Preparatning savdo nomi
Mukeks
Ta'sir etuvchi modda (XPN) ambroksol gidroxloridi

Dori shakli
sirop.

Tarkibi

Siropning har bir 5 ml quyidagilarni saqlaydi
faol modda 30 mg ambroksol gidroxloridi;
yordamchi moddalar gidroksietiltsellyuloza, sorbit eritmasi (E 420 sorbiti), glitserin, natriy saxarini, benzoy kislotasi (E 210), propilenglikol, «Abrikos» («O‘rik») ta'm qo‘shimchasi, «Myata sadovaya» («Bog‘ yalpizi») ta'm qo‘shimchasi, tozalangan suv.
Ta'rifi rangsizdan to yengil sariq tusligacha bo‘lgan tiniq sirop.

Farmakoterapevtik guruhi
balg‘am ko‘chiruvchi vosita.
ATX kodi R05CB06.


Farmakologik xususiyatlari


Farmakodinamika

Mukeks siropining ta'sir etuvchi moddasi – ambroksol gidroxloridi nafas yo‘llarining bezlari sekretsiyasini oshiradi. Ambroksol alveolalarda va bronxiolalardagi Klar hujayralarida ІІ tipdagi pnevmotsitga to‘g‘ridan-to‘g‘ri ta'sir yo‘li bilan o‘pka surfaktanti ajralishini kuchaytiradi, shuningdek siliar faollikni rag‘batlantiradi. Bu shilliq sekretsiyasini oshirishga va mukotsiliar klirens yaxshilanishiga yordam beradi.
Suyuqlik sekretsiyasini faollashishi va mukotsiliar klirensni oshishi shilliqning chiqarilishini yengillashtiradi va yo‘talni kamaytiradi.
Ma'lumki, ambroksol gidroxloridi mahalliy og‘riqsizlantiruvchi ta'sirga ega, bu uning natriy kanallarini bloklash qobiliyati bilan izohlanadi. Neyron natriy kanallarini bloklanishi shu bilan ifodalanganki, bunda bog‘lanish qaytuvchan va kontsentratsiyaga bog‘liq bo‘lgan.
Ambroksol gidroxloridi yallig‘lanishga qarshi ta'sirga ega, chunki qondan sitokin ajratilishini va mononuklear va polimorfnuklear hujayralarning to‘qima bog‘lanishini sezilarli ravishda kamaytiradi.
Faringitli patsiyentlarda ambroksol gidroxloridini qo‘llanilishi tomoqdagi og‘riq va qizarishni sezilarli darajada kamayishiga yordam berganligi haqida ma'lumotlar mavjud. Shuningdek ambroksol gidroxloridi yuqori nafas yo‘llarini davolashda samarali ekanligi ham ma'lum, chunki nafas olishda og‘riqni va u bilan bog‘liq bo‘lgan burun bo‘shlig‘idagi, quloq va traxeya sohasidagi diskomfortni tezda kamayishiga yordam beradi.
Ambroksol gidroxloridi qo‘llanilganidan keyin bronx-o‘pka sekretida va balg‘amda antibiotiklar (amoksitsillin, sefuroksim, eritromitsin) kontsentratsiyalari oshadi.

