Kolxikum-Dispert tab. 0,5 mg №20

Preparatning savdo nomi

Kolxikum-Dispert®
Ta'sir etuvchi modda (XPN) kolxitsin

Dori shakli

qobiq bilan qoplangan tabletkalar

Tarkibi

Qobiq bilan qoplangan har bir tabletka, 0,52-2,42 mg kuzgi savrinjon urug‘ining quruq ekstraktini (50-1501) saqlaydi, bu kolxitsinga qayta hisoblanganda 0,5 mg alkaloidlar yig‘indisiga to‘g‘ri keladi.
yordamchi moddalar laktoza monogidrati, mikrokristall sellyuloza, makkajo‘xori kraxmali, talk, kopovidon, stearin kislotasi 50, magniy stearati, shellak, akatsiya, povidon K25, magniy oksidi, makrogol 6000, saxaroza, titan dioksidi (E171), natriy karmelloza, Opalyuks AS 250000 (saxaroza, ponso 4R (E124), sariq xinolin (E104), titan dioksidi (E171), povidon), karnaub mumi.
Ta'rifi dumaloq, ikkiyoqlama qavariq, och qizil rangdan to‘q qizil ranggacha bo‘lgan, qobiq bilan qoplangan tabletkalar.
Farmakoterapeptiv guruhi siydik kislotasini metabolizmiga ta'sir qilmaydigan podagraga qarshi preparatlar.

ATX kodi

M04AC01

Farmakologik xususiyatlari

Kolxitsinning podagraga qarshi ta'siri yallig‘lanish o‘chog‘iga leykotsitlar migratsiyasini pasayishi va siydik kislotasi tuzlari mikrokristallarini fagotsitozini susayishi bilan bog‘liq. Shuningdek antimitotik ta'sirga ham ega, anafaza va metafaza bosqichida xujayralarning bo‘linishini (to‘liq yoki qisman) bostiradi, neytrofillarning degranulyatsiyasini oldini oladi. Amiloid fibrillalarni hosil bo‘lishini pasaytirib, amiloidoz rivojlanishiga qarshilik qiladi.
Kolxitsin qonda va to‘qimalardagi siydik kislotasining kontsentratsiyasiga ta'sir qilmaydi.

Qo‘llanilishi

-O‘tkir podagra xurujini oldini olish va davolash;
-Kattalar va 4 yoshdan katta bolalarda oilaviy o‘rta yor dengizi isitmasi (davriy kasallik) ni davolash;
-Perikarditni davolash va ishemik yurak kasalligini oldini olish;
-Bexchet kasalligini davolash uchun qo‘llanadi.

