Preparatning savdo nomi
Gelmadol
Ta'sir etuvchi modda (XPN) Albendazol

Dori shakli
Plyonka qobiq bilan qoplangan tabletkalar

Tarkibi

Har bir plyonka qobiq bilan qoplangan tabletka quyidagilarni saqlaydi
faol modda albendazol 200 mg yoki 400 mg;
yordamchi moddalar laktoza monogidrati, oldindan jelatinlangan makkajo‘xori kraxmali, natriy kraxmalglikolyati, talk, krospovidon, povidon K25, magniy stearati, natriy laurilsulfati.
qobig‘ini tarkibi
Gelmadol 200 mg Opadri oq 03F180011 (gipromelloza, makrogol, titan dioksidi).
Gelmadol 400 mg Opadri II pushti 85F240091 (qisman gidrolizlangan polivinil spirti, titan dioksidi, makrogol, talk, temir (III)-oksidi).
Ta'rifi
Gelmadol 200 mg dumaloq, ikki tomonlama qavariq, oq yoki deyarli oq rangli plyonka qobiq bilan qoplangan tabletkalar.
Gelmadol 400 mg oval, ikki tomonlama qavariq, bir tomonida ikkiga bo‘lish uchun riskasi bo‘lgan pushti rangli plyonka qobiq bilan qoplangan tabletkalar.

Farmakoterapevtik guruhi
Gelmintlarga qarshi vositalar. Nematodozlarda qo‘llanadigan vositalar. Benzimidazol hosilalari.
ATX kodi R02SA03

Farmakologik hususiyatlari

Farmakodinamika

Albendazol benzimidamol hosilasi (karbamat benzimidazol) hisoblanadi. U sestodalar, nematodalar va ayrim sodda hayvonlarga nisbatan faoldir.
Albendazol gelmintlarning sitoskletiga ta'sir qiladi, u tubulinlar polimerizatsiyasi va ularni mikronaychalarga qo‘shilish jarayonini izdan chiqarib, shu orqali parazitlar tomonidan glyukozani sarflanishini bloklaydi va ularni nobud qiladi.
Albendazol shuningdek Giardia intestinalis (yoki Giardia duodenalis) nisbatan ham faoldir. U trofoziotning ventral diskiga qaytmas ta'sir qilib, tubulin va giardinni polimerizatsiya jarayoniga ta'sir ko‘rsatadi, bu holat sitosklet va mikronaychalarni shakllanishini buzilishiga olib keladi. Parazitlarni enterotsitlarga adgeziya bo‘lish hususiyati pasayadi, natijada ularni o‘sishi va ko‘payishi susayadi.

Farmakokinetikasi

So‘rilishi va metabolizmi. Ichga qabul qilinganidan so‘ng albendazolning yuborilgan dozasining ahamiyatsiz (5% dan kamroq) qismi metabolizm natijasida albendazol sulfoksid va sulfonga aylanadi. Albendazolning qonda aylanib yuruvchi asosiy faol metaboliti hisoblangan sulfoksid qon plazmasida maksimal kontsentratsiyasiga preparat qabul qilinganidan so‘ng taxminan 2,5 soatdan keyin erishadi.

Tarkibi
da yog‘ning miqdori yuqori bo‘lgan ovqat bilan bir vaqtda qabul qilinganida albendazolni so‘rilishi taxminan 5 barobarga oshadi, bunda uning tizimli farmakologik ta'siri kuchayadi.
Chiqarilishi. Albendazol sulfoksidni qon plazmasidan yarim chiqarilish davri 8,5 soatni tashkil etadi.
Albendazol sulfoksid va uning metabolitlari asosan safro bilan va ahamiyatsiz darajada siydik bilan chiqariladi.
Patsiyentlarning asosiy guruhlari
Buyrak yetishmovchiligi bo‘lgan patsiyentlar. Buyrak yetishmovchiligi bo‘lgan patsiyentlarda albendazolning farmakokinetikasi o‘rganilmagan.
Jigar yetishmovchiligi bo‘lgan patsiyentlar. Jigar yetishmovchiligi bo‘lgan patsiyentlarda albendazolning farmakokinetikasi o‘rganilmagan.


