Savdo nomi Lazolvan

Xalqaro patentlanmagan nomi
ambroksol

Dori shakli
sirop

Tarkibi

Sirop 15 mg/5 ml 5 ml sirop faol modda – 15 mg ambroksol gidroxloridi saqlaydi; yordamchi moddalar – benzoy kislotasi (E210), gidroksietiltsellyuloza, kaliy atsesulfami (E950), kristallanmaydigan, suyuq sorbitol (E420), glitserin 85% (E422), “O‘rmon mevalari” xushbo‘yi PHL-132195, “Vanil” xushbo‘yi 201629, tozalangan suv.
Sirop 30 mg/5 ml 5 ml sirop faol modda – 30 mg ambroksol gidroxloridi saqlaydi; yordamchi moddalar – benzoy kislotasi (E210), gidroksietiltsellyuloza, kaliy atsesulfami (E950), kristallanmaydigan, suyuq sorbitol (E420), glitserin 85% (E422), “Sutli qulupnay” xushbo‘yi PHL-132200, “Vanil” xushbo‘yi 201629, tozalangan suv.
Ta'rifi tiniq yoki deyarli tiniq, rangsiz yoki deyarli rangsiz, biroz qovushqoq sirop.

Farmakoterapevtik guruhi
Yo‘tal va shamollashda qo‘llanadigan vositalar. Mukolitik vositalar.
ATX kodi R05CB06.

Farmakologik ta'siri

Farmakodinamika

Sekretomotor, sekretolitik va balg‘am ko‘chiruvchi ta'sirlarga ega; bronxlar shilliq qavatining bezlaridagi seroz hujayralarni rag‘batlantiradi, alveolalar va bronxlardagi shilliq sekretning miqdorini va yuzasidagi faol modda (surfaktant) ning ajralib chiqishini oshiradi; balg‘amning seroz va shilliq komponentlarining buzilgan nisbatini normallashtiradi. Gidrolizlovchi fermentlarni faollashtirib va Klar hujayralaridan lizosomalarni ajralib chiqishini kuchaytirib, balg‘amning qovushqoqligini pasaytiradi. Xilpillovchi epiteliydagi kiprikchalarning harakat faolligini oshiradi, balg‘amning mukotsiliar transportini oshiradi.
In vitro sharoitlarda o‘tkazilgan tadqiqotlarda mahalliy og‘riq qoldiruvchi ta'siri kuzatilgan, bu ambroksolning natriy kanallarini bloklash hususiyati bilan tushuntiriladi. Ushbu jarayon qaytar hisoblanadi va kontsentratsiyasiga bog‘liq. Klinik jihatdan, ambroksol ingalyatsiya qilinganida, og‘riq va u bilan bog‘liq bo‘lgan yuqori nafas yo‘llaridagi diskomfortni tez yo‘qolishiga olib keladi.
In vitro sharoitlarda o‘tkazilgan tadqiqotlarda qonning to‘qima mononuklear va polimorfnuklear hujayralaridan sitokinlarni ajralib chiqishini ahamiyatli darajada pasayishi aniqlangan.


Farmakokinetikasi

So‘rilishi
So‘rilishi – yuqori, maksimal kontsentratsiyaga erishish vaqti – og‘iz orqali qabul qilgandan so‘ng – 1-2,5 soat.
Taqsimlanishi
Ambroksol gidroxloridni qondan to‘qimalarga taqsimlanishi tez amalga oshadi va yaqqol bo‘ladi, bunda faol moddaning eng yuqori kontsentratsiyasi o‘pkalarda aniqlanadi. Og‘iz orqali qabul qilingandan so‘ng taqsimlanish hajmi 552 l ni tashkil etadi. Plazma oqsillari bilan bog‘lanishi – 90%, gematoentsefalik to‘siq, yo‘ldosh to‘sig‘i orqali o‘tadi, ko‘krak suti bilan ajraladi.
Metabolizmi va chiqarilishi
Metabolizm – jigarda kon'yugatsiya hisobiga kuzatiladi, dibromantranil kislotasi (dozasining taxminan 10%), glyukuron kon'yugatlari va bir qancha ikkilamchi darajali metabolitlarni hosil qiladi. Odamning jigar mikrosomalarini tekshirish, CYP3F4 ambroksolning metabolizmiga javob beruvchi predominant izoshakli ekanligini ko‘rsatdi.
Peroral buyurilgan dozaning taxminan 30% tizim oldi metabolizmi natijasida chiqariladi.
Yarim chiqarilish davri 10 soatni tashkil etadi. Umumiy klirensi minutiga 660 ml atrofida bo‘ladi, buyrak klirensi umumiy klirensining taxminan 8% ni ta'minlaydi.
Ayrim guruh patsiyentlarda farmakokinetikasi
Dori vositasi jigarda metabolizmga uchrashi va buyraklar orqali chiqarilishi sababli, buyraklar faoliyati og‘ir darajada buzilganida ambroksolni jigarda hosil bo‘ladigan metabolitlarini to‘planishi kuzatilishi mumkin. Jigar faoliyatini buzilishlari bo‘lgan patsiyentlarda ambroksol gidroxloridni chiqarilishi pasayadi, bu plazmada uning darajasini 1,3-2 marta oshishiga olib keladi.
Tekshirishlar ambroksolning farmakokinetikasi patsiyentning yoshi va jinsiga bog‘liq emasligini va shu sababli dozasini o‘zgartirishni talab qilmasligini ko‘rsatdi.
Ovqatlanish ambroksol gidroxloridning biokiraolishligiga ta'sir ko‘rsatmaydi.


