Preparatning savdo nomi
Ketonal
Ta'sir etuvchi modda (XPN) Ketoprofen/ketoprofenum

Dori shakli
Suppozitoriylar

Tarkibi

Har bir suppozitoriy quyidagilarni saqlaydi
Faol modda 100 mg ketoprofen;
Yordamchi moddalar qattiq yog‘, o‘rtacha zanjirli triglitseridlar.
Ta'rifi oq, gomogen va silliq suppozitoriylar.

Farmakoterapevtik guruhi
nosteroid yallig‘lanishga qarshi vosita
ATX kodi M01AE03


Farmakologik xususiyatlari


Farmakodinamika
si
Ketoprofen – preparatning ta'sir etuvchi moddasi – araxidon kislotasining metabolizmida prostaglandinlar sintezini kataliz qiluvchi siklooksigenaza (tsiklooksigenaza-1 (TSOG-1) va siklooksigenaza-2 (TSOG-2)) fermentini bloklab, prostaglandinlar va leykotriyenlar sintezini susaytiradi.
Ketoprofen in vitro va in vivo sharoitlarda liposomal membranalarni barqarorlashtiradi, yuqori kontsentratsiyalarda in vitro sharoitda leykotriyenlar sinteziga susaytiruvchi ta'sir ko‘rsatadi va antibradikinin faollikka ega.
Ketoprofenning isitmani tushiruvchi ta'sir mexanizmi noma'lum. Ehtimol, ketoprofen markaziy nerv tizimida (ehtimol - gipotalamusda) prostaglandinlar sintezini susaytirsa kerak.
Ayrim ayollarda birlamchi dismenoreya simptomlarini, ketoprofen, ehtimol prostaglandinlar sintezini va/yoki samaradorligini susaytirishi hisobiga kamaytirsa kerak.

Farmakokinetikasi

100 mg ketoprofen rektal qo‘llanilganidan keyin plazmadagi cho‘qqi kontsentratsiyasiga (10,4 mkg/ml) 1,05-1,22 soat ichida erishiladi. 50 mg dozada ketoprofen ichga qabul qilingandan keyin biokiraolishligi 90% ni tashkil etadi va doza oshirilganda unga proportsional ravishda oshib boradi. Ketoprofen mushak ichiga yuborilgandan keyin biokiraolishligi rektal qo‘llangandagiga o‘xshash bo‘ladi va kapsulani ichga qabul qilingandan keyin kuzatiladigan biokiraolishlikning 71-96% ni tashkil etadi. Ketoprofen ratsemik aralashma hisoblanadi, lekin ikki enantiomerining farmakokinetikasi o‘xshash.
Ketoprofenning 99% plazma oqsillari, asosan albumin bilan bog‘lanadi. To‘qimalardagi taqsimlanish xajmi 0,1-0,2 l/kg ni tashkil etadi. Ketoprofen sinovial suyuqlikka o‘tadi. 100 mg ketoprofen buyurilganidan keyin uning plazmadagi kontsentratsiyasi taxminan 3 mkg/ml ni, sinovial suyuqlikdagi kontsentratsiyasi esa–
1,5 mkg/ml ni tashkil etadi. To‘qqiz soatdan keyin uning plazmadagi kontsentratsiyasi taxminan 0,3 mkg/ml ni, sinovial suyuqlikdagi kontsentratsiyasi esa – 0,8 mkg/ml ni tashkil etadi. Bu, ketoprofen sinovial suyuqlikka sekin o‘tishidan va shuningdek undan sekin chiqarilishidan dalolat beradi, ayni vaqtda uning plazmadagi kontsentratsiyasi pasayishda davom etadi. Ketoprofenning muvozanat kontsentratsiyasiga buyurilgandan keyin 24 soat o‘tgach erishiladi. Keksa patsiyentlarda muvozanat kontsentratsiyasiga 8,7 soatdan keyin erishilgan va 6,3 mkg/ml ni tashkil etgan.
Ketoprofen jigar mikrosomal fermentlari tomonidan jadal metabolizmga uchraydi. U glyukuron kislotasi bilan bog‘lanadi va shu ko‘rinishda organizmdan chiqariladi. Ichga qabul qilinganidan keyin uning plazmadagi klirensi minutiga 1,16 ml/kg ni tashkil etadi. Tez metabolizmi tufayli, uning biologik yarim chiqarilish davri bor yo‘g‘i ikki soatni tashkil etadi. Ketoprofenning 80% gacha qismi siydik bilan, asosan (90% ko‘proq) ketoprofen glyukuronidi ko‘rinishida va taxminan 10% axlat bilan chiqariladi.
Jigar shikastlanishi bo‘lgan patsiyentlar
Jigar yetishmovchiligi bo‘lgan patsiyentlarda, ehtimol, gipoalbuminemiya oqibatida (erkin biologik faol ketoprofen) ketoprofenning kontsentratsiyasi deyarli ikki marta oshadi, bu yetarli darajadagi terapevtik samarani ta'minlovchi minimal sutkalik dozani buyurishni talab etadi.
Buyrak shikastlanishi bo‘lgan patsiyentlar
Buyrak yetishmovchiligi bo‘lgan patsiyentlarda ketoprofenning klirensi pasayadi. Shuning uchun og‘ir buyrak yetishmovchiligida dozani kamaytirish talab etiladi.


