Preparatning savdo nomi
Farmazolin
Ta'sir etuvchi modda (XPN) Ksilometazolin (xylomethazoline);

Dori shakli
Nazal tomchilar

Tarkibi

1 ml eritma quyidagilarni saqlaydi
faol modda 100% moddaga qayta hisoblanganda 0,5 mg yoki 1 mg ksilometazolin gidroxloridi;
yordamchi moddalar natriy gidrofosfati dodekagidrati, natriy digidrofosfat digidrati, sorbit (E 420), dekametoksin, dinatriy edetati, in'ektsiya uchun suv.
Ta'rifi tiniq, rangsiz suyuqlik.

Farmakoterapevtik guruhi
LOR-a'zolarini davolash uchun vosita. Simpatomimetik.
ATX kodi R01AA07.


Farmakologik xususiyatlari


Farmakodinamika

Ksimetazolin α-adrenergik retseptorlarga ta'sir ko‘rsatuvchi simpatomimetik vosita bo‘lib hisoblanadi.
Farmazolin burun, uning yondosh bo‘shliqlari shilliq qavatining shishini kamaytirib nazal qon tomirlarni torayishini chaqiradi, shu orqali burun va yondosh bo‘shliqlari bitishida burun orqali nafas olishni yaxshilaydi. Preparat yaxshi o‘zlashtiriladi, shu jumladan shilliq qavati sezgir bo‘lgan bemorlar tomonidan ham. Preparat mukotsiliar funktsiyani pasaytirmaydi. Namlovchi komponent (sorbitol) hisobiga preparat nazal yo‘llar shilliq qavatining quruqligi va ta'sirlanishida yordam beradi. Farmazolin® nazal tomchilar burun bo‘shlig‘iga xos bo‘lgan qiymatlarda muvofiqlashtirilgan rN ko‘rsatkichga ega.

Farmakokinetikasi

Preparatning ta'siri qo‘llanilgandan keyin bir necha o‘tgach boshlanadi va 12 soatgacha saqlanadi. Preparat mahalliy qo‘llanilganda deyarli so‘rilmaydi, qon plazmasidagi ksilometazolinning kontsentratsiyasi shu darajada pastki, ularni zamonaviy analitik usullar yordamida aniqlab bo‘lmaydi.


Qo‘llanilishi

Shamollash, pichan isitmasi, boshqa allergik rinitlar, sinusitlarda burun bitishini simptomatik davolash.
Burunning yoshdosh bo‘shliqlarining kasalliklarida sekretni oqib chiqishini yengillashtirish uchun.
O‘rta otitda yordamchi davolash (shilliq qavat shishini bartaraf etish uchun).
Rinoskopiyani o‘tkazishni yengillashtirish uchun qo‘llanadi.


Qo‘llash usuli va dozalari

Polietilen flakon ishlatilganda birinchi marta qo‘llashdan oldin qalpoqcha maksimal darajada buraladi. Bunda qalpoqchaning ichki tomonida joylashgan uchlik teshik hosil qiladi. Qalpoqcha buraladi, yechiladi va flakonning korpusiga biroz bosib, eritma burunga tomiziladi.
Ochishi nazoratlangan polietilen flakon ishlatilganda bevosita qo‘llashdan oldin flakonni tana haroratigacha isitish uchun kaft orasida ushlab turish kerak. Tomizilgandan keyin qalpoqcha zich qilib buraladi.
Preparat yuborilganda burun bo‘shlig‘ini sinchkovlik bilan tozalash kerak.
Farmazolin 0,05% li nazal tomchilar 1 yoshdan 11 yoshgacha bo‘lgan bolalarda qo‘llanadi.
Farmazolin 0,1% li nazal tomchilar kattalar va 12 yoshdan oshgan bolalarda qo‘llanadi.
0,05% li nazal tomchilar
1 yoshdan 5 yoshgacha bo‘lgan bolalarga (kattalar nazorati ostida) har bir burun yo‘liga 1-2 tomchidan sutkada 1-2 marta, lekin sutkada 3 martadan oshmasligi kerak;
6 yoshdan 11 yoshgacha bo‘lgan bolalarga (kattalar nazorati ostida) har bir burun yo‘liga 2-4 tomchidan sutkada 2-3 marta buyuriladi.
Sutkada 3 martagacha qo‘llanilsin.
Davolash davomiyligi kasallikning kechishiga bog‘liq va ketma-ket 7 kundan oshmasligi kerak, agar shifokor o‘zgacha buyurmagan bo‘lsa.
0,1% li nazal tomchilar
Kattalar va 12 yoshdan bolalarga har bir burun yo‘liga 2-4 tomchidans sutkada 3 marta buyuriladi.
Sutkada 3 martagacha qo‘llanilsin.
Davolash davomiyligi kasallikning kechishiga bog‘liq va ketma-ket 10 kundan oshmasligi kerak.
Bolalar. Farmazolin 0,05% li tomchilar 1 yoshgacha bo‘lgan bolalarda qo‘llanilmaydi.
Farmazolin 0,05% li tomchilar 1 yoshdan 11 yoshgacha bo‘lgan bolalarda kattalar nazorati ostida qo‘llanadi.
Farmazolin 0,1% li tomchilar 12 yoshgacha bo‘lgan bolalarda qo‘llanilmaydi.


