Preparatning savdo nomi
Neladeks
Ta'sir etuvchi moddalar (XPN) Deksametazon + neomitsin + polimiksin V

Dori shakli
Ko‘z/qo‘loq tomchilari.
Ta'rifi Oq rangli hidsiz suspenziya.

Tarkibi

1 ml preparat quyidagilarni saqlaydi
faol moddalar deksametazon 1,0 mg, neomitsin sulfat 3,5 mg, polimiksin V sulfat 6000 XB;
yordamchi moddalar gipromelloza, benzalkoniy xloridi, dinatriy edetati, natriy xloridi, polisorbat 80, natriy gidroksidi va/yoki xlorid kislotasi, in'ektsiya uchun suv.

Farmakoterapevtik guruhi
oftalmologiya va otologiyada qo‘llanadigan vositalar. Kortikosteroidlar va mikroblarga qarshi vositalar majmuasi.
ATX kodi S03CA01


Farmakologik xususiyatlari


Farmakodinamika

Ta'sir mexanizmi
Neladeks majmuaviy ta'sirga ega kortikosteroidli komponent deksametazon tufayli yallig‘lanish simptomlarini susaytiradi va tarkibida ikkita antibiotiklar, polimiksin V va neomitsin mavjudligi tufayli, mikrobga qarshi faollikga ega.
Deksametazon – yallig‘lanishga qarshi kuchli faollikga ega bo‘lgan sintetik glyukokortikoid. Polimiksin V - siklik lipopeptid, grammanfiy bakteriyalarning hujayra devoridan o‘tish xususiyatiga ega bo‘lib, natijada sitoplazma membranasining barqarorligini buzadi. Grammusbat bakteriyalarga nisbatan u kamroq faollikga ega. Neomitsin - aminoglikozid – antibiotik, polipeptidlar to‘plamini va ribosomada ular sintezini ingibitsiya qilish yo‘li orqali bakterial hujayralarga ta'sir ko‘rsatadi.
Rezistentlik mexanizmining rivojlanishi
Polimiksin V ga chidamlilikni kelib chiqishi xromosomadan bo‘lgan va tez-tez namoyon bo‘lmaydi. Bu jarayonda, aftidan, sitoplazma membranasi fosfolipidlarining modifikatsiyasi rol o‘ynaydi.
Neomitsinga chidamlilik bir necha turli mexanizmlar, shu jumladan, (1) bakterial hujayra ichidagi ribosomal subbirlikni o‘zgarishi, (2) neomitsinni hujayra ichiga kirishiga to‘sqinlik qilinishi va (3) adenillashtiruvchi, fosfat kislotasi qoldig‘ini o‘tkazuvchi va atsetil guruhga almashtiruvchi fermentlar qatorini faolsizlantirilishi hisobiga sodir bo‘ladi. Faolsizlantiruvchi fermentlar ishlab chiqarilishi uchun genetik axborot bakterial xromosomada yoki plazmidada o‘tkazilishi mumkin.
Chegara qiymatlari
1 ml tomchilar 6000 XB polimiksin V sulfat va 3,5 mg neomitsin (sulfat ko‘rinishida) saqlaydi. Quyida ko‘rsatilganidek chegara kontsentratsiyasi va in vitro ta'sir qilish diapazonini aniqlashda polimiksin V, yoki neomitsinni ikki barobar miqdordagi faolligi e'tiborga olinadi.
Bu yerda ko‘rsatilgan chegara kontsentratsiyalari ko‘zning infektsiyalarida aniqlangan konkret turlarning rezistentlik bazasida, va preparatdagi XBda ifodalangan polimiksin V ni neomitsinga nisbatida belgilangan rezistentlikni chegara kontsentratsiyalari bakteriyaning turiga bog‘liq holda >52,5 dan >4020 gacha.
Sezuvchanlik
Quyida sanab o‘tilgan ma'lumotlar mikroorganizmlarning preparat tarkibiga kiruvchi polimiksin V yoki neomitsinga bo‘lgan taxminiy sezgirlik ehtimoli haqida tushuncha beradi. Quyida ko‘zning tashqi infektsiyalarida ajratib olingan mikroorganizmlar turlari sanab o‘tilgan.
Alohida turdagi bakteriyalarda orttirilgan rezistentlikning tarqalganligi vaqt va geografik joylashishga bog‘liq holda o‘zgaruvchan bo‘lishi mumkin, shuning uchun, ayniqsa jiddiy infektsiyalarni davolashda, rezistentlik to‘g‘risidagi mahalliy ma'lumotga ega bo‘lish maqsadga muvofiq. Zarurati bo‘lganda, chidamli shtammlarning tarqalganligi haqida mahalliy ma'lumot mavjudligida va hech bo‘lmaganda ba'zi infektsiyalarga nisbatan polimiksin V/neomitsin majmuasini qo‘llanishini foydasi shubha tug‘dirganida, ekspert maslahatiga murojaat qilish zarur.
Odatda sezgir mikroorganizmlar
- aerob grammusbat mikroorganizmlar Bacillus cereus, Bacillus megaterium, Bacillus pumilus, Bacillus simplex, Corynebacterium accolens, Corynebacterium bovis, Corynebacterium macginleyi, Corynebacterium propinquum, Corynebacterium pseudodiphtheriticum, Staphylococcus aureus (metitsillinga sezgir - MSSA), Staphylococcus capitis, Staphylococcus epidermidis (metitsillinga sezgir - MSSE), Staphylococcus pasteuri, Staphylococcus warneri, Streptococcus mutans;
- aerob grammanfiy mikroorganizmlar Haemophilus influenzae, Klebsiella pneumoniae, Moraxella catarrhalis, Moraxella lacunata, Pseudomonas aeruginosa, Serratia species.
Chidamlilikni orttirishi mumkin bo‘lgan turlar
Staphylococcus epidermidis (metitsillinga rezisten - MRSE), Staphylococcus hominis, Staphylococcus lugdunensis.
Rezistent turlar
- aerob grammusbat mikroorganizmlar Enterococci faecalis, Staphylococcus aureus (metitsillinga rezistent - MRSA), Streptococcus mitis, Streptococcus pneumoniae;
- aerob grammanfiy mikroorganizmlar Serratia species;
- anaerob mikroorganizmlar Propionibacterium acnes.
Deksametazon – o‘rta kuchga ega kortikosteroid bo‘lib, ko‘z to‘qimalariga yaxshi o‘tadi.Kortikosteroidlar yallig‘lanishga qarshi va tomirni toraytiruvchi ta'sirga ega. Deksametazon yallig‘lanish reaktsiyasini va turli buzilishlar simptomlarini, asosan ularni davolamasdan, susaytiradi.

