Preparatning savdo nomi
Flyu Kuit

Dori shakli
nazal tomchilar

Tarkibi

1 ml quyidagilarni saqlaydi
faol moddalar 3 mg rux glyukonati; 0,5 ml atirgul suvi (Rosa damascena)
Yordamchi moddalar tozalangan suv.
Ta'rifi tiniq, rangsiz o‘ziga xos hidli eritma.

Farmakoterapevtik guruhi
LOR-a'zolari kasalliklarini davolash uchun vosita.
ATX kodi A12SV02


Farmakologik xususiyatlari

Flyu Kuit yuqori nafas yo‘llarining infektsiyalarida qo‘llanadi, shuningdek ushbu kasalliklarda profilaktik vosita sifatida qo‘llanishi mumkin. Immunitetni rag‘batlantiruvchi xususiyatlarga ega. Rux glyukonati – shilliq qavatning barer funktsiyasini yaxshilovchi mineral tuzdir. Immunitetni rag‘batlantiruvchi, tinchlantiruvchi va yallig‘lanishga qarshi xususiyatlarga ega, burun bo‘shlig‘i shilliq qavati sekretsiyasini boshqaradi, mikroblarga qarshi xususiyatlarga ega, yarani bitkazishga yordam beradi, xujayralarning hayot energiyasini qayta tuzadi va tiklaydi.
Atirgul suvi yallig‘lanishga qarshi, tinchlantiruvchi va kuchsiz antiseptik va oshlovchi xususiyatlarga ega.


Qo‘llanilishi

-Shamollash kasalliklari va grippda yuqori nafas yo‘llarining yallig‘lanishli kasalliklari (rinit, sinusit, tonzillit, faringit)
-Mahalliy immunitetni oshirish uchun profilaktik vosita sifatida qo‘llanadi.




Qo‘llash usuli va dozalari

Davolash uchun har bir burun yo‘liga va/yoki tomoqning har bir tomoniga har to‘rt soatda 7-8 tomchidan buyuriladi.
Profilaktika uchun har bir burun yo‘liga va/yoki tomoqning har bir tomoniga kuniga uch marta 7-8 tomchidan buyuriladi.
12 yoshgacha bo‘lgan bolalarda davolash uchun har bir burun yo‘liga va/yoki tomoqning har bir tomoniga har to‘rt soatda 3-4 tomchidan buyuriladi.
12 yoshgacha bo‘lgan bolalarda profilaktika uchun har bir burun yo‘liga va/yoki tomoqning har bir tomoniga kuniga uch marta 3-4 tomchidan buyuriladi.
Yoki shifokor ko‘rsatmasiga muvofiq buyuriladi.

Nojo‘ya ta'sirlari
Kuchsiz surgi samaraga ega bo‘lishi mumkin.


Qo‘llash mumkin bo‘lmagan holatlar

Preparatning komponentlariga yuqori sezuvchanlik kuzatilishi mumkin.

Dorilarning o‘zaro ta'siri
Tetratsiklin hosilalari rux tetratsiklinlarning samaradorligini kamaytirishi mumkin, bir vaqtda qo‘llanilganda tetratsiklin va Flyu Kuitni qabul qilish orasida kamida 3 soatlik intervalga rioya qilish kerak.
Xinolon hosilalari rux xinolonlarning siprofloksatsin, levofloksatsin, moksifloksatsin, norfloksatsin va ofloksatsinning so‘rilishini kamaytirishi mumkin.
Kaltsiy tuzlari kaltsiy tuzlari Flyu Kuitni o‘zlashtirilishini kamaytiradi.
Temir preparatlari peroral temirni iste'mol qilganda ruxni o‘zlashtirilishi kamayishi mumkin.
Penitsillamin penitsillaminni iste'mol qilganda ruxni o‘zlashtirilishi kamayishi mumkin va rux qo‘llanilganda penitsillaminni o‘zlashtirilishi kamayishi mumkin.

Maxsus kщrsatmalar
Homiladorlik va laktatsiya davrida qo‘llanishi
Homiladorlik va laktatsiya davrida preparatning xavfsizligi aniqlanmagan.
Mexanizmlar va avtotransport vositalarini boshqarish qobiliyatiga ta'siri
Ta'sir ko‘rsatmaydi.
Preparatni bolalar ololmaydigan joyda saqlansin va yaroqlilik muddati o‘tgach qo‘llanilmasin.


Dozani oshirib yuborilishi

Kuzatilmagan.


Chiqarilish shakli

25 ml eritma tomchilagichli PET flakonda, qo‘llash bo‘yicha yo‘riqnomasi bilan karton qutida.


Saqlash sharoiti

Quruq, yorug‘likdan himoyalangan joyda, 30°S dan yuqori bo‘lmagan haroratda saqlansin.


Yaroqlilik muddati

2 yil.


Dorixonalardan berish tartibi

Retseptsiz.


Ishlab chiqaruvchi

«Qarshi Industries (Pvt.) Ltd.», Xattar, Pokiston
Tel. +92 42 111 200 300
E-mail imd@qarshi.com
Sayt www.qarshi.com

O‘zbekiston Respublikasi xududida dori vositasining sifati bo‘yicha e'tiroz (takliflar) ni qabul qiluvchi korxona nomi va manzili
"VANTAGE FOCUS" MChJ QK
O‘zbekiston Respublikasi, Toshkent sh., Chilonzor tumani, Kichik Halqa Yo‘li 7/1 uy
tel +99871 271 65 17