Farmakokinetikasi

So‘rilishi. Ta'siri uzaytirilmagan peroral shakllaridan ambroksol gidroxloridini so‘rilishi terapevtik diapazonida proportsional bog‘liqlik bilan tez va yetarlicha to‘liq bo‘ladi. Qon plazmasida maksimal darajalariga tezda ajralib chiqadigan dori shakllari peroral qabul qilinganida 1–2,5 soat o‘tgach va sekin ajralib chiqadigan shakllari qo‘llanilganida 6,5 soat o‘tgach erishiladi.
Taqsimlanishi. Peroral qabul qilinganida ambroksol gidroxloridini qondan to‘qimalarga taqsimlanishi o‘pkada faol moddaning kontsentratsiyasi eng yuqori bo‘lgan holda tezda va yaqqol ifodalangan bo‘ladi. Peroral qabul qilinganida taqsimlanish hajmi 552 l ni tashkil etadi. Terapevtik diapazonida qon plazmasida preparatning taxminan 90 foizi oqsillar bilan bog‘lanadi.
Metabolizmi va chiqarilishi. Peroral qabul qilinganidan keyin dozaning taxminan 30 foizi tizim oldi metabolizmi yo‘li bilan chiqariladi. Ambroksol gidroxloridi glyukuronizatsiya va dibromantranil kislotasiga (dozaning taxminan 10 foizi) qadar parchalanishi yo‘li bilan asosan jigarda metabolizmga uchraydi. Ma'lumki, odam jigari mikrosomalarida ambroksol gidroxloridini dibromantranil kislotasiga qadar metabolizmga uchrashiga CYP3A4 javob beradi.
3 kunlik peroral qabul qilishda dozaning taxminan 6 % o‘zgarmagan ko‘rinishda chiqariladi, ayni vaqtda dozaning taxminan 26% kon'yugatsiya shaklida siydik bilan chiqariladi.
Qon plazmasidan yarim chiqarilishi davri taxminan 10 soatni tashkil etadi. Umumiy klirens buyrak klirensi bilan birga minutiga 660 ml chegarasida bo‘ladi, bu umumiy klirensdan 8% ni tashkil etadi.
Patsiyentlarning alohida guruhlarida farmakokinetikasi. Jigar funktsiyasini buzilishi bo‘lgan patsiyentlarda ambroksol gidroxloridini chiqarilishi kamaygan bo‘ladi, bu qon plazmasida 1,3–2 marta yuqoriroq darajani keltirib chiqaradi. Ambroksol gidroxloridining terapevtik diapazoni yetarlicha keng bo‘lganligi tufayli, dozalarni o‘zgartirish kerak emas.
Yosh va jins ambroksol gidroxloridi farmakokinetikasiga klinik jihatdan ahamiyatli ta'sirga ega emas, shu sababli dozaga tuzatish kiritish talab etilmaydi.
Ovqatlanish ambroksol gidroxloridining biokiraolishiligiga ta'sir ko‘rsatmaydi.


Qo‘llanilishi

Bronxial sekretsiyani buzilishi va shilliq harakatlanishini kuchsizlanishi bilan bog‘liq o‘tkir va surunkali bronx-o‘pka kasalliklarida sekretor davolashda qo‘llaniladi.


Qo‘llash usuli va dozalari

Agar boshqacha buyurilmagan bo‘lsa, Mukeks preparatining 30 mg/5 ml li siropini quyidagi qabul qilish tartibi tavsiya etiladi.
2 yoshgacha bo‘lgan bolalar sutkada 2 marta 1,25 ml (sutkada 15 mg ambroksol gidroxloridiga ekvivalent).
2 yoshdan 5 yoshgacha bo‘lgan bolalar sutkada 3 marta 1,25 ml (sutkada 22,5 mg ambroksol gidroxloridiga ekvivalent).
6 yoshdan 12 yoshgacha bo‘lgan bolalar sutkada 3 martagacha 2,5 ml (sutkada 30–45 mg ambroksol gidroxloridiga ekvivalent).
Kattalarda va 12 yoshdan katta bo‘lgan bolalar odatdagi doza dastlabki 2–3 kun davomida sutkada 3 marta 5 ml ni tashkil etadi (sutkada 90 mg ambroksol gidroxloridiga ekvivalent) va keyin sutkada 2 marta 5 ml ni tashkil etadi (sutkada 60 mg ambroksol gidroxloridiga ekvivalent).
Zarurat bo‘lganida kattalar va 12 yoshdan katta bo‘lgan bolalar uchun terapevtik samarasi dozani sutkada 2 marta 10 ml gacha oshirish bilan (sutkada 120 mg ambroksol gidroxloridiga ekvivalent) kuchaytirilishi mumkin.
Mukeks 30 mg/5 ml li siropini ovqatlanishdan qat'iy nazar qo‘llash mumkin.
Mukeks 30 mg/5 ml li siropi ilova qilinadigan o‘lchov stakanchasi yordamida o‘lchab olinishi mumkin.
Shunga ham e'tiborni qaratish lozimki, o‘lchov stakanchasi siropning 1,25 ml li dozasini
(2 yoshdan 5 yoshgacha bo‘lgan bolalar uchun) o‘lchab olish uchun mo‘ljallanmagan. 1,25 ml li dozani o‘lchab olish uchun 2 ml hajmli ignasiz plastik bir martalik shpritsdan foydalanish mumkin.
Umuman olganda qo‘llash davomiyligi bo‘yicha cheklovlar yo‘q, ammo uzoq muddatli davolashni tibbiy kuzatuv ostida olib borish lozim.
Mukeks 30 mg/5 ml li siropini shifokor bilan maslahatlashmay 4–5 kundan ortiq qo‘llash mumkin emas.
Mukeks 30 mg/5 ml li siropini qandli diabeti bo‘lgan patsiyentlarda qo‘llash mumkin, 5 ml sirop 1,225 g uglevodlarni saqlaydi.
Mukeks 30 mg/5 ml li siropi alkogol saqlamaydi.
Bolalar
Preparatni pediatriya amaliyotida qo‘llash mumkin. 2 yoshgacha bo‘lgan bolalarda shifokor ko‘rsatmasiga binoan qo‘llanilishi kerak.