Qo‘llanilishi

Ketonal yallig‘lanishga qarshi, og‘riqni qoldiruvchi va isitmani tushiruvchi ta'sirga ega nosteroid revmatizmga qarshi preparat hisoblanadi. U bir qator og‘riq sindromlarida og‘riqni yengillashtirish uchun va yallig‘lanish, degenerativ va metabolik revmatik kasalliklarni davolash uchun qo‘llanadi.
Og‘riq
-posttravmatik;
-operatsiyadan keyingi;
-og‘riqli hayz ko‘rishlar;
-o‘smalari bo‘lgan patsiyentlarda suyak metastazlari oqibatidagi og‘riq.
Revmatik kasalliklar
-revmatoid artrit;
-seronegativ spondiloartrit (ankilozlovchi spondilit, psoriatik artrit, reaktiv artrit);
-podagra, soxta podagra;
-osteoartrit;
-bo‘g‘imdan tashqari revmatizm (tendinit, bursit, yelka bo‘g‘imi kapsuliti) da qo‘llanadi.


Qo‘llash usuli va dozalari

Rektal qo‘llash uchun buyuriladi.
Kattalar va 15 yoshdan oshgan bolalar uchun dozasi
Ketonalning bir suppozitoriysi kuniga bir yoki ikki marta to‘g‘ri ichakka yuboriladi.
Ketoprofenning maksimal sutkalik dozasi 200 mg (2 suppozitoriy) ni tashkil etadi.
Ketonal suppozitoriylarini Ketonalning ichga qabul qilish uchun shakllari bilan majmuada qo‘llash mumkin, masalan
ertalab va kunduzi Ketonal bir kapsulasi (50 mg) va kechqurun Ketonal bir suppozitoriysi (100 mg) yoki
ertalab Ketonal forte bir tabletkasi (100 mg) va kechqurun Ketonal bir suppozitoriysi (100 mg).
Agar preparatni simptomlarni bartaraf etish uchun eng past samarali dozada maksimal qisqa vaqt davomida qabul qilinsa, noxush samaralarni minimumga yetkazish mumkin.
Ketoprofenni sutkada 200 mg dozada davolashni boshlashdan oldin foyda va bo‘lishi mumkin bo‘lgan xavfni sinchkovlik bilan baholash kerak.
Keksa odamlarda noxush reaktsiyalar ko‘pincha og‘ir oqibatlarga olib kelishi mumkin. Agar NYaQP ni qabul qilish zarur bo‘lsa, eng past dozani buyurish va NYaQP bilan davolash boshlanganidan keyin 4 hafta davomida me'da-ichak yo‘llaridan qon ketishi yuzasidan patsentni kuzatish kerak.
Qo‘llash usuli
Suppozitoriyni o‘ramdan oling, uni suv bilan namlang va orqa teshikka (to‘g‘ri ichakka) yuboring.
Zarurati bo‘lsa suppozitoriyni yuborishdan oldin ichakni bo‘shating.
Yonboshga yoting, tizzalarni ko‘krak qafasigacha buking va suppozitoriyni uchlik uchini yuqoriga qilib, suppozitoriyni orqa teshikka yuboring. Suppozitoriyni iloji boricha chuqurroq yuboring.
Oyoqlarni qo‘yib yuboring, suppozitoriy erishi va dori vositasi so‘rilishi uchun bir necha minut qimirlamang.
Qo‘llarni yuving.
Agar doza o‘tkazib yuborilgan bo‘lsa, preparatni qo‘llashni odatdagidek davom ettiring. O‘tkazib yuborilgan dozani o‘rnini to‘ldirish uchun ikki barobar dozani qo‘llamang.