Farmakokinetikasi

Deksametazon, boshqa kortikosteroidlar kabi, ichga qabul qilinganidan keyin tez so‘riladi va 190 minut atrofidagi biologik yarim chiqarilish davriga ega. Teri va ko‘zga mahalliy qo‘llanganidan keyin tizimli samaralar paydo bo‘lishi uchun yetarli bo‘lgan so‘rilishga erishiladi. Deksametazonni ko‘z ichiga o‘tishi ahamiyatli miqdorda sodir bo‘ladi va ko‘z oldingi segmentining yallig‘lanish kasalliklarida deksametazon samaradorligiga yordam beradi.
Polimiksin B sulfat me'da-ichak yo‘lida va shikastlanmagan teridan so‘rilmaydi, shox pardaning shikastlanmagan epiteliysi shox parda stromasiga o‘tishiga to‘sqinlik qilsa-da, terapevtik kontsentratsiyalari epiteliy shikastlanganidan keyin stromaga o‘tadi. Shox pardani stromasiga yaxshi kirishi shox pardani jarohatlarida tomizilganda, subkon'yunktival in'ektsiyalarda yoki shox pardani yuvishdan keyin kuzatiladi. Preparat parenteral yoki mahalliy qo‘llanganidan keyin polimiksin V shishasimon moddaga ahamiyatli darajada o‘tishi kuzatilmaydi.
Neomitsin me'da-ichak yo‘lida yomon so‘riladi, mahalliy qo‘llanganidan keyin, tizimli samaralar paydo bo‘lishi uchun yetarli bo‘lmagan, ahamiyatsiz miqdorda so‘riladi. Jarohatlangan va yallig‘langan teridan so‘rilishi haqida xabar berilgan. Neomitsin so‘rilganidan keyin buyraklar orqali faol shaklda tez chiqariladi.


Qo‘llanilishi

Oftalmologiya
- zabrug‘ va virus etiologiyasi istisno qilinganidan keyin antibakterial davolashni profilaktik buyurishni talab etiladigan va kortikosteroidlarni qo‘llash ko‘rsatilgan, ko‘rish a'zolari kasalliklarini qisqa muddatli davolashda;
Otologiya
- o‘tkir va surunkali tashqi otitda qo‘llaniladi.