Qo‘llanilishi

Tizimli infektsiyalar
• Echinococcus granulosus tomonidan chaqirilgan exinokokkoz (gidatidoz va gidatidozali (kistoz) exinokokkoz)
Izoh
Davolashni eng ma'qul usuli bo‘lib (agar buni imkoni bo‘lsa) radikal jarrohlik aralashuvi o‘tkazish hisoblanadi.
Gelmadol bilan davolash quyidagi holatlarda ko‘rsatilgan
• jarrohlik aralashuvida kistani olib tashlashni yengillashtirish maqsadida operatsiyadan oldingi davrda kistaning devorini yumshatish va uning ichidagi bosimni pasaytirish uchun;
• operatsiyadan keyingi davrda;
• kimyoterapiya fonida tashxis qo‘yish yoki davolash maqsadida teri orqali drenajlash o‘tkazilganida (PAIR muolajasi punktsiya-aspiratsiya-in'ektsiya-takroriy aspiratsiya);
• kimyoviy davolash fonida, jarrohlik aralashuvini o‘tkazish imkoni bo‘lmaganida (operatsiya qilish mumkin bo‘lmagan patsiyentlar yoki ko‘p sonli kistalari bo‘lgan patsiyentlar).
• Echinococcus multilocularis tomonidan chaqirilgan exinokokkozlar (alveolyar exinokokkoz)
Izoh
Davolashni eng ma'qul usuli bo‘lib (agar buni imkoni bo‘lsa) radikal jarrohlik aralashuvi o‘tkazish hisoblanadi.
Yuqorida ko‘rsatilgan kasalliklarni davolashda dori vositasini qo‘llash bo‘yicha ma'lumotlar cheklangan, mavjud ma'lumotlarga muvofiq albendazol parazitar kasalliklarni zo‘rayishini cheklaydi, operatsiyadan keyingi qaytalanishlarni oldini oladi va ikkilamchi jigardan tashqari asoratlarni rivojlanish tezligini pasaytiradi.


Qo‘llash usuli va dozalari

Dozasi
Davolash odatda davolash kurslari bilan o‘tkaziladi; bir davolash kursining davomiyligi 28 kunni tashkil etadi, davolash kurslari o‘rtasidagi oraliq 14 kunni tashkil etadi. Bunda ayniqsa preparatni o‘zlashtirilishi nuqtai nazaridan, uzluksiz davolashga nisbatan davolashni to‘xtatish zaruratini foydasidan dalolat beruvchi hech qanday dalillar yo‘q. Shuning uchun davolash kurslari o‘rtasidagi oraliqlarsiz, uzluksiz bo‘lishi mumkin; uzluksiz davolash kurslari disseminatsiyalangan shakllari bo‘lgan patsiyentlarda va immuniteti sust bo‘lgan patsiyentlarda tavsiya etilgan.
Echinococcus granulosus tomonidan chaqirilgan exinokokkoz (gidatidoz va gidatidozali (kistoz) exinokokkoz)
Tana vazni 60 kg dan ortiq bo‘lgan patsiyentlarda albendazolning sutkalik dozasi 800 mg ni tashkil etadi, uni 2 qabulga bo‘lish lozim.
Tana vazni 60 kg dan kam bo‘lgan patsiyentlarda tavsiya etilgan sutkalik dozasi 1 kg tana vazniga 15 mg ni tashkil etadi, uni 2 qabulga bo‘lish kerak; albendazolning umumiy sutkalik dozasi 800 mg dan oshmasligi kerak.