Nojo‘ya ta'sirlari
Ko‘pincha o‘tuvchan bo‘lgan ahamiyatsiz nojo‘ya samaralarga ovqat-hazm qilishni buzilishi, dispepsiya, ko‘ngil aynishi, qusish, qabziyat, diareya, jig‘ildon qaynashi va me'da diskomfortining boshqa ko‘rinishlari kabi me'da-ichak yo‘llari tomonidan samaralar hisoblanadi.
Bosh og‘rig‘i, bosh aylanishi, vestibulyar bosh aylanishi, ongni yengil chalkashishi, uyquchanlik, shishlar, kayfiyatni o‘zgaruvchanligi va uyqusizlik kabi boshqa ahmiyatsiz nojo‘ya samaralar kam hollarda kuzatilishi mumkin. Yarali stomatit, melena, qon aralash qusish, peptik yara, me'da-ichakdan qon ketishi yoki perforatsiya, gestrit, me'da va o‘n ikki barmoq yarasi kabi me'da-ichak yo‘llari tomonidan ahamiyatli nojo‘ya samaralar kam hollarda kuzatilishi mumkin.
Og‘ir nojo‘ya samaralar paydo bo‘lganida davolash to‘xtatilishi kerak.
Nojo‘ya samaralarni a'zolar va tizimlar va uchrash tez-tezligi bo‘yicha tasnifi juda tez-tez (≥1/10), tez-tez (≥1/100, <1/10), tez-tez emas (≥1/1000, <1/100), kam hollarda (≥1/10000, <1/1000), juda kam hollarda ( <1/10000), shu jumladan alohida xabarlar; tez-tezligi noma'lum (mavjud ma'lumotlar asosida tez-tezligini aniqlab bo‘lmaydi).
Qon va limfatik tizimi tomonidan bzilishlar
-kam hollarda postgemorragik anemiya;
-tez-tezligi noma'lum agranulotsitoz, trombotsitopeniya, suyak ko‘migi yetishmovchiligi.
Immun tizimi tomonidan buzilishlar
- tez-tezligi noma'lum anafilaktik reaktsiyalar (shu jumladan, shok).
Ruhiyatni buzilishi
- tez-tezligi noma'lum kayfiyatni o‘zgaruvchanligi.
Nerv tizimi tomonidan buzilishlar
- tez-tez emas bosh og‘rig‘i, bosh aylanishi, uyquchanlik;
- kam hollarda paresteziya;
- tez-tezligi noma'lum tirishishlar, disgevziya.
Ko‘rish a'zosi tomonidan buzilishlar
- kam hollarda ko‘rishni noaniqligi (“
Maxsus ko‘rsatmalar
”ga qarang).
Eshitish a'zosi tomonidan buzilishlar va labirint buzilishlari
- kam hollarda quloqlarni shang‘illashi.
Yurak tomonidan buzilishlar
- tez-tezligi noma'lum yurak yetishmovchiligi.
Qon-tomirlar tomonidan buzilishlar
- tez-tezligi noma'lum arterial gipertenziya, vazodilatatsiya (qon tomirlarni kengayishi).
Nafas tizimi, ko‘krak qafasi va ko‘ks oralig‘i a'zolari tomonidan buzilishlar
- kam hollarda bronxial astma;
- tez-tezligi noma'lum bronxospazm (ayniqsa atsetilsalitsil kislotasi yoki boshqa NYaQP larga o‘ta yuqori sezuvchanligi ma'lum patsiyentlarda), rinit.
Me'da-ichak yo‘llari tomonidan buzilishlar
- tez-tez dispepsiya, ko‘ngil aynishi, qorinda og‘riq, qusish;
- tez-tez emas qabziyat, diareya, meteorizm, gastrit;
- kam hollarda stomatit, peptik yara;
- tez-tezligi noma'lum yarali kolit va Kron kasalligini zo‘rayishi, me'da-ichak yo‘llaridan qon ketishi va perforatsiya.
Jigar va o‘t chiqarish yo‘llari tomonidan buzilishlar
- kam hollarda gepatit, transaminazalar darajasini oshishi, jigar tomonidan buzilishlar tufayli zardobda bilirubin darajasini oshishi.
Teri va teri osti to‘qimalari tomonidan buzilishlar
- tez-tez emas toshma, qichishish
- tez-tezligi noma'lum fotosensibilizatsiya reaktsiyalari, alopetsiya, eshakemi, angionevrotik shish, bullyoz reaktsiyalar, shu jumladan Stivens-Djonson sindromi va toksik epidermal nekroliz.
Buyrak va siydik chiqarish yo‘llari tomonidan buzilishlar
- tez-tezligi noma'lum o‘tkir buyrak yetishmovchiligi, tubulointerstitsial nefrit, nefritik sindrom, buyrak funktsional holatini buzilishi.
Umumiy buzilishlar va yuborish joyidagi buzilishlar
- kam hollarda tana vaznini oshishi.
Bir qator NYaQP larni qo‘llaganda (ayniqsa yuqori dozada va uzoq vaqt davomida) arterial tromboz (masalan, miokard infarkti yoki insult) ning yuqori xavfi bilan bog‘liq bo‘lishi mumkin deb hisoblanadi (“
Maxsus ko‘rsatmalar
”ga qarang).


