Preparatning savdo nomi
LINKAS PLYUS EKSPEKTORANT
Ta'sir etuvchi modda (XPN) Yo‘q

Dori shakli
Sirop.

Tarkibi

har 10 ml sirop quyidagi ekstraktlarni saqlaydi
faol moddalar
Sariq mevali ituzum 30 mg
Tomirli Atxatoda 70 mg
Chuchukmiya 15 mg
Oddiy Rayhon 30 mg
Keng bargli Kordiya 10 mg
Uzun Qalampir 10 mg
Dorivor gulhayri 15 mg
Badyan 50 mg
yordamchi moddalar saxaroza, suvsiz limon kislotasi, ammoniy xloridi, metilparaben, propilparaben, propilenglikol, evkalipt moyi, qalampir yalpiz moyi, “jevatelnaya rezinka” aromatizatori, tozalangan suv.
Ta'rifi jigarrangrangli o‘ziga xos hidli sirop.

Farmakoterapevtik guruhi
Balg‘am ko‘chiruvchi vosita (yo‘talga qarshi preparatlar majmuasidan tashqari).
ATX kodi R05SA10


Farmakologik xususiyatlari

Farmakokinetika
LINKAS PLYUS EKSPEKTORANT preparatining samarasi uning komponentlarini umumiy ta'siri bilan bog‘liq, shuning uchun preparatning kinetik kuzatuvlarni o‘tkazishning iloji yo‘q, hamma komponentlarni birga markerlar yoki biotadqiqotlar yordamida kuzatib bo‘lmaydi. Shu sababli preparatning metabolitlarini xam aniqlashning iloji yo‘q.


Farmakodinamika
si
Majmuaviy preparat bo‘lib, uning ta'siri tarkibiga kiruvchi komponentlarining xususiyatlari bilan bog‘liq.
Sariq mevali ituzumsteroid alkaloidlar (solasonin, solamarin), mukopolisaxaridlar, C vitaminini saqlaydi. Yo‘talni yumshatadi va balg‘amni tez ajralishiga yordam beradi. Yaqqol allergiyaga qarshi ta'sir ko‘rsatadi.
Tomirli Atxatoda efir moyilari, vitaminlar va alkaloidlar, jumladan vazitsin, vazitsinol va vazitsinon saqlaydi.
Bu yuqori samarali birikmalar mukolitik (sekretni quyuqligi va qovushqoqligini kamaytiradi), yallig‘lanishga qarshi, bronxolitik (bronxlar spazmini bartarafetib, nafasni yengillashtiradi) va balg‘am ko‘chiruvchi (alveolyar xujayralarning funktsiyasini yaxshilovchi surfaktant sintezini rag‘batlantiradi, epiteliy qipriqchalari harakatchanligini oshiradi va balg‘amni ko‘chishini tezlashtiradi) xususiyatlariga ega. Bundan tashqari, gistamin tomonidan chaqirilgan bronxospazmni ingibitsiya qilib, astmaga qarshi ta'sir ko‘rsatadi.
Chuchukmiyaning ildizlarida va ildizpoyalarida glitsirrizin, glitsirrizin kislotasi, uning kaliy va kaltsiyli tuzlari, flavonoid glikozidlar, vitaminlar, efir moyi, achiq moddalar va boshqa birikmalarni saqlaydi. Ular immunitetni yaqqol rag‘batlantiruvchi, antioksidant, yallig‘lanishga qarshi va allergiyaga qarshi xususiyatlariga ega.
Oddiy Rayhon efir moylari, oshlovchi moddalar, kamfora, S vitaminini saqlaydi. Bakteritsid, spazmolitik, og‘riqsizlantiruvchi va allergiyaga qarshi xususiyatlarga ega. Nafasni rag‘batlantiradi, organizmning umumiy tonusini oshiradi.
Keng bargli Kordiya antiseptik, og‘riq qoldiruvchi va spazmolitik ta'sir ko‘rsatadi.
Uzun Qalampir piperin alkaloidini saqlaydi, antiseptik, yallig‘lanishga qarshi va balg‘am ko‘chiruvchi ta'sirlarga ega.
Dorivor gulhayri polisaxaridlar, kraxmal, pektin, qandlar, aspargin, karotin, letsitin, fitosterin, mineral tuzlar va yog‘li moylarni saqlaydi. O‘rab oluvchi, yumshatuvchi, balg‘am ko‘chiruvchi, yallig‘lanishga qarshi ta'sir ko‘rsatadi. O‘simlik shilliqlari shilliq qavatlarni yupka qavat bilan qoplaydi, u shilliq qavatining yuzasida uzoq muddat saqlanadi va ularnita'sirlanishdan himoya qiladi.
Badyan mevalari efir moyi, qandlar, oqsillarni saqlaydiva mukolitik va isitmani tushiruvchi ta'sir ko‘rsatadi.
LINKAS PLYUS EKSPEKTORANT balg‘amli yo‘talda yumshatuvchi va tinchlantiruvchi ta'sir ko‘rsatadi, qovushqoq balg‘amni suyultiradi va uni uzoq vaqt davomida nafas yo‘llaridan ko‘chishiga yordam beradi.
Bronxlar shilliq qavatining shishi va yallig‘lanishini kamaytiradi, immun tizimni faollashtiradi. Surfaktantni ishlab chiqarilishini oshirish tufayli, yaqqol yallig‘lanishga qarshi ta'sir ko‘rsatadi.
LINKAS PLYUS EKSPEKTORANT xalqum va bronxlarning shilliq qavatiga maxalliy antiseptik ta'sir ko‘rsatadi, shuningdek umumiy bronxolitik va spazmolitik ta'sirlarni namoyon etadi.


