Preparatning savdo nomi
Trimol®
Ta'sir etuvchi moddalar (XPN) paratsetamol, propifenazon, kofein

Dori shakli
tabletkalar

Tarkibi

Har bir tabletkada quyidagilarni saqlaydi
faol moddalar
paratsetamol250,0 mg
propifenazon150,0 mg
suvsiz kofein30,0 mgs
yordamchi moddalar makkajo‘xori kraxmali, metil gidroksibenzoati, propil gidroksibenzoati, pasta uchun makkajo‘xori kraxmali, jelatin, kaltsiy gidroforsat digidrati, tozalangan suv (suspenziya uchun), tozalangan suv (pasta uchun), etiltsellyuloza, izopropil spirti, kolloid kremniy dioksidi (Aerosil 200), natriy kraxmal glikolyati, mikrokristall sellyuloza, magniy stearati.
Ta'rifi oq yoki deyarli oq, dumaloq, tekis, qirrasi kesilgan bir tomonida bo‘luvchi chiziqli va boshqa tomonida “TRIMOL” yozuvi bo‘lgan qobiq bilan qoplanmagan tabletkalar.

Farmakoterapevtik guruhi
analgetiklar-antipiretiklar.
ATX kodi N02BE51

Farmakologik hususiyatlari
Majmuaviy preparatdir. Paratsetamol isitmani tushiruvchi va og‘riqni qoldiruvchi ta'sir ko‘rsatadi. Propifenazon og‘riqni qoldiruvchi, isitmani tushiruvchi va yallig‘lanishga qarshi ta'sirga ega. Kofein uyquchanlikni va toliqish hissini kamaytiradi, yurak-qon tomir tizimiga ta'sir ko‘rsatadi yurak qisqarish tezligini oshiradi, gipotoniyada arterial bosimni oshiradi. Kofein shuningdek mustaqil og‘riq qoldiruvchi samaraga ega.

Farmakokinetikasi

Paratsetamol me'da-ichak yo‘llaridan tez va deyarli to‘liq so‘riladi. Plazmadagi cho‘qqi kontsentratsiyasiga 30-60 minutda erishadi va plazmadan yarim chiqarilish davri terapevtik dozadan keyin 1-4 soatni tashkil qiladi. Paratsetamol a'zolarning barcha suyuqliklarida nisbatan teng taqsimlanadi. Dori vositasining plazma proteinlari bilan bog‘lanishi o‘zgaruvchan; o‘tkir intoksikatsiya vaqtida kuzatiladigan kontsentratsiyalarda 20-50% bog‘lanishi mumkin. Terapevtik dozaga qarab 90-100% dori vositasi siydikda birinchi kun davomida tiklanishi mumkin. Shunga qaramay paratsetamol deyarli o‘zgarmasdan chiqarilmaydi, asosiy miqdori jigarda kon'yugatsiyasidan keyin chiqariladi.
Kofein tez va deyarli to‘liq so‘riladi; u ko‘p darajada metabolizmga uchraydi. Metabolitlari asosan siydik bilan chiqariladi. Plazmadan yarim chiqarilish davri taxminan 3,5 soatni, proteinlar bilan bog‘lanishi - 35% ni tashkil qiladi.




Qo‘llanilishi

Turli genezli o‘rtacha yaqqollikdagi og‘riq sindromida (bosh og‘rig‘i, tish og‘rig‘i, bo‘g‘im og‘rig‘i, mushak og‘rig‘i, tanadagi og‘riq, migren, nevralgiya, ishalgiya, dismenoreyadagi og‘riqlar), shamollash kasalliklari va grippdagi isitmada qo‘llanadi.



Qo‘llash usuli va dozalari

Trimol® ichga, ovqatdan keyin, chaynamasdan, yetarli miqdordagi suv bilan (1 stakan) qabul qilinadi. Kattalarga ­ 1 tabletkadan kuniga 1­3 marta buyuriladi. Kuchli og‘riqlarda 2 tabletkadan qabul qilish tavsiya qilinadi. Bolalar uchun yoshga qarab 2 yoshdan 5 yoshgacha bo‘lgan bolalarga ­ kuniga 1/3 tabletkadan; 6 yoshdan 10 yoshgacha bo‘lgan bolalarga ­ kuniga 1/2 tabletkadan, 10 yoshdan katta bo‘lgan bolalarga ­ kuniga 1 tabletkadan qabul qilinadi. Preparatni qabul qilish davomiyligi kuniga 1­3 marta. Davolash davomiyligi ­ 10 kun.

Nojo‘ya ta'siri
Uzoq vaqt qo‘llaganda kam hollarda leykopeniya va agranulotsitozga olib kelishi mumkin. Gastralgiya, ko‘ngil aynishi, qusish, gepatotoksiklik, nefrotoksiklik, MIY ning eroziv­yarali shikastlanishi, allergik reaktsiyalar (teri toshmasi va eshakemi).
Boshqa nojo‘ya samaralar qichishish, eritema, angionevrotik shish, astma, anafilaktik shok va xansirash.


