Preparatning savdo nomi
Kodelak Neo
Ta'sir etuvchi modda (XPN) butamirat

Dori shakli
plyonka qobiq bilan qoplangan, ajralib chiqishi modifikatsiyalangan tabletkalar.

Tarkibi

Bir tabletka quyidagilarni saqlaydi
faol modda butamirat sitrati – 50,00 mg;
yordamchi moddalar laktoza monogidrati (sut qandi) – 241,00 mg, gipromelloza (metotsel-K4M) – 85,00 mg, talk – 4,00 mg, magniy stearati – 4,00 mg, kolloid kremniy dioksidi (aerosil) – 6,00 mg, quyimolekulyar povidon (quyimolekulyar polivinilpirrolidon) – 5,00 mg;
qobig‘i oq opadray (oq II opadray 57M280000) (gipromelloza (15sP) – 5,58 mg, titan dioksidi – 4,86 mg, polidekstroza – 4,68 mg, talk – 1,26 mg, maltodekstrin/dekstrin – 0,90 mg, glitserin/glitserol – 0,72 mg saqlovchi kukun ko‘rinishida) – 18,00 mg.
Ta'rifi dumaloq shaklli, ikki yoqlama qavariq, oq rangli plyonka qobiq bilan qoplangan tabletkalar. Tabletka ko‘ndalang kesimida oq yoki deyarli oq rangda.

Farmakoterapevtik guruhi
markaziy ta'sirga ega yo‘talga qarshi vosita.
ATX kodi R05DB13


Farmakologik xususiyatlari


Farmakodinamika
si
Opioid bo‘lmagan yo‘talga qarshi vosita, yo‘tal markaziga bevosita ta'sirga ega. Butamirat sitrati na kimyoviy, na farmakologik jihatdan opiy alkaloidlariga yaqin hisoblanmaydi. Yo‘talga qarshi, balg‘am ko‘chiruvchi, o‘rtacha bronxidilatator va yallig‘lanishga qarshi ta'sir ko‘rsatadi, spirometriya ko‘rsatkichlari (nafas yo‘llarining qarshiligini kamaytiradi) va qonni oksigenatsiyasini yaxshilaydi.

Farmakokinetikasi

So‘rilishi – yuqori darajada. Ajralib chiqishi modifikatsiyalangan tabletka qabul qilingandan keyin asosiy metabolitning (2-fenil-moy kislotasi) plazmadagi maksimal kontsentratsiyasi 9 soatdan keyin kuzatiladi va 1,4 mkg/ml ni tashkil qiladi.
Butamiratning 2-fenil-moy kislotasi va dietilaminoetoksietanolgacha gidrolizi dastlab qonda boshlanadi. Bu metabolitlar shuningdek yo‘talga qarshi faollikka ega va butamirat kabi plazma oqsillari bilan ahamiyatli darajada (taxminan 95%) bog‘lanadi, bu ularning davomli yarim chiqarilish davrini belgilaydi.
2-fenil-moy kislotasi gidroksi guruhini qo‘shilishi yo‘li bilan qisman gidrolizga uchraydi. Takroran qabul qilinganda preparatni to‘planishi kuzatilmaydi.
Butamiratning yarim chiqarilish davri – 13 soatni tashkil qiladi. Metabolitlari asosan buyraklar orqali chiqariladi. Bunda 2-fenil-moy kislotasi glyukuron kislotasi bilan bog‘langan ko‘rinishda chiqariladi.


Qo‘llanilishi

Turli etiologiyali quruq yo‘tal (“shamollash” kasalliklari, gripp, ko‘kyo‘tal va boshqa holatlarda). Operatsiyadan oldingi va operatsiyadan keyingi davrda, jarroxlik aralashuvlari va bronxoskopiyada yo‘talni bostirish uchun qo‘llanadi.


Qo‘llash usuli va dozalari

Ichga qabul qilinadi.
Tabletkalar ovqatdan oldin, chaynamasdan qabul qilinadi.
1 tabletkadan har 8-12 soatda buyuriladi.
Agar yo‘tal davolash boshlangandan keyin 5 kundan ko‘proq saqlansa, shifokorga murojaat etish kerak.