Qo‘llash mumkin bo‘lmagan holatlar

Preparatning har qanday komponentiga o‘ta yuqori sezuvchanlik, o‘tkir koronar kasalliklar, koronar astma, gipertireoz, yopiq burchakli glaukoma, transfenoidal gipofizektomiya, anamnezida transfenoidal gipofizektomiya yoki bosh miyaning qattiq pardasini ochish bilan kechuvchi jarroxlik aralashuvlari, burun shilliq qavatini quruq yallig‘lanishi, atrofik rinit. MAO ingibitorlari bilan yondosh davolash va ularni qo‘llash to‘xtatilgandan keyin 2 xafta davomida qo‘llash mumkin emas.

Nojo‘ya ta'sirlari
Immun tizimi tomonidan o‘ta yuqori sezuvchanlik reaktsiyalari, shu jumladan angionevrotik shish, toshma, qichishish.
Nerv tizimi tomonidan bosh og‘rig‘i, bezovtalik, uyqusizlik, toliqish (uyquchanlik, holsizlik), gallyutsinatsiyalar (ayniqsa bolalarda).
Ko‘rish a'zolari tomonidan ko‘rishni vaqtincha yomonlashishi.
Yurak-qon tomir tizimi tomonidan yurak urishini tezlashishi, taxikardiya, arterial bosimni oshishi, aritmiya.
Nafas, ko‘krak qafasi va ko‘ks oralig‘i a'zolari tomonidan burun va burun-halqum shilliq qavatini qurishi, aksirish, preparatning ta'siri susaygandan keyin burun shilliq qavatini shishini oshishi, burundan qon ketishi.
Me'da-ichak yo‘llari tomonidan ko‘ngil aynishi.
Skelet-mushak tizimi, biriktiruvchi to‘qima va suyaklar tomonidan tirishishlar (ayniqsa bolalarda).
Umumiy buzilishlar va preparatni yuborish joyidagi reaktsiyalar yuborish joyida achishish hissi



Dorilarning o‘zaro ta'siri
Ksimetazolin simpatomimetiklarning ta'sirini kuchaytirishi va simpatik nervlarni susaytiruvchi preparatlarning ta'sirini kamaytirishi mumkin. Beta-blokatorlar bilan birga qo‘llanilganda bronxial spazm yoki arterial bosimni pasayishini chaqirishi mumkin. Tritsiklik antidepressantlar, MAO ingibitorlari (shu jumladan ularni qo‘llash to‘xtatilgandan keyin 14 sutka davomida) bilan birga qo‘llash ksimetazolinning tizimli ta'sirini kuchayishiga olib kelishi mumkin, ayniqsa doza oshirib yuborilganda.