Nojo‘ya ta'sirlari
Immun tizimi hamda teri va teri osti to‘qimalari tomonidan teri toshmasi, eshakemi, angionevrotik shish, qichishish, anafilaktik reaktsiyalar (shu jumladan anafilaktik shok), boshqa yuqori sezuvchanlik reaktsiyalari, eritema, Stivens–Djonson sindromi va toksik epidermal nekroliz (Layell sindromi) kabi terini og‘ir shikastlanishlari.
Nerv tizimi tomonidan disgevziya (ta'm sezishni buzilishi).
Me'da-ichak yo‘llari tomonidan ko‘ngil aynishi, og‘iz bo‘shlig‘ida sezuvchanlikni pasayishi, qusish, diareya, dispepsiya, qorinda og‘riq, og‘iz qurishi, qabziyat, so‘lak oqishi, tomoq qurishi.
Nafas olish tizimi, ko‘krak qafasi a'zolari va ko‘ks oralig‘i tomonidan hiqildoqda sezuvchanlikni pasayishi, rinoreya, dispnoe (yuqori sezuvchanlik reaktsiyasi simptomi sifatida).
Siydik ajratilishi tizimi tomonidan dizuriya.
Umumiy buzilishlar isitma, shilliq qavatlar tomonidan reaktsiyalar.


Qo‘llash mumkin bo‘lmagan holatlar

Mukeks 30 mg/5 ml li siropini ambroksol gidroxloridiga yoki preparatning boshqa komponentlariga yuqori sezuvchanligi bo‘lgan patsiyentlarda qo‘llash mumkin emas.

Dorilarning o‘zaro ta'siri
Mukeks preparatining 30 mg/5 ml li siropi va yo‘talni susaytiruvchi vositalarni bir vaqtda qo‘llanilishi yo‘tal refleksi so‘ndirilishi oqibatida shilliqni juda ko‘p miqdorda to‘planishiga olib kelishi mumkin. Shu sababli bunday majmua faqat qo‘llanilishidan kutiladigan foyda va xavf orasidagi nisbat shifokor tomonidan baholanganidan keyingina qo‘llanilishi mumkin.


