Preparatning savdo nomi
Tobrimed
Ta'sir etuvchi modda (XPN) tobramitsin

Dori shakli
ko‘z tomchilari.

Tarkibi

1 ml preparat quyidagilarni saqlaydi
faol modda 3,0 mg tobramitsin;
yordamchi moddalar benzalkoniy xloridi, dinatriy edetati, natriy digidrofosfat monogidrati, suvsiz dinatriy fosfati, natriy xloridi, suyultirilgan fosfor kislotasi, in'ektsiya uchun suv.
Ta'rifi rangsizdan och sariq ranggacha bo‘lgan tiniq suyuqlik.

Farmakoterapevtik guruhi
Antibiotik (aminoglikozidlar guruhi).
ATX kodi S01AA12

Farmakologik hususiyatlari

Farmakodinamika
si
Aminoglikozidlar guruhiga mansub bo‘lgan keng ta'sir doirali antibiotik. Kichik kontsentratsiyalarda bakteriostatik (ribosomalardagi 30S subbirliklarini bloklaydi va oqsillar sintezini izdan chiqaradi), yuqori dozalarda esa – bakteritsid ta'sir ko‘rsatadi.
Staphylococcus spp. (shu jumladan, Staphylococcus aureus, Staphylococcus epidermidis/ koagulaza-manfiy va koagulaza-musbat/shuningdek penitsillinga chidamli shtammlari); Streptococcus spp. (shu jumladan, a-b-gemolitik turlari, ba'zi gemolitik bo‘lmagan turlari, Streptococcus pneumonia) Pseudomonas aeruginosa Escherichia coli, Klebsiella pneumoniae, Serratia spp., Providencia spp., Shigella spp., Citrobacter spp., Enterobacter aerogenes, Proteus mirabilis (indol-manfiy) va Proteus spp. ning indol-musbat turlar, Hemophilius influenzae, Hemophilius aegyptius, Moraxella lacunata, Acinetobacter calcoaceticus (Herellea vaginacola), Neisseria spp. ayrim turlariga (shu jumladan Neisseria gonorrhoeae) larga nisbatan yuqori faollikka ega.

Farmakokinetikasi

Mahalliy qo‘llanganida tizimli so‘rilishi past.


Qo‘llanilishi

Ko‘zni Tobrimedga sezgir qo‘zg‘atuvchilar chaqirgan quyidagi yuzaki bakterial infektsiyalarini davolash uchun qo‘llanadi
• blefarit, kon'yunktivit, keratokon'yunktivit, blefarokon'yunktivit, keratit, endoftalmit, dakriotsistit, meybomit;
• oftalmologiyada jarrohlik operatsiyalaridan keyingi infektsion asoratlarni oldini olish uchun qo‘llanadi.


Qo‘llash usuli va dozalari

Faqat mahalliy qo‘llash uchun mo‘ljallangan.
Og‘ir bo‘lmagan infektsion jarayonda preparat shikastlangan ko‘z (yoki ko‘zlar) ning kon'yunktivasiga 1-2 tomchidan har 4 soatda tomiziladi.
Og‘ir darajadagi o‘tkir infektsion jarayon rivojlanganida preparat har 30-60 minutda tomiziladi.
Yallig‘lanish kamayishi bilan preparatni tomizishlar (instillyatsiya) soni ham kamaytiriladi

Nojo‘ya ta'sirlari
Allergiya, ko‘z yoshini kuchli oqishi, kon'yunktival shish, ko‘z og‘rig‘i, ko‘zni ta'sirlanishi, keratit, ko‘rishni xiralashishi bo‘lishi mumkin.


Qo‘llash mumkin bo‘lmagan holatlar

Tobramitsinga yoki boshqa aminoglikozidlarga, yoki preparatning biron-bir boshqa komponentiga yuqori sezuvchanlikda qo‘llash mumkin emas.

Dorilarning o‘zaro ta'siri
Tobrimed ko‘z tomchilari aminoglikozidlar guruhiga mansub bo‘lgan tizimli antibiotiklari bilan bir vaqtda buyurilganida, tizimli nojo‘ya samaralar (nefrotoksik, ototoksik ta'siri, minerallar almashinuvini va gemopoezni buzilishi) kuchayishi mumkin.


Maxsus ko‘rsatmalar

Tobrimed preparatini qo‘llash vaqtida kontakt linzalarni taqish tavsiya etilmaydi. Preparatga sezgir bo‘lmagan mikroorganizmlarni rivojlanish xavfi borligi tufayli, uzoq vaqt davomida qo‘llashdan saqlanish kerak.
Homiladorlik va laktatsiyada qo‘llanishi
Kutilgan terapevtik samara nojo‘ya samaralarni potentsial rivojlanish havfidan ustun bo‘lgan holdagina, Tobrimed ko‘z tomchilarini homilador ayollarga va emizadigan onalarga qo‘llash mumkin.
Pediatriyada qo‘llanishi
2 oylikkacha bo‘lgan bolalarda preparatni qo‘llash xavfsizligi va samaradorligi o‘rganilmagan.
Avtotransportni haydash va mexanizmlarni boshqarish qobiliyatiga ta'siri
Preparat ko‘rishni vaqtinchalik buzilishini chaqirishi mumkin, shuning uchun preparat tomizilganidan (instillyatsiya) so‘ng avtotransportni haydash va mexanizmlarni boshqarish tavsiya etilmaydi.
Preparat bolalar ololmaydigan joyda saqlansin va yaroqlilik muddati tugaganidan so‘ng ishlatilmasin.


Dozani oshirib yuborilishi

Simptomlari nuqtali keratit, eritema, ko‘z yoshini ko‘p oqishi, qovoqlarni qichishishi va shishi bo‘lishi mumkin.
Davolash simptomatik davolash o‘tkaziladi.


Chiqarilish shakli

Tobrimed ko‘z tomchilari 5 ml dan tiqin-tomchilagichli va himoya halqasi bilan jihozlangan, buraluvchi himoya qopqoqchali plastik flakonda.
1 flakon qo‘llash bo‘yicha yo‘riqnomasi bilan birga karton qutida.


Saqlash sharoiti

25°S dan yuqori bo‘lmagan haroratda saqlansin.
Flakon ochilganidan keyin preparat bir oy davomida ishlatilsin!


Yaroqlilik muddati

2 yil.


Dorixonalardan berish tartibi

Retsept bo‘yicha.


Ishlab chiqaruvchi

Ye.I.P.I. Ko., Misr, Tens ov Ramadan Siti, Birinchi Sanoat Zonasi V1, a/ya 149 Tens
(«E.I.P.I.CO.» Egypt, Tenth of Ramadan City, First Industrial Area B1, P.O. box 149 Tenth)

«Uorld Meditsin Oftalmiks», Buyuk Britaniya uchun ishlab chiqarilgan.
(«World Medicine Ophthalmics», Great Britain)

O‘zbekiston Respublikasi xududida dori vositalarining sifati bo‘yicha e'tirozlar (takliflar) ni qabul qiluvchi tashkilot nomi va manzili
OOO “Evro Farm Biznes”,
O‘zbekiston Respublikasi, Toshkent sh., Yakkasaroy tumani, Yakkasaroy ko‘ch., 1 uy
Telefon 212-18-41, 212-20-58