Operatsiyadan oldingi davrda davolash
Operatsiyadan oldingi davolash sifatida har bir davolash kursining davomiyligi 
28 kundan bo‘lgan 2 davolash kursini o‘tkazish tavsiya etiladi; optimal davolash davomiyligini aniqlash imkonini beruvchi ma'lumotlarning miqdori yetarli emas.
Operatsiyadan keyingi davrda davolash
Shoshilinch jarrohlik aralashuvini o‘tkazish zarurati oqibatida operatsiyadan oldingi davrda davolash kursining davomiyligi qisqartirilganida (14 kundan kam) operatsiyadan keyingi davrda har bir davolash kursining davomiyligi 28 kundan bo‘lgan kamida 
2 davolash kursini o‘tkazish tavsiya etiladi.
Yashash hususiyati saqlanib qolgan kistalar aniqlanganida, shuningdek operatsiyadan keyingi davrda jarrohlik aralashuvi vaqtida kistalar yorilganida yoki gidatidoz suyuqlik ajralib chiqqanida har bir davolash kursining davomiyligi 28 kundan bo‘lgan kamida 
2 davolash kursini o‘tkazish tavsiya etiladi.
Kimyoterapiya fonida tashxis qo‘yish yoki davolash maqsadida teri orqali drenajlash o‘tkazilganida (PAIR muolajasi punktsiya-aspiratsiya-in'ektsiya-takroriy aspiratsiya) preparatni qo‘llanishi
Davolash punktsiyadan oldin 6 soatdan 4 kungacha bo‘lgan vaqt oralig‘ida boshlanadi va punktsiyadan keyin 1 oy davomida davom ettiriladi.
Kimyoviy davolash fonida, jarrohlik aralashuvini o‘tkazish imkoni bo‘lmaganida (operatsiya qilish mumkin bo‘lmagan patsiyentlar yoki ko‘p sonli kistalari bo‘lgan patsiyentlar) preparatni qo‘llanishi
Davolashning kursining davomiyligi qat'iy belgilanmagan; o‘rtacha u 3 oydan 6 oygacha bo‘lgan muddatni tashkil etadi, ayrim holatlarda 6 oydan 1 yilgacha davom etishi mumkin.
Echinococcus multilocularis tomonidan chaqirilgan exinokokkozlar (alveolyar exinokokkoz)
Tana vazni 60 kg dan ortiq bo‘lgan patsiyentlarda albendazolning sutkalik dozasi 800 mg ni tashkil etadi, uni 2 qabulga bo‘lish lozim.
Tana vazni 60 kg dan kam bo‘lgan patsiyentlarda albendazolning tavsiya etilgan sutkalik dozasi 1 kg tana vazniga 15 mg ni tashkil etadi, uni 2 qabulga bo‘lish kerak; albendazolning umumiy sutkalik dozasi 800 mg dan oshmasligi kerak.
Davolash kursining davomiyligi individual ravishda belgilanadi. Odatda, davolashni bir necha oy yoki yil davomida o‘tkazish kerak. Har qanday jarrohlik aralashuvidan (shu jumladan jigar ko‘chirib o‘tkazilganidan) so‘ng tavsiya etilgan davolash davomiyligi 
2 yilni tashkil etadi, jumladan jarrohlik aralashuvi butunlay davolashga olib kelgan deb hisoblangan holatlar ham kiradi.
Patsiyentlarning maxsus guruhlari
Keksa yoshdagi patsiyentlar
65 yosh va undan katta patsiyentlarda albendazolni qo‘llash bo‘yicha ma'lumotlar cheklangan. Mavjud ma'lumotlarga muvofiq keksa yoshdagi patsiyentlarda dori vositasining dozasiga tuzatish kiritish talab etilmaydi. Jigar funktsiyasini buzilishlari bo‘lgan keksa yoshdagi patsiyentlarda Gelmadol preparatini ehtiyotkorlik bilan qo‘llash kerak.
Jigar yetishmovchiligi bo‘lgan patsiyentlar
Albendazol jigarda jadal metabolizmga uchraydi, bunda uning asosiy metaboliti albendazol sulfoksid farmakologik faollikka ega. Shuning uchun jigar yetishmovchiligi bo‘lgan patsiyentlarda albendazol sulfoksidning farmakokinetikasi ahamiyatli darajada o‘zgarishi mumkin.
Jigar funktsiyasini buzilishlari bo‘lgan, Gelmadol preparati bilan davolashni boshlashdan avval qonda jigar transaminazalarining darajasi yuqori bo‘lgan patsiyentlar sinchkov kuzatuv ostida bo‘lishlari kerak. Qonda jigar transaminazalarining darajasi ahamiyatli darajada oshganida yoki qonning shaklli elementlarining miqdori klinik ahamiyatli darajada pasayganida preparat bilan davolashni to‘xtatish kerak.
Buyrak yetishmovchiligi bo‘lgan patsiyentlar
Albendazol va uning asosiy metaboliti albendazol sulfoksid buyraklar orqali ahamiyatsiz darajada chiqarilganligi tufayli, buyrak yetishmovchiligi bo‘lgan patsiyentlarda ularning klirensini ahamiyatli darajada o‘zgarish ehtimoli kam. Buyrak yetishmovchiligi bo‘lgan patsiyentlarda dori vositasining dozasiga tuzatish kiritish talab etilmaydi, shunday bo‘lsa-da, ular sinchkov kuzatuv ostida bo‘lishlari kerak.
Qo‘llash usuli
Tabletkalar ovqatlanish vaqtida ichga qabul qilinadi.
Tabletkalarni chaynash mumkin yoki ko‘p bo‘lmagan miqdordagi suv bilan butunligicha yutish mumkin.
Tabletkalarni butun holda yutishda qiyinchilikni his etishi mumkin bo‘lgan ayrim patsiyentlar, ayniqsa bolalar va keksa yoshdagi patsiyentlarga tabletkalarni ko‘p bo‘lmagan miqdordagi suv bilan chaynash yoki ularni oldindan maydalash tavsiya etiladi.

