Preparatning savdo nomi
Bromgeksin sirop
Ta'sir etuvchi modda (XPN) bromgeksin gidroxloridi.

Dori shakli
sirop

Tarkibi

100 ml sirop quyidagilarni saqlaydi
faol modda bromgeksin - 0,08 g.
yordamchi moddalar ozuqa sorbiti yoki qand – 40,0 g, nipagin (metilparaben) – 0,1 g, 96% li tibbiyot etil spirti – 12,5 ml, mentol – 0,011 r, qalampir yalpiz moyi – 0,005 ml, muskat marmarak moyi – 0,015 ml, tozalangan suv – 100 ml sirop olingungacha.
Ta'rifi rangsiz yoki biroz bo‘yalgan, o‘ziga xos ta'mli va hidli suyuqlik.

Farmakoterapevtik guruhi
Balg‘am ko‘chiruvchi vosita.
ATX kodi R05CB02


Farmakologik xususiyatlari

Preparat mukolitik va balg‘am ko‘chiruvchi ta'sir ko‘rsatadi. Bronx sekretining seroz komponentini ko‘paytiradi. Nordon mukopolisaxaridlarning ko‘ndalang bog‘larini buzishi tufayli, balg‘amni yopishqoqligini kamaytiradi. Balg‘amning yopishqoqligini kamayganligi va tebranuvchi epiteliy faollashgani hisobiga balg‘am chiqishi yaxshilanadi. O‘pka surfaktanti sintezini rag‘batlantiradi.


Qo‘llanilishi

Nafas yo‘llarining o‘tkir va surunkali yallig‘lanish kasalliklari (shu jumladan infektsiya oqibatida kelib chiqqan), bronxial astmaning infektsion-allergik shakli, bronxoektatik kasalligi, o‘pka tuberkulyozi va boshqa hollarda bronx sekret hosil bo‘lishini buzilishi va uning yopishqoqligini patologik ko‘payib ketishida qo‘llanadi. Bronxografiyadan keyin kontrast moddani chiqishini tezlashtirish uchun ham qo‘llanadi.

Qo‘llash usuli va dozasi
Preparat ovqat qabulidan qat'iy nazar ichga qabul qilinadi.
Kattalarga va 14 yoshdan katta o‘smirlarga 8-16 mg-dan (2-4 choy qoshiq) bir kunda 3-4 marta buyuriladi.
2 yoshdan b yoshgacha bolalarga – 2-4 mg dan (0,5-1 choy qoshiq) bir kunda 3 marta; 6 yoshdan 14 yoshgacha - 4-8 mg dan (1-2 choy qoshiq) bir kunda 3 marta tavsiya etiladi. Tana vazni 50 kg dan kam bo‘lgan katta yoshdagi bemorlarga ham shunday dozada buyuriladi. Preparatning ta'siri odatda 24-48 soatdan keyin ba'zida davolash kursi boshlangandan 4-6 sutkadan keyin namoyon bo‘la boshlaydi. Davolash kursi 4 kundan 4 haftagacha davom etadi.
Buyrak funktsiyasi buzilishlari bo‘lgan patsiyentlarga preparatni kichik dozada yoki odatiy dozani, katta intervalda buyuriladi.

Nojo‘ya ta'sirlari
Kam hollarda preparat uzoq muddat qo‘llanilganda - ko‘ngil aynishi, qusish, dispeptik xolatlar, yara kasalligini zo‘rayishi, allergik reaktsiyalar (teri toshmasi, rinit va boshqalar), juda kam hollarda — angionevrotik shish, qon zardobida transaminazalar darajasini ko‘payishi.


Qo‘llash mumkin bo‘lmagan holatlar

Homiladorlikda, emizish davrida, preparatga yoki uning komponentlariga yuqori sezuvchanlikda, yo‘talga qarshi, ayniqsa tarkibida kodein bo‘lgan (suyultirilgan balg‘amni yo‘tal bilan chiqishi qiyinlashishi tufayli) preparatlarni qabul qilish mumkin emas.

Dorilarning o‘zaro ta'siri
Upka to‘qimalariga antibiotiklarni (eritromitsin, sefaleksin, oksitetratsiklin) o‘tishiga yordam beradi. Ishqoriy eritmalar bilan nomutanosib.


Maxsus ko‘rsatmalar

Me'dani yara kasalligida, hamda anamnezda me'dadan qon ketishi to‘g‘risida ko‘rsatmalar bo‘lganida, preparatni shifokor nazorati ostida qo‘llash kerak.
Bolalarda davolashni bronxlardan sekret chiqib ketishiga yordam beruvchi ko‘krak qafasini vibratsion massaji bilan birga olib borish kerak.
Homiladorlik davrida, faqat davolash samarasi homilaga salbiy ta'siri xavfidan ustun bo‘lganda preparat qo‘llanadi.
Davolash jarayonida yetarli miqdorda suyuqlik ist'emol qilish tavsiya qilinadi, bu esa preparatni sekretolitik ta'sirini saqlab turadi.


Dozani oshirib yuborilishi

Simptomlari ko‘ngil aynishi, qusish, dispepsiya.
Davolash spetsifik antidoti yo‘q. Davolash simptomatik. Darhol qusishni chaqirish, keyin suyuqlik (sut yoki suv) berish lozim. Preparatni qabul qilgandan 1-2 soat davomida me'dani yuvish tavsiya qilinadi.


Chiqarilish shakli

40 ml, 50 ml, 90 ml, 100 ml va 120 ml shisha yoki polimer flakonlarda


Saqlash sharoiti

Yorug‘likdan himoyalangan joyda, 25°C dan yuqori bo‘lmagan haroratda saqlansin.
Preparatni bolalar ololmaydigan joyda saqlansin.


Yaroqlilik muddati

2 yil.

Yaroqlilik muddati
o‘tgach ishlatilmasin.


Dorixonalardan berish tartibi

Retseptsiz.


Ishlab chiqaruvchi

«LAFZ» MChJ
Uzbekiston Respublikasi, Tashkent shahri, Shayxontoxur tumani, S.Darboza ko‘ch.,
Qurilish tor ko‘chasi, Ne 1 uy.
Tel. +99895 170 69 00
E-mail lafz@inbox.ru