Qo‘llash mumkin bo‘lmagan holatlar

-Ketoprofenga yoki preparatning har qanday yordamchi moddasiga yuqori sezuvchanlik;
-anamnezida ketoprofen yoki nosteroid yallig‘lanishga qarshi preparatlar yoki salitsilatlar (masalan, atsetilsalitsil kislotasi) kabi shunga o‘xshash ta'sir etuvchi moddalar qo‘llanilganidan keyin rinit, bronxospazm, bronxial astma, eshakemi va allergik turdagi reaktsiyalar; bunday patsiyentlarda og‘ir (kam hollarda o‘lim bilan yakunlanuvchi) anafilaktik reaktsiyalar ta'riflangan (“Nojo‘ya ta'sirlari” ga qarang);
-og‘ir yurak yetishmovchiligi;
-aortokoronar shuntlash (AKSh) operatsiyasi bajarilgandan keyin operatsiyadan keyingi davrda og‘riqni davolash;
-anamnezida surunkali dispepsiya;
-o‘tkir peptik yara, shuningdek anamnezida me'da-ichakdan qon ketishi, yara paydo bo‘lishi yoki perforatsiya;
-me'da-ichakdan, serebrovaskulyar yoki boshqa o‘tkir qon ketishi;
-qon ketishiga moyillik;
-buyrak faoliyatini og‘ir buzilishi;
-jigar faoliyatini og‘ir buzilishi;
-bronxial astma va rinit;
-proktit yoki to‘g‘ri ichak shilliq qavatini boshqa yallig‘lanishlari;
-yaqinda bo‘lgan rektal yoki anamnezida anal qon ketishi;
-homiladorlikning so‘ngi uch oyligi (“Homiladorlik va emizish”ga qarang);
-15 yoshdan kichik bolalarda qo‘llash mumkin emas.
Preparatni rektit, shuningdek agar anamnezida proktorragiya qayd etilgan bo‘lsa qo‘llash mumkin emas.

