Preparatning savdo nomi
Tobrom
Ta'sir etuvchi modda (XPN) tobramycin.

Dori shakli
ko‘z tomchilari 0,3%

Tarkibi

1 ml preparat quyidagilarni saqlaydi
faol modda 3 mg/ml tobramitsin;
yordamchi moddalar benzalkoniy xloridi, suvsiz natriy sulfati, borat kislotasi, natriy xloridi, tiloksapol, sulfat kislotasi yoki natriy gidroksidi, tozalangan suv.
Ta'rifi ko‘rinmaydigan zarralarsiz tiniq eritma.

Farmakoterapevtik guruhi
Ko‘z kasalliklarini davolash uchun preparatlar. Mikroblarga qarshi preparatlar. Antibiotiklar.
ATX kodi S01AA12.


Farmakologik xususiyatlari

Oftalmologiyada mahalliy qo‘llash uchun antibakterial ta'sirga ega preparat. Tobrom preparatining ta'sir etuvchi moddasi – tobramitsin – aminoglikozidlar guruhiga mansub keng ta'sir doirasiga ega antibiotik. Past kontsentratsiyalarda bakteriostatik (ribosomalarning 30S subbirligini bloklaydi va oqsil sintezini buzadi), yuqoriroqlarda esa – bakteritsid ta'sir ko‘rsatadi (tsitoplazmatik membranalarning faoliyatini buzib, mikrob hujayrasini nobud bo‘lishini). Staphylococcus spp. (shu jumladan Staphylococcus aureus, Staphylococcus epidermidis/koagulaza manfiy vakoaguloza musbat/, shuningdek penitsillinga nisbatan chidamli shtammlari); Streptococcus spp. (shu jumladan a-b-gemolitik turlari, ayrim gemolitik bo‘lmagan turlari, Streptococcus pneumoniae), Pseudomonas aeruginosa, Escherichia coli, Klebsiella pneumonia, Enterobacter aerogenes, Proteus mirabilis (indol-manfiy) va Proteus spp. ning indol-musbat turlari, Haemophilus influenzae, Haemophilus aegyptius, Moraxella lacunata, Acinetobacter calcoaceticus (Herellea vaginacola), Neisseria ning ayrim turlari (shu jumladan Neisseria gonorrhoeae) ga nisbatan yuqori faol.
Tobramitsinning ta'sir doirasi gentamitsinning ta'sir doirasiga o‘xshash, biroq u gentamitsinga chidamli bakteriyalarning qator shtammlariga nisbatan faollik namoyon qiladi; shuningdek neomitsin saqlovchi ko‘z tomchilarining samaradorligi past hollarda qo‘llanishi mumkin. Pseudomonas chiqargan infektsiyalarda preparatning ta'siri boshqa antibiotiklarga qaraganda kuchliroq.
Preparat mahalliy ta'sir qiladi, tizimli ta'siri minimal. Kon'yunktiva shilliq qavati orqali deyarli so‘rilmaydi va oqsillar bilan bog‘lanmaydi (0-10%). Organizmning to‘qima va a'zolarida yaxshi taqsimlanadi. Hujayradan tashqari suyuqlikda (shu jumladan qon zardobda), abstsesslarning suyuqligida, plevra ekssudatida astsitik, perikardial, sinovial, limfatik va peritoneal suyuqliklarda va siydikda taqsimlanadi. Yuqori kontsentratsiyalari buyraklarda, jigarda, o‘pkada; past kontsentratsiyalari esa suyak va yog‘ to‘qimasida hosil bo‘ladi. Shikastlanmagan GET orqali o‘tmaydi. Yo‘ldosh orqali va ko‘krak sutiga o‘tadi. Kattalarda taqsimlanish hajmi – 0,26 l/kg, bolalarda – 0,2-0,4 l/kg; 1 haftalikdan kichik va tana vazni 1500 g dan kam bo‘lgan yangi tug‘ilgan chaqaloqlarda – 0,68 l/kg gacha; 1 haftalikdan kichik va tana vazni 1500 g dan ortiq chaqaloqlarda – 0,58 l/kg gacha; mukovistsidozi bo‘lgan bemorlarda – 0,3-0,39 l/kg. Metabolizmga uchramaydi. Buyraklar orqali (24 soat ichida 93%) asosan o‘zgarmagan holda chiqariladi. Buyraklar faoliyati normal bo‘lganida T1/2 – 2-4 soat; chaqaloqlarda – 5-8 soat, kattaroq yoshdagi bolalarda – 2-4 soat. Yakuniy T1/2 – 100 soatdan ortiq (hujayra ichidagi depolardan ajralib chiqishi). Buyrak yetishmovchiligi bo‘lgan bemorlarda T1/2 – yetishmovchilik darajasiga qarab – 100 soatgacha o‘zgarib turadi, mukovistsidozi bo‘lgan bemorlarda – 1-2 soat, kuyishlari va gipertermiyasi bo‘lgan bemorlarda yuqori klirensi oqibatida, o‘rtacha ko‘rsatkichlarga nisbatan qisqaroq bo‘lishi mumkin. Gemodializda yuborilgan dozaning 25-70% chiqarib yuboriladi.


