Preparatning savdo nomi
Ambroksol
Ta'sir etuvchi modda (XPN) ambroksol gidroxloridi

Dori shakli
sirop

Tarkibi

faol modda ambroksol gidroxloridi – 0,3 g;
yordamchi moddalar natriy benzoati – 0,5 g, qand – 65,0 g, propilenglikoli – 10,32 g, limon kislotasi – 0,067 g, uch almashilgan natriy sitrati – 0,067 g, 96% etil spirti – 9,0 g, hushbo‘y ozuqa essentsiyasi – 0,28 g, tozalangan suv 100 gacha.
Ta'rifi biroz shirin ta'mli, o‘ziga xos hidli, siropsimon suyuqlik.

Farmakoterapevtik guruhi
Balg‘am ko‘chiruvchi vositalar.
ATX kodi K05SV06


Farmakologik xususiyatlari

Yaqqol balg‘am ko‘chiruvchi ta'sirga ega mukolitik praparat. Preparat bronxlarning shilliq qavatining seroz hujayralarini rag‘batlantirishi hisobiga balg‘amni suyultiradi. Balg‘amning seroz va shilliq komponentlarining nisbatini me'yorlashtirib, balg‘amning mukopolisaxaridlari orasidagi bog‘larni parchalaydigan fermentlarning ishlab chiqarilishini, surfaktantning hosil bo‘lishini rag‘batlantiradi. Surfaktant hosil bo‘lishini oshishi hisobiga preparat yallig‘lanishga qarshi ta'sir ko‘rsatadi, antioksidant xususiyatlarga ega va mahalliy immunitetni oshiradi.


Farmakokinetikasi

Ichga qabul qilinganidan keyin ambroksol me'da-ichak yo‘llaridan deyarli to‘liq so‘riladi. Qon plazmasida maksimal kontsentratsiyaga (Smax) taxminan 0,3-0,5 soatdan keyin erishiladi. Biokiraolishligi 70-80% ni tashkil qiladi. Preparatning to‘planishi aniqlanmagan.
Plazma oqsillari bilan bog‘lanishi taxminan 90%. To‘qimalarga tez kiradi va eng yuqori kontsentratsiyasi o‘pkada aniqlanadi. Gematoentsefalik to‘siq (GET) va yo‘ldosh to‘sig‘i orqali o‘tadi va ko‘krak suti bilan chiqariladi.
Jigarda kon'yugatsiya yo‘li bilan farmakologik faol bo‘lmagan metabolitlarni hosil qilib metabolizmga uchraydi.
Plazmadan yarim chiqarilish davri (T1/2) – 7-12 soat. Buyraklar orqali preparatning taxminan 90% chiqariladi.


Qo‘llanilishi

Nafas yo‘llarining qovushqoq balg‘amning chiqishi bilan birga kechuvchi o‘tkir va surunkali (o‘tkir va surunkali bronxit, obstruktiv bronxit, pnevmoniya, balg‘amning ajralib chiqishi buzilgan bronxial astma, bronxoektatik kasallik, shuningdek burun-tomoq bo‘shlig‘ining yallig‘lanishida shilliqning suyulishini yaxshilash uchun) kasalliklarni mukolitik davolashda qo‘llanadi.

Qo‘llash usuli va dozalari

Preparatni ovqatdan keyin ichga qabul qilish lozim. Davolash vaqtida ko‘p suyuqlik iste'mol qilish kerak (sharbat, choy, suv), chunki u preparatning mukolitik samarasini kuchaytiradi.
Boshqa ko‘rsatmalar bo‘lmaganida quyida keltirilgan dozalash tavsiya qilinadi
2 yoshgacha bo‘lgan bolalarga 2,5 ml dan (1/2 choy qoshiq) kuniga 2 marta;
2 dan 5 yoshgacha 2,5 ml dan (1/2choy qoshiq) kuniga 3 marta;
5 dan 12 yoshgacha 5 ml dan (1 choy qoshiq) kuniga 2-3 marta;
12 yoshdan oshgan bolalar va kattalarga birinchi 2-3 kunlari 10 ml dan (2 choy qoshiq) kuniga 2 marta, so‘ngra xuddi shunday yoki 5 ml (1 choy qoshiq) kuniga 3 marta davom ettiriladi.
Davolash davomiyligi kasallikning og‘irligiga bog‘liq va uni davolovchi shifokor belgilaydi. Shifokorning tavsiyasisiz preparatni 4-5 kundan ortiq qabul qilish mumkin emas.