Dorilarning o‘zaro ta'siri
Ketoprofen oqsillar bilan yaxshi bog‘lanadi, shuning uchun plazma oqsillari bilan bog‘lanish sohalari uchun raqobat bilan bog‘liq preparatlarning darajalarini oshishidan saqlanish uchun antikoagulyantlar, sulfanilamidlar, gidantoinlar kabi oqsillar bilan bog‘lanuvchi boshqa preparatlarni bir vaqtda qo‘llanilganda dozani o‘zgarish talab etilishi mumkin.
Ketonalni boshqa nosteroid revmatizmga qarshi preparatlar va salitsilatlar bir vaqtda qo‘llash mumkin emas.
Kortikosteroidlar me'da-ichakda yara paydo bo‘lishi yoki qon ketishini yuqori xavfi mavjud (“
Maxsus ko‘rsatmalar
”ga qarang).
Antikoagulyantlar (geparin va varfarin) va trombotsitlar agregatsiyasi ingibitorlari (masalan, tiklopidin, klopidogrel) qon ketishini yuqori xavfi mavjud (“
Maxsus ko‘rsatmalar
”ga qarang). Birga qo‘llash zarurati bo‘lganida diqqat bilan tibbiy kuzatuv talab etiladi.
Serotoninni qayta qamrab olinishining selektiv ingibitorlari (SQQOSI) me'da-ichakdan qon ketishini yuqori xavfi mavjud (“
Maxsus ko‘rsatmalar
”ga qarang).
Antigipertenziv vositalar Ketonal antigipertenziv vositalarning samaradorligini pasaytiradi.
Diuretiklar Ketonal diuretiklarning samaradorligini pasaytiradi. Diuretiklar NYaQP larning nefrotoksiklik xavfini oshiradi. Nosteroid revmatizmga qarshi preparatlar bilan bir vaqtda diuretiklar va antigipertenziv preparatlar yoki angiotenzinga aylantiruvchi ferment ingibitorlarini qabul qilayotgan patsiyentlarda buyrakni shikastlanish xavfi yuqori bo‘ladi.
Qator moddalar va terapevtik sinflar giperkaliyemiya rivojlanishiga olib keladi kaliy tuzlari, kaliyni tejovchi diuretiklar, angiotenzinga aylantiruvchi ferment ingibitorlari, nosteroid yallig‘lanishga qarshi preparatlar (NYaQP), geparinlar (quyimolekulyar yoki fraktsiyalanmagan), siklosporin, takrolimus va trimetoprim.
Ketonal ichga qabul qilinadigan diabetga qarshi va tutqanoqqa qarshi ba'zi preparatlarning (fenitoin) samarasini kuchaytiradi.
Yurak glikozidlari NYaQP lar yurak yetishmovchiligi kechishini yomonlashtirishi, plazmada SKF darajasini pasaytirishi va glikozidlar darajasini oshirishi mumkin.
Litiy litiyni chiqarilishi sekinlashadi. Litiy qabul qilayotgan patsiyentlarda Ketonal buyurilganda, dozasiga tuzatish kiritilganida yoki bekor qilinganda plazmada litiy darajasini nazorat qilish va litiy bilan intoksikatsiya bo‘lishi mumkin bo‘lgan belgilari va simptomlarini kuzatish kerak.
Siklosporin nefrotoksiklikning yuqori xavfi mavjud.
Metotreksat NYaQP, shu jumladan ketoprofenni metotreksat (ayniqsa yuqori dozalar bilan davolanganda) bilan birga buyurilganda og‘ir, ba'zida o‘lim bilan yakunlanuvchi toksiklik rivojlangan. Toksiklik qonda metotreksatning dozasini yuqoriligi va uzoq muddat saqlanishi bilan bog‘liq bo‘lgan.
Mifepriston mifepristonning samarasi nosteroid revmatizmga qarshi vositalar bilan bir vaqtda qabul qilinganda pasayishi mumkin. Nosteroid revmatizmga qarshi vositalar mifepriston qo‘llanilgandan keyin 8-12 kun davomida qo‘llanmasligi lozim.
Pentoksifillin qon ketishini yuqori xavfi mavjud. Tez-tez klinik tekshirish va qon ivish vaqtini nazorat qilish talab etiladi.
Probenetsid probenetsid bilan birga buyurilganda ketoprofenning plazmadagi klirensi sezilarli darajada pasayishi mumkin.


