Preparatning savdo nomi
Diklofenak Oftalmik
Ta'sir etuvchi modda (XPN) diklofenak

Dori shakli
ko‘z tomchilari

Tarkibi

1 ml eritma quyidagilarni saqlaydi
faol modda diklofenak natriy –1,0 mg;
yordamchi moddalar borat kislotasi – 16,0 mg, sorbin kislotasi – 2,0 mg, polioksil
35 kanakunjut moyi 0,6 mg, trometamol – 2,8 mg, dinatriy edetati – 1,0 mg, in'ektsiya uchun suv – 1 ml gacha.
Ta'rifi tiniq rangsiz yoki biroz sarg‘ish suyuqlik.

Farmakoterapevtik guruhi
nosteroid yallig‘lanishga qarshi vosita.
ATX kodi S01BC03


Farmakologik xususiyatlari


Farmakodinamika
si
Diklofenak yallig‘lanishga qarshi va og‘riq qoldiruvchi ta'sir ko‘rsatadi. Diklofenak natriyning asosiy ta'sir mexanizmi yallig‘lanish va og‘riqni patogenezida muhim rol o‘ynaydigan prostaglandinlarning sintezini ingibitsiya qilishi hisoblanadi. Diklofenak leykotriyenlarning sintezini susaytiradi, nerv tolalaridan og‘riq impulslarining o‘tkazilishini sekinlashtiradi, qon tomirlarning o‘tkazuvchanligini kamaytiradi. Infektsiya, jarohat yoki jarrohlik operatsiya natijasida yuzaga kelishi mumkin bo‘lgan ko‘zlarda yallig‘lanish, og‘riq va ko‘zlarda diskomfort hissi (fotofobiya, achishish, sanchish va boshqalar) ni kamaytiradi; miozni kamaytiradi va jarrohlik operatsiyalarida sistoid makulyar shish rivojlanishini oldini oladi.

Farmakokinetikasi

Diklofenak quyon ko‘zlariga instillyatsiyasidan keyin kon'yunktiva va shox pardadagi cho‘qqi kontsentratsiyasiga 30 minutdan keyin erishilgan.
Diklofenak instillyatsiyasida tizimli qon oqimiga so‘riladi. Biroq, qonda erishiladigan miqdorda aniqlanish chegarasidan ahamiyatli darajada past va klinik ahamiyatga ega emas.
Preparat organizmdan tez chiqariladi, to‘liq chiqarilishi 6 soatdan keyin kuzatiladi.


Qo‘llanilishi

- Katarakta yuzasidan operatsiya vaqtida miozni ingibitsiya qilish.
- Katarakta olib tashlanganidan so‘ng va ko‘z soqqasidagi boshqa jarrohlik aralashuvlaridan (fotorefraktsion keratektomiya, radikal keratotomiya, argon-lazerli trabuloplastika, g‘ilaylik yuzasidan operatsiya) so‘ng operatsiyadan keyingi davrdagi yallig‘lanish jarayonini oldini olish va og‘riq sindromi va diskomfortni kamaytirish.
- Ko‘z soqqaga o‘tmagan jarohatlarda posttravmatik yallig‘lanish jarayoni va og‘riqni davolash (mahalliy infektsiyaga qarshi davolashga qo‘shimcha sifatida).
- Mavsumiy allergik kon'yuntivitning sipmtomlarini yengillashtirish uchun qo‘llanadi.