Qo‘llanilishi

Nafas yo‘llarini quyuq balg‘amni ajralishi bilan kechadigan o‘tkir va surunkali kasalliklari o‘tkir va surunkali bronxit, pnevmoniya, o‘pkalarni surunkali obstruktiv kasalligi, balg‘amni qiyin ajralishi bilan kechuvchi bronxial astma, bronxoektatik kasallik.


Qo‘llash usuli va dozalari

Sirop 15 mg/5 ml
6-12 yoshdagi bolalar 5 ml (15 mg ambroksol gidroxloridi) dan kuniga 2-3 marta.
Ambroksol gidroxloridining maksimal dozasi kuniga 45 mg. 2-3 kundan keyin, agar patsiyentning holati yaxshilangan bo‘lsa, LAZOLVANNI kuniga 2 marta, ya'ni har 12 soatda qabul qilish mumkin.
2-5 yoshdagi bolalar 2,5 ml (7,5 mg ambroksol gidroxloridi) dan kuniga 3 marta (har 8 soatda). Ambroksol gidroxloridining maksimal dozasi kuniga 22,5 mg. 2-3 kundan keyin, agar patsiyentning holati yaxshilangan bo‘lsa, LAZOLVANNI kuniga 2 marta, ya'ni har 12 soatda qabul qilish mumkin.
2 yoshgacha bo‘lgan bolalar ushbu dori vositasini 2 yoshgacha bo‘lgan bolalarga qo‘llash mumkin emas.
Sirop 30 mg/5 ml
Kattalar 10 ml (60 mg ambroksol gidroxloridi) dan kuniga 2 marta (har 12 soatda). Ambroksol gidroxloridining maksimal dozasi kuniga 120 mg. Agar patsiyentning holati yaxshilangan bo‘lsa, LAZOLVANNING dozasini 2 marta kamaytirish mumkin.
12 yoshdan oshgan bolalar 5-7,5 ml (30-45 mg ambroksol gidroxloridi) dan kuniga 2 marta (har 12 soatda). Ambroksol gidroxloridining maksimal dozasi kuniga 60-90 mg.
6-12 yoshdagi bolalar 2,5 ml (15 mg ambroksol gidroxloridi) dan kuniga 2-3 marta.
Ambroksol gidroxloridining maksimal dozasi kuniga 45 mg. 2-3 kundan keyin, agar patsiyentning holati yaxshilangan bo‘lsa, LAZOLVANNI kuniga 2 marta, ya'ni har 12 soatda qabul qilish mumkin.
2-5 yoshdagi bolalar 1,25 ml (7,5 mg ambroksol gidroxloridi) dan kuniga 3 marta (har 8 soatda). Ambroksol gidroxloridining maksimal dozasi kuniga 22,5 mg. 2-3 kundan keyin, agar patsiyentning holati yaxshilangan bo‘lsa, LAZOLVANNI kuniga 2 marta, ya'ni har 12 soatda qabul qilish mumkin.
2 yoshgacha bo‘lgan bolalar ushbu dori vositasini 2 yoshgacha bo‘lgan bolalarga qo‘llash mumkin emas.
Buyraklar va jigar faoliyatini buzilishlari bo‘lgan patsiyentlar
Buyraklar faoliyatini buzilishlari yoki jigar faoliyatini og‘ir darajadagi buzilishlari bo‘lgan patsiyentlar dori vositasini faqat shifokorning tavsiyasi bo‘yicha va shifokorning nazorati ostida qabul qilishlari kerak. Bunda dori vositasining dozasini kamaytirish, yoki qabul qilishlar o‘rtasidagi vaqtni oshirish kerak.
O‘tkazib yuborilgan doza
Agar siz LAZOLVAN qabul qilishni unutgan bo‘lsangiz yoki yetarli miqdorda qabul qilmagan bo‘lsangiz, dori vositasini dozalash tartibiga muvofiq qabul qilishni davom ettiring.
Siropni suv bilan qabul qilish tavsiya etiladi.
LAZOLVANNI ovqatlanishdan qat'iy nazar qabul qilish mumkin.
Agar simptomlar 5 kun davomida davolashdan so‘ng yaxshilanmasa yoki og‘irlashsa, shifokorga murojaat qilish kerak.