Qo‘llash usuli va dozalari

Oftalmologiya
Dozalash
Bolalar va kattalar (shu jumladan keksa yoshdagi patsiyentlar)
1 yoki 2 tomchidan har bir shikastlangan ko‘zga sutkada 6 martagacha yoki undan tez-tez tomiziladi, agar klinik holat shuni talab qilsa.

Qo‘llash usuli va dozalari

Oftalmologiyada mahalliy qo‘llash uchun. Yutish va in'ektsion qo‘llash mumkin emas.
Preparatni qo‘llashdan oldin flakonni silkitish zarur.
Flakon ochilganidan keyin preparatni qo‘llashdan oldin birinchi ochilish nazoratini ta'minlovchi uzilish xalqasini yeching.
Tomizgich va suspenziyani ifloslanishini oldini olish uchun ehtiyotkorlikka rioya qilish va tomizgich uchini qovoqlarga, ko‘z atrofiga yoki boshqa yuzaga tegizmaslik kerak.
Preparat tomizilganidan keyin burun yosh kanalini okklyuziyasini qo‘llash yoki ehtiyotkorlik bilan ko‘zni yumish tavsiya etiladi. Bu preparatni tizimli so‘rilishini kamaytirishi va tizimli noxush reaktsiyalarni kamaytirishi mumkin.
Otologiya
Davolashni boshlashdan oldin nog‘ora pardasining shikastlanishi yo‘qligiga ishonch hosil qilish zarur.
Dozalash
Tashqi otit va tashqi eshitish yo‘lining infektsiyalangan ekzemasida kattalarga 1-5 tomchidan har bir quloq ichiga sutkada 2 marta tomizish lozim.
Davolash kursining davomiyligi kasallikni o‘ziga hosligiga bog‘liq va shifokor tomonidan belgilanadi.
Bolalar
Preparatni 18 yoshgacha bo‘lgan bolalarda qo‘llash mumkin emas, chunki preparat qo‘llanishining xavfsizligi va samaradorligi bolalarda aniqlanmagan.
Qo‘llash usuli
Otologiyada mahalliy qo‘llash uchun. Yutish va in'ektsion qo‘llash mumkin emas.
Tomizgich va suspenziyani ifloslanishini oldini olish uchun ehtiyotkorlikga rioya qilish va tomizgich uchini qandaydir yuzalarga tegizmaslik lozim.
Sovuq suyuqlikni quloqqa tomizilishi bilan bog‘liq bo‘lgan yoqimsiz hissiyotni chetlab o‘tish uchun, preparatni qo‘llashdan oldin flakonni qo‘lda ushlab ilitish zarur. Bosim ostida yuborilmasin. Bosh egilsin; quloqqa zarur bo‘lgan miqdordagi tomchi tomizilsin, va bir necha minut bosh egilgan holatda tutib turilsin.

Patsiyentlarning maxsus guruhlari
Buyrak va jigar yetishmovchiligi bo‘lgan patsiyentlar
Preparatning mazkur guruh patsiyentlarida qo‘llanishi o‘rganilmagan. Biroq mahalliy qo‘llanganida faol komponentlarning tizimli so‘rilishi past bo‘lgani tufayli dozaga tuzatish kiritish talab etilmaydi.

