Preparatning savdo nomi
Dermazol
Ta'sir etuvchi modda (XPN) ketokonazol

Dori shakli
vaginal suppozitoriylar

Tarkibi

Har bir vaginal suppozitoriy quyidagilarni saqlaydi
faol modda ketokonazol - 400 mg;
yordamchi moddalar butillangan gidroksianizol, qattiq yog‘.
Ta'rifi oq rangdan och-sariq ranggacha bo‘lgan torpeda shaklidagi suppozitoriylar.

Farmakoterapevtik guruhi
Ginekologiyada qo‘llaniladigan antibakterial va antiseptik preparatlar. Nitrimidazol hosilalari.
ATX kodi G01AF11


Farmakologik xususiyatlari


Farmakodinamika

Ketokonazol, imidazoldioksolan hosilasi – mahalliy qo‘llanish uchun keng ta'sir doirali sintetik zamburuqqa qarshi preparat. Dermatofitlarga (Trichophyton spp., Epidermophyton floccosum, Microsporum spp.), drojji va drojjisimon zamburug‘larga (Candida spp., Pityrosporum spp., Torulopsis, Cryptococcus spp., dimorf zamburug‘lar va eumitsetlar) nisbatan fungitsid va fungistatik ta'sir etadi.
Preparat stafilokokklar va streptokokklarga nisbatan faoldir.
Ta'sir mexanizmi ergosterol biosintezini susaytirishdan va zamburug‘ qavatining lipid tarkibini o‘zgartirishdan iborat.

Farmakokinetikasi

Intravaginal qo‘llanilganida tizimli absorbtsiyasi uncha ko‘p emas.


Qo‘llanilishi

O‘tkir darajali va surunkali qaytalanuvchi vaginal kandidozni davolash uchun mo‘ljallangan.
Antibakterial preparatlar va haznaning me'yoriy mikroflorasini buzadigan boshqa preparatlar bilan davolash sharoitida organizm rezistentligi kamayganida hazna mikozlari paydo bo‘lishi oldini olish uchun qo‘llaniladi.


Qo‘llash usuli va dozalari

Suppozitoriy tizzalar bukilib va oyoqlar ko‘krakka tortilib chalqancha yotgan yoki cho‘kkalab o‘tirgan holatda haznaga chuqur yuboriladi. Suppozitoriylarni qismlarga kesish kerak emas, chunki bunday preparatni saqlash sharoitining o‘zgarishi faol moddaning taqsimlanishi buzilishiga olib kelishi mumkin. 3-5 kun davomida uxlashdan oldin bir sutkada 1 tadan suppozitoriy buyuriladi. Zarur hollarda, davolash kursi klinik va laboratoriya jihatdan sog‘ayishgacha takrorlanadi. Surunkali kandidozda 10 kun davomida 1 tadan suppozitoriy qo‘llaniladi.
Yuborish usuli intravaginal usulda yuboriladi.

Nojo‘ya ta'sirlar
Giperemiya va hazna shilliq qavati yallig‘lanishi, haznada qichishish.
Allergik reaktsiyalar teri toshmasi, eshakemi kuzatilishi mumkin.

Qo‘llash mumkin bo‘lmagan holatlar

Ketokonazolga yoki preparatning boshqa tarkibiy moddalariga yuqori sezuvchanlik, homiladorlik, ko‘krak suti bilan ovqatlantirish davri, 18 yoshgacha bo‘lgan bolalarda qo‘llash mumkin emas.

Dorilarning o‘zaro ta'siri
Quyi intravaginal absorbtsiyasi tufayli boshqa dori preparatlari bilan o‘zaro ta'siri ehtimoli kam.


