Preparatning savdo nomi
Izoniazid
Ta'sir etuvchi modda (XPN) izoniazid

Dori shakli
tabletkalar

Tarkibi

Bir tabletka quyidagilarni saqlaydi
faol modda 300 mg izoniazid;
yordamchi moddalar kaltsiy gidrofosfati, makkajo‘xori kraxmali, dinatriy edetati, makkajo‘xori kraxmali (quritilgan), tozalangan talk, kolloid kremniy dioksidi, magniy stearati.
Ta'rifi oq rangli, dumaloq, ikki yoqlama qavariq, qobiq bilan qoplanmagan, ikki tomonlari silliq tabletkalar.

Farmakoterapevtik guruhi
tuberkulyozga qarshi vosita.
ATX kodi J04AC01.


Farmakologik xususiyatlari


Farmakodinamika
si
I-qator tuberkulyozga qarshi vosita. Bakteritsid ta'sir ko‘rsatadi. Izoniazid hujayra ichida va tashqarisida joylashgan, eng avvalo faol bo‘linayotgan Mycobacterium tuberculosis ga nisbatan faol. Uning ta'sirini aniq mexanizmi ma'lum emas. U mikobakteriyalar hujayra devorining tarkibiga kiruvchi mikol kislotalari sintezining susayishi bilan bog‘liq deb taxmin qilinadi.

Farmakokinetikasi

Ichga qabul qilinganidan keyin me'da-ichak yo‘llarida yaxshi so‘riladi. Ovqat bilan birga qabul qilinganida so‘rilishi va biokiraolishligi pasayadi. Organizmning barcha to‘qimalari va suyuqliklari bo‘ylab keng tarqaladi. Plazma oqsillari bilan bog‘lanishi juda past (0­10%). Jigarda metabolizmga uchraydi. Asosan siydik bilan, ko‘p bo‘lmagan miqdorda ahlat bilan chiqariladi.


Qo‘llanilishi

Faol tuberkulyozning hamma shakllarini, shu jumladan tuberkulyoz meningitini davolashda (majmuaviy terapiya tarkibida) qo‘llaniladi. Tuberkulyoz bo‘lgan bemorlar bilan yaqin aloqadagi shaxslarda; tuberkulinga ijobiy teri reaktsiyasi (5 mm dan ortiq) bo‘lgan va avj olmayotgan tuberkulyozni ko‘rsatuvchi rentgenologik ma'lumotlari bo‘lgan shaxslarda; tuberkulinga ijobiy reaktsiyasi (10 mm dan ortiq) bo‘lgan va disseminatsiyaning yuqori havfi bo‘lgan 4 yoshdan kichik bolalarda tuberkulyozni oldini olishda qo‘llaniladi.


Qo‘llash usuli va dozalari

Doza kasallikning xarakteri va shakliga ko‘ra, shaxsiy ravishda belgilanadi.
Kattalar va o‘smirlarga ichga ­ 300 mg dan sutkada 1 marta yoki sutkada 15 mg/kg dan haftada 2­3 marta (terapiya sxemasida aniqlanganidek), bolalarga ­ 10­20 mg/kg dan sutkada 1 marta yoki 20­40 mg/kg dan haftada 2­3 marta (terapiya sxemasida aniqlanganidek) buyuriladi.
Kattalar uchun maksimal sutkalik doza ichga qabul qilinganda 300 mg ni tashkil qiladi.

Nojo‘ya ta'sirlari
Kam hollarda ­ psixoz, eyforiya, uyquni buzilishi, periferik nevrit.
Ovqat hazm qilish tizimi tomonidan ko‘ngil aynishi, qusish, dori gepatiti.
Yurak­qon tomir tizimi tomonidan yurak sohasida og‘riqlar.
Endokrin tizim tomonidan juda kam hollarda ­ erkaklarda sut bezlarini kattalashishi (ginekomastiya), ayollarda – menorragiyalar.
Allergik reaktsiyalar teri toshmasi, qichishish.