Nojo‘ya ta'sirlari
Profilning qisqa ta'rifi
Deksametazon, neomitsin va polimiksin V (oftalmologik shakli) majmuasini klinik tadqiqotlarida eng tez uchraydigan noxush reaktsiyalar ko‘zda diskamfort, keratit va ko‘z shilliq qavatining ta'sirlanishi bo‘lgan, ular 0,7% va 0,9% patsiyentlarda sodir bo‘lgan.
Noxush reaktsiyalar ro‘yxati
Turli manbalardan olingan (klinik tadqiqotlar va postmarketing tajribasi) noxush reaktsiyalar haqidagi ma'lumotlar qo‘yida MedDRA tasnifiga muvofiq sanab o‘tilgan.
Noxush reaktsiyalarning uchrash tezligini ko‘rsatkichlari quyidagi ko‘rinishda aniqlanadi juda tez-tez (≥ 1/10); tez-tez (≥ 1/100 lekin < 1/10 gacha); tez-tez emas (≥ 1/1000 lekin < 1/100); kam hollarda (≥ 1/10000 lekin < 1/1000); juda kam hollarda (<1/10000); uchrash tezligi noma'lum (mavjud bo‘lgan ma'lumotlar asosida baholash mumkin emas). Har bir toifa chegarasida noxush reaktsiyalar uchrash tezligi ularning og‘irligini kamayishi tartibida taqdim etilgan.
Immun tizimi tomonidan uchrash tezligi noma'lum – o‘ta yuqori sezuvchanlik (umumiy yoki mahalliy).
Endokrin tizimi tomonidan uchrash tezligi noma'lum – Kushing sindromi, buyrak usti bezlari funktsiyasining susayishi.
Nerv tizimi tomonidan uchrash tezligi noma'lum – bosh og‘rig‘i.
Ko‘rish a'zosi tomonidan tez-tez emas – keratit, ko‘z ichki bosimini oshishi, ko‘zning qichishi, ko‘zda diskomfort, ko‘zning ta'sirlanishi; uchrash tezligi noma'lum – yarali keratit, shox pardaning yupqalashishi, ko‘rish aniqligining buzilishi, yorug‘likdan qo‘rqish, midriaz, qovoqlarning tushishi, ko‘zlardagi og‘riq, ko‘zlarning shishi, ko‘zda yot tana hissi, ko‘zlar giperemiyasi, ko‘z yoshining oqishi.
Teri va teri osti to‘qimalari tomonidan – mahalliy eksfoliativ dermatit, teri atrofiyasi, teleangiektaziya, striyalar, terini birlamchi sababli patologik zo‘rayishi, shu jumladan, ekzema; uchrash tezligi noma'lum – Stivens-Djonson sindromi.
Umumiy buzilishlar va yuborish joyidagi buzilishlar kam hollarda – qo‘llash joyidagi reaktsiyalar, shu jumladan og‘riq, ta'sirlanish, shish, achishish xissi, toshma.
Alohida noxush reaktsiyalarning ta'rifi
Steroidli komponent mavjudligi tufayli, ayniqsa uzoq muddatli davolashda, shox parda va skleraning yupqalashishi bilan kechadigan kasalliklarda perforatsiya xavfi oshadi. Oftalmologik kasalliklarni davolash uchun kortikosteroidlarning mahalliy qo‘llanishi ko‘rish nervining shikastlanishi, ko‘rish aniqligining pasayishi, ko‘rish maydonida nuqsonlar paydo bo‘lishi bilan kechadigan ko‘z ichki bosimini oshishiga olib kelishi mumkin. Bu shuningdek orqa subkapsullyar kataraktaning paydo bo‘lishiga olib kelishi mumkin.
Ba'zi patsiyentlarda mahalliy qo‘llaniladigan aminoglikozidlarga o‘ta yuqori sezuvchanlik paydo bo‘lishi mumkin. Intensiv qo‘llanishida tizimli noxush reaktsiyalar paydo bo‘lishi mumkin.
Kortikosteroidlar glyukozaga bo‘lgan tolerantlikni buzishi mumkin, bu qandli diabet rivojlanishiga, yoki uning kechishini og‘irlashishiga olib kelishi mumkin.
Gumon qilinayotgan noxush reaktsiyalar haqida xabarlar
Dori vositasi ro‘yxatdan o‘tkazilganidan keyin gumon qilinayotgan noxush reaktsiyalar haqida xabar berish muhim hisoblanadi. Patsiyentda dori vositasiga jiddiy noxush reaktsiyalar aniqlanganida yoki mazkur bo‘limda ta'riflanmagan yangi noxush reaktsiya paydo bo‘lganida, Milliy farmakonazorat tizimiga muvofiq xabar berishingizni so‘raymiz.


Qo‘llash mumkin bo‘lmagan holatlar

- preparatning har qanday faol komponenti yoki yordamchi komponentiga bo‘lgan o‘ta yuqori sezuvchanlik;
- Herpes simplex chaqirgan keratit;
- vaktsina kasalligi, suvchechak, va shoh parda va kon'yunktivaning boshqa virusli kasalliklari;
- ko‘zning zamburug‘li kasalliklari yoki ko‘zning davolanmagan parazitar infektsiyalari;
- ko‘zning mikobakterial infektsiyalari;
- qo‘loqning virusli va zamburug‘li kasalliklari;
- mavjud bo‘lgan yoki gumon qilinayotgan nog‘ora pardasining perforatsiyasida qo‘llash mumkin emas;
- neomitsin sulfatning ma'lum bo‘lgan ototoksiklik va nefrotoksiklik potentsiali sababli Neladeks preparatini uzoq vaqt davomida, ahamiyatli darajada tizimli so‘rilishi mumkin bo‘lgan sharoitlarda, ko‘p miqdorda yoki katta yuzaga qo‘llash tavsiya etilmaydi.