Qo‘llanilishi

Dori vositasi kon'yunktivit, keratit va shox pardaning yaralari kabi ko‘zlarning tobramitsinga sezgir mikroorganizmlar chaqirgan yuzaki bakterial infektsiyalarni davolash uchun ishlatiladi.


Qo‘llash usuli va dozalari

Preparat kattalarga va bolalarga qo‘llaniladi.
Katta va 12 yoshdan katta patsiyentlarga 1-2 tomchidan pastki kon'yunktiva qopchasiga har 4-6 soatdan keyin tomiziladi. Birinchi 24-48 soatda doza 1-2 tomchigacha kon'yunktival qopchaga har 2 soatdan keyin oshirilishi mumkin, yallig‘lanish xolatlarini kamayishiga qarab preparatni instillyatsiya tez-tezligini kamaytirish bilan buyuriladi.
O‘tkir og‘irinfektsion jarayonlarda 1-2 tomchidan kon'yunktival qopchaga har 60 minut holatning og‘irligini kamayishigacha tomiziladi. Keyinchalik instillyatsiya tez-tezligini 1-2 tomchigacha kon'yunktival qrpchaga xar 2 soatda 3 kun davomida kamaytirish kerak. So‘ngra 1-2 tomchidan kon'yunktival qopchaga xar 4 soatda 5-8 kun davomidatomiziladi.
Operatsiyadan keyingi davrda yallig‘lanish holatlarinioldini olish uchun operatsiya aralashuvini birinchi kunidan boshlab 1 tomchidan kon'yunktival qopchaga sutkada 4 marta. Davolashni operatsiyani boshlashdan oldin 1 tomchidan quyi kon'yunktival qopchaga sutkada 4 marta tomiziladi.
Tomchilagichni ifloslanishini bartaraf qilish uchun uchini qovoqlarga yoki boshqa yuzalarga tegishidan saqlanish kerak. Xar bir ishlatishdan keyin flakon zich yopilishi kerak.
Mahalliy qo‘llash uchun bir necha preparatlar bir vaqtda qo‘llanganida qo‘llash orasi 5-10 minut o‘tishi kerak.Preparatning tizimli so‘rilishi ko‘z yosh yo‘llariga bosim bilan kamaytirilishi mumkin.
1yoshdan 12 yoshgacha bo‘lgan bolalar 1 tomchidan sutkada 5 martagacha buyuriladi (jarayonni og‘irligiga bog‘liq xolda). Yallig‘lanish jarayonini tinchlanishi bo‘yicha, jarohatlangan ko‘zning kon'yunktival xaltasiga bir tomchidan sutkada 2 marta davolash davrining oxirigacha tomiziladi. Bolalarda davolash kursi 7 kundan oshmasligi kerak.
Jigar va buyrak yetishmovchiligi tobramitsin tizimli antibiotiklar-aminoglikozidlar bilan majmuada mahalliy oftalmologik qo‘llanganda ularning qon plazmasida umumiy kontsentratsiyasini nazorat qilish kerak.