Qo‘llash mumkin bo‘lmagan holatlar

Preparat komponentlariga shaxsiy yuqori sezuvchanlik. Me'da va o‘n ikki barmoq ichak yara kasalliklari, me'da-ichakdan qon ketishi, jigar yoki buyrak faoliyatining yaqqol buzilishlari. Glyukozo-6-fosfatdegidrogenazaning genetikmavjud emasligi. Glaukoma, bronxial astma. Homiladorlik va emizish davri va 2 yoshdan kichik bolalar. Yaqqol arterial gipertenziya, yurak ishemik kasalligining og‘ir kechishi, yuqori qo‘zg‘aluvchanlik, uyquning buzilishida qo‘llash mumkin emas.

Dorilar bilan o‘zaro ta'siri
Geparin, peroral antikoagulyantlar, rezerpin, steroid gormonlar va diabetga qarshi vositalarning ta'sirini kuchaytiradi.
Boshqa NYaQV-lar, metotreksat bilan bir vaqtda buyurish nojo‘ya samaralar rivojlanish xavfini oshiradi.
Spironolaktonning, furosemidning, gipotenziv vositalarning, siydik kislotasi ajralib chiqishiga olib keluvchi podagraga qarshi vositalarning samaradorligini kamaytiradi.
Barbituratlar, rifampitsin, salitsilamid, tutqanoqqa qarshi preparatlar va boshqa mikrosomal oksidlanish stimulyatorlari jigar faoliyatiga ta'sir etuvchi paratsetamolning toksik metabolitlari hosil bo‘lishiga olib keladi. Metoklapramid paratsetamol so‘rilishini tezlashtiradi.
Paratsetamol ta'siri ostida xloramfenikolning chiqarilish vaqti 5 marta uzayadi. Takroran qabul qilinganda paratsetamol antikoagulyantlar (dikumarin hosilalari) ta'sirini kuchaytirishi mumkin.
Paratsetamol va etanolni bir vaqtda qabul qilish, gepatotoksik samaralar rivojlanish havfini oshiradi. Kofein ergotamin so‘rilishini tezlashtiradi.


Maxsus ko‘rsatmalar

Trimolni® jigar va buyrak yetishmovchiligining og‘ir hollarida, qon ketishlarda, alkogolni suiiste'mol qilganda va glyukoza-6-fosfat degidrogenazaning tug‘ma tanqisligida buyurish mumkin emas. Propifenazon porfiriyaning o‘tkir xurujlari bilan bog‘liq bo‘lgan va shunday patsiyentlar uchun xavfsiz hisoblanmaydi.
Homiladorlik va laktatsiya davrida qo‘llanishi
Ishonchli ma'lumotlar yetarli emas. Homiladorlik va laktatsiya davrida qo‘llash tavsiya qilinmaydi.
Bolalar ololmaydigan joyda saqlansin va yaroqlilik muddati tugaganidan so‘ng qo‘llanilmasin.


Dozani oshirib yuborilishi

Simptomlari ko‘ngil aynishi, qusish, me'dada og‘riq, ko‘p terlash, teri qoplamining oqarishi, yurak aritmiyalari, og‘ir hollarda nafasni susayishigacha bo‘lgan nafas olishni buzilishi. 1­2 kundan keyin jigar shikastlanishi simptomlari aniqlanadi. Og‘ir hollarda jigar yetishmovchiligi va komatoz holat rivojlanadi. Zaharlanishga gumon qilinganda darhol shifokorga murojaat qilish kerak.
Davolash zaharlanishdan so‘ng dastlabki 4 soatda me'dani yuvish, adsorbentlari buyurish, glutationni hosil bo‘lishini oshiruvchi vositalari yuborish (atsetiltsistein dastlabki 12 soatda tana vazniga 300 mg/kg sutkalik dozada vena ichiga yuboriladi, ko‘rsatilgan dozaning yarmi dastlabki 15 minut davomida reanimatsion jarayonlarda yuboriladi; yoki atsetiltsistein ichga tana vazniga 140 mg/kg boshlang‘ich dozada, so‘ng tana vazniga 70 mg/kg dozada har 4 soatda uch kun davomida yuboriladi). Gemodializ usuli yordamida detoksikatsiya o‘tkazish mumkin.


Chiqarilish shakli

10 tabletkadan blisterda, 10 blister qo‘llash bo‘yicha yo‘riqnomasi bilan birga karton qutiga joylangan.


Saqlash sharoiti

Quruq, yorug‘likdan himoyalangan joyda, 30°S dan yuqori bo‘lmagan haroratda.


Yaroqlilik muddati

4 yil.


Dorixonalardan berish tartibi

Retseptsiz.


Ishlab chiqaruvchi

“Adjanta Farma Limited”
Adjanta Xaus,Charkop,
Kandivili (V), Mumbay 400067, Hindiston.