Dorilarning o‘zaro ta'siri
Mahalliy qo‘llash uchun steroidlar va mahalliy qo‘llash uchun NYaQV bir vaqtda qo‘llanishi shox parda bitishini sekinlashtirishi mumkin.
CYP3A4 ingibitorlari (shu jumladan, ritonavir i kobitsistat) deksametazon klirensini pasaytirishi mumkin, bu uning samarasini kuchayishiga va buyrak usti bezlari funktsiyasini susayishiga/Kushing sidromiga olib kelishi mumkin. Bunday majmuadan, kortikosteroidlarni qo‘llangandan bo‘lgan foyda, tizimli noxush reaktsiyalarni xavfidan ustun bo‘lgandan tashqari hollarda saqlanish lozim. Mazkur majmua qo‘llangan patsiyentlarda kortikosteroidlarning tizimli samaralarini nazorat qilish lozim.
Aminoglikozidlarni (neomitsin) neyrotoksik, ototoksik yoki nefrotoksik ta'sirga ega bo‘lgan boshqa tizimli, peroral yoki mahalliy qo‘llash uchun preparatlar bilan bir vaqtda va/yoki birin ketin, bu samaralarning kuchayishi mumkinligi sababli, qo‘llanishidan saqlanish zarur. Ahamiyatga ega bo‘lgan tizimli so‘rilishdan keyin neomitsin sulfat va polimiksin V sulfat nerv-mushak blokatorlarining nafasni susaytiruvchi samaralarini kuchaytirishi va uzaytirishi mumkin.
Boshqa oftalmologik preparatlar bilan birgalikda qo‘llash zarurati bo‘lgan holatlarda, instillyatsiyalar o‘rtasidagi oraliq kamida 5 minutni tashkil etishi zarur. Ko‘z surtmalarini oxirgi navbatda qo‘llash lozim.
Neladeks preparati diabeti bo‘lgan patsiyentlarda qo‘llanganida gipoglikemik vositalarning yuqoriroq dozalariga ehtiyoj paydo bo‘lishi mumkinligini e'tiborga olish zarur, chunki ularning gipoglikemik samarasi pasayishi mumkin.


