Preparatning savdo nomi
Sulfatsil
Tasir qiluvchi modda( XPN) Sulfatsetamid

Dori shakli
Ko‘z tomchisi

Tarkibi

1 ml tomchi quyidagilarni saqlaydi
faol modda 100% moddaga qayta hisoblaganda 200 mg yoki 300 mg natriy sulfatsili;
yordamchi moddalar natriy tiosulfati; rN 8,0 gacha 1 M xlorid kislota eritmasi; in'ektsiya uchun eritma.
Tarifi rangsiz yoki och sariq shaffof suyuqlik.
Farmakoterapevtik guruh oftalmologiyada qo‘llanadigan vosita. Sulfanilamidlar.
ATX kod S01AB04

Farmakologik xususiyati

Farmakodinamika

Sulfatsil grammusbat va grammanfiy bakteriyalar – streptokokkok, pnevmokokkok, gonokokkok, ichak tayoqchalari, xlamidiya, aktinomitsetlarga nisbatan bakteriostatik tasir ko‘rsatadi. Preparatning tasir mexanizmi paraaminobenzoy kislota (PABK) raqobatdosh antagonizmi va digidropteroatsintetazani raqobatdosh susaytirishi bilan bog‘liq bo‘lib, purin va pirimidin asoslari sintezi uchun kerakli bo‘lgan tetragidrofoliy kislota sintezining buzilishiga oldib keladi. Natijada, bakterial hujayralarning nuklein kislotalari (DNK va RNK) sintezi buziladi va ularning ko‘payishi to‘xtaydi.
Farmakokinetika
Konyuktivaga tomizilganda sulfatsil ko‘z to‘qimalariga kiradi. Asosan mahalliy tasir ko‘rsatadi, lekin preparatning bir qismi yallig‘langan konyuktiva orqali so‘riladi va qon-tomir tizimiga kiradi.


Qo‘llanilishi

Preparatning tasiriga sezgir bo‘lgan bakteriyalar chaqirgan, ko‘zning infektsion-yallig‘lanish kasalliklari kon'yunktivitlar, blefaritlar, shox pardaning yiringli yarasida qo‘llaniladi.


Qo‘llash usuli va dozalari

Kattalar Sulfatsil eritmasini zararlangan ko‘zga 2 – 3 tomchidan 300 mg/ml kuniga 5 – 6 mahal (har 4 – 5 soatda) qo‘llanilsin.
2 oydan katta bolalar Sulfatsil eritmasini zararlangan ko‘zga 1 – 2 tomchidan 200 mg/ml kuniga 4 – 5 mahal qo‘llanilsin.
Davo ko‘rsini kasallik og‘irlik darajasi va xarakteriga ko‘ra shifokor belgilab beradi. Kursning o‘rtacha davomiyligi 7 – 10 kun.
Bolalar.
2 oydan kichik bolalar uchun Sulfatsil preparatini 200 mg/mlli ko‘z tomchisini xavfsizligi va samaradorligi tasdiqlanmagan. Bolalar uchun Sulfatsil preparatini 300 mg/ml ko‘z tomchisini xavfsizligi va samaradorligi tasdiqlanmagan. («
Qo‘llash usuli va dozalari
» qaralsin).


Nojo‘ya tasirlari
Sulfanilamid oftalmologik preparatlar bilan davolash jarayonida ko‘z shox pardasining bakterial va zamburug‘li yarasi ro‘yhatga olingan.
Asosan, mahalliy qichishish, lo‘qillash va achishish kabi reaktsiyalar haqida xabar berilgan. Kamdan kam hollarda, nospetsifik kon'yunktivit, kon'yunktiva giperemiyasi, ikkilamchi infektsiyani qo‘shilishi va allergik reaktsiyalar haqida xabar berilgan.
Kam hollarda o‘limga olib keluvchi, sulfanilamidlarga nisbatan og‘ir reaktsiyalar, Stivens – Djonson sindromi, toksik epidermal nekroliz, fulminant gepatonekroz,agranulotsitoz, aplastik anemiya va boshqa qondagi buzilishlar kelib chiqishi ro‘yxatga olingan.


Qo‘llash mumkin bo‘lmagan holatlar

Anamnezda sulfanilamid va preparatni komponentlariga yuqori sezuvchanlikda qullash mumkin emas.

Dorilar bilan o‘zaro tasiri
Novokain, dikain, anestezin bilan birga qo‘llanganda bakteriostatik tasiri kamayadi; difenin, PASK, salitsilatlar Sulfatsilning toksik tasirini kuchaytiradi; antikoagulyant preparatlarni qo‘llanganda yuqoridagilarning spetsifik faoliyati ortadi. Sulfatsil mahalliy qo‘llanganda kumush tuzlari bilan mos kelmaydi.