Qo‘llash usuli va dozalari

Kolxikum-Dispert® tabletkalari ichga, chaynamasdan, yetarli miqdordagi suyuqlik bilan qabul qilinadi.
Kolxikum-Dispert® preparati og‘riq qoldiruvchi samaraga ega emas va boshqa sabablar oqibatida chaqirilgan og‘riqni yengillashtirish uchun ishlatish mumkin emas.
Hatto agar patsiyentlar o‘zlarini yaxshi his qilsalar ham, kolxitsinni ularga tayinlangan holda qabul qilishlari kerak. Patsiyentlar, shifokor bilan maslahatlashmasdan, dozani o‘zgartirishlari yoki davolashni to‘xtatishlari mumkin emas.
Agar kolxitsinning dozasi o‘tkazib yuborilgan bo‘lsa
-podagrani davolash uchun, patsiyent profilaktik davolash olayotgan bo‘lmasa, o‘tkazib yuborilgan dozani imkon bo‘lishi bilan qabul qilishi kerak.
-podagrani davolash uchun, profilaktik dozalarni qabul qilayotgan bo‘lsa, o‘tkazib yuborilgan dozani darhol qabul qiling, so‘ngra o‘n ikki soatdan keyin yana qabul qiling, so‘ngra esa dastlabki dozalash sxemasini tiklang.
Podagrani oldini olish yoki davriy kasallikni davolash uchun, dozani imkon boricha tezroq qabul qilish kerak, so‘ngra esa odatdagi davolash jadvaliga qaytish kerak. Biroq, agar dozasi o‘tkazib yuborilgan bo‘lsa, patsiyent ikki marta katta dozani qabul qilishi mumkin emas.
Podagra
O‘tkir podagra hurujlarini davolash
Podagra hurujini davolash uchun Kolxikum-Dispert® preparatini tavsiya etilgan dozasi, hurujning birinchi belgilarida 1,0 mg (2 tabletka), so‘ngra esa bir soatdan keyin 0,5 mg (1 tabletka) ni tashkil etadi. Yanada yuqoriroq dozalarini qo‘llash samaradorligi isbotlanmagan. Podagra hurujini davolash uchun tavsiya etilgan maksimal doza 1 soat davomida 1,5 mg ni tashkil etadi. Kolxikum-Dispert® preparatini podagra hurujini bartaraf qilish uchun profilaktik davolash vaqtida qo‘llash mumkin va shuning uchun dozasi hurujning birinchi belgilari paydo bo‘lganida 1,0 mg (2 tabletka) dan oshmasligi kerak, so‘ngra esa bir soatdan keyin 0,5 mg (1 tabletka) qabul qilinadi. So‘ngra 12 soat davomida pauza qilish va Sizga tavsiya etilgan profilaktik dozani qabul qilish kerak.
O‘tkir podagra hurujlarini oldini olish
Kattalar va 16 yoshdan katta o‘smirlarda podagra hurujlarini oldini olish uchun Kolxikum-Dispert® preparatining tavsiya etilgan dozasi 0,5 mg tashkil etadi, kuniga bir yoki ikki marta qabul qilinadi. Podagra hurujlarini oldini olish uchun maksimal tavsiya etiladigan doza sutkada 1,0 mg tashkil etadi.
O‘rta yer dengizi oilaviy isitmasi
Kattalarga tavsiya etiladigan dozasi sutkada 1,0 mg dan 2,0 mg gacha bo‘lgan dozani tashkil etadi.
Davolash samarali bo‘lishi uchun zarurat bo‘yicha va o‘zlashtira olinishiga qarab, preparatning dozasi sutkada 0,5 mg dan maksimal tavsiya etilgan sutkalik dozagacha oshirilishi mumkin. Agar nojo‘ya samaralar paydo bo‘lsa, dozasi kuniga 0,5 mg dan kamaytirilishi kerak. Umumiy sutkalik doza 1 yoki 2 marta qabul qilinishi kerak.
Bolalar uchun tavsiya etiladigan doza
O‘rta yer dengizi oilaviy isitmasi
Kolxikum-Dispert® preparatining davolash uchun tavsiya etiladigan dozasi yoshga bog‘liq. Navbatdagi kunduzgi dozani kuniga bir marta yoki ikki marta qabul qilish mumkin
4-5 yoshdagi bolalar kuniga 0,5 mg dan 1,0 gacha
5-10 yoshdagi bolalar kuniga 1,0 mg dan 1,5 mg gacha
12 yoshdan oshgan o‘smirlar kuniga 1,5 mg dan 2 mg gacha dozada qabul qilinadi.
Bolalar preparatni shifokorning nazorati ostida qabul qilishlari kerak.
Perikarditni davolash
O‘tkir perikarditni davolash uchun Kolxikum-Dispert® preparatining tavsiya etiladigan dozasi bir yoki ikki kun davomida kuniga 2-4 tabletkani tashkil etadi va keyinchalik 6 oy davomida kuniga 1-2 tabletkaga o‘tiladi.
Qaytalanuvchi perikarditni oldini olish uchun kolxitsinning dozasi 1-2 tabletkani tashkil etadi har kuni qabul qilinadi. Davolash kursining davomiyligi shifokor tomonidan belgilanadi.

