Preparatning savdo nomi
Kodelak® Bronxo

Dori shakli
tabletkalar

Tarkibi

1 tabletka quyidagilarni saqlaydi
faol moddalar ambroksol gidroxloridi (ambroksol) - 20 mg, glitsirrizin kislotasining trinatriyli tuzi (natriy glitsirrizanati) – 30 mg, termopsisning quruq ekstrakti – 10 mg, natriy gidrokarbonati – 200 mg;
yordamchi moddalar kartoshka kraxmali – 84,30 mg, mikrokristall sellyuloza – 150,10 mg, povidon (polivinilpirrolidon, povidon K 25) – 26,40 mg, talk – 13,00 mg, stearin kislotasi – 5,20 mg, karboksimetilkraxmal natriy (natriy kraxmal glikolyati) –
11,00 mg.
Ta'rifi yassi silindrik, och-sariqdan sarg‘ish tusli och-sariq rangli, to‘qroq yoki ochroq dog‘li, riskali va faskali tabletkalar.

Farmakoterapevtik guruhi
majmuaviy balg‘am ko‘chiruvchi vosita
ATX kodi R05CA10.


Farmakologik xususiyatlari


Farmakodinamika
si
Yo‘talni davolash uchun majmuaviy preparatdir, mukolitik va balg‘am ko‘chiruvchi ta'sir ko‘rsatadi, shuningdek yallig‘lanishga qarshi faollikka ega. Kodelak® Bronxoning ta'siri uning komponentlarining farmakologik xususiyatlari bilan bog‘liq
Ambroksol sekretomotor, sekretolitik va balg‘am ko‘chiruvchi ta'sirga ega, balg‘amning seroz va shilliq komponentlarining buzilgan nisbatini normallashtiradi, alveolalarda surfaktant sekretsiyasini oshiradi. Balg‘amning qovushqoqligini kamaytiradi va uni ajralishiga yordam beradi.
Glitsirrat (glitsirrizin kislotasi va uning tuzlari) yallig‘lanishga qarshi va viruslarga qarshi ta'sirga ega. Antioksidant va membranani barqarorlashtiruvchi faolligi tufayli sitoprotektor ta'sir ko‘rsatadi. Yallig‘lanishga qarshi va allergiyaga qarshi ta'sir ko‘rsatib, endogen glyukokortikosteroidlar ta'sirini kuchaytiradi. Yaqqol yallig‘lanishga qarshi faolligi tufayli, nafas yo‘llarida yallig‘lanish jarayonlarini kamayishiga yordam beradi.
Termopsis ekstrakti balg‘am ko‘chiruvchi ta'sirga ega, me'daning shilliq qavatidagi retseptorlarga o‘rtacha darajada ta'sirlovchi samara ko‘rsatib, bronxial bezlar sekretsiyasini reflektor oshiradi.
Natriy gidrokarbonati bronxial shilliqning muhit (rN) ko‘rsatkichini ishqoriy tomonga siljitadi, bronxiolalar xilpillovchi epiteliysining motor faoliyatini rag‘batlantiradi.

Farmakokinetikasi

Ambroksol
So‘rilishi. Ambroksol uchun me'da-ichak yo‘llaridan tez va deyarli to‘liq so‘rilish xarakterli. Biokiraolishligi 70-80% ni tashkil etadi. Ichga qabul qilingandan keyin qon plazmasidagi maksimal kontsentratsiyasiga 1-3 soatdan keyin erishiladi. Plazma oqsillari bilan bog‘lanishi 80-90% ni tashkil qiladi.
Taqsimlanishi. Ambroksolni ichga qabul qilganda qondan to‘qimalarga o‘tishi tez amalga oshadi. Preparatning faol komponentining eng yuqori kontsentratsiyalari o‘pkalarda kuzatiladi. Gematoentsefalik to‘siq, yo‘ldosh to‘sig‘i orqali o‘tadi, ko‘krak suti bilan ajraladi.
Metabolizmi. Qabul qilingan dozaning taxminan 30% jigar orqali “birinchi o‘tish” samarasiga uchraydi. Odamning jigar mikrosomalarida o‘tkazilgan tadqiqotlar CYP3A4 izofermenti ambroksolning metabolizmiga javobgar bo‘lgan asosiy izoferment ekanligini namoyish qilgan. Ambroksolning qolgan qismi jigarda faol metabolitlargacha metabolizmga uchraydi.
Chiqarilishi. Ambroksolning yarim chiqarilish davri (T1/2) taxminan 10 soatni tashkil qiladi. Buyraklar orqali chiqariladi 90% metabolitlari ko‘rinishida, 10% o‘zgarmagan ko‘rinishda.
Alohida guruh patsiyentlardagi farmakokinetikasi.
Patsiyentning yoshi va jinsini ambroksolning farmakokinetikasiga klinik ahamiyatli ta'sir aniqlanmagan, shuning uchun bu belgilar bo‘yicha dozaga tuzatish kiritishning zarurati yo‘q.
Og‘ir buyrak yetishmovchiligi bo‘lgan patsiyentlarda ambroksolning klirensi 20-40% ga pasayadi.
Og‘ir buyrak yetishmovchiligida ambroksol metabolitlarining T1/2 oshadi.
Glitsirrizin kislotasining trinatriyli tuzi (natriy glitsirrizinat).
Peroral qabul qilingandan keyin ichakda normal mikrofloraning bakteriyalari tomonidan ishlab chiqariladigan β-glyukuronidaza fermenti ta'siri ostida glitsirrizin kislotasidan faol metabolit - β-glitsirret kislotasi hosil bo‘ladi, u tizimli qon oqisiga so‘riladi. β-glitsirret kislotasi qonda albumin bilan bog‘lanadi va deyarli to‘liq jigarga tashiladi. β-glitsirret kislotasi asosan safro, qoldiq miqdorda – siydik bilan chiqariladi.
Termopsisning quruq ekstrakti
Ekstratning komponentlari me'da-ichak yo‘llarida yaxshi so‘riladi. Maksimum ta'sirga ichga qabul qilingandan 30-60 minutdan keyin kuzatiladi va 2-6 soat davom etadi. Organizmdan buyraklar, nafas yo‘llarining shilliq qavati va bronxial bezlar tomonidan chiqariladi.
Natriy gidrokarbonati
Me'da-ichak yo‘llarida yaxshi so‘riladi. Maksimum ta'sirga ichga qabul qilingandan 30-60 minutdan keyin kuzatiladi va 2-6 soat davom etadi. Organizmdan buyraklar, nafas yo‘llarining shilliq qavati va bronxial bezlar tomonidan chiqariladi.