Maxsus ko‘rsatmalar

Faqat mahalliy qo‘llash uchun!
Sulfanilamidlarga nisbatan og‘ir reaktsiyalar sifatida kam o‘lim hollari, Stivens – Djonson sindromi, toksik epidermal nekroliz, tez avj oluvchi jigar nekrozi, agranulotsitoz, aplastik anemiya va boshqa qondagi patologik o‘zgarishlar kelib chiqishi ro‘yhatga olingan.
Sulfanilamidlarni yuborish yo‘lidan qatiy nazar qayta tavsiya qilinganda sensibilizatsiya kelib chiqishi mumkin. Yuqori sezuvchanlik reaktsiyasi, anamnezida sulfanilamidlarga yuqori sezuvchanlik bo‘lmagan shaxslarda aniqlangan. Yuqori sezuvchanlikning ilk belgilari, teri toshmalari va boshqa jiddiy reaktsiyalarda ushbu preparatni darxol to‘xtatish kerak.
Maxalliy antibiotiklarni uzoq vaqt qo‘llash patogen mikroorganizmlarni, shuningdek zamburug‘larni xaddan tashqari ko‘payishi, shu bilan birga, bakteriyalarni sulfanilamidlarga sezuvchanligini yo‘qolishini rivojlanishiga olib keladi. Yiringli ekssudatda paraaminobenzoy kislotaning kontsentratsiyasi oshganda sulfanilamidlarni samaradorligi kamayadi. Sensibilizatsiya sulfanilamidlarni takroriy tavsiya qilinganda yoki turli sulfanilamidlar orasida kesishuvchi sezuvchanlik natijasida kuzatilishi mumkin.
Yuqori sezuvchanlikni ilk belgilari, yiringli ajralmalarni ortishi yoki yallig‘lanishni kuchayishi yoki og‘riqda bemor preparatni darxol to‘xtatib, shifokorga murojat qilishi kerak.
Homiladorlik va laktatsiya davrida qo‘llanilish.
Hayvonlarda sulfanilamid preparatlarini oftalmologik qo‘llashga nisbatan tekshiruvlar olib borilmagan. homilador ayollar peroral sulfanilamidlarni ichishi natijasida chaqaloqlarda yadroli sariqlik kelib chiqishi mumkin. Homilador ayollarda ko‘z tomchili sulfanilamid preparatlarini qo‘llash bo‘yicha hech qanday adekvat va yaxshi nazoratga olingan tekshiruvlar yo‘q va homiladorlarda sulfanilamidlarni qo‘llash xomilaga zarar yetkazishi haqida malum emas. Faqat potentsiyaal foyda homila uchun potentsial xavfdan ustun bo‘lganda, ushbu preparatni homiladorlik davrida qo‘llash mumkin.

Emizish davri
Emizish davrda sulfanilamidlarni qo‘llayotgan onalarda sulfanilamidlarni tizimli yuborish chaqaloqlarda yadroli sariqlikga olib kelishi mumkin. Chaqaloqlarda yadroli sariqlikni kelib chiqishi mumkinligi tufayli, emizuvchi ayollarda sulfanilamidlarni ko‘z tomchi sifatida qo‘llashda, foyda\zarar nisbatini xisobga olish kerak.
Avtomobilni va murakkab mexanizmlarni boshqarish qobiliyatiga ta'siri
Tekshirilmagan.

Dozani oshirib yuborish
Preparatni tez - tez qo‘llash qizarish, qichishish, qovoqlar shishi, ko‘z shilliq qavatini qizarishi kuzatilishi mumkin. Buday holda davoni Sulfatsilning kam kontsentratsiyasi bilan davom ettirish, kerak bo‘lgan holda preparatni bekor qilib, simptomatik davo tavsiya etiladi.

Chiqarish shakli
10 mldan flakonda. 1 ta flakon tibbiyotda qo‘llanilishiga doir yo‘riqnoma bilan birga qutida.

Saqlash shartlari
2 yil.
2°C dan 8°C gacha xaroratda yorug‘likdan ximoyalangan joyda saqlansin.
Bolalar ololmaydigan joyda saqlansin.


Yaroqlilik muddati

2 yil.

Yaroqlilik muddati
flakonni ochgandan so‘ng – 28 sutka.
Preparatni qadoqda ko‘rsatilgan yaroqlilik muddati o‘tgandan so‘ng ishlatilmasin.

Dorixonadan berish tartibi
Retsept bo‘yicha.


Ishlab chiqaruvchi

«Farmak» AJ. Ukraina, 04080, Kiyev sh., Kirillovskaya ko‘ch., 63.