Yurak ishemik kasalligini oldini olish
Yurak ishemik kasalligini oldini olish uchun Kolxikum-Dispert® preparatining tavsiya etiladigan dozasi kuniga 1-2 tabletkani tashkil etadi. Davolash kursining davomiyligi shifokor tomonidan belgilanadi.
Bexchet kasalligi
Bexchet kasalligini davolash uchun Kolxikum-Dispert® preparatining tavsiya etiladigan dozasi kuniga 2-4 tabletkani tashkil etadi. Davolash kursining davomiyligi shifokor tomonidan belgilanadi.
Buyrak faoliyati buzilganida tavsiya etiladigan dozalari
Podagra
O‘tkir podagra hurujini oldini olish
Buyrak faoliyatini yengil (kreatinin klirensi (KK) 50-80 ml/min) va o‘rtacha (KK 30-50 ml/min) darajada buzilishi bo‘lgan patsiyentlarda podagra hurujlarini oldini olish uchun tavsiya etilgan dozani o‘zgartirish talab etilmaydi. biroq, buyrak faoliyatini jiddiy buzilishlari bo‘lgan patsiyentlarda boshlang‘ich doza kuniga 0,5 mg ni tashkil etishi kerak va dozani hir qanday oshirilishi sinchkov monitoring ostida bajarilishi kerak.
O‘tkir podagra hurujini davolash
Buyrak faoliyatini yengil (KK 50-80 ml/min) va o‘rtacha (KK 30-50 ml/min) darajada buzilishi bo‘lgan patsiyentlarda podagra hurujini davolash uchun tavsiya etilgan dozani o‘zgartirish talab etilmaydi, biroq patsiyentlar kolxitsinning kuzatilishi mumkin bo‘lgan noxush samaralarini yaxshilab kuzatishlari kerak. Biroq, buyrak faoliyatini jiddiy buzilishlari bo‘lgan patsiyentlarda, podagra hurujini davolash uchun dozani bekor qilish mumkin bo‘lmagan bir paytda, davolash kursini 2 haftada ko‘pi bilan bir marta takrorlash kerak. Takroriy davolash kurslarini o‘tkazish lozim bo‘lgan podagra hurujlari bo‘lgan patsiyentlar uchun muqobil davolash buyurilishi kerak. Gemodializdagi patsiyentlar uchun podagra hurujini davolash uchun umumiy tavsiya etiladigan doza 0,5 mg (1 tabletka) ga olib kelinishi kerak. bunday patsiyentlar uchun davolash kursi ko‘pi bilan 2 haftada takrorlanishi kerak.
Shuning uchun, podagra hurujini Kolxikum-Dispert® preparati bilan davolash profilaktika uchun kolxitsin qabul qilayotgan buyrak yetishmovchiligi bo‘lgan patsiyentlarda tavsiya etilmaydi.
O‘rta yer dengizi oilaviy isitmasi
O‘rtacha va og‘ir darajadagi buyrak yetishmovchiligi bo‘lgan patsiyentlar va gemodializdagi patsiyentlar uchun preparatni dozalashda ehtiyotkorlikka rioya qilish kerak. Bu patsiyentlar uchun preparatning dozasi kamaytirilishi kerak. Yengil (KK 50-80 ml/min) va o‘rtacha (KK 30-50 ml/min) darajadagi buyrak yetishmovchiligi bo‘lgan patsiyentlarda kolxitsin qabul qilishning salbiy oqibatlarini sinchiklab kuzatish kerak. Agar zarur bo‘lsa, dozasini kamaytirish kerak. Og‘ir darajadagi (KK 30 ml/min dan kam) buyrak yetishmovchiligi bo‘lgan patsiyentlar uchun davolash sutkada 0,5 mg doza bilan boshlanadi; dozani har qanday oshirilishi kolxitsinning salbiy oqibatlarini aniqlash maqsadida patsiyentni nazorati ostida bajarilishi kerak. Dializdagi patsiyentlar uchun umumiy tavsiya etiladigan boshlang‘ich doza kuniga 0,5 mg (tabletka) tashkil etishi kerak. Qabul qilishlar soni faqat sinchkov monitoring kuzatuvida oshirilishi mumkin.
Jigar yetishmovchiligida dozaga tuzatish kiritish
Podagra
O‘tkir podagra hurujini oldini olish
Jigar faoliyatini yengil va o‘rtacha darajada buzilishlari bo‘lgan patsiyentlarda podagra hurujlarini oldini olish uchun tavsiya etilgan dozani o‘zgartirish talab etilmaydi, ammo patsiyentlar kolxitsin qabul qilishning salbiy oqibatlarini sinchiklab kuzatishlari kerak. og‘ir darajadagi jigar yetishmovchiligi bo‘lgan patsiyentlarda preparatning dozasini pasaytirish ko‘rib chiqilishi kerak.
O‘tkir podagra hurujini davolash
Jigar faoliyatini yengil va o‘rtacha darajada buzilishi bo‘lgan patsiyentlarda podagrani davolash uchun tavsiya etilgan dozani o‘zgartirish talab etilmaydi, ammo patsiyentlar kolxitsin qabul qilishni salbiy oqibatlarini sinchiklab kuzatishlari kerak. Biroq, jiddiy buzilishlari bo‘lgan patsiyentlarda, podagra hurujini davolash uchun dozani bekor qilish mumkin bo‘lmagan bir paytda, davolash kursini 2 haftada ko‘pi bilan bir marta takrorlash kerak. Podagra hurujlari bo‘lgan, takroriy davolash kurslarini o‘tkazish zarur bo‘lgan patsiyentlarga muqobil davolash buyurilishi kerak.
Shuning uchun, profilaktika uchun kolxitsin qabul qilayotgan, jigar yetishmovchiligi bo‘lgan patsiyentlarda podagrani davolash uchun Kolxikum-Dispert® preparatini qo‘llash tavsiya etilmaydi.
O‘rta yer dengizi oilaviy isitmasi
Yengil va o‘rtacha darajadagi jigar yetishmovchiligi bo‘lgan patsiyentlarda kolxitsinning salbiy oqibatlarini sinchiklab kuzatish kerak. Dozani pasaytirish og‘ir darajadagi jigar yetishmovchiligi bo‘lgan patsiyentlarda ko‘rib chiqilishi kerak.

