Preparatning savdo nomi
Bromgeksin
Ta'sir etuvchi modda (XPN) bromgeksin (bromhexine)

Dori shakli
Tabletkalar

Tarkibi

Har bir tabletka quyidagilarni saqlaydi
faol modda bromgeksin gidroxloridi – 8 mg;
yordamchi moddalar qand, laktoza monogidrati, kartoshka kraxmali, stearin kislotasi, mikrokristall sellyuloza.
Ta'rifi oq rangli, yassi silindrik, faskali tabletkalar

Farmakoterapevtik guruhi
Yo‘tal va shamollash kasalliklarida qo‘llanadigan vositalar. Yo‘talga qarshi vositalar bilan majmuadan tashqari, balg‘am ko‘chiruvchi vositalar.
ATX kodi R05CB02.


Qo‘llanilishi

Balg‘am hosil bo‘lishi va transportini buzilishlari bilan kechuvchi, o‘tkir va surunkali bronx-o‘pka kasalliklarini sekretolitik davolashda qo‘llanadi.


Qo‘llash usuli va dozalari

Tabletkalarni ichga, ovqatdan keyin, ko‘p miqdordagi suyuqlik bilan ichish kerak. Bromgeksinning navbatdagi dozasini qabul qilish vaqti o‘tkazib yuborilgan hollarda, uni o‘tkazib yuborilganini sezishingiz bilanoq qabul qilish kerak, lekin navbatdagi qabul qilishdan kamida 2 soat oldin qabul qilish kerak. Bromgeksinning keyingi dozasini bundan keyin jadval bo‘yicha, odatdagi qabul vaqtini va dozani o‘zgartirmay qabul qilish kerak.
Kattalar va 14 yoshdan katta o‘smirlarga 1-2 tabletka (8-16 mg) dan sutkada 3 marta buyuriladi.
6 yoshdan 14 yoshgacha bolalar va o‘smirlar, shuningdek tana vazni 50 kg dan kam bo‘lgan shaxslar 1 tabletka (8 mg) dan sutkada 3 marta qabul qiladilar. 6 yoshgacha bo‘lgan bolalar pastroq dozali dori shakllarini qabul qilishlari kerak.
Terapevtik ta'siri davolashning 4-6 kun namoyon bo‘lishi mumkin. Davolash kursi – 4 kundan 28 kungachani tashkil etadi (ko‘rsatmalariga va kasalliklarni kechishiga qarab, shaxsiy ravishda belgilanadi). Dori vositasi shifokor ko‘rsatmasisiz ko‘pi bilan 4-5 kun qo‘llanilishi mumkin. Agar patsiyentning ahvoli Bromgeksin bilan 6 kun davomida davolanganda yaxshilanmasa, u shifokorga murojaat qilishi kerak.
Buyrak yetishmovchiligi yoki jigar faoliyatini buzilishlari bo‘lgan bemorlarga kamroq dozalar buyuriladi yoki qabul qilish orasidagi interval oshiriladi.

Nojo‘ya ta'sirlari
Immun buzilishlar, teri va teri osti kletchatkasini shikastlanishlari tez-tez emas – o‘ta yuqori sezuvchanlik reaktsiyalari (toshma, Kvinke shishi, hansirash, qichishish, eshakemi); kam hollarda – bronxospazm; juda kam xollarda – anafilaktik reaktsiyalar, shu jumladan anafilaktik shok.
Me'da-ichak buzilishlari tez-tez emas – uzoq vaqt qabul qilinganda ko‘ngil aynishi, qusish, dispepsiya, me'da o‘n ikki barmoq ichak yara kasalligini zo‘rayishi, diareya kuzatilishi mumkin.
Umumiy buzilishlar tez-tez emas – isitma.
Juda kam hollarda Stivens-Djonson sindromi va toksik epidermal nekroliz kabi teri reaktsiyalari paydo bo‘lishi mumkin. Stivens-Djonson sindromini paydo bo‘lishining ilk bosqichlarida isitma, tanada og‘riq, tumov, yo‘tal va tomoq og‘riqlari kabi nospetsifik grippga o‘xshash simptomlar rivojlanishi mumkin. Shuning uchun ushbu simptomatika kuzatilganda, agar bu asosiy kasallikni kechishi bilan ifodalanmasa, Bromgeksin dori vositasini qo‘llashni to‘xtatish kerak.
Yuqorida keltirilgan nojo‘ya reaktsiyalar, shu jumladan yo‘riqnomada ko‘rsatilmagan reaktsiyalar paydo bo‘lganda, patsiyent shifokorga murojaat qilishi kerak.


Qo‘llash mumkin bo‘lmagan holatlar

Bromgeksinga va/yoki preparatning har qanday yordamchi komponentlariga, shu jumladan preparatning har qanday yordamchi komponentiga yuqori sezuvchanlik, me'da va 12 barmoq ichakning zo‘rayish bosqichidagi yara kasalligi, homiladorlik (I uch oyligi); laktatsiya davri; bolalarda (3 yoshgacha) qo‘llash mumkin emas.
Ehtiyotkorlik bilan
Bromgeksinni holsizlangan bemorlarda, shuningdek bronxlarning mexanik torayishi bo‘lgan (bronxlar sekretini ko‘chishini qiyinlashishi) bo‘lgan yoki sekretni haddan tashqari ko‘p to‘planishi bilan kechuvchi bronx kasalliklari bo‘lgan patsiyentlarda, shuningdek buyrak va/yoki jigar yetishmovchiligida va anamnezida me'dadan qon ketishlari bo‘lgan patsiyentlarda ehtiyotkorlik bilan qo‘llash kerak.