Nojo‘ya reaktsiyalar
Nojo‘ya ko‘rinishlarni “juda tez-tez” – “kam hollarda” diapazondagi rivojlanish tezligi klinik tadqiqotlarning ma'lumotlariga asoslanib aniqlangan; boshqa mezonlardagi nojo‘ya reaktsiyalarni rivojlanish tezligi asosan postmarketing tadqiqotlar vaqtida olingan ma'lumotlarga asoslanib aniqlangan, va amaldagi uchrash tezligiga nisbatan ko‘proq darajada qayt etilgan xabarlarni uchrash tezligini aks ettiradi.
Nojo‘ya reaktsiyalar quyida MedDRA bo‘yicha a'zolar tizimi - a'zolarga muvofiq ravishda sanab o‘tilgan. Nojo‘ya reaktsiyalarni uchrash tezligini ko‘rsatkichlari quyidagi tarzda aniqlanadi juda tez-tez (≥ 1/10); tez-tez (≥ 1/100, ammo < 1/10); tez-tez emas (≥ 1/1000, ammo < 1/100); kam hollarda (≥ 1/10000, ammo < 1/1000); juda kam hollarda (< 1/10000); uchrash tezligi noma'lum (mavjud ma'lumotlarga asoslanib baholash mumkin emas).
Qon va limfa tizimlari tomonidan uchrash tezligi noma'lum – suyak ko‘migi aplaziyasi, leykopeniya, pantsitopeniya, agranulotsitoz.
Immun tizimi tomonidan tez-tez emas – o‘ta yuqori sezuvchanlik reaktsiyalari, shu jumladan toshma, qichishish va eshakemi.
Nerv tizimi tomonidan juda tez-tez – bosh og‘rig‘i; tez-tez – bosh aylanishi.
Me'da-ichak yo‘llari tomonidan tez-tez – me'da-ichak yo‘llari tomonidan buzilishlar (qorinda og‘riq, ko‘ngil aynishi, qusish).
Jigar va o‘t chiqarish yo‘llari tomonidan juda tez-tez – qonda jigar fermentlarining darajasini ahamiyatsiz yoki o‘rtacha ifodalangan oshishi; tez-tez emas – gepatit.
Teri va teri osti to‘qimalari tomonidan tez-tez – qaytuvchan alopetsiya (sochlarni zichligini siyraklashishi, sochlarni o‘rtacha to‘kilishi); uchrash tezligi noma'lum – ko‘p shaklli eritema, Stivens-Djonson sindromi.
Umumiy buzilishlar va yuborilgan joydagi buzilishlar tez-tez – tana xaroratini oshishi.
Shubha qilingan noxush reaktsiyalar xaqida xabarlar
Dori vositasi ro‘yxatdan o‘tkazilgandan keyin shubha qilingan noxush reaktsiyalar haqida xabarlar muhim hisoblanadilar. Patsiyentda dori vositasiga nisbatan jiddiy noxush reaktsiya aniqlanganida yoki ushbu bo‘limda ta'riflanmagan yangi noxush reaktsiya paydo bo‘lganida Milliy farmakoogohlik tizimiga muvofiq ravishda xabar berishingizni so‘raymiz.