Nojo‘ya ta'sirlari
Kolxikum-Dispert® preparatini qabul qilganda kolxitsinning salbiy oqibatlarini sinchiklab kuzatish kerak.
Kolxitsinni qabul qilish bilan bog‘liq bo‘lgan jiddiy toksik ko‘rinishlar miyelosupressiya, DVS-sindrom va jigar, buyrak, qon-tomirlar va markaziy nerv tizimini shikastlanishini o‘z ichiga oladi.
Bu ko‘rinishlar ko‘proq haddan tashqari to‘planganida yoki dozasi oshirib yuborilganida kuzatiladi.
Quyidagi nojo‘ya reaktsiyalar kolxitsinni qabul qilganda qayd etilgan, ammo ular odatda davolash vaqtinchali to‘xtatilganidan so‘ng yoki dozasi kamaytirilganidan so‘ng orqaga qaytadi
Me'da-ichak buzilishlari
Ko‘ngil aynishi, qusish, diareya, qorin, xiqildoq va halqum sohasida og‘riq.
Qon va limfa tizimlari tomonidan buzilishlar
Agranulotsitoz, suyak ko‘migi yetishmovchiligi, aplastik anemiya, gemolitik anemiya, pantsitopeniya, trombotsitopeniya, leykopeniya, neytropeniya;
Immun tizimi tomonidan buzilishlar
Allergik reaktsiyalar;
Nerv tizimi tomonidan buzilishlar
Neyromiopatiya, bosh aylanishi, sensor-motor neyropatiya.
Teri va teri osti to‘qimalari tomonidan buzilishlar
Qichishish, purpura, terini achishish hissi, alopetsiya, tirnoqlarni shikastlanishi.
Skelet-mushak buzilishlari, biriktiruvchi to‘qima va suyaklar tomonidan buzilishlar
Rabdomioliz, miopatiya, mushaklarni zaifligi, mushaklarda og‘riq, skelet mushaklarini o‘tkir nekrozi, KFK oshishi.
Buyraklar va siydik chiqarish yo‘llari tomonidan buzilishlar
Buyraklar faoliyatini buzilishi
Gepatobiliar tizimi
ALT va AST darajasini oshishi
Reproduktiv tizimi
Azoospermiya, oligospermiya.
Uzoq muddat davolashdan so‘ng mushaklarni bo‘shligi, toshma, alopetsiya, neyropatiya, toksik gepatit va oliguriya hamda gematuriya bilan kechuvchi toksik gepatit, va agranulotsitoz va aplastik anemiya bilan kechuvchi suyak ko‘migi yetishmovchiligi rivojlanishi mumkin.