Maxsus ko‘rsatmalar

Preparatni NYaQP, shu jumladan siklooksigenaza-2 ning selektiv ingibitorlari bilan bir vaqtda qo‘llashdan saqlanish kerak.
Agar preparatni simptomlarni bartaraf etish uchun zarur eng past samarali dozada maksimal qisqa muddat ichida qabul qilinsa, noxush samaralarni minimumga yetkazish mumkin (“
Qo‘llash usuli va dozalari
”ga qarang va Me'da-ichak yo‘llari va yurak-qon tomir tizimi uchun xavflar haqida quyiga qarang).
Keksa shaxslarda NYaQP larga noxush reaktsiyalar, ayniqsa me'da-ichakdan qon ketishi va perforatsiya ko‘proq yuz beradi, ular o‘lim bilan yakunlanishi mumkin (“
Qo‘llash usuli va dozalari
”ga qarang).
Me'da-ichakdan qon ketishi, yara paydo bo‘lishi va perforatsiya. O‘lim bilan yakunlanishi mumkin bo‘lgan me'da-ichakdan qon ketishi, yara paydo bo‘lishi yoki perforatsiya barcha NYaQP uchun ta'riflangan va davolashning istalgan vaqtida darakchi simptomlar yoki anamnezida me'da-ichak yo‘llarining og‘ir kasalliklarini mavjudligida yoki yo‘qligida rivojlanishi mumkin.
Ketonal ba'zi boshqa NYaQP ga nisbatan, ayniqsa yuqori dozalarda qabul qilinganda, og‘ir me'da-ichak toksikligi xavfini oshishiga olib kelishi mumkin (“
Qo‘llash usuli va dozalari
” va “
Qo‘llash mumkin bo‘lmagan holatlar
”ga ham qarang).
Anamnezida yarasi bo‘lgan, ayniqsa qon ketishi yoki perforatsiya bilan asoratlangan patsiyentlarda (“
Qo‘llash mumkin bo‘lmagan holatlar
”ga qarang), shuningdek keksa yoshdagi shaxslarda NYaQP dozasi oshirilganda me'da-ichak qon ketishi, yara paydo bo‘lishi yoki perforatsiya xavfi oshadi. Bu patsiyentlarni davolashni iloji boricha mumkin bo‘lgan eng past dozadan boshlash kerak.
Bu patsiyentlar uchun, shuningdek atsetilsalitsil kislotasining past dozalarini yoki me'da-ichakdan qon ketishi xavfini oshiruvchi boshqa preparatlarni (“Dorilarning o‘zaro ta'siri”ga qarang) qabul qilayotgan patsiyentlarga himoya dori vositalari (masalan, mizoprostol yoki proton pompasi blokatorlari) bilan majmuaviy davolashni buyurishni ko‘rib chiqish kerak.
Anamnezida me'da-ichak toksikligining ko‘rinishlari bo‘lgan patsiyentlar, ayniqsa keksa shaxslar me'da-ichak yo‘llari tomonidan har qanday g‘ayrioddiy ko‘rinishlar (ayniqsa me'da-ichakdan qon ketishi) haqida, xususan davolashni boshida xabar berishlari kerak.
Yara paydo bo‘lishi yoki qon ketishi xavfini oshirishi mumkin bo‘lgan preparatlar, masalan ichga qabul qilinadigan kortikosteroidlar, antikoagulyantlar (masalan, varfarin), serotoninni qayta qamrab olinishini selektiv ingibirtorlari (SQQOSI) yoki atsetilsalitsil kislotasi kabi antiagregantlar bilan bir vaqtda buyurilganda o‘ziga xos ehtiyotkorlikka rioya qilish kerak (“Dorilarning o‘zaro ta'siri”ga qarang).
Agar Ketonal bilan davolash fonida patsiyentlarda me'da-ichakdan qon ketishi yoki yara paydo bo‘lishi kuzatilsa, preparatni qabul qilish to‘xtatilishi kerak.
NYaQP larni anamnezida me'da-ichak yo‘llari kasalliklari (yarali kolit, Kron kasalligi) bo‘lgan patsiyentlarga ehtiyotkorlik bilan buyurish kerak, chunki ushbu kasalliklarni zo‘rayishi kuzatilishi mumkin (“Nojo‘ya ta'sirlari”ga qarang).
Yurak-qon tomir va serebrovaskulyar samaralar. Anamnezida arterial gipertenziya va/yoki kuchsiz yoki o‘rtacha yaqqollikdagi dimlangan yurak yetishmovchiligi bo‘lgan patsiyentlarda tegishli kuzatuv va maslahat berish talab etiladi, chunki NYaQP bilan davolash bog‘liq bo‘lgan suyuqlikni tutilishi yoki shishlar ta'riflangan.
Ba'zi NYaQP larni (ayniqsa yuqori dozalarda va uzoq muddat) qo‘llash arterial trombozni (masalan, miokard infarkti yoki insult) yuqori xavfi bilan bog‘liq bo‘lishi mumkin (“
Maxsus ko‘rsatmalar
”ga qarang). Ketonal uchun bunday xavfni inkor etish uchun yetarli ma'lumotlar yo‘q.
Nazorat qilib bo‘lmaydigan arterial gipertenziyasi, dimlangan yurak yetishmovchiligi, aniqlangan yurak ishemik kasalligi tashhisi bilan, periferik arteriyalar kasalliklari va/yoki serebrovaskulyar kasalligi bo‘lgan patsiyentlarda Ketonal bilan davolash foyda va xavf nisbatini sinchkovlik bilan baholagandan keyin o‘tkazilishi lozim. Yurak-qon tomir kasalliklarining xavf omillari (masalan, arterial gipertenziya, giperlipidemiya, qandli diabet, chekish) bo‘lgan patsiyentlarni uzoq muddat davolashdan oldin ham xuddi shunday yo‘l tutish kerak.