Maxsus ko‘rsatmalar

Preparatni qo‘llashdan oldin nog‘ora pardasining shikastlanishi yo‘qligiga ishonch hosil qilish kerak. Eshitish va vestibulyar apparatga toksik ta'sir qilish xavfi bo‘lganligi tufayli (garanglik, muvozanatning buzilishi) preparatni nog‘ora pardasi yaxlitligining buzilishida qo‘llash mumkin emas.
Uzoq muddatli, nazoratsiz qo‘llanishidan saqlanish kerak, chunki bu ayniqsa keksa yoshdagi patsiyentlarda va buyraklar funktsiyasining buzilishi bo‘lgan patsiyentlarda qaytmaydigan qisman yoki to‘liq garanglikga olib kelishi mumkin. Buyraklar funktsiyasining buzilishida nemitsinni plazmadagi klirensi pasayadi.
Boshqa antibakterial preparatlarga o‘xshash neomitsin va polimiksin kabi antibiotiklarning qo‘llanishi rezistent bakterial shtammlarning va zamburug‘larning kuchli o‘sishiga olib kelishi mumkin. Superinfektsiya rivojlanganida preparatni qo‘llashni to‘xtatish va muqobil davolashni boshlash lozim. Klinik holat yaxshilanmaganida steroidlar va mahalliy qo‘llash uchun antibiotiklar majmuasi bilan davolashni 7 kundan ortiq davom ettirmaslik kerak.
Ba'zi patsiyentlarda neomitsin kabi mahalliy qo‘llash uchun aminoglikozidlarga o‘ta yuqori sezuvchanlik paydo bo‘lishi mumkin. Shuningdek boshqa aminoglikozidlarga kesishgan o‘ta yuqori sezuvchanlik paydo bo‘lishi mumkin. O‘ta yuqori sezuvchanlik reaktsiyalarining og‘irlik darajasi mahalliy samaradan eritema, qichish, eshakemi, teri toshmasi, anafilaksiya, anafilaktoid yoki bullyoz reaktsiyalar kabi tarqalgan reaktsiyalargacha o‘zgarishi mumkin. Agar preparatni qo‘llash vaqtida o‘ta yuqori sezuvchanlikni belgilari yuzaga kelsa, davolashni to‘xtatish lozim.
Agar ko‘zdagi og‘riq, qizarish, shish yoki ko‘zning ta'sirlanishi saqlanib qolsa yoki kuchaysa, neomitsin sulfatni saqlovchi oftalmologik preparatlar qo‘llanlayotgan patsintlarga shifokorga murojaat qilishlari kerakligini tavsiya qilish lozim.
Neomitsin tizimli qo‘llanganida yoki uni shikastlangan yuzaga yoki shikaslangan teriga mahalliy qo‘llanganida og‘ir noxush reaktsiyalarning, shu jumladan neyrotoksik, ototoksik va nefrotoksik reaktsiyalarning rivojlanishi qayd qilingan. Shuningdek polimiksin V tizimli qo‘llanganida nefrotoksik va neyrotoksik reaktsiyalar qayd etilgan. Oftalmologiyada mahalliy qo‘llanganida shunga o‘xshash reaktsiyalar haqidagi xabarlar yo‘qligiga qaramasdan, aminoglikozidlarni yoki polimiksin V ni bir vaqtda tizimli buyurishda ehtiyotkorlikka rioya qilish lozim.
Oftalmologik kortikosteroidlarning uzoq muddatli qo‘llanishi ko‘rish nervining shikastlanishi, ko‘rish aniqligining pasayishi va ko‘rish maydonida nuqsonlar paydo bo‘lishi bilan kechadigan ko‘z ichki bosimini oshishi va/yoki glaukomaga, orqa subkapsullyar kataraktaning paydo bo‘lishiga olib kelishi mumkin. Shuning uchun oftalmologik kortikosteroidlar saqlovchi preparatlarni uzoq vaqt qo‘llayotgan patsintlarning ko‘z ichki bosimini muntazam va tez-tez o‘lchash lozim. Bu ayniqsa pediatrik amaliyotda o‘ta muhimdir, chunki kortikosteroidlar qo‘llanishi keltirib chiqargan ko‘z ichki bosimining oshish xavfi yuqoriroq va kattalarga nisbatan avvalroq paydo bo‘lishi mumkin.
Kortikosteroidlar qo‘llanishi natijasida ko‘z ichki bosimini oshish yoki/va katarakta paydo bo‘lish xavfi moyillik bo‘lgan (masalan diabeti bo‘lgan) patsiyentlarda oshadi.
Deksametazonni oftalmologik qo‘llanilishidagi tizimli so‘rilish bilan bog‘liq bo‘lgan Kushing sindromi va buyrak usti bezlari po‘stlog‘i funktsiyasining susayishi intensiv yoki uzoq muddatli uluksiz davolashdan keyin moyillik bo‘lgan patsiyentlarda, shu jumladan bolalarda, va CYP3A4 ingibitorlarini (shu jumladan, ritonavir va kobitsistat) qabul qilgan patsiyentlarda paydo bo‘lishi mumkin. Bunday holatlarda dozani sekin-asta kamaytirib, davolashni to‘xtatish lozim.
Shox parda yoki sklerani yupqalashishiga olib keladigan kasalliklarda mahalliy qo‘llash uchun kortikosteroidlarni qo‘llanilishidan perforatsiya vujudga kelishi mumkin.
Kortikosteroidlar bakterial, zamburug‘li, parazitar yoki virusli infektsiyalarga bo‘lgan chidamlilikni pasaytirishi mumkin, va ularning rivojlanishiga yordam berishi, shuningdek infektsiyalarni klinik namoyon bo‘lishini yashirishi yoki preparat tarkibiga kiruvchi moddalarga bo‘lgan o‘ta yuqori sezuvchanlik reaktsiyalarini susaytirishi mumkin.
Patsiyentda shox pardaning doimiy davom etadigan yaralanishi rivojlanganida, zamburug‘li infektsiya mavjudligiga gumon qilish lozim. Zamburug‘li infektsiya paydo bo‘lgan holatlarda, kortikosteroidlarni qo‘llashni to‘xtatish lozim.
Shox pardaning gerpetik shikastlanishini oldini olish uchun tirqishli lampa yordamida ko‘zlarning muntazam ko‘rigini o‘tkazish muhim ahamiyatga ega.
Kortikosteroidlar mahalliy qo‘llanganida shox parda shikastlanishini bitishini sekinlashtirishi mumkin. Shuningdek mahalliy qo‘llash uchun nosteroid yallig‘lanishga qarshi vositalarning (NYaQV) bitishni sekinlashtirishi ma'lum. Mahalliy qo‘llash uchun steroidlar va mahalliy qo‘llash uchun NYaQVni bir vaqtda qo‘llanishi bitish bilan bog‘liq bo‘lgan muammo xavfini oshirishi mumkin.