Dorilarning o‘zaro ta'siri
Tobrom boshqa preparatlar bilan bir vaqtda qo‘llanganida ta'siri va davolash susayishi mumkin. Bunday holda, shifokor davolash sxemasi va dozalash tartibini o‘zgartirishi mumkin.
Shifokor quyidagilar bilan qo‘llanishiga e'tibor berishi kerak.
-ichga qabul qilish uchun aminoglikozidlar. Plazmada umumiy kontsentratsiyasi tekshirilishi kerak;
-diuretiklar;
-o‘zining tarkibida amfoteri V yoki sefalotin saqlovchi dori vositalari.
Bu preparatlar bilan o‘zaro ta'siri nefrotoksik va ototoksik ta'siri xavfini oshirishi mumkin.
Oftalmologiyada mahalliy qo‘llash uchun tetratsiklinlar guruhiga kiruvchi preparatlar – Tobrom bilan bir vaqtda qo‘llash mumkin emas, chunki bu preparatning komponentlaridan biri bo‘lgan tiloksapol tetratsiklinlar bilan nomutanosib.


Maxsus ko‘rsatmalar

Tobrom faqat mahalliy qo‘llash uchun mo‘ljallangan (in'ektsiya uchun qo‘llanmaydi).
Tobrom ko‘z tomchilarini uzoq muddat davomida qo‘llash, boshqa antibiotiklarni ishlatish holidagi kabi, sezgir bo‘lmagan mikroorganizmlarning (shu jumladan zamburug‘lar) kuchli o‘sishga olib kelishi mumkin. Agar klinik natija qoniqarsiz bo‘lsa, davolash tugaganidan keyin ekish tavsiya etiladi.
Kontakt linzalarni ishlatuvchi patsiyentlar, ko‘z tomchilarini faqat linzalar olib qo‘yilganida qo‘llashlari lozim. Linzalarni preparat tomizilganidan keyin 15 minut o‘tgach qo‘yish mumkin.
Allergik reaktsiyalar rivojlanganida preparat qo‘llashni to‘xtatish lozim.
Qo‘llashdan oldin flakon ichidagisini chayqatish lozim.
Homiladorlik va laktatsiya davrida qo‘llanishi
Preparatni homiladorlikda va laktatsiya (emizish) davrida qo‘llash bo‘yicha yetarli tajriba yo‘q. Tobrom ko‘z tomchilarini homilador ayollarda va emizikli onalarda, faqat kutilayotgan terapevtik samara nojo‘ya ta'sirlarining paydo bo‘lishini potentsial xavfidan ustun bo‘lgandagina qo‘llash mumkin.
Pediatriyada ishlatilishi
Bolalarda preparatni faqat kutilayotgan terapevtik samara, nojo‘ya ta'sirlarining rivojlanishini potentsial xavfidan ustun bo‘lgandagina qo‘llash mumkin.
Preparat bolalarga pediatr nazorati ostida yuboriladi, chunki nojo‘ya samaralar rivojlanishi mumkin.
Avtotransportni boshqarish va maxsus jihozlar bilan ishlash qobiliyatiga ta'siri
Tobromni qo‘llash kuchli charchoqlik va ko‘rish qobiliyatini buzilishini chaqirmaydi, shuning uchun avtotransportni haydash va mexanizmlarni boshqarish qobiliyatiga ta'sir qilmaydi. Applikatsiya qilingandan so‘ng, ko‘rish aniqligi vaqtinchalik yo‘qolgan patsiyentlarga, preparat tomizilishi bilanoq mashina haydash yoki murakkab texnikada ishlash tavsiya etilmaydi.
Preparat bolalar ololmaydigan joyda saqlansin va yaroqlilik muddati o‘tgach ishlatilmasin.


Dozani oshirib yuborilishi

Simptomlari nuqtali keratit, eritema, ko‘z yoshi oqishini oshishi, qovoqnishishishi va qichishishi.
Davolash simptomatik davolash o‘tkaziladi.


Chiqarilish shakli

5 ml dan flakon-tomchilagichda, 1 flakondan qo‘llash bo‘yicha yo‘riqnomasi bilan karton qutida.


Saqlash sharoiti


Ishlab chiqaruvchi
ning o‘ramida, 15-250S haroratda saqlansin.


Yaroqlilik muddati

3 yil.
Flakon ochilganidan so‘ng yaroqlilik muddati 4 hafta davomida.


Dorixonalardan berish tartibi

Retsept bo‘yicha.


Ishlab chiqaruvchi

S.C.Rompharm Company S.R.L., Romania/K.O.Romfarm Kompani S.R.L., Ruminiya
Ruminiya Respublikasidagi kompaniya vakolatxonasining manzili
Yeroilor ko‘ch. 1 A, Otopen, Ruminiya.