Preparatning savdo nomi
MR Boralgin
Ta'sir etuvchi moddalar (XPN) metamizol natriy, pitofenon gidroxloridi, fenpiveriniy bromidi.

Dori shakli
in'ektsiya uchun eritma

Tarkibi

5 ml eritma quyidagilarni saqlaydi
faol modda metamizol natriy - 2500 mg, pitofenon gidroxloridi - 10 mg, fenpiveriniy bromidi - 0,1 mg;
yordamchi moddalar natriy metabisulfiti, in'ektsiya uchun suv.

Farmakoterapevtik guruhi
Analgetik-antipiretik.
ATX kodi N02BB52


Farmakologik xususiyatlari

Majmuaviy preparat, uning tarkibiga metamizol natriy, (analgin), pitofenon gidroxloridi va fenpiveriniy bromidi kiradi.
Metamizol natriy pirazalon hosilasi, nonarkotik analgetik. Prostaglandinlar sintezini susaytirishi bilan bog‘liq bo‘lgan og‘riqni qoldiruvchi, isitmani tushiruvchi va kuchsiz yallig‘lanishga qarshi ta'sirlarga ega.
Pitofenon gidroxloridi papaverin turi miotrop spazmalitik vositasi bo‘lib, to‘g‘ridan-to‘g‘ri ichki a'zolarning siliq mushaklariga miotrop ta'sir ko‘rsatadi va uni bo‘shashishini chaqiradi.
Fenpiveriniy bromidi M-xolinbloklovchi vosita bo‘lib, M-xolinobloklovchi ta'siri hisobiga silliq mushaklarga qo‘shimcha bo‘shashtiruvchi ta'sir ko‘rsatadi.
Preparatning uchta komponentini qo‘shilishi, ularning farmalogik ta'sirini o‘zaro kuchayishiga olib keladi, buning natijasida og‘riqlarni yengillashishi, siliq mushaklarni bo‘shashishi va tana haroratini pasayishi kuzatiladi.


Qo‘llanilishi

Ichki a'zolarning silliq mushaklarini spazmlaridagi og‘riq sindromi, shu jumladan jigar, buyrak sanchiqlari, o‘t-safro yo‘llarining diskineziyasi, algodismenoreya.
Nevralgiya, artralgiya, ishialgiya, mialgiyalarni qisqa muddatli simptomatik davolash.
Jarrohlik va diagnostik aralashuvlardan keyingi og‘riqlarni kamaytirish uchun yordamchi vosita sifatida qo‘llanadi.


Qo‘llash usuli va dozalari

Preparatni vena ichiga (v/i) (juda sekin!) yoki mushak ichiga (m/i) yuboriladi.
Kattalar va 15 yoshdan oshgan o‘smirlar uchun bir martalik doza 2-5 ml ni, sutkalik doza – 10 ml gacha ni tashkil qiladi.
Bolalar va chaqaloqlar uchun sutkalik doza tana vaznini hisobga olib belgilanadi.
Vena ichiga yuborish
3-11 oylik 5-8 kg vaznli emizikli chaqaloqlarda - qo‘llanmaydi;
1-2 yoshli 9-15 kg vaznli bolalarga – 0,1-0,2 ml;
3-4 yoshli 16-23 kg vaznli bolalarga – 0,2-0,3 ml;
5-7 yoshli 24-30 kg vaznli bolalarga – 0,3-0,4 ml;
8-12 yoshli 31-45 kg vaznli bolalarga – 0,5-0,6 ml;
12-15 yoshli 46-53 kg vaznli bolalarga – 0,8-1,0 ml.
Mushak ichigayuborish
3-11 oylik 5-8 kg vaznli chaqaloqlarga – 0,1-0,2 ml;
1-2 yoshli 9-15 kg vaznli bolalarga – 0,2-0,3 ml;
3-4 yoshli 16-23 kg vaznli bolalarga – 0,3-0,4 ml;
5-7 yoshli 24-30 kg vaznli bolalarga – 0,4-0,5 ml;
8-12 yoshli 31-45 kg vaznli bolalarga – 0,6-0,7 ml;
12-15 yoshli 46-53 kg vaznli bolalarga – 0,8-1,0 ml.
V/i asta-sekin minutiga 1 ml tezlikda, arterial bosimni, yurak qisqarishlari va nafas tez-tezligini nazorati ostida yuboriladi.
Bemor bunda yotgan holatda bo‘lishi lozim.

Nojo‘ya ta'sirlari
Preparat terapevtik dozalarda yaxshi o‘zlashtiriladi. Ba'zida allergik reaktsiyalar teri toshmasi, Kvinke shishi, juda kam hollarda – anafilaktik shok kuzatilishi mumkin.
Bosh aylanishi, taxikardiya, arterial bosimni pasayishi kuzatilishi mumkin. Yakka hollarda – bosh og‘rig‘i, og‘izni qurishi, epigastral sohada achishish.
Preparat uzoq muddat qo‘llanganida suyak ko‘migini shikastlanishi (agranulotsitoz, leykopeniya, trombotsitopeniya) yuz berishi mumkin. Patsiyentni bronxospazmga moyilligi bo‘lganida preparat xurujlarni qo‘zg‘atishi mumkin.
Juda kam hollarda ter ajralib chiqishini kamayishi, akkomodatsiyaning parezi, siyishni qiyinlashishi, xavfli ekssudativ eritema, (Stivens-Djonson sindromi), toksik epidermal nekroliz, (Layell sindromi) kuzatiladi.
Mahalliy reaktsiyalar mushak ichiga yuborilganida yuborish joyida infiltrat kuzatilishi mumkin.