Qo‘llash mumkin bo‘lmagan holatlar

-Yurak-qon tomir tizimi faoliyatini og‘ir darajadagi buzilishlari;
-Me'da-ichak yo‘llari faoliyatini og‘ir darajadagi buzilishlari;
-Og‘ir darajadagi jigar yetishmovchiligi;
-Og‘ir darajadagi buyrak yetishmovchiligi;
-Suyak ko‘migida qon yaratilishini yaqqol susayishi;
-Homiladorlik va laktatsiya davri;
-Preparatning ta'sir etuvchi moddasi yoki har qanday komponentiga o‘ta yuqori sezuvchanlik;
-Buyrak yoki jigar yetishmovchiligi bo‘lgan bemorlarga P-GP ingibitorlari yoki CYP3A4 ning kuchli ingibitorlari (fosamprenavirdan tashqari, barcha proteaza ingibitorlari kiradi) bilan birga qo‘llash mumkin emas.

Dorilarning o‘zaro ta'siri
Kolxikum-Dispert® preparatini qabul qilganda, ko‘pchilik dori vositalari yoki boshqa moddalar kolxitsin bilan o‘zaro ta'sir qilishi mumkinligini, ayrim o‘zaro ta'sirlar fatal bo‘lishi mumkinligini bilish kerak.
Muhim! Shuning uchun har qanday boshqa dori vositalari, ayniqsa antibiotiklarni qabul qilganda, ularni qabul qilishdan oldin albatta shifokoringiz bilan maslahatlashish kerak. Greypfrut va greypfrut sharbati ham dori vositasi bilan o‘zaro ta'sir qilishi mumkin, shuning uchun ularni kolxitsin bilan davolanish vaqtida iste'mol qilish mumkin emas.
Kolxitsin V12 vitaminining o‘zlashtirilishini kamaytirishi mumkin.

Maxsus ko‘rsatmalar

Keksa yoshdagi patsiyentlar va kuchsizlangan patsiyentlarga, shuningdek yurak-qon tomir tizimining og‘ir bo‘lmagan funktsional buzilishlari yoki buyrak yetishmovchiligi bo‘lgan patsiyentlarga kolxitsinni ehtiyotkorlik bilan buyurish kerak. Me'da-ichak yo‘llari faoliyatini buzilishlari bo‘lgan patsiyentlarda kolxitsinning, diareya, ko‘ngil aynishi, qusish va qorinda og‘riqni yuzaga kelishiga olib kelishi mumkin bo‘lgan, antimitotik ta'siri bilan bog‘liq bo‘lgan simptomlarni kuchayishi rivojlanishi mumkin. Buyrak yetishmovchiligi bo‘lgan patsiyentlarda suyak ko‘migi faoliyatini buzilishi, agranulotsitoz, neyromiopatiya, miopatiya yoki rabdomioliz paydo bo‘lishi mumkin. Siklosporinlar va makrolidlarni Kolxikum-Dispert® preparati bilan bir vaqtda qo‘llash ushbu simptomatikani og‘irlashtirishi mumkin.
Galaktozani o‘zlashtirolmaslik, fruktozani o‘zlashtirolmaslik, laktaza yetishmovchiligi, saxaraza-izomaltaza yetishmovchiligi yoki glyukoza-galaktoza malabsorbtsiyasi kabi kam uchraydigan nasliy muammolari bo‘lgan patsiyentlar ushbu dori vositasini qabul qilishlari mumkin emas. Allergik reaktsiyalar atsetilsalitsil kislotasiga beriluvchan bo‘lgan patsiyentlarda ko‘proq rivojlanadi.
Avtomobilni haydash va mashinalar va mexanizmlarni boshqarish qobiliyatiga ta'siri.
Ta'sir qilmaydi.
Preparat bolalar ololmaydigan joyda saqlansin va yaroqlilik muddati o‘tgach ishlatilmasin.