Nojo‘ya ta'sirlari
Preparat odatda yaxshi o‘zlashtiriladi. Ba'zan allergik reaktsiyalar teri toshmasi, eshakemi, angionevrotik shish, alohida hollarda allergik kontakt dermatit, juda kam hollarda anafilaktik turi (anafilaktik shok) o‘tkir og‘ir reaktsiyalari, so‘lak ajralishini kuchayishi, og‘izni qurishi, siyishni qiyinlashishi, uzoq vaqt yuqori dozalarda qabul qilinganida qorin og‘rig‘i, jig‘ildon qaynashi, gastralgiya, ko‘ngil aynishi, qusish, qabziyat bo‘lishi mumkin.


Qo‘llash mumkin bo‘lmagan holatlar

Ambroksolga va preparatning boshqa komponentlariga yuqori sezuvchanlik, homiladorlik (I uch oyligi) va laktatsiya davri, me'da va 12-barmoq ichak yara kasalligi, yo‘talga qarshi preparatlar bilan bir vaqtda qabul qilish mumkin emas.

Dorilarning o‘zaro ta'siri
Preparat va antibakterial vositalarni (amoksitsillin, sefuroksim, doksitsiklin, eritromitsin) bir vaqtda qabul qilish antibiotiklarning o‘pka to‘qimasiga kirishiga yordam beradi. Tug‘ruq faoliyatini susaytiruvchi preparatlar bilan mutanosib.
Preparat yo‘talga qarshi preparatlar bilan majmuaviy qo‘llanganida yo‘tal refleksini bostirishi tufayli, suyultirilgan sekretni xavfli dimlanishi mumkin. Shuning uchun yo‘talga qarshi vositalarni qabul qilish faqat davolovchi shifokor ko‘rsatmasiga ko‘ra o‘tkazilishi kerak.


Maxsus ko‘rsatmalar

Siropni faqat davolovchi shifokor bilan maslahatlashgandan keyin va bronxlarning motorikasi buzilgan holda va shilliq miqdori oshgan hollarda (masalan, xavfli kipriksimon sindromida) shifokor nazorati ostida qabul qilish mumkin. Buyraklar yoki jigar faoliyatining og‘ir buzilishida pastroq kontsentratsiyalarni ishlatish yoki Ambroksol qabullari orasidagi intervalni oshirish kerak. Qandli diabetli bemorlarga sirop buyurilganda 1 o‘lchov qoshig‘i (5 ml) 1,75 g sorbitolni saqlashni, bu esa 0,15 NB muvofiq kelishini hisobga olish kerak.
Siropni emizish vaqtida yoki ayniqsa homiladorlikning II va III uch oyligida faqat davolovchi shifokor tavsiyasi bo‘yicha qabul qilish mumkin.
Preparatni bolalar ololmaydigan joyda saqlansin va yaroqlilik muddati o‘tgach qo‘llanilmasin.



Dozani oshirib yuborilishi

Hozirgi vaqtgacha preparatning dozasi oshirib yuborilganida zaharlanish hollari kuzatilmagan. Ammo ba'zida qisqa muddatli bezovtalik, ich ketishi doza kuchli oshirib yuborilganida arterial bosimni pasayishi, qusish, ko‘p so‘lak ajralishi kuzatilishi mumkin
Davolash bunday hollarda, ayniqsa dozani kuchli oshirib yuborilganida shifokorga murojaat qilish va uning tavsiyasi bo‘yicha me'dani yuvishni, yog‘ saqlovchi mahsulotlarni qabul qilish, gemodinamik ko‘rsatkichlarni nazorat qilish, zarurati bo‘lganda simptomatik davolashni o‘tkazish kerak.


Chiqarilish shakli

Sirop 50 ml, 90 ml va 100 ml dan flakonlarda.


Saqlash sharoiti

Yorug‘likdan himoyalangan joyda, 250S dan yuqori bo‘lmagan haroratda saqlansin.


Yaroqlilik muddati

2 yil.


Dorixonalardan berish tartibi

Retseptsiz.


Ishlab chiqaruvchi

“RADIKS” XIIChK ,
O‘zbekiston Respublikasi, Toshkent sh., 100054, Lutfiy ko‘ch, 50.
tel 273-92-31, faks 273-80-58