Maxsus ko‘rsatmalar

Ambroksol gidroxloridi kabi balg‘am ko‘chiruvchi vositalar qo‘llanilishi bilan bog‘liq Stivens-Djonson sindromi, toksik epidermal nekroliz (Layell sindromi) kabi terini og‘ir shikastlanishlari haqida jami bir nechta xabarlar kelib tushgan. Ularni asosan asosiy kasallikni og‘ir kechishi va/yoki boshqa preparatni bir vaqtda qo‘llanilishi bilan izohlash mumkin. Shuningdek Stivens-Djonson sindromining yoki Layell sindromining boshlang‘ich bosqichida patsiyentlarda isitma, rinit, yo‘tal va tomoqda og‘riq kabi xos bo‘lmagan grippga o‘xshash simptomlar kuzatilishi mumkin. Bunday simptomlarda yo‘talga va shamollashga qarshi preparatlar bilan simptomatik davolashni yanglish holda buyurilishi mumkin. Shu sababli terini yoki shilliq qavatlarni yangi shikastlanishlari paydo bo‘lganida tibbiy yordam olish uchun darhol murojaat qilish va ambroksol gidroxloridi bilan davolashni to‘xtatish lozim.
Bronxial motorika buzilganida va shilliq sekretsiyasi kuchli bo‘lganida (masalan, birlamchi siliar diskineziya kabi kam uchraydigan kasallikda) Mukeks preparatining 30 mg/5 ml li siropini ehtiyotkorlik bilan qo‘llash lozim, chunki ambroksol gidroxloridi shilliq sekretsiyasini kuchaytirishi mumkin.
Buyrak funktsiyasini buzilishi bo‘lgan yoki og‘ir darajada jigar yetishmovchiligi bo‘lgan patsiyentlarda Mukeks 30 mg/5 ml li siropini faqat shifokor bilan maslahatlashilganidan keyin qo‘llash lozim. Jigarda metabolizmga uchrab, so‘ngra buyraklar orqali chiqariladigan har qanday modda kabi ambroksol gidroxloridi qo‘llanilganida og‘ir buyrak yetishmovchiligi bo‘lgan patsiyentlarda jigarda hosil bo‘ladigan metabolitlarni to‘planishi yuz beradi.
Mukeks 30 mg/5 ml li siropi 5 ml da 1,225 g sorbit (maksimal tavsiya qilingan sutkalik dozasi qo‘llanilganida 4,9 g ga ekvivalent) saqlaydi. Agar Sizda ayrim qandlarni o‘zlashtiraolmaslik aniqlangan bo‘lsa, ushbu preparatni qabul qilishdan oldin shifokor bilan maslahatlashing.
Mukeks 30 mg/5 ml li siropi sorbit saqlaydi, shu sababli kam uchraydigan nasliy fruktozani o‘zlashtiraolmaydigan patsiyentlar ushbu preparatni qabul qilmasliklari lozim. U sezilarli bo‘lmagan surgi samarasiga ham ega bo‘lishi mumkin.
Mukeks 30 mg/5 ml li siropi qand saqlamaydi, shu sababli uni qandli diabeti bo‘lgan bemorlarda qo‘llash mumkin.
Alkogol saqlamaydi.
Homiladorlik yoki emizish davrida qo‘llanilishi
Homiladorlik. Ambroksol gidroxloridi yo‘ldosh to‘sig‘i orqali o‘tadi.
Preparat homiladorlikning 28-haftasidan keyin qo‘llanilganida homilaga zararli ta'siri aniqlanmagan. Biroq homiladorlik davrida dorilarni qabul qilish vaqtida umum qabul qilingan ehtiyotkorlik choralarini ko‘rish lozim. Ayniqsa homiladorlikning I uch oyligida Mukeks 30 mg/5 ml li siropini qo‘llash tavsiya etilmaydi.
Emizish davri. Ambroksol gidroxloridi ko‘krak sutiga o‘tadi. Emizish davrida Mukeks
30 mg/5 ml li siropini qo‘llash tavsiya etilmaydi.
Avtotransportni boshqarish yoki boshqa mexanizmlar bilan ishlash qobiliyatiga ta'siri
Avtotransportni boshqarish yoki boshqa mexanizmlar bilan ishlash qobiliyatiga ta'siri haqidagi ma'lumotlar yo‘q. Avtotransportni boshqarish yoki boshqa mexanizmlar bilan ishlashda reaktsiyalar tezligiga ta'siriga doir tadqiqotlar o‘tkazilmagan.
Preparat yaroqlilik muddati o‘tgach qo‘llanilmasin.


Dozani oshirib yuborilishi

Hozirgi kunda dozani oshirib yuborilishining spetsifik simptomlari haqida xabarlar yo‘q.
Dozani oshirib yuborilishi
va dorilarni yanglish qo‘llanilishi hollari haqidagi ayrim yakka xabarlardan ma'lum bo‘lgan simptomlar tavsiya etilgan dozalarda ambroksol gidroxloridining ma'lum nojo‘ya ta'sirlariga mos keladi va simptomatik davolashni talab qiladi.


Chiqarilish shakli

100 ml dan flakonlarda. Har bir flakon o‘lchov stankanchasi bilan birga karton qutiga joylangan.


Saqlash sharoiti

25°C dan yuqori bo‘lmagan haroratda, original o‘ramida saqlansin.
Bolalar ololmaydigan joyda saqlansin.
Flakon birinchi marta ochilganidan keyin preparatni ko‘pi bilan 4 hafta saqlansin.


Yaroqlilik muddati

3 yil.


Dorixonalardan berish tartibi

Retseptsiz.


Ishlab chiqaruvchi

«KUSUM FARM» MCHJ.


Ishlab chiqaruvchi
ning manzili
40020, Ukraina, Sumi viloyati, Sumi shahri, Skryabin ko‘chasi, 54-uy.

O‘zbekiston Respublikasi xududida dori vositalarining sifati bo‘yicha e'tirozlar (takliflar) qabul qiluvchi tashkilot nomi va manzili
XK MCHJ “BARAKA DORI FARM”
100015, Toshkent sh., Mirobod tumani, Afrosiyob kuch., 4-B,
tel. + (99871) 252-50-45, + (99871) 252-36-36
sot. + 99893 388 87 82