Qo‘llash mumkin bo‘lmagan holatlar

• preparatning faol moddasiga yoki yordamchi moddalaridan birortasiga o‘ta yuqori sezuvchanlikda;
• homiladorlikda va laktatsiya davrida preparatni qo‘llash mumkin emas.
Ishonchli kontratseptsiya usullaridan foydalanmaydigan tug‘ruq yoshidagi ayollarga Gelmadol preparatini qo‘llash mumkin emas.


Dorilarning o‘zaro ta'siri
Gelmadol preparati ritonavir, rifampitsin va jigar fermentlarining induktorlari hisoblangan tirishishga qarshi preparatlar bilan birga ishlatilganida juda ehtiyotkorlikka rioya qilish kerak.
Gelmadol jigar fermentlarining induktorlari bilan bir vaqtda qo‘llanganida albendazol va uning faol metabolitining qon plazmasidagi kontsentratsiyasi ahamiyatli darajada pasayadi, buning natijasida preparatning samaradorligi pasayishi mumkin. Davolashga nisbatan terapevtik javob reaktsiyasini klinik monitoringini o‘tkazish va zarurat bo‘lganida jigar fermentlarining induktorlari bilan majmuaviy davolash fonida, shuningdek davolash to‘xtatilganidan so‘ng albendazolning dozasiga tuzatish kiritish kerak.