Dozani oshirib yuborilishi

O‘tkir intoksikatsiya va o‘lim holatlari ichga 0,5 mg/kg dan ortiq dozalarda qabul qilinganida kuzatilgan. Birinchi simptomlari 2 dan 12 soatgacha bo‘lgan yashirin davridan keyin paydo bo‘ladi va gemorragik gastroenterit, qorinda og‘riq, diareya, ko‘ngil aynishi va elektrolitlar muvozanatini buzilishi va leykotsitoz bilan kechuvchi qusishdan iborat bo‘ladi.
Keyinchalik, ichga qabul qilingandan so‘ng 24 soatdan 72 soatgacha bo‘lgan davrda o‘pkalarni shikastlanishi, buyrak yetishmovchiligi, gepatotsellyulyar shikastlanishlar, mushaklarni shikastlanishi va kardiomiopatiya bilan kechuvchi ko‘p a'zolarni yetishmovchiligi paydo bo‘lishi mumkin. Natijada agranulotsitoz, leykopeniya, trombotsitopeniya, tarqoq trombogemorragik sindrom va shok bilan kechuvchi qon-tomir yetishmovchiligi rivojlanishi mumkin.
Nerv tizimi tomonidan dozani oshirib yuborilish simptomlari tirishishlar, alahsirash, mushaklarni bo‘shligi, neyropatiya va yuqoriga ko‘tariluvchi falajdan iborat. O‘lim nafas yetishmovchiligi, qon-tomir yetishmovchiligi yoki suyak ko‘migi yetishmovchiligi bilan bog‘liq bo‘lishi mumkin.
Davolash
Kolxitsinning dozasi oshirib yuborilganida, me'da yuvilishi kerak, buni 60 minut davomida o‘tkazgan afzal, va faollashtirilgan ko‘mir qabul qilish kerak. Diareyani davolash kerak emas, chunki bu kolxitsinni asosiy chiqarilish yo‘li hisoblanadi.
Davolash faqat simptomatik bo‘lishi mumkin, bu yurak-qon tomir tizimining faoliyatini barqarorlashtirishga qaratilgan. Plazmani o‘rnini bosuvchi vositalar yoki natriy xloridining izotonik eritmasiga glyukoza va elektrolitlar (asosan, kaliy) qo‘shib vena ichiga tomchilab yuboriladi, EKG monitoring o‘tkaziladi. Miokardning qisqaruvchanligini tutib turish uchun digoksin buyurish mumkin. Zarurat bo‘lganida antibiotikoterapiya o‘tkaziladi. Orqa miya suyuqligining bosimi oshganida deksametazon ko‘rsatilgan; lyumbal punktsiya o‘tkazish zarurati tug‘ilishi mumkin. Qorinda spazmlar kuzatilganida atropin, papaverin buyuriladi. Opiatlar qo‘llash mumkin emas. Oksigenoterapiya yoki sun'iy nafas o‘tkazish zarurati tug‘ilishi mumkin.

Chiqarilish shakli

20 qobiq bilan qoplangan tabletkadan Al/PVX/PVDX blisterda, 1 blister qo‘llash bo‘yicha yo‘riqnomasi bilan birga karton qutida.
25 qobiq bilan qoplangan tabletkadan Al/PVX/PVDX blisterda, 2 blister qo‘llash bo‘yicha yo‘riqnomasi bilan birga karton qutida.

Saqlash sharoiti

Quruq, yorug‘lik va namlikdan himoyalangan joyda, 250S dan yuqori bo‘lmagan haroratda saqlansin.

Yaroqlilik muddati

5 yil

Dorixonalardan berish tartibi

Shifokor retsepti bo‘yicha.

Ishlab chiqaruvchi

Farmaselekt Interneshnl Betayligungs GmbX,
Ernst-Melxior-Gasse 20,
1020 Vena, Avstriya

O‘zbekiston Respublikasi hududida dori vositalarining sifati bo‘yicha e'tirozlar (takliflar) ni qabul qiluvchi tashkilot nomi va manzili
“Laxisam” MChJ
O‘zbekiston Respublikasi, Toshkent sh., Abdulla Qodiriy ko‘chasi, 25 A – uy,
Tel. (+99871) 244-04-71; 244-60-38
faks. (+99871) 244-26-66
e-mail office@laxisam.uz
Khilola.ismailova@gmail.com
site www.lahisam.uz