Dorilarning o‘zaro ta'siri
Bromgeksin yo‘tal markazini susaytiruvchi dori vositalari (shu jumladan kodein) bilan bir vaqtda buyurilmaydi, chunki bu suyulgan balg‘amni ajralib chiqishini qiyinlashtiradi (nafas yo‘llarida bronxial sekretini to‘planishi yuz beradi).
Bromgeksin antibiotiklar (amoksitsillin, eritromitsin, sefaleksin, oksitetratsiklin) ning, sulfanilamid dori vositalarining mikroblarga qarshi davolashning birinchi 4-5 kunlari o‘pka to‘qimasiga kirishiga yordam beradi.
Bromgeksinni ayrim nosteroid yallig‘lanishga qarshi vositalari (masalan, salitsilatlar, fenilbutazon yoki butadion bilan) bilan birga qo‘llash, me'da shilliq qavatini ta'sirlanishini chaqirishi mumkin.
Bromgeksin ishqoriy eritmalar bilan nomutanosib.


Maxsus ko‘rsatmalar

Davolanishda yetarli miqdordagi suyuqlik qabul qilish kerak, bu bromgeksinning balg‘am ko‘chiruvchi ta'sirini oshiradi. Bolalarda davolashni bronxlardan sekretni chiqarilishini yengillashtiruvchi postural drenaj yoki ko‘krak qafasini vibratsion massaji bilan birga olib borish kerak.
Me'da yarasi kasalligida, shuningdek anamnezda me'dadan qon ketishiga ishoralar bo‘lganida, bromgeksinni shifokorning nazorati ostida qo‘llash kerak.
Buyrak va jigar faoliyatini buzilishlarida Bromgeksinni, uning dozasini kamaytirib yoki dozalash intervalini oshirib, ehtiyotkorlik bilan qo‘llash kerak. Uzoq qo‘llanganda jigar faoliyatini nazorat qilish tavsiya etiladi.
Bromgeksinni holsizlangan bemorlarga, hamda bronxlarni mexanik torayishi (bronxlardan sekretni chiqarilishini qiyinlashuvi) bo‘lgan patsiyentlarga, shuningdek shilliqlarni tiqilib qolishi xavfini shakllanishi oshishi natijasida balg‘amni ko‘p hosil bo‘lishida bronxial motorikani buzilishi bo‘lgan shaxslarga ehtiyotkorlik bilan qo‘llash kerak.
Bromgeksinning har bir tabletkasi laktoza va saxaroza saqlaydi. Galaktoza, fruktoza, Lapp laktoza yoki glyukoza-galaktoza malabsorbtsiyasi bo‘lgan patsiyentlarga, shuningdek saxaraza-izomaltaza yetishmovchiligi bo‘lgan patsiyentlar ushbu dori vositasini qabul qilmasliklari kerak.
Homiladorlik va laktatsiya davrida qo‘llanishi. Bromgeksin yo‘ldosh to‘sig‘i orqali o‘tishi mumkin. Bromgeksinni homiladorlarda qo‘llash tajribasi cheklangan, homiladorlikning birinchi uch oyligida qo‘llash mumkin emas, ikkinchi-uchinchi uch oyligida ona uchun foyda va bola uchun kutiladigan xavf sinchkovlik bilan baholangandan keyingina qo‘llash mumkin.
Bromgeksin ko‘krak suti bilan ajralib chiqishi tufayli, uni laktatsiya davrida qo‘llash tavsiya etilmaydi.
Transport vositalarini boshqarish va mexanizmlarga xizmat ko‘rsatish qobiliyatiga ta'siri. Bromgeksinning avtotransportni va boshqa mexanizmlarni boshqarish qobiliyatiga salbiy ta'siri to‘g‘risida ma'lumotlar yo‘q.
Preparat bolalar ololmaydigan joyda saqlansin va yaroqlilik muddati o‘tgach qo‘llanilmasin.


Dozani oshirib yuborilishi

Simptomlari dispeptik buzilishlar, shu jumladan ko‘ngil aynishi, qusish, diareya.
2 yoshdan oshgan bolalar 60-80 mg dan ko‘p yoki 6 mg/kg (7-10 tabletkaga to‘g‘ri keladi) bromgeksinni qabul qilganda, chaqaloqlarda 40 mg dan ko‘p (5 tabletkaga to‘g‘ri keladi) yuborilganda dozani oshirib yuborilishi kuzatilgan. Ongni buzilishi, ataksiya, diplopiya, metabolik atsidoz va taxipnoe rivojlanishi bilan zaharlanish xolatlari ta'riflangan.
Davolash sun'iy ravishda qusishni chaqirish, me'dani yuvish (qabul qilinganidan keyingi birinchi 1-2 soatda), simptomatik davolash buyuriladi.


Chiqarilish shakli

10 tabletkadan 5 kontur uyali o‘ram yoki 25 tabletkadan 2 kontur uyali o‘ram ilova-varaqasi bilan birga karton qutida (o‘ram №10x5, №25x2).


Saqlash sharoiti

Yorug‘likdan va namlikdan himoyalangan joyda, 25°C dan yuqori bo‘lmagan haroratda saqlansin.


Yaroqlilik muddati

3 yil.


Dorixonalardan berish tartibi

Retseptsiz.


Ishlab chiqaruvchi

«Borisovskiy zavod meditsinskix preparatov» ochiq aktsionerlik jamiyati,
Belarus Respublikasi, Minsk vil., Borisov sh., Chapayev ko‘ch. 64,