Maxsus ko‘rsatmalar

Statsionar sharoitlarida patsiyentlarda kasallikni kechishini tibbiy-jarrohlik monitoringini muntazam ravishda o‘tkazishni ta'minlash kerak.
Nevrologik simptomlar
Albendazol bilan davolanish vaqtida patsiyentda allaqachon mavjud bo‘lgan neyrotsistitserkozga, ayniqsa Taenia shtammlari bilan infektsiyalanish darajasi yuqori bo‘lgan hududlarda, tashxis qo‘yilishi mumkin. Patsiyentlarda nevrologik simptomlar, masalan, tirishishlar, bosh miya ichki bosimini oshishi, bosh miyada parazitlarni nobud bo‘lishi bilan ifodalangan yallig‘lanish reaktsiyalari bilan bog‘liq bo‘lgan nevrologik simptomlar kuzatilishi mumkin. Simptomlar davolash boshlanganidan so‘ng yaqin vaqtda paydo bo‘lishi mumkin; bunda glyukokortikosteroidlar va tirishishga qarshi preparatlar bilan muvofiq davolash zudlik bilan o‘tkazilishi kerak.
Jigar tomonidan buzilishlar
Albendazol bilan davolanish vaqtida qonda jigar fermentlarining darajalarini ahamiyatsiz yoki o‘rtacha ifodalangan oshishi kuzatilishi mumkin, ushbu o‘zgarishlar, odatda orqaga qaytuvchan hususiyatga ega va dori vositasini qabul qilish to‘xtatilganidan so‘ng yo‘qoladi. Tizimli gelmint infektsiyalarini albendazol bilan davolash fonida (yuqori dozalarda uzoq muddat davolanganda) og‘ir darajadagi gepatitni rivojlanish holatlari xaqida xabarlar mavjud. Patsiyentlarda jigarning funktsional ko‘rsatkichlarini Gelmadol bilan davolashni boshlashdan avval, shuningdek davolanish vaqtida ikki hafta davomida kamida bir marta nazorat qilish kerak. Agar jigar fermentlarining qondagi darajalari normal qiymatlarning yuqori chegaralaridan 2 barobardan ko‘proq oshsa, preparat bilan davolashni to‘xtatish lozim. Takroriy davolash kursini o‘tkazish zarurati tug‘ilganida, uni jigarning funktsional ko‘rsatkichlari normal qiymatlar chegarasida bo‘lganida boshlash kerak. Keyinchalik qaytalanishlar kuzatilishi mumkinligi tufayli, klinik va laborator ko‘rsatkichlarni sinchkov monitoringini o‘tkazish tavsiya etiladi, chunki allergik reaktsiyalarni rivojlanish ehtimolini istisno qilish mumkin emas.
Suyak ko‘migi funktsiyasini susayishi
Tizimli gelmint infektsiyalarini albendazol bilan davolash fonida (yuqori dozalarda uzoq muddat davolanganda) suyak ko‘migi funktsiyasini susayish holatlari xaqida xabarlar mavjud. Patsiyentlarda qon tahlilini Gelmadol preparati bilan davolashni boshlashdan avval, shuningdek har 28-kunlik davolash kursi davomida davolanish vaqtida ikki haftada bir marta nazorat qilish kerak.
Jigar kasalliklari, shu jumladan jigar exinokokkozi bo‘lgan patsiyentlar dori vositasini suyak ko‘migiga, pantsitopeniya, suyak ko‘migi aplaziyasi, agranulotsitoz va leykopeniya bilan namoyon bo‘lishi mumkin bo‘lgan, susaytiruvchi ta'siriga yanada sezgir bo‘lishi mumkin. Shu sababli jigar kasalliklari bo‘lgan patsiyentlarda qon ko‘rsatkichlarini yanada sinchkov monitoringini o‘tkazish tavsiya etiladi.
Qondagi eritrotsitlarning miqdori ahamiyatli darajada pasayganida Gelmadol bilan davolashni to‘xtatish kerak.
Kontratseptsiya
Gelmadol bilan davolashni boshlashdan avval tug‘ruq yoshidagi ayollar albendazolning embriotoksik, teratogen va genotoksik ta'sirini potentsial havfi xaqida, ishonchli kontratseptsiya usullaridan foydalanish kerakligi xaqida va homiladorlik vaqtida, agar dori vositasi bilan davolanish fonida homiladorlik kuzatilgan bo‘lsa, kuzatilishi mumkin bo‘lgan asoratlari xaqida ogohlantirilgan bo‘lishlari kerak.
Yordamchi moddalar
Gelmadol tarkibida laktoza saqlaydi, shuning uchun galaktozani o‘zlashtirolmaslik, laktaza yetishmovchiligi yoki glyukoza-galaktoza malabsorbtsiyasi bilan xarakterlanuvchi kam uchraydigan nasliy kasalliklari bo‘lgan patsiyentlar dori preparatini qabul qilishlari mumkin emas.
Gelmadol bir tabletkasida 1 mmol (23 mg) dan kam natriy saqlaydi, ya'ni deyarli “natriy saqlamaydi”.
Fertillik, homiladorlikda va laktatsiya davrida qo‘llanishi
Tug‘ruq yoshidagi ayollar
Albendazol genotoksik, embriotoksik va teratogen potentsialga ega bo‘lganligi tufayli, Gelmadol bilan davolanayotgan tug‘ruq yoshidagi ayollar homiladorlikni kuzatilishini oldini olish bilan bog‘liq bo‘lgan barcha ehtiyotkorlik choralariga rioya qilishlari kerak. Bevosita davolashni boshlashdan avval homiladorlikni aniqlash sinamasi manfiy natijaga ega bo‘lganidan keyingina preparat bilan davolashni boshlash kerak. Tug‘ruq yoshidagi ayollar Gelmadol bilan davolanish vaqtida va u to‘xtatilganidan so‘ng 6 oy davomida ishonchli kontratseptsiya usullaridan foydalanishlari kerak.
Erkak patsiyentlar va ularning ayol jinsiy sheriklari
Gelmadol bilan davolanayotgan erkak patsiyentlar, ularning jinsiy sheriklari hisoblangan ayollarda homiladorlik rivojlanishini oldini olish maqsadida barcha ehtiyotkorlik choralariga rioya qilishlari kerak. Urug‘ suyuqligida saqlangan albendazolni odam embrioni/homilasiga teratogen yoki genotoksik samarasini rivojlanishiga sabab bo‘lishi mumkinligi noma'lum. Gelmadol bilan davolanayotgan erkak patsiyentlarga, yoki ularning tug‘ruq yoshidagi ayol sheriklariga butun davolash davri davomida va davolash to‘xtatilganidan so‘ng 3 oy davomida ishonchli kontratseptsiya usullaridan foydalanish tavsiya etiladi. Jinsiy sheriklari homilador ayollar hisoblangan patsiyentlar ayol organizmiga albendazolni ta'sir qilish havfini pasaytirish maqsadida prezervativdan foydalanish kerakligi xaqida ogohlantirilgan bo‘lishlari kerak.
Homiladorlik
Kalamushlar va quyonlarda o‘tkazilgan tadqiqotlarda albendazol odamda qo‘llanadigan dozalarga teng dozalarda qo‘llanganida embriotoksik va teratogen ta'sir ko‘rsatgan. Homiladorlikning dastlabki uch oyligida dori vositasini qo‘llash bilan o‘tkazilgan klinik tadqiqotlarning ma'lumotlari cheklangan. Ayollarda homiladorlik davrida Gelmadolni qo‘llash mumkin emas; hozirgi vaqtda homilador ayollarda qo‘llash uchun havfsizligi nuqtai nazaridan yanada afzal bo‘lgan muqobil dori vositalari mavjud. Preparat bilan davolanish vaqtida homiladorlik kuzatilganida patsiyent ayol homilada, hayvonlarda o‘tkazilgan tadqiqotlarda kuzatilgan, rivojlanish nuqsonlarini (skelet, kalla-yuz sohasi, qo‘l-oyoq anomaliyalarini) aniqlash maqsadida prenatal kuzatishni ta'minlash uchun zudlik bilan shifokorga murojaat qilishi kerak.
Laktatsiya davri
Albendazol 400 mg dozada bir marta qabul qilinganidan so‘ng u ko‘krak sutida aniqlanadi. Dori vositasi genotoksik potentsialga ega, shuning uchun yangi tug‘ilgan chaqaloq uchun havfni istisno qilish mumkin emas. Preparatning bir martalik dozasi qabul qilinganida emizishni kamida 5,5 barobar yarim chiqarilish davriga (taxminan 48 soat) teng bo‘lgan muddatga zudlik bilan to‘xtatish kerak. Emizishni yana boshlashdan avval sut bezlarida mavjud bo‘lgan barcha ko‘krak sutini sog‘ib olish va uni utilizatsiya qilish tavsiya etiladi. Ayollarda laktatsiya davrida Gelmadol preparatini ko‘p marotaba qo‘llash mumkin emas.
Fertillik
Kalamushlar va sichqonlarda o‘tkazilgan tadqiqotlarda, albendazolni moyaklarga toksik ta'sir ko‘rsatishi aniqlangan. Albendazol genotoksik potentsialga ega, bu holat odamlarda reproduktiv funktsiyani buzilishini havf omili hisoblanadi.
Avtotransportni haydash va mexanizmlarni boshqarish qobiliyatiga ta'siri
Avtotransportni haydash va mexanizmlarni boshqarish qobiliyatiga preparatning ta'sirini o‘rganish bo‘yicha tadqiqotlar o‘tkazilmagan.
Avtotransportni haydashda va mexanizmlarni boshqarishda patsiyentlar Gelmadolni qo‘llash vaqtida bosh aylanishi kuzatilishi mumkinligini e'tiborga olishlari kerak.