Ko‘rishning buzilishi kortikosteroidlarni tizimli qo‘llanishida, shuningdek mahalliy qo‘llanishida ham sodir bo‘lishi mumkin. Agar patsiyentda ko‘rish aniqligining buzilishi va boshqa buzilishlar paydo bo‘layotgan bo‘lsa, ularning mumkin bo‘lgan sabablarini aniqlash uchun patsiyent oftalmologga murojaat qilishi zarur, ular orasida kortikosteroidlarni tizimli va mahalliy qo‘llashda kuzatilgan katarakta, glaukoma va kam uchraydigan, masalan markaziy seroz xorioretinopatiya kabi kasalliklar bo‘lishi mumkin.
Bevosita operatsiyadan oldingi va keyingi davrlarda qo‘llash tavsiya etilmaydi, chunki neomitsin kam hollarda nerv-mushak blokadasini chaqirishi mumkin. Bu holat relaksantlarning skelet mushaklariga ta'sirini kuchaytirishi tufayli, nafasning susayishi va to‘xtab qolishi sodir bo‘lishi mumkin.
Ko‘zning infektsion kasalliklarini davolash davrida kontakt linzalardan foydalanish tavsiya etilmaydi.
Neladeks, kontakt linzalarga so‘rilishi va ularning rangini o‘zgartirishi mumkin bo‘lgan, benzalkoniy xlorid konservantini saqlayd (1 ml tomchilarda 0,04 mg). Preparatni qo‘llashdan oldin linzalarni yechish va instillyatsiyadan kamida 15 minut o‘tganidan keyin ularni qaytadan o‘rnatish zarur.
Mavjud bo‘lgan cheklangan ma'lumotlarga binoan bolalardagi va kattalardagi noxush holatlar profili o‘rtasida farqlar yo‘q. Biroq, qoida bo‘yicha, bolalarda kattalarga nisbatan ko‘z tomondan benzalkoniy xloridga bo‘lgan reaktsiya yaqqolroq namoyon bo‘lishi kuzatiladi. Benzolkoniy xloridning ko‘z shilliq qavatiga qo‘zg‘atuvchi ta'siri bolalarning davolashga bo‘lgan moyilligiga ta'sir qilishi mumkin. Benzolkoniy xlorid ko‘z ta'sirlanishini, ko‘z qurishi simptomini chaqirgani va ko‘z yoshi plyonkasi va shox parda yuzasiga salbiy ta'sir qilishi mumkinligi haqida xabar berilgan. Ko‘z quruqligi va shox parda yaxlitligining buzilishi mumkin bo‘lgan patsiyentlarga qo‘llashda ehtiyotkorlikka rioya qilish lozim. Uzoq muddatli qo‘llanilishida patsiyentlar holatini nazorat qilish zarur.
Tizimli kortikosteroidlar qo‘llanilayotgan patsiyentlarda qandli diabetning paydo bo‘lishi yoki uning zo‘rayishi qayd etilishi mumkin. Glyukozani o‘zlashtira olishni pasayishi/qandli diabet paydo bo‘lishi mumkinligi sababli, shaxsiy va oilaviy anamnezida diabeti bo‘lgan patsiyentlarda, kortikosteroidlarni mahalliy oftalmologik qo‘llashda ehtiyotkorlikka rioya qilish lozim.
Teri toshmalari yoki boshqa allergik reaktsiyalarning mahalliy yoki tizimli namoyon bo‘lish holatlari paydo bo‘lganida, preparat qo‘llanilishini zudlik bilan to‘xtatish zarur.
Deksametazonga doping-nazoratini o‘tkazishda musbat reaktsiya bo‘lishi mumkinligi haqida sportchilarni ogohlantirish lozim.
Fertillik, homiladorlikda va laktatsiyada qo‘llanishi
Fertillik
Preparatni ayollar yoki erkaklar fertilligiga ta'siri haqida ma'lumotlar yo‘q. Deksametazonni erkaklar va ayollar fertilligiga ta'sir qilishini baholash bo‘yicha faqat cheklangan klinik ma'lumotlar mavjud. Deksametazon xorionik gonadotropin yuborilgan kalamushlarni fertilligiga salbiy ta'sir ko‘rsatmagan.
Homiladorlik
Preparatni homilador ayollarda qo‘llanishi haqida ma'lumotlar yo‘q yoki cheklangan. Neomitsin kabi aminoglikozidli antibiotiklar homilador ayollarga vena ichiga yuborilganidan keyin yo‘ldoshdan o‘tadi. Aminoglikozidlarning tizimli qo‘llanishi bo‘yicha klinikoldi va klinik tadqiqotlarining ma'lumotlari oto- va nefrotoksiklikni namoyish qilgan. Mahalliy qo‘llash uchun Neladeks preparati past dozalarda qo‘llanganida neomitsin homilaning ona qornidagi rivojlanishiga oto- va nefrotoksik ta'sir ko‘rsatmaydi. Kortikosteroidni homiladorlik vaqtida uzoq muddatli va ko‘p marta qo‘llanishi qorin ichida o‘sishini kechikishining yuqori xavfi bilan kechgan. Homiladorlik vaqtida yuqori dozada kortikosterodlar qabul qilgan onalarning bolalari, buyrak usti bezlarining yetishmovchiligi belgilarini aniqlash uchun, sinchkovlik bilan tekshirilishlari kerak.
Neladeks preparatining faol qomponentlarini qo‘llash bilan hayvonlarda o‘tkazilgan tadqiqotlar reproduktiv toksiklikni namoyish etgan.
Homiladorlikda Neladeksni qo‘llash tavsiya etilmagan.
Laktatsiya
Oftalmologiya va otologiyada qo‘llanadigan deksametazon, neomitsin yoki polimiksin B ko‘krak sutida aniqlanishi noma'lum. Tizimli kortikosteroidlar va aminoglikozidlar sutga ajralib chiqishi mumkinligi sababli, emizikli bolaga bo‘lgan xavfni inkor etib bo‘lmaydi.
Emizishni to‘xtatish/saqlanish yoki Neladeks preparati bilan davolanishni to‘xtatish qarorini bola uchun emizish foydasini va preparatdan ayol uchun foydani hisobga olgan holda qabul qilish kerak.
Avtotransportni haydash va mexanizmlarni boshqarish qobiliyatiga ta'siri
Neladeks transport vositalarini boshqarish va mexanizmlar bilan ishlash qobiliyatiga ta'sir ko‘rsatmaydi yoki ahamiyatsiz ta'sir ko‘rsatadi. Agar preparat qo‘llanganidan keyin ko‘rishning o‘tkinchi buzilishi sodir bo‘lsa, patsiyent avtomobil yoki harakatlanayotgan mexanizmlarni boshqarishdan oldin, ko‘rishni tiklanishigacha kutib turishi zarur.