Maxsus ko‘rsatmalar

Kasallik qaytalanishi xavfini kamaytirish uchun jinsiy sherikni ham bir vaqtda davolash tavsiya etiladi.
Kam hollarda jinsiy sherikda allergik reaktsiyalar (jinsiy a'zo giperemiyasi) paydo bo‘lishi mumkin.
Agar infektsiyaning klinik belgilari davolash yakunlanganidan so‘ng saqlanib qolsa, tashxisni tasdiqlash uchun takroriy mikrobiologik tekshiruv o‘tkazilishi kerak.
Suppozitoriylar qo‘llanilishi mexanik kontratseptsiyalar (lateks prezervativlar va vaginal diafragmalarni o‘z ichiga oladigan) ishonchliligini kamaytirishi mumkin. Davolash vaqtida ishonchli kontratseptsiya usullarini tanlash tavsiya etiladi.
Takroriy kasallik yuqtirish xavfini qanday kamaytirish kerak?
• “Erkin nafas oladigan” kiyimga va paxtadan tayyorlangan ich kiyimga afzallik bering.
• Cho‘milganda kiyiladigan kiyimlar ho‘l holatda ko‘p yurmang. Iliq nam muhit zamburug‘lar rivojlanishiga olib keladi.
• Faqat shaxsiy sochiqdan foydalaning. Nam sochiqlar infektsiyalar tarqalishiga sabab bo‘lishi mumkin.
• Orqa teshikdan haznaga bakteriyalar tushishidan saqlanish uchun old tomondan orqa tomonga artining.
• Vannalar uchun moylardan, ayollar gigiyenasi uchun spreylardan va vulьva atrofidagi teri yallig‘lanishini chaqirishi mumkin bo‘lgan kukunlardan foydalanishdan saqlaning.
• Haddan tashqari ko‘p shirinlik iste'mol qilmang, chunki bu hazna rN ko‘rsatkichini o‘zgartirishi va zamburug‘ faollashishi uchun sharoit yaratishi mumkin.
• Har kuni tarkibida laktobatsillarni saqlaydigan sut-qatiq mahsulotlarini iste'mol qiling.
• Siz boshqa kasallik tufayli antibiotiklarni qabul qilishingiz zarur bo‘lgan holat uchun har doim yoningizda zamburuqqa qarshi preparatni olib yuring.
• Zamburug‘li infektsiyani davolash vaqtida jinsiy aloqalardan saqlaning.
Homiladorlik va laktatsiya davrida qo‘llanilishi
Ketokonazol preparatlarining homiladorlik va ko‘krakdan emizish vaqtida qo‘llanilishi to‘g‘risida klinik ma'lumotlar cheklangan.
Preparat homiladorlik vaqtida qo‘llanilishi mumkin emas.
Laktatsiya davrida preparat qo‘llanilishi zarur hollarda, ko‘krak suti bilan ovqatlantirishni to‘xtatish kerak.
Avtotransportni va boshqa mexanizmlarni boshqarish qobiliyatiga ta'siri
Preparatning qo‘llanilishi avtomobilni boshqarish va mexanizmlar bilan ishlash qobiliyatiga ta'sir etmaydi.

Dozaning oshirib yuborilishi
Preparatning quyi absorbtsiyasi tufayli tavsiya etilgan (terapevtik) dozalarda intravaginal qo‘llanilganida dozaning oshirib yuborilish ehtimoli kam.
Preparat tasodifan ichga qabul qilingan holatda zaharlanish simptomlari paydo bo‘lishi mumkin.
Spetsifik antidoti yo‘q. Zarur hollarda, faollashtirilgan ko‘mirni qabul qilish va simptomatik davolashni o‘tkazish kerak.

Ishlab chiqarilish shakli
5 ta vaginal suppozitoriylar PVX/PE stripda. 2 ta strip tibbiyotda qo‘llanilishiga doir yo‘riqnomasi bilan birga karton o‘ramda.


Saqlash sharoiti

Quruq, yorug‘likdan himoyalangan joyda 25°C dan yuqori bo‘lmagan haroratda saqlansin.
Bolalar ololmaydigan joyda saqlansin.


Yaroqlilik muddati

2 yil.

Yaroqlilik muddati
tugaganidan so‘ng qo‘llanilmasin.


Dorixonalardan berish tartibi

Retsept bo‘yicha beriladi.


Ishlab chiqaruvchi

Kusum Healthcare Pvt. Ltd.

Ishlab chiqarish manzili
SP-289(A), RIICO Industrial Area, Chopanki, Bhiwadi, Dist. Alwar (Rajasthan), Hindiston.