Preparatning savdo nomi
Sekrazol®, Sekrazol® Pediatrik
Ta'sir etuvchi modda (XPN) Ambroksol gidroxloridi.

Dori shakli
Sirop

Tarkibi

Faol modda Ambroksol gidroxloridi 15 mg yoki 30 mg.
Yordamchi moddalar sorbitol, metilparaben, propilparaben, natriy sitrati, limon kislotasi monogidrati, malina xushbo‘yi, deionizatsiyalangan suv
Ta'rifi Malina hidli, tiniq, rangsiz sirop.

Farmakoterapevtik guruhi
Balg‘am ko‘chiruvchi vositalar.


Farmakologik xususiyatlari

Balg‘am ko‘chiruvchi ta'sirga ega bo‘lgan mukolitik vosita. Bronxlar shilliq qavatidagi bezlarning seroz ho‘jayralarini rag‘batlantiradi va shilliq sekret miqdorini oshiradi, balg‘amning seroz va shilliq komponentlarining buzilgan nisbatini to‘g‘rilaydi. Bunda gidrolizlovchi fermentlar faollashadi va Klark ho‘jayralaridan lizosomalarni ajralib chiqishi kuchayadi, bu balg‘amni qovushqoqligining kamayishiga olib keladi. Ambroksol o‘pkada surfaktant miqdorini oshiradi, bu alveolyar pnevmotsitlarda uning sintezi va sekretsiyasini kuchayishi, shuningdek uni parchalanishini kamayishi bilan bog‘liq. Balg‘amning mukotsilliar transportini oshiradi. Yo‘talni biroz kamaytiradi.


Farmakokinetikasi

So‘rilishi ichga qabul qilgandan keyin ambroksol me'da-ichak yo‘llaridan deyarli to‘liq so‘riladi. Qon plazmasidagi Smax ga peroral barcha shakllari ichga qabul qilinganidan keyin taxminan 2 soat o‘tgach erishiladi.
Taqsimlanishi plazma oqsillari bilan bog‘lanishi 80% ni tashkil qiladi.
Preparat ichga qabul qilingandan keyin to‘qimalarga tez kiradi. Ambroksolning eng yuqori kontsentratsiyasi o‘pka to‘qimasida aniqlanadi. Ambroksol gematoentsefalik to‘siq va platsentar to‘siq orqali o‘tadi, ko‘krak suti bilan chiqariladi.
Metabolizmi ambroksol jigarda kon'yugatsiya yo‘li bilan metabolizmga uchraydi va farmakologik nofaol metabolitlarini hosil qiladi.
Chiqarilishi buyrak orqali chiqariladi, 90% suvda eruvchan metabolitlar ko‘rinishida, 5% o‘zgarmagan holda chiqariladi.
Ayrim klinik holatlardagi farmakokinetikasi og‘ir surunkali buyrak yetishmovchiligida T½ oshadi, ammo jigar faoliyatining buzilishlarida o‘zgarmaydi.


Qo‘llanilishi

Nafas yo‘llarining qovushqoq balg‘amni ajralib chiqishi bilan kechuvchi o‘tkir va surunkali kasalliklari (bronxoobstruktiv sindromli surunkali bronxit, bronxial astma, bronxoektatik kasalligi). Yangi tug‘ilgan chaqaloqlar va chala tug‘ilgan bolalardagi respirator distress sindromida qo‘llanadi.


Qo‘llash usuli va dozalari

Pediatrik sirop ko‘rinishidagi 15 mg/5 ml preparatni 2 yoshgacha bo‘lgan bolalarga ½ choy qoshiqdan (7,5 mg ambroksol gidroxloridi saqlovchi 2,5 ml) sutkada 2 marta; 2 dan 5 yoshgacha bo‘lgan bolalarga ½ - 1 choy qoshiqdan (7,5-15 mg ambroksol gidroxloridi saqlovchi 2,5-5 ml), sutkada 3 marta; 5 dan 12 yoshgacha bo‘lgan bolalarga 1-2 choy qoshiqdan (15-30 mg ambroksol gidroxloridi saqlovchi 5-10 ml) sutkada 3 marta buyuriladi. Sirop ko‘rinishidagi 30 mg/5 ml, preparat kattalar va 12 yoshdan oshgan bolalarga - 1 choy qoshiqdan (5 ml) sutkada 3 marta; 6 dan 12 yoshgacha bo‘lgan bolalarga – ½ choy qoshiqdan (2,5 ml) sutkada 2-3 marta buyuriladi. Preparat ovqatlanish vaqtida suyuqlik bilan qabul qilinadi.