Qo‘llash usuli va dozalari

Katarakta yuzasidan operatsiya vaqtida miozni ingibitsiya qilish jarrohlik aralashuvidan oldin 2 soat davomida 30 minutlik interval bilan 1 tomchidan, ya'ni jami 4 marta.
Operatsiyadan keyingi yallig‘lanishni oldini olish patsiyentning holatni og‘irligiga qarab, operatsiyadan keyin 28 kungacha kuniga 1 tomchidan 4 marta.
Fotorefraktsion keratektomiyadan so‘ng og‘riqlar va diskomfortni pasaytirish operatsiyadan oldin bir soat davomida 1 tomchidan 2 marta; operatsiyadan keyingi davrda – operatsiyadan keyin darhol 1 tomchidan 2 marta (5 minutlik interval bilan), so‘ngra operatsiyadan keyin 24 soat davomida 1 tomchidan har 2-5 soatda.
Ko‘z soqqasiga o‘tmagan jarohatlardagi og‘riq 2 kun davomida kuniga 1 tomchidan 4 marta.
Argon-lazer trabekuloplastikadan so‘ng yallig‘lanishni oldini olish jarrohlik aralashuvidan oldin 30 minutlik interval bilan ikki soat davomida 1 tomchidan, ya'ni jami 4 marta, operatsiyadan keyin – 7 kun davomida kuniga 1 tomchidan 4 marta.
G‘ilaylik yuzasidan o‘tkazilgan operatsiyadan keyingi yallig‘lanish jarayoni operatsiyadan keyin 1-chi hafta davomida kuniga 1 tomchidan 4 marta; 2-chi haftasi davomida kuniga bir tomchidan 3 marta; zarurati bo‘lganida 3-chi va 4-chi hafta davomida kuniga 1 tomchidan ikki marta buyuriladi.
Ko‘zdagi radial keratotomiyadan keyin og‘riq va diskomfort operatsiyadan oldin 1 tomchi, operatsiyadan keyin darhol 1 tomchi, so‘ngra 2 kun davomida kuniga 1 tomchidan 4 marta.

Mavsumiy allergik kon'yunktivitda
davolash uchun zarur vaqt davomida kuniga 1 tomchidan 1 marta buyuriladi.

Nojo‘ya ta'sirlari
Ko‘rish a'zosi tomonidan tez-tez – ko‘zlarning kuzsiz/o‘rtacha ta'sirlanishi bilan o‘tuvchi ko‘zlarda og‘riq, achishish hissi; kam hollarda – ko‘zlarni qichishi, qizarishi, preparatni tomchilattgandan keyin birdaniga ko‘rishni xiralashishi; allergik reaktsiyalar (kon'yunktiva giperemiyasi, allergik kon'yunktivit, qovoqni qizarishi, shishi va qichishishi).
Tez-tez ishlatilganida nuqtali keratitni va shox pardani boshqa shikastlanishlari rivojlanishi mumkin.
Shox pardaning shikastlanishini rivojlanish xavfi bo‘lgan patsiyentlarda (infektsion kasalliklar, revmatoid artritda kortikosteroidlar qo‘llanilganida)kam hollarda preparat uzoq muddat qo‘llanganida yarali va nuqtali keratit, shox pardani yupqalashishi, shox pardaning epiteliyasini nuqsonlari, shox pardaning shishi kabi ko‘rishga xavf soluvchi asoratlar rivojlanishi mumkin.
Tizimli reaktsiyalar kam hollarda – allergik reaktsiyalar (eshakemi, qichishish, toshma, ekzema, eritema, yo‘tal, rinit).


Qo‘llash mumkin bo‘lmagan holatlar

Diklofenak yoki preparatning boshqa komponentlariga yuqori sezuvchanlik, homiladorlikni III uch oyligi.
Boshqa NYaQV lar kabi atsetilsalitsil kislotasi yoki boshqa prostaglandinsintetaza ingibitorlari bronxial astma xurujlari, eshakemi yoki o‘tkir rinitni rivojlanishi chaqiriladigan patsiyentlarda diklofenakni qo‘llash mumkin emas.

Dorilarning o‘zaro ta'siri
Shox pardaning yaqqol yallig‘lanishi bo‘lgan patsiyentlarda diklofenakni glyukokortikosteroidlar bilan birga qo‘llanishi shox pardaning rivojlangan shikastlanishiga olib kelishi mumkin.
Diklofenak boshqa ko‘z tomchilari bilan birga qo‘llanilganida tomizishlar orasidagi tanaffuz kamida 5 minut bo‘lishi kerak.