Nojo‘ya ta'sirlari
Markaziy nerv tizimi tomonidan preparatni qabul qilish bekor qilinganda yoki doza kamaytirilganda o‘tib ketadigan bosh aylanishi; uyquchanlik.
Ovqat hazm qilish tizimi tomonidan ko‘ngil aynishi, qusish, diareya.
Teri qoplamalari tomonidan ekzantema.
Allergik reaktsiyalar teri toshmasi, qichishish.


Qo‘llash mumkin bo‘lmagan holatlar

Preparatning komponentlariga yuqori sezuvchanlik, homiladorlik (I uch oylik), emizish davri, laktozani o‘zlashtiraolmaslik, laktaza tanqisligi, glyukozo-galaktoz malabsorbtsiya. 18 yoshgacha bo‘lgan bolalarda qo‘llash mumkin emas.

Dorilarning o‘zaro ta'siri
Butamirat uchun biron bir dorilarning o‘zaro ta'siri ta'riflanmagan. Preparat bilan davolash davrida alkogolli ichimliklarni, shuningdek markaziy nerv tizimini susaytiruvchi dori vositalarini (uxlatuvchi vositalar, neyroleptiklar, trankvilizatorlar va boshqa preparatlar) iste'mol qilish tavsiya etilmaydi.


Maxsus ko‘rsatmalar

Har bir tabletka 241 mg laktoza saqlaydi. Laktozani o‘zlashtiraolmaslik, laktaza tanqisligi, glyukozo-galaktoz malabsorbtsiyasi bo‘lgan patsiyentlarga preparatni qabul qilish mumkin emas.
Preparatni homiladorlik va emizish davrida qo‘llanishi
Preparatni homiladorlik davrida qo‘llanishining xavfsizligi va uni yo‘ldosh to‘sig‘i orqali o‘tishi haqida ma'lumotlar yo‘q. Preparatning homiladorlikning birinchi uch oyligida qo‘llash mumkin emas. Preparatni homiladorlikning II va III uch oyligida ona uchun kutilgan foyda va homila uchun potentsial xavf nisbatini hisobga olib qo‘llash mumkin. Preparatni ko‘krak sutiga o‘tishi o‘rganilmagan, shuning uchun preparatni emizish davrida qo‘llash tavsiya etilmaydi.
Transport vositalari va mexanizmlarni boshqarish qobiliyatiga ta'siri
Transport vositalarini boshqarish va diqqatni yuqori jamlash va psixomotor reaktsiyalarning tezligini talab etuvchi boshqa potentsial xavfli faoliyat turlari bilan shug‘ullanishdan saqlanish tavsiya etiladi, chunki preparat uyquchanlik va bosh aylanishini chaqirishi mumkin.
Preparat bolalar ololmaydigan joyda saqlansin va yaroqlilik muddati o‘tgach ishlatilmasin.


Dozani oshirib yuborilishi

Simptomlari ko‘ngil aynishi, qusish, uyquchanlik, diareya, qorinda og‘riq, bosh aylanishi, ta'sirchanlik, arterial bosimni pasayishi, harakat koordinatsiyasini buzilishi.
Davolash me'dani yuvish, faollashtirilgan ko‘mir, tuzli surgi vositalari, simptomatik davolash (ko‘rsatmalar bo‘yicha).


Chiqarilish shakli

Plyonka qobiq bilan qoplangan, ajralib chiqishi modifikatsiyalangan tabletkalar, 50 mg.
10 tabletkadan polivinilxlorid plyonka va bosma laktangan alyumindan tayyorlangan kontur uyali o‘ramda. 30 yoki 50 tabletkadan polimer bankada. 1, 2 kontur uyali o‘ram tibbiyotda qo‘llash bo‘yicha yo‘riqnomasi bilan karton qutida.


Saqlash sharoiti

25°S dan yuqori bo‘lmagan haroratda saqlansin.


Yaroqlilik muddati

2 yil.


Dorixonalardan berish tartibi

Retseptsiz.


Ishlab chiqaruvchi
/iste'molchilardan e'tirozlarni qabul qiluvchi tashkilot
«Farmstandart-UfAVITA» OAJ,450077, Ufa sh., Xudayberdina ko‘ch., 28 uy,
telefon/faks (347) 272 92 85
www.pharmstd.ru