Nojo‘ya ta'sirlari
Immun tizimi tomonidan anafilaktik reaktsiyalar (jumladan, anafilaktik shok) va boshqa o‘ta yuqori sezuvchanlik reaktsiyalari.
Nerv tizimi tomonidan disgevziya (ta'm bilish hissini buzilishi).
Nafas tizimi, ko‘krak qafasi va ko‘ks oralig‘i a'zolari tomonidan og‘iz bo‘shlig‘i va xalqumda sezuvchanlikni buzilishi.
Me'da-ichak yo‘llari tomonidan ko‘ngil aynishi, oral gipesteziya, qusish, ich ketishi, dispepsiya, qorinda og‘riq, og‘izni qurishi, tomoqni qurishi, jig‘ildon qaynashi, qabziyat, gipersalivatsiya.
Teri va teri osti to‘qimalari tomonidan toshma, eshakemi, angioedema, qichishish.
Buyrak va siydik chiqarish yo‘llari tomonidan dizuriya.
Keltirilgan nojo‘ya reaktsiyalar yoki qo‘llash bo‘yicha yo‘riqnomasida keltirilmagan reaktsiyalar paydo bo‘lganida shifokorga murojaat qilish kerak.


Qo‘llash mumkin bo‘lmagan holatlar

Ambroksol yoki preparatning boshqa komponentlariga yuqori sezuvchanlik.
Homiladorlik (I uch oylik).
Preparatning biron bir komponentini kam kuzatiladigan nasliy o‘zlashtirolmaslik (“Ehtiyotkorlik choralari” bo‘limiga qarang).
2 yoshgacha bo‘lgan bolalar.
Homiladorlik (II-III uch oyliklar) va laktatsiya davrida, buyrak va/yoki jigar yetishmovchiligida LAZOLVAN ehtiyotkorlik bilan qo‘llansin.


Dozani oshirib yuborilishi

Odamda dozani oshirib yuborish simptomlari ta'riflanmagan. Dozasi bexosdan oshirib yuborilganida va/yoki shifokorning xatolarida, kuzatiladigan simptomlar LAZOLVANNI tavsiya etilgan dozalarda qabul qilganda kuzatiladigan ma'lum nojo‘ya ta'sirlarga mos keladi. Ko‘ngil aynishi, qusish, diareya, dispepsiya bo‘lishi mumkin. Davolash preparat qabul qilinganidan so‘ng birinchi 1-2 soat davomida qusishni sun'iy ravishda chiqarish, me'dani yuvish; yog‘li mahsulotlarni qabul qilish, simptomatik davolash o‘tkaziladi.