Surunkali rinit, surunkali sinusit va/yoki burun polipozi bilan birga kechuvchi bronxial astmasi bo‘lgan patsiyentlarda, umumiy populyatsiyaga nisbatan atsetilsalitsil kislotasi va/yoki nosteroid yallig‘lanishga qarshi vositalarni qabul qilgandan keyin allergik reaktsiyalarni namoyon bo‘lishi ehtimoli yuqoridir. Ketonalni buyurish bronxial astma xurujini chaqirishi mumkin (“
Qo‘llash mumkin bo‘lmagan holatlar
”ga qarang).
Gemostazni buzilishi, gemofiliya, fon Villebrand kasalligi, og‘ir trombotsitopeniya va buyrak yoki jigar yetishmovchiligi, shuningdek antikoagulyantlar (kumarin va geparin hosilalari, asosan quyimolekulyar geparin) qabul qilayotgan patsiyentlarda ehtiyotkorlikka rioya qilish kerak.
Alkogol qaramligi bo‘lgan shaxslarga Ketonalni ehtiyotkorlik bilan buyurish kerak.
NYaQP larni qo‘llash bilan bog‘liq eksfoliativ dermatit, Stivens-Djonson sindromi va toksik epidermal nekroliz kabi og‘ir teri reaktsiyalari (ularning ba'zilari o‘lim bilan yakunlangan) juda kam ta'riflangan (“Nojo‘ya ta'sirlari”ga qarang). Bu reaktsiyalarning eng yuqori xavfi davolashning boshida o‘rin tutadi; ko‘pchilik xollarda reaktsiyalarni yuz berishi davolashning birinchi oyida aniqlanadi. Teri toshmasi, shilliq qavatlarda o‘zgarish yoki o‘ta yuqori sezuvchanlikning birinchi belgilari paydo bo‘lganida Ketonal bekor qilinishi kerak.
Har qanday nosteroid revmatizmga qarshi vositalar bilan uzoq vaqt davolashda bo‘lgani kabi, Ketonal bilan davolash qon shaklli elementlarini nazorat qilishni talab etadi.
Barcha nosteroid yallig‘lanishga qarshi dori preparatlari kabi, Ketonal infektsion kasalliklarning belgilari va simptomlarini niqoblashi mumkin.
Katta jarroxlik aralashuvlaridan oldin Ketonal bekor qilinishi kerak.
Ketonalni qo‘llash fertillikni pasaytirishi mumkin, shuning uchun uni homiladorlikni rejalashtirayotgan ayollarga tavsiya etilmaydi. Homilador bo‘la olmayotgan yoki bepushtlik bo‘yicha tekshiruvdan o‘tayotgan ayollarda Ketonalni bekor qilishni ko‘rib chiqish kerak.
Yurak yetishmovchiligi, sirrozi va nefrotoksik sindromi bo‘lgan patsiyentlarda, shuningdek diuretiklarni qabul qilayotgan patsiyentlarda va surunkali buyrak yetishmovchiligi bo‘lgan patsiyentlarda, ayniqsa keksa patsiyentlarda davolashni boshida buyrakning funktsional holatini sinchkovlik bilan nazorat qilish kerak. Bunday patsiyentlarga Ketonalni buyurish prostaglandinlar sintezini susayishi natijasida buyrakda qon aylanishini pasayishini chaqirishi va buyrak faoliyatini buzilishiga olib kelishi mumkin.
Jigar funktsional holatining testlari ko‘rsatkichlarini normadan farq qilgan yoki anamnezida jigar kasalligi bo‘lgan patsiyentlarda qondagi transaminazalar darajasini vaqti-vaqti bilan nazorat qilish kerak.
Ketoprofen bilan bog‘liq sariqlik va gepatitning kam hollari ta'riflangan.
Ko‘rishni noaniqligi kabi, ko‘rishni buzilishi namoyon bo‘lganida davolashni bekor qilish kerak.
Homiladorlik va emizish
Homiladorlikning birinchi va ikkinchi uch oyligida juda zarur holatlardan tashqari, buyurish mumkin emas. Agar Ketonalni homilador bo‘lmoqchi bo‘lgan yoki homiladorlikning birinchi yoki ikkinchi uch oyligida bo‘lgan ayol qo‘llayotgan bo‘lsa, doza iloji boricha pastroq, davolash davomiyligi esa – iloji boricha qisqa bo‘lishi kerak.
Homiladorlikning uchinchi uch oyligida Ketonalni qo‘llash mumkin emas.
Emizikli onalarga Ketonalni buyurish tavsiya etilmaydi, chunki preparatni ko‘krak sutiga o‘tishi haqida ma'lumotlar yo‘q.
Transport vositalarini boshqarish va mexanizmlar bilan ishlash qobiliyatiga ta'siri
NYaQP lar bosh aylanishi, vestibulyar bosh aylanishi, uyquchanlik, lohaslik, ko‘rishni noaniqligi yoki tirishishlar kabi markaziy nerv tizimi tomonidan nojo‘ya samaralar chaqirishi mumkin; bunday hollarda transport vositalarini boshqarish yoki mexanizmlar bilan ishlash mumkin emas.
Preparat bolalar olaolmaydigan joyda saqlansin va yaroqlilik muddati o‘tgach qo‘llanilmasin.