Dozani oshirib yuborilishi

Preparatning dozasi oshirib yuborilganida patsiyentni tibbiy kuzatish va simptomatik davolash o‘tkazish tavsiya etiladi.


Chiqarilish shakli

Gelmadol 200 mg plyonka qobiq bilan qoplangan tabletkalar. 2 yoki 6 tabletka blisterda. 
1 blister tibbiyotda qo‘llanilishiga doir yo‘riqnomasi bilan birga karton qutiga joylangan.
10 tabletka blisterda. 1 yoki 4 blister tibbiyotda qo‘llanilishiga doir yo‘riqnomasi bilan birga karton qutiga joylangan.
Gelmadol 400 mg plyonka qobiq bilan qoplangan tabletkalar. 1, 2 yoki 3 tabletka blisterda. 
1 blister tibbiyotda qo‘llanilishiga doir yo‘riqnomasi bilan birga karton qutiga joylangan.
10 tabletka blisterda. 1 yoki 6 blister tibbiyotda qo‘llanilishiga doir yo‘riqnomasi bilan birga karton qutiga joylangan.


Saqlash sharoiti

25°C dan yuqori bo‘lmagan xaroratda saqlansin.
Bolalar ololmaydigan joyda saqlansin!


Yaroqlilik muddati


Ishlab chiqarilgan
sanadan boshlab 3 yil.

Yaroqlilik muddati
tugaganidan so‘ng qo‘llanilmasin.


Dorixonalardan berish tartibi

Retsept bo‘yicha.