Dozani oshirib yuborilishi
Dozani oshirib yuborilishini rivojlanishi holatlari haqida ma'lumotlar yo‘q.
Preparat dozasini oshirib yuborilishini simptomlari ba'zi patsiyentlarda kuzatiladigan preparatga bo‘lgan noxush reaktsiyalarga (nuqtali keratit, qizarish, ko‘z yoshining ko‘p oqishi, shish va qovoqlar qichishi) o‘xshash bo‘lishi mumkin.
Preparat xarakteristikasiga asosan toksik samaralarning rivojlanishi ko‘z va qo‘loqqa mahalliy qo‘llashda ham, flakon ichidigisi tasodifan yutib yuborilganida ham, ehtimoldan yiroq.
Preparatning keragidan ko‘p bo‘lgan miqdori ko‘zga tushganida ko‘zni iliq suv bilan yuvish lozim.
Quloq tomchilarini haddan tashqari qo‘llanishi tufayli bo‘lishi mumkin bo‘lgan simptomlar yoki belgilar ahamiyatli darajada tizimli so‘rilish natijasida sodir bo‘ladigan simptomlarni ifodalaydi.
Davolash.
Preparatni qo‘llashni to‘xtatish kerak va patsiyentning umiy holati, eshitish aniqligi, buyraklar funktsiyasi va nerv-mushak funktsiyalari nazoratini ta'minlash zarur.
Doza oshirib yuborilganida qonda neomitsin sulfat va polimiksin V sulfat kontsentratsiyalarini aniqlash lozim.
Gemodializ qon zardobida neomitsin sulfat darajasini pasaytirishi mumkin.


Chiqarilish shakli

Ko‘z/quloq tomchilari 5 ml dan saqlovchi xalqa bilan ta'minlangan, buraladigan himoyalovchi qalpoqchali va tomizgich probkali plastik flakonda.
1 flakon tibbiyotda qo‘llanilishiga doir yo‘riqnomasi bilan karton qutiga joylashtirilgan.

Saqlash sharoitlari
25°C dan yuqori bo‘lmagan haroratda saqlansin.
Bolalar ololmaydigan joyda saqlansin!
Flakon ochilganidan keyin preparat 28 kun davomida ishlatilsin.


Yaroqlilik muddati


Ishlab chiqarilgan
sanadan boshlab 3 yil.

Yaroqlilik muddati
o‘tgach qo‘llanilmasin.



Dorixonalardan berish tartibi

Retsept bo‘yicha.