Qo‘llanilishi

Ko‘krak qafasidagi dimlanish va balg‘amli yo‘talni bartaraf etish uchun quyidagi kasalliklarda
• Bronxit, pnevmoniya, astma va tuberkulez
• Shamollash, allergik reaktsiyalar va “chekuvchilar“ yo‘tali
• Yuqori nafas yo‘llarining infektsiyalari (laringofaringit, sinusit, traxeit va anginada bartaraf qilish uchun qo‘llanadi.


Qo‘llash usuli va dozalari

Kattalar 1 osh qoshiq (10 ml) dan kuniga 3 marta buyuriladi.
Bolalar (6 yoshdan 18 yoshgacha) 1 choy qoshiq (5 ml) dan kuniga 3 marta buyuriladi.
Preparatni ovqat qabul qilinishidan qa'tiy qabul qiladi.

Nojo‘ya ta'sirlari
Allergik reaktsiyalar kuzatilishi mumkin.


Qo‘llash mumkin bo‘lmagan holatlar

Preparatning komponentlariga individual yuqori sezuvchanlik
6 yoshgacha bo‘lgan bolalarda qo‘llash mumkin emas.

Dorilarning o‘zaro ta'siri
Aniqlanmagan.


Maxsus ko‘rsatmalar

Yo‘talga qarshi preparatlar (masalan, kodein) bilan bir vaqtda qabul qilish tavsiya qilinmaydi.
Sirop saxaroza saqlaydi, buni qandli diabeti, ekssudativ diatezi va shuningdek gipokaloriyali (past kaloriyali) parhezda bo‘lgan patsiyentlar hisobga olishlari kerak.
Dori vositasining transport vositalarini yoki potentsial xavfli mexanizmlarni boshqarish qobiliyatiga ta'sirini o‘ziga xosligi ta'sir ko‘rsatmaydi


Dozani oshirib yuborilishi

Aniqlanmagan.


Chiqarilish shakli

Sirop 120 ml dan to‘q shishali flakonlarda o‘lchov idishi va qo‘llash bo‘yicha yo‘riqnomasi bilan birga karton o‘ramda.


Saqlash sharoiti

25°C dan yuqori bo‘lmagan haroratida saqlansin.
Bolalar ololmaydigan joyda saqlansin!


Yaroqlilik muddati

3 yil.

Yaroqlilik muddati
tugaganidan so‘ng preparatni ishlatish mumkin emas.


Dorixonalardan berish tartibi

Retseptisiz.