200 mg dan, №25.
«Ulkaril 400»,tabletkalar 400 mg dan, № 15 va №25.
«Ulkaril 800»,tabletkalar 800 mg dan, № 10 va №25.


Saqlash sharoiti

Quruq, yorug‘likdan himoyalangan joyda, 25°S dan yuqori bo‘lmagan haroratda saqlansin.


Yaroqlilik muddati

200 mg li tabletkalar - 5 yil;
400 mg li tabletkalar - 4 yil;
800 mg li tabletkalar - 3 yil.


Dorixonalardan berish tartibi

Retsept bo‘yicha.


Ishlab chiqaruvchi

"NOBEL PHARMSANOAT" CHEK
Dori vositasining sifati bo‘yicha iste'molchilarning fikr-mulohazalari, e'tirozlari va dori preparatining nojo‘ya ta'sirlari yoki samarasini yo‘qligi haqidagi xabarlarni quyidagi manzilga yuborish mumkin
O‘zbekiston Respublikasi, Toshkent sh., Mirzo Ulug‘bek tumani, Qorasuvbo‘yi ko‘ch., 5 "A"
Tel (99871) 265 90 99; Faks (99871) 265 91 99; E-mail pv@nobel.uz, www.nobel.uz