Preparatning savdo nomi
Xondroksid
Xalqaro patentlanmagan Nomi xondroitin sulfati

Dori shakli
Tabletkalar

Tarkibi

1 tabletka saqlaydi
ta'sir etuvchi modda xondroitin sulfat natriy – 250,0 mg.
yordamchi moddalar kaltsiy stearati - 4,8 mg, krospovidon – 12,39 mg, povidon K-30 – 9,312 mg, mikrokristall sellyuloza – 96,0 mg, magniy gidroksikarbonati pentagidrati –107,498 mg.
Ta'rifi oqdan sarg‘ish yoki och sarg‘ish tusli oq rangligacha bo‘lgan, riskali va faskali tabletkalar, kiritmalar bo‘lishi mumkin.

Farmakoterapevtik guruhi
to‘qimalar reparatsiyasining tabiiy stimulyatori.
ATX kodi [M01AX25]


Farmakologik xususiyatlari


Farmakodinamika

Tog‘ay to‘qimasini shakllanishini rag‘batlantiruvchi, regeneratsiya qiluvchi va yallig‘lanishga qarshi ta'sir ko‘rsatadi.
Xondroksid tog‘ay va suyak to‘qimasining asosiy moddasini hosil qilishda ishtirok etadi gialin va tolasimon tog‘aylardagi almashinuv jarayonlariga ta'sir ko‘rsatadi. Preparat tog‘ay to‘qimasining parchalanish jarayonlarini tormozlaydi va bo‘g‘im tog‘ayida tiklanish jarayonlarini rag‘batlantiradi.
Xondoksid proteoglikanlarning biosintezini rag‘batlantiradi, bo‘g‘im xaltachasining va bo‘g‘imlarning tog‘ayli yuzalarining regeneratsiyasiga yordam beradi, yallig‘lanishga qarshi ta'sir ko‘rsatadi. Suyak to‘qimasining rezorbtsiyasini sekinlashtiradi va kaltsiyni yo‘qotilishini kuchaytiradi, suyak to‘qimasining tiklanish jarayonlarini tezlashtiradi.
Xondroksid osteoartroz va osteoxondrozning rivojlanib borishini sekinlashtiradi. Xondroksid preparati qo‘llanganida shikastlangan bo‘g‘imlarda og‘riqlar kamayadi va harakat yaxshilanadi, bunda terapevtik samara davolash kursi tugatilganidan keyin ham uzoq vaqt saqlanadi.
Geparin bilan struktur o‘xshashlikka ega bo‘lib, sinovial va subxondral mikrotsirkulyator havzada fibrinli tromblarni hosil bo‘lishiga to‘sqinlik qilishi mumkin.

Farmakokinetikasi

So‘rilishi
Ichga bir marta o‘rtacha terapevtik doza qabul qilinganida plazmadagi maksimal kontsentratsiyasiga 3-4 soat o‘tgach, sinovial suyuqligida 4-5 soat o‘tgach erishiladi. Preparatning biokiraolishligi 13% ni tashkil qiladi.
Taqsimlanishi
Asosan tog‘ay to‘qimasida yig‘iladi (bo‘g‘im tog‘ayida maksimal kontsentratsiyasiga 48 soatdan so‘ng erishiladi); sinovial xaltachasi bo‘g‘im ichiga kirishi uchun to‘sqinlik qilaolmaydi.
Chiqarilishi
Buyraklar orqali 24 soat davomida chiqariladi.


Qo‘llanilishi

Bo‘g‘imlar va umurtqa pog‘onasining degenerativ-distrofik kasalliklari osteoartroz va umurtqa pog‘onasining osteoxondrozini davolash va oldini olishda qo‘llanadi.


Qo‘llash mumkin bo‘lmagan holatlar

Preparatning komponentlariga o‘ta yuqori sezuvchanlik, bolalar (bolalarda qo‘llashning samaradorligi va xavfsizligi aniqlanmagan), homiladorlik, emizish davrida qo‘llash mumkin emas.

Ehtiyotkorlik bilan
Qon ketishlari yoki qon ketishiga moyillik.


Qo‘llash usuli va dozalari

Ichga, 0,5 g dan (2 tabletka) sutkada 2 marta.
Tabletkalar suv bilan birga qabul qilinadi.
Tavsiya etiladigan boshlang‘ich davolash kursi 6 oyni tashkil qiladi.
Preparatning terapevtik samarasi qo‘llash to‘xtatilganidan keyin ham kasallikning joylashishi va bosqichiga qarab 3-5 oy davom etadi. Zarurati bo‘lganida takroriy davolash kurslarini o‘tkazish mumkin, kurslarning davomiyligi shaxsiy belgilanadi.

Nojo‘ya ta'sirlari
Tez-tezligini baholash kam hollarda - >= 0,01% dan <0,1% gacha.
Me'da-ichak yo‘llari tomonidan buzilishlar kam hollarda – ko‘ngil aynishi, qusish, diareya.
Immun tizimi tomonidan buzilishlar kam hollarda – allergik reaktsiyalar.


Dozani oshirib yuborilishi

Simptomlari kam hollarda – ko‘ngil aynishi, qusish, diareya, haddan ziyod yuqori dozalarda (sutkada 3 g dan ko‘proq) uzoq muddat qabul qilinganida gemorragik toshmalar bo‘lishi mumkin.
Davolash simptomatik davolashni o‘tkazish.

Boshqa dori vositalari bilan o‘zaro ta'siri
Bilvosita antikoagulyantlar, antiagregantlar, fibrinolitiklarning ta'siri kuchayishi mumkin.


Maxsus ko‘rsatmalar

Preparat bilvosita antikoagulyantlar, antiagregantlar, fibrinolitiklar bilan birga qo‘llanganida qon ivishining ko‘rsatkichlarini ko‘proq nazorat qilish talab qilinadi.
Avtomobilni va mexanizmlarni boshqarish qobiliyatiga ta'siri
Avtomobilni va boshqa mexanizmlarni boshqarish qobiliyatiga ta'sir qilmaydi.
.

Chiqarilish shakli

Tabletkalar 250 mg dan. 10 tabletkadan kontur uyali o‘ramda. 3, 5, 6, 9 yoki 10 kontur uyali o‘ram preparatni tibbiyotda qo‘llash bo‘yicha yo‘riqnomasi bilan birga karton qutiga joylanadi.


Saqlash sharoiti

Quruq, yorug‘likdan himoyalangan joyda, 25°C dan yuqori bo‘lmagan haroratda saqlansin.
Bolalar olaolmaydigan joyda saqlansin.



Yaroqlilik muddati

2 yil.

Yaroqlilik muddati
tugagandan keyin ishlatilmasin.


Dorixonalardan berish tartibi

Retseptsiz.


Ishlab chiqaruvchi
/ Qayd etish guvohnomasi berilgan yuridik shaxsning nomi va manzili/E'tirozlarni qabul qiluvchi tashkilot
«NIJFARM» OAJ, Rossiya
Nijniy Novgorod sh., Salganskaya ko‘ch., 7