Qo‘llash mumkin bo‘lmagan holatlar

Anamnezda tutqanoq, tirishish xurujlari va poliomiyelit, jigar va/yoki buyrak faoliyatidagi buzilishlarda, aterosklerozda qo‘llash mumkin emas.

Dorilarning o‘zaro ta'siri
Rifampitsin bilan bir vaqtda qo‘llanganda gepatotoksik ta'sirini rivojlanish xavfi (ayniqsa jigar faoliyatini buzilishi bo‘lgan patsiyentlarda) oshadi.
Paratsetamol bilan bir vaqtda qo‘llanganda gepatotoksik ta'sirini rivojlanish xavfi oshadi, chunki izoniazid R450 sitoxromini induktsiyasini chaqiradi, bu paratsetamolning toksik metabolitlarining sonini oshishiga olib keladi.
Izoniazidni karbamazepin yoki fenitoin bilan bir vaqtda qo‘llanganda karbamazepin va fenitoin metabolizmi susayadi, bu qon plazmasida ularning kontsentratsiyasini oshishiga va toksik ta'sirini kuchayishiga olib keladi.


Maxsus ko‘rsatmalar

Izoniazidni yurak­o‘pka yetishmovchiligining og‘ir shakllarida va/yoki arterial gipertenziyada, YuIK da, tarqalgan aterosklerozda, nerv tizimi kasalliklarida, bronxial astmada, psoriazda, zo‘rayish bosqichidagi ekzemada, miksedemada 10 mg/kg dan ortiq dozada qo‘llash tavsiya qilinmaydi.
Mycobacterium tuberculosis ning chidamliligini tez rivojlanishini oldini olish uchun izoniazid boshqa tuberkulyozga qarshi vositalar bilan majmuada qo‘llanadi.
In'ektsiyadan so‘ng patsiyent 1­1,5 soat davomida yotishi kerak.
Preparatning nojo‘ya ta'sirlarini kamaytirish uchun izoniazid bilan bir vaqtda piridoksin (ichga yoki m/i), yoki glyutamin kislotasi (ichga), yoki tiamin (m/i) buyuriladi.
Izoniazid jigarda atsetil guruhini qo‘shilishi yo‘li bilan nofaol metabolitlargacha metabolizmga uchraydi. Atsetil guruhini qo‘shilish darajasi genetik omillar bilan determinatsiya qilingan. Metabolizmi turli xil darajada ekanligi sababli izoniazidni qo‘llashdan avval uning qondagi va siydikdagi faol moddasini miqdori bo‘yicha inaktivatsiya tezligini aniqlash maqsadga muvofiq. Tez inaktivatsiya kuzatilgan patsiyentlarga izoniazid ancha yuqori dozalarda qo‘llaniladi.
Homiladorlik va emizish davrida qo‘llanilishi
Izoniazid homiladorlik va laktatsiya davrida (emizish davrida) qo‘llanishi mumkin.
Izoniazid yo‘ldosh to‘sig‘i orqali o‘tadi, ko‘krak suti bilan ajralib chiqadi.
Preparat bolalar ololmaydigan joyda saqlansin va yaroqlilik muddati o‘tgach ishlatilmasin.


Dozani oshirib yuborilishi

Simptomlari bosh aylanishi, ongni chalkashishi, qusish, tormozlanish, dezoriyentatsiya, uyquchanlik.
Davolash me'dani yuvish; zarurati bo‘lganida ­ simptomatik davolash. Spetsifik antidot mavjud emas.



Chiqarilish shakli

Tabletkalar 300 mg dan.
28 tabletka blisterda (PVX/alyumin). 24 blister qo‘llash bo‘yicha yo‘riqnomasi bilan birga karton qutiga joylangan.


Saqlash sharoiti

Quruq, yorug‘likdan himoyalanganjoyda 30°S dan yuqori bo‘lmagan haroratda saqlansin.


Yaroqlilik muddati

4 yil.


Dorixonalardan berish tartibi

Retsept bo‘yicha.


Ishlab chiqaruvchi

“Makleodz Farmasyutikalz Ltd.” , Hindiston.
Atlanta Arkad, Anderi (Ist), Mumbay ­ 400059, Hindiston