Nojo‘ya ta'sirlari
Ovqat hazm qilish tizimi tomonidan uzoq vaqt yuqori dozalarda qo‘llanganida – jig‘ildon qaynashi, ko‘ngil aynishi, qusish.
Allergik reaktsiyalar teri toshmasi, eshakemi, angionevrotik shish; ayrim hollarda – allergik kontakt dermatiti, yakka hollarda – anafilaktik tur reaktsiyalari (shu jumladan anafilaktik shok).


Qo‘llash mumkin bo‘lmagan holatlar

Homiladorlik (I-chi trimestr), turli etiologiyali tirishishlar va ambroksolga yoki preparatning boshqa komponentlarga bo‘lgan yuqori sezuvchanlikda qo‘llash mumkin emas.

Dorilarning o‘zaro ta'siri
Yo‘talga qarshi preparatlar bilan bir vaqtda qo‘llash yo‘talni kamayishi fonida balg‘amni ko‘chishini qiyinlashishiga olib keladi. Ambroksol amoksitsillin, sefuroksim, eritromitsin, doksitsiklinni bronxial sekretga kirishini oshiradi. Preparat tug‘ruq faoliyatini tormozlaydigan preparatlar bilan birga qo‘llash mumkin.

Mahsus ko‘rsatmalar
Balg‘amni chiqarilishini qiyinlashtiradigan yo‘talga qarshi vositalar bilan birga qo‘llash mumkin emas. Sirop ko‘rinishidagi ambroksolni tarkibida qand bo‘lmaganligi sababli (qand o‘rniga sorbitol qo‘shilgan), qandli diabet bilan og‘rigan patsiyentlarga buyurish mumkin.
Homiladorlikning II va III trimestrida qo‘llash zarurati bo‘lganida davolashni ona uchun bo‘lgan potentsial foydasini va homila uchun bo‘lishi mumkin bo‘lgan xavfni baholash lozim. Ambroksolni laktatsiya davrida qo‘llash zarurati bo‘lganda emizishni to‘xtatish masalasini hal qilish lozim. Preparatni buyrak va/yoki jigar yetishmovchiligi bo‘lgan patsiyentlarga ehtiyotkorlik bilan buyurish kerak.
Preparat bolalar olaolmaydigan joyda saqlansin va yaroqlilik muddati o‘tganidan keyin ishlatilmasin.


Dozani oshirib yuborilishi

Simptomlari nojo‘ya ta'sirlarini kuchayishi.
Davolash me'dani ipekakuana siropi bilan qusishni induktsiya qilish yordami, yuvish, tirishishlar, komatoz xolatlar yoki qusish refleksi yo‘qolgan xollarda nazogastral zond orqali lavaj qilish ko‘rsatilgan.
Simptomatik davo o‘tkazilishi ko‘rsatilgan. Maxsus antidoti yo‘k.


Chiqarilish shakli

«Sekrazol®» 30 mg/5 ml, sirop flakonlarda 150 ml dan, komplektida 5 ml hajmli plastik qoshiqchasi bilan.
«Sekrazol® Pediatricheskiy» 15 mg/5 ml, sirop flakonlarda 100 ml dan, komplektida 5 ml hajmli plastik qoshiqchasi bilan.


Saqlash sharoiti

Quruq, yorug‘likdan himoyalangan joyda, 25°S yuqori bo‘lmagan haroratda saqlansin.


Yaroqlilik muddati

3 yil.


Dorixonalardan berish tartibi

Retseptsiz.


Ishlab chiqaruvchi

"Nobel Almatinskaya Farmatsevticheskaya Fabrika" AJ, Qozog‘iston
yoki "Nobel İlaç Sanayii ve Ticaret A.Ş.", Turkiya




Qadoqlangan
"NOBEL PHARMSANOAT" CHEK,
Iste'molchilar dori vositasi sifati bo‘yicha fikr-mulohazalari, e'tirozlari va nojo‘ya ta'sirlari yoki dori vositasining samarasizligi haqidagi xabarlarni quyidagi manzil bo‘yicha yuborishlari mumkin
O‘zbekiston Respublikasi, Toshkent sh, Mirzo Ulug‘bek tumani, Qorasuvbo‘yi ko‘chasi, 5 “A"
Tel (99871) 265 90 99; Faks (99871) 265 91 99; E-mail pv@nobel.uz, www.nobel.uz