Qo‘llanilishi

Qovushqoq balg‘am hosil bo‘lishi bilan kechuvchi nafas yo‘llarining kasalliklari o‘tkir va surunkali bronxit, pnevmoniya, o‘pkaning surunkali obstruktiv kasalligi (O‘SOK), bronxoektatik kasallikda qo‘llanadi.


Qo‘llash usuli va dozalari
.
Ichga, ovqat qabul qilish vaqtida buyuriladi.
Kattalar va 12 yoshdan oshgan bolalarga 1 tabletkadan sutkada 3 marta buyuriladi.
Shifokor tavsiyasisiz 4-5 kundan ortiq qo‘llash tavsiya etilmaydi.

Nojo‘ya ta'sirlari
Allergik reaktsiyalar.
Kam hollarda - holsizlik, bosh og‘rig‘i, diareya, og‘iz bo‘shlig‘i va nafas yo‘llarini qurishi, ekzantemalar, rinoreya, qabziyat, dizuriya. Yuqori dozalarda uzoq muddat qo‘llanganda – gastralgiya, ko‘ngil aynishi, qusish.


Qo‘llash mumkin bo‘lmagan holatlar

Preparatning komponentlariga yuqori sezuvchanlik, homiladorlik, laktatsiya davri, 12 yoshgacha bo‘lgan bolalarda qo‘llash mumkin emas.
Ehtiyotkorlik bilan jigar va/yoki buyrak yetishmovchiligi, me'da va o‘n ikki barmoq yara kasalligi, bronxial astma.

Dorilarning o‘zaro ta'siri
Yo‘talga qarshi dori vositalari bilan birga qo‘llash balg‘am ajralishini qiyinlashishiga olib keladi.
Preparat bronxial sekretga antibiotiklarni kirishini kuchaytiradi.


Maxsus ko‘rsatmalar

Yo‘talga qarshi vositalar bilan birga qo‘llash mumkin emas.
Homiladorlik va emizish davrida qo‘llanishi
Homiladorlik davrida preparatni qo‘llash mumkin emas. Preparatni laktatsiya davrida qo‘llash zarurati bo‘lganida emizishni to‘xtatish kerak.
Transport vositalari, mexanizmlarni boshqarish qobiliyatiga ta'siri
Preparatni avtomobilni va mexanizmlarni boshqarish qobiliyatiga ta'siri holatlari haqida ma'lum emas. Tegishli tadqiqotlar o‘tkazilmagan.
Preparat bolalar ololmaydigan joyda saqlansin va ko‘rsatilgan yaroqlilik muddati o‘tgach ishlatilmasin.


Dozani oshirib yuborilishi

Simptomlari ko‘ngil aynishi, qusish, diareya, dispepsiya.
Davolash simptomatik, preparatni qabul qilishdan keyin birinchi 1-2 soatda me'dani yuvish maqsadga muvofiq.


Chiqarilish shakli

Tabletkalar.
10 tabletkadan kontur uyali o‘ramda. 1 yoki 2 kontur uyali o‘ramlar davlat va rus tillaridagi qo‘llash bo‘yicha yo‘riqnomasi bilan karton qutida.


Saqlash sharoiti

25oS dan yuqori bo‘lmagan haroratda saqlansin.


Yaroqlilik muddati

2 yil.


Dorixonalardan berish tartibi

Retseptsiz.

Qayd etish guvohnomasining egasi/iste'molchilardan e'tirozlarni qabul qiluvchi tashkilot
“Otisifarm” JAJ, Rossiya,
123317, Moskva sh., Testovskaya ko‘ch., 10 uy
Tel. +7 (800) 775-98-19
Faks +7 (495) 221-18-02
www.otcpharm.ru





Ishlab chiqaruvchi

«Farmstandart-Leksredstva» OAJ, 305022, Rossiya, Kursk sh., 2-nchi Agregatnaya ko‘ch., 1a/18, tel./faks (4712) 34-03-13, www.pharmstd.ru