Qo‘llash mumkin bo‘lmagan holatlar

Pirazolon hosilalariga va preparatning boshqa komponentlariga yuqori sezuvchanlik; turg‘un va noturg‘un stenokardiya, dekompensatsiya bosqichidagi surunkali yurak yetishmovchiligi, buyrak yokijigar funktsiyasining yaqqol buzilishlari; glyukozo-6-fosfatdegidrogeneza tanqisligi; glaukoma, prostata bezining giperplaziyasi, me'da-ichak yo‘llarining obstruktsiyasi; megakolon, qon tizimi kasalliklari, kollaptoid holatlar; homiladorlik (birinchi 3 oyligi va oxirgi 6 hafta); laktatsiya davri, ilk bolalik yoshida (1 yoshgacha yoki tana vazni 9 kg dan kam bo‘lganlarga vena ichiga, 3 oylikkacha yoki tana vazni 5 kg dan kam bo‘lganlarga mushak ichiga yuborish) qo‘llash mumkin emas.

Dorilarning o‘zaro ta'siri
Preparatni boshqa nonarkotik analgetiklar bilan bir vaqtda qo‘llash, toksik samaralarni o‘zaro kuchayishiga olib kelishi mumkin. Tritsiklik antidepressantlar, ichga qabul qilinadigan homilaga qarshi preparatlar, allopurinol metamizol natriyning jigardagi metabolizmini buzadi va uning zaharliligini oshiradi.
Barbituratlar, fenilbutazon va jigarni mikrosomal fermentlarining boshqa induktorlari metamizol natriyning ta'sirini susaytiradi. Preparatni va siklosporinni bir vaqtda qo‘llanganda, siklosporinning qondagi miqdori pasayadi. Sedativ vositalar va trankvilizatorlar preparatning og‘riq qoldiruvchi samarasini kuchaytiradi. Preparatni xlorpromazin va fenotiazinning hosilalari bilan birgalikda qo‘llash og‘ir gipertermiya chaqirishi mumkin.




Maxsus ko‘rsatmalar

Jigar va/yoki buyrak funktsiyasini buzilishlari, gipotoniyaga, bronxospazmga moyilligi, nonarkotik analgetiklarga yoki nosteroid yallig‘lanishga qarshi vositalarga yuqori sezuvchanligi bo‘lgan bemorlarga preparatni ehtiyotkorlik bilan va shifokor kuzatuvi ostida qo‘llash lozim. Preparat bilan davolanish davrida alkogol qabul qilish mumkin emas.
2 ml va undan ortiq eritmani yuborishda o‘ziga xos ehtiyotkorlik (arterial bosimni keskin tushib ketishi xavfi tufayli) talab qilinadi. Preparatning katta dozalari qo‘llanilganida yoki uni uzoq vaqt qo‘llanganida qon manzarasini va jigar holatini nazorat qilish kerak. Preparatni bolalar va 18 yoshgacha bo‘lgan o‘smirlarga faqat shifokor ko‘rsatmasiga muvofiq qo‘llash lozim. Metamizolning metabolitlari siydikni qizil rangga bo‘yashi mumkin.
Avtomobilni va boshqa mexanizmlarni boshqarish qobiliyatiga ta'siri.
Transport vositalarini boshqarish va boshqa jismoniy va ruhiy reaktsiyalarning tezligini talab qiluvchi potentsial xavfli faoliyat turlari bilan shug‘ullanish tavsiya qilinmaydi.
Preparat bolalar ololmaydigan joyda saqlansin va yaroqlilik muddati o‘tganidan keyin ishlatilmasin.


Dozani oshirib yuborilishi

Simptomlari qusish, ko‘ngil aynishi, og‘izni qurishi, uyquchanlik, ongni chalkashishi, epigastral sohada og‘riq, arterial gipotoniya, jigar va buyrak funktsiyasini buzilishi, tirishishlar.
Davolash me'dani yuvish, faollashtirilgan ko‘mir buyurish, simptomatik davolash.


Chiqarilish shakli

5 ml dan in'ektsiya uchun eritma. 5 ampuladan kontur-uyali o‘ramlarda. Kontur-uyali o‘ramlar karton penalga joylangan.


Saqlash sharoiti

Quruq, yorug‘likdanhimoyalangan joyda, 25°C dan yuqori bo‘lmagan haroratda saqlansin.


Yaroqlilik muddati

3 yil.


Dorixonalardan berish tartibi

Retsept bo‘yicha.


Ishlab chiqaruvchi

Dori vositalarini sifati bo‘yicha e'tirozlar (takliflar) ni qabul qiluvchi tashkilot nomi va manzili
«MERRYMED FARM» MChJ
O‘zbekiston Respublikasi, Namangan viloyati, Namangan tumani, Bog‘ishamol QFY, Sherbuloq ko‘chasi 1 uy. Tel (0369) 224-67-22.