Maxsus ko‘rsatmalar

Tizimli simpatomimetik samaralar kuzatilishi mumkinligi tufayli, preparatni arterial bosimi yuqori, koronar yetishmovchilik, qalqonsimon bezi kattalashgan, qandli diabeti, porfiriya, prostata gipertrofiyasi va feoxromotsitomasi bo‘lgan patsiyentlarda ehtiyotkorlik bilan qo‘llanishi kerak.
Uyquni buzilishi, bosh aylanishi va boshqalar kabi simptomlarni chaqirishi mumkin bo‘lgan simpatomimetiklarga sezgirligi bo‘lgan patsiyentlarda preparatni ehtiyotkorlik bilan qo‘llash kerak.
Preparatni uzoq vaqt qo‘llash va dozani oshirish mumkin emas, chunki bu preparat ta'siri chaqirgan rinit, quruq rinit (shilliq qavat atrofiyasi), davolash to‘xtatilgandan keyin aks ta'sir va dori vositasining ta'sir samaradorligini kamayishiga olib kelishi mumkin.
Infektsiyalanishdan saqlanish maqsadida preparat saqlovchi har bir flakonni faqat bir kishi ishlatishi mumkin.
Homiladorlik yoki emizish davrida qo‘llanishi
Preparat qon tomirlarni toraytiruvchi ta'sirga ega ekanligi tufayli, uni homiladorlik yoki emizish davrida qo‘llash tavsiya etilmaydi.
Avtotransportni yoki boshqa mexanizmlarni boshqarganda reaktsiya tezligiga ta'sir ko‘rsatish qobiliyati
Ta'sir ko‘rsatmaydi.
Preparat bolalar ololmaydigan joyda saqlansin va yaroqlilik muddati o‘tgach ishlatilmasin.


Dozani oshirib yuborilishi

Preparat 0,2 mg/kg dan yuqori dozada yuborilganda toliqish, yurak urishini tezlashishi va arterial bosimni oshishi kabi simptomlar yuzaga kelishi mumkin. Dozasi haddan tashqari oshirib yuborilganda, ayniqsa bolalarda (masalan preparatning yuqori dozalari to‘satdan yutib yuborilganda) kam hollarda markaziy nerv tizimi va yurak-qon tomir tizimini rag‘batlantirilishi va susayishi almashinib turishi mumkin. Markaziy nerv tizimini rag‘batlantirishi simptomlari bo‘lib bezovtalik, qo‘zg‘alish, gallyutsinatsiyalar va og‘ir hollarda – tirishishlar hisoblanadi. Markaziy nerv tizimini susayishi simptomlari bo‘lib tana haroratini susayishi, holsizlik, uyquchanlik va og‘ir holatlarda – koma hisoblaandi. Shuningdek qorachiqlarni torayishi yoki kengayishi, terlash, oqarish, sianoz, ko‘ngil aynishi, taxikardiya, bradikardiya, aritmiya, asistoliya, arterial bosimni pasayishi, qon aylanishini buzilishi, o‘pka shishi, nafasni buzilishi va apnoe kabi simptomlar ham yuzaga kelishi mumkin.
Dozani oshirib yuborilishi
ayniqsa bolalarda markaziy nerv tizimiga ahamiyatli ta'sirga ega bo‘lishi mumkin, shu jumladan konvulsiyalar, koma, bradikardiya, apnoe va arterial bosimni oshishi, u keyinchalik pasayish bilan almashinadi.
Dozani og‘ir darajadagi oshirib yuborilishini (>1 mg/kg, bu tana vazni 20 kg bo‘lgan bola uchun 4 flakon Farmazolin® 0,05% li tomchilari va 2 flakon Farmazolin® 0,1% li tomchilariga mos keladi) davolashni iste'mol qilingandan keyin 1 soat davomida boshlash maqsadga muvofiq. Konvulsiyalarni davolash uchun benzodiazepin tipidagi antikonvulsiv preparatlar, arterial bosimni pasaytirish uchun – noselektiv alfa-blokatorlar (masalan doksazotsin, terazotsin) ni qo‘llash kerak. Qon tomirlarni toraytiruvchi vositalarni qo‘llash mumkin emas. Atropin faqat arterial bosimni pasayishi bilan kechuvchi klinik yaqqol bradikardiyada qo‘llanadi.


Chiqarilish shakli

10 ml dan polietilen flakonda yoki ochish nazoratli polietilen flakonda. 1 flakondan qutida.


Saqlash sharoiti

Original o‘ramida, 25°C dan yuqori bo‘lmagan haroratda saqlansin.


Yaroqlilik muddati

3 yil.
Flakon ochilganidan keyin preparat 28 sutka davomida qo‘llashga yaroqli.


Dorixonalardan berish tartibi

Retseptsiz.


Ishlab chiqaruvchi

«Farmak» JAJ.