Ehtiyotkorlik choralari
Ambroksol gidroxlorid kabi mukolitik vositalarni qabul qilganda qo‘zg‘algan terini kuchli shikastlanishi, shu jumladan Stivens-Djonson sindromi va toksik epidermal nekrolizni bir necha hollari xaqida xabarlar berilgan. Bu hollarni, odatda yo‘ldosh kasallikni og‘irlik darajasi yoki boshqa preparatlarni bir vaqtda qabul qilish bilan tushuntirish mumkin. Bundan tashqari, Stivens-Djonson sindromi va toksik epidermal nekrolizning erta bosqichlarida patsiyentlarda grippni eslatuvchi nospetsifik kasallikni boshlang‘ich belgilari tana haroratini oshishi, butun tanada og‘riq, rinit, yo‘tal va tomoqda og‘riq paydo bo‘lishi mumkin. Bu belgilarni paydo bo‘lishi kerak bo‘lmagan shimollashga qarshi preparatlar bilan smptomatik davolashga olib kelishi mumkin.
Shuning uchun teri va shilliq qavatni shikastlanishi rivojlanganida zudlik bilan shifokorga murojaat qilish kerak, ehtiyotkorlik chorasi sifatida ambroksol gidroxlorid bilan davolashni to‘xtatish kerak.
Buyrak faoliyatini buzilishlarida yoki jigar faoliyatini og‘ir darajadagi buzilishlarida LAZOLVANNI faqat shifokorning maslahatidan so‘ng qabul qilish kerak. Dori vositasi jigarda metabolizmga uchrashi va buyraklar orqali chiqarilishi sababli buyraklar faoliyatini og‘ir darajadagi buzilishida ambroksolning jigarda hosil bo‘ladigan metabolitlarini to‘planishi amalga oshishi mumkin.
2 yoshdan 6 yoshgacha bo‘lgan bolalarga buyurilganida havf/foyda nisbatini hisobga olish kerak.
Bronxlar motorikasini buzilishi va bronxial sekretni ko‘p miqdorda ajralishi bo‘lgan (masalan, kam kuzatiladigan birlamchi siliar diskineziya sindromida) patsiyentlarga katta miqdorda balg‘am ajralishini qiyinlashish va bronxlarni tiqilib qolish xavfi borligi sababli, LAZOLVANNI ehtiyotkorlik bilan qo‘llash kerak.
LAZOLVAN sirop 30 mg/5 ml 5 ml sirop 1,2 g sorbitol saqlaydi, bu sorbitolning tavsiya etilgan sutkalik dozasini 4,9 g (20 ml) tashkil etadi. Fruktozani kam uchraydigan nasliy o‘zlashtirolmasligi bo‘lgan patsiyentlarga bu preparatni qo‘llash mumkin emas.
LAZOLVAN sirop 15 mg/5 ml 5 ml sirop 1,2 g sorbitol saqlaydi, bu sorbitolning tavsiya etilgan sutkalik dozasini 7,4 g (30 ml) tashkil etadi. Fruktozani kam uchraydigan nasliy o‘zlashtirolmasligi bo‘lgan patsiyentlarga bu preparatni qo‘llash mumkin emas. Shuningdek u biroz ichni yumshatuvchi ta'sir ko‘rsatishi mumkin.
Homiladorlik va laktatsiya davri
Klinikagacha bo‘lgan tadqiqotlar va klinikada keng qo‘llash tajribasi homiladorlikda preparat bilan davolashda noxush oqibatlar kuzatilmagan. Shunday bo‘lishiga qaramasdan, homiladorlik vaqtida dori vositalarini buyurishni umumiy qoidalariga rioya qilish kerak.
Homiladorlikni birinchi uch oyligida LAZOLVANNI qo‘llash tavsiya etilmagan.
LAZOLVAN ona sutiga o‘tmaydi. Preparat bolaga noxush ta'sir qilishiga taxmin qilinmasa ham, emizish davrida LAZOLVANNI qo‘llash tavsiya etilmagan.
Dori vositasini avtomobilni va mexanizmlarni boshqarish qobiliyatiga ta'siri
Preparatni avtomobil va mexanizmlarni boshqarish qobiliyatiga ta'sir qilish hollari noma'lum. Tegishli tekshirishlar o‘tkazilmagan.

Boshqa dori vositalari bilan o‘zaro ta'siri
Tug‘ruq faoliyatini tormozlovchi preparatlar bilan mutanosib. Yo‘talga qarshi preparatlar bilan birga qo‘llash yo‘talni kamayishi hisobiga balg‘am ajralib chiqishini qiyinlashishiga olib keladi. Bronxial sekretga amoksitsillin, sefuroksim va eritromitsinning o‘tishini va kontsentratsiyasini oshiradi.


Chiqarilish shakli

Sirop 15 mg/5 ml 100 ml dan to‘q rangli shisha flakonda, ichkaridan polietilen plyonka va birinchi ochish nazorati bo‘lgan plastik qopqoq bilan yopilgan, o‘lchov stakani va qo‘llash bo‘yicha yo‘riqnomasi bilan karton qutiga joylangan.
Sirop 30 mg/5 ml 100 ml dan to‘q rangli shisha flakonda, ichkaridan polietilen plyonka va birinchi ochish nazorati bo‘lgan plastik qopqoq bilan yopilgan, o‘lchov stakani va qo‘llash bo‘yicha yo‘riqnomasi bilan karton qutiga joylangan.




Saqlash sharoiti

Sirop 15 mg/5 ml 30°C dan yuqori bo‘lmagan haroratda saqlansin, muzlatilmasin.
Sirop 30 mg/5 ml 30°C dan yuqori bo‘lmagan haroratda saqlansin, muzlatilmasin.
Bolalar ololmaydigan joyda saqlansin.


Yaroqlilik muddati

Sirop 15 mg/5 ml 3 yil.
Sirop 30 mg/5 ml 3 yil.
O‘ramida ko‘rsatilgan yaroqlilik muddati tugaganidan so‘ng ishlatilmasin.


Dorixonalardan berish tartibi

Retseptsiz.


Ishlab chiqaruvchi

Beringer Ingelxaym Espana S.A., Ispaniya
Prat de la Riba, 50,
08174 Sant-Kugat-del-Vales, Barselona, Ispaniya.