Maxsus ko‘rsatmalar

Kontakt linzalaridan foydalanuvchi patsiyentlar preparatni faqat linzalarni yechgandan so‘nggina qo‘llashlari va preparatni tomizgandan so‘ng faqat 15 minutdan keyingina ularni taqishlari mumkin. NYaQV, shu jumladan diklofenakni ham yallig‘lanishga qarshi ta'siri ko‘zlarda infektsion jarayonlarni tashhisotini qiyinlashtirishi mumkin. Infektsiyalar mavjud bo‘lganida yoki ularning rivojlanishini potentsial xavfi bo‘lganida muvofiq antibakterial davolashni o‘tkazish zarur.
Preparatni qabul qiluvchi patsiyentlarda, qonning ivuvchanligini pasayishi haqida ma'lumotlar mavjud emas. Biroq, nazariy olganda, preparat qonning ivuvchanligini pasaytiruvchi dori vositalari bilan birga qo‘llanganida yoki qonning ivuvchanligini pasayishi bo‘lgan patsiyentlarda qon hosil bo‘lish vaqtini uzaytirishi mumkin.
Preparatni glyukokortikosteroidlarni saqlovchi oftalmologik preparatlar bilan birga qo‘llaganda ehtiyotkorlikka rioya qilish kerak.
Tizimli so‘rilishni kamaytirish uchun instillyatsiyadan keyin darhol ko‘z yoshi oqimini bosish kerak.
Homiladorlik va emizishda qo‘llanishi
Preparatni homiladorlikning I va II uch oyligida, agar ona uchun potentsial foyda homila uchun potentsial xavfdan ustun bo‘lgan hollarda qo‘llash mumkin. Homiladorlikning III uch oyligida preparatni qo‘llash tavsiya etilmaydi. Emizuvchi onalarda preparat qo‘llanilganda emizishni to‘xtatish kerak.
Pediatriyada qo‘llanishi
Preparatni bolalarda qo‘llash samaradorligi va xavfsizligi to‘g‘risida ishonchli ma'lumotlar yo‘q.
Avtotransportlarni haydash va mashinalardan foydalanish qobiliyatiga ta'siri
Applikatsiyadan so‘ng ko‘rish aniqligi vaqtinchalik yo‘qolgan patsiyentlarga, preparatni tomizgandan so‘ng darhol mashinani haydash yoki ko‘rish aniqligini talab qiluvchi murakkab texnika, stanoklar yoki biron-bir boshqa qurilma bilan ishlash tavsiya etilmaydi.
Preparat bolalar ololmaydigan joyda saqlansin va yaroqlilik muddati o‘tgach ishlatilmasin.


Dozani oshirib yuborilishi

Qo‘llash usuliga amal qilinganida dozani oshirib yuborilish mumkin emas. Preparat to‘satdan ichga qabul qilinganda dozani oshirib yuborilishi kuzatilmaydi, chunki 10 ml eritmada 10 mg diklofenak (kattalar uchun maksimal peroral sutkalik dozasidan ≈ 6%). Ahvoli yomonlashgan yoki allergik reaktsiyalar paydo bo‘lgan hollarda preparat qabul qilishni to‘xtatish va shifokorga murojaat qilish kerak.


Chiqarilish shakli

10 ml dan polietilen flakon-tomchilagichlarda.


Saqlash sharoiti

Yorug‘likdan himoyalangan joyda, 15-300S haroratda saqlansin.


Yaroqlilik muddati

2 yil. Ochilgandan keyin flakon ichidagisi bir oy davomida ishlatilsin.


Dorixonalardan berish tartibi

Retsept bo‘yicha.


Ishlab chiqaruvchi

ZAO «Likvor», Armeniya, 0089, Yerevan, Kochinyan 7/9
Tel./Faks 37410 35 49 53;
E-mail ligvor@web.am; www.ligvor.com

O‘zbekiston Respublikasi xududida dori vositalarining sifati bo‘yicha e'tirozlar (takliflar) ni qabul qiluvchi tashkilot nomi va manzili
100041, Toshkent sh., Mo‘minov ko‘ch. 6/7, kv. 13
Tel. +998 90 996 74 40