Dozani oshirib yuborilishi

2,5 g gacha dozada ketoprofenning dozasini oshirib yuborilishi holatlari ta'riflangan. Ko‘pchilik hollarda kuzatilgan simptomlar xavfsiz xarakterga ega bo‘lgan va tormozlanish, uyquchanlik, ko‘ngil aynishi, qusish va epigastriyda og‘riq bilan cheklangan.
Maxsus antidoti mavjud emas. Me'dani yuvish va simptomatik va degidratatsiyani bartaraf etish maqsadida bir maromda ushlab turuvchi davolashni o‘tkazish tavsiya etiladi. Shuningdek diurezni nazorat qilish va atsidozni muvofiqlashtirish (u rivojlangan hollarda) lozim.
Buyrak yetishmovchiligida qonda aylanib yurgan preparatni chiqarish uchun gemodializ samarali bo‘lishi mumkin.


Chiqarilish shakli

Laminatsiyalangan alyuminiyli kontur uyasiz o‘ram.
12 suppozitoriydan karton qutida.


Saqlash sharoiti

25°C dan yuqori bo‘lmagan haroratda saqlansin.


Yaroqlilik muddati

5 yil.


Dorixonalardan berish tartibi

Retsept bo‘yicha beriladi.

Qayd etish guvohnomasining egasi
Lek d.d., Verovshkova 57, Lyublyana, Sloveniya.