Preparatning savdo nomi
Dramina
Ta'sir etuvchi modda (XPN) dimengidrinat

Dori shakli
tabletkalar

Tarkibi

Bir tabletka quyidagilarni saqlaydi
faol modda dimengidrinat – 50 mg;
yordamchi moddalar laktoza monogidrati, mikrokristall sellyuloza, magniy stearati, povidon, krospovidon.
Ta'rifi dumaloq, yassi va silliq yuzali, oq rangli, faskali, bir tomoni riskali, hidsiz, achchiq ta'mli tabletkalar.

Farmakoterapevtik guruhi
chayqalish sindromiga qarshi vosita
Kod ATX R06AX


Farmakologik xususiyatlari


Farmakodinamika
si
Markaziy nerv tizimidagi gistamin H1-retseptorlari va m-xlorinoretseptorlarni bloklaydi. MNT (markaziy nerv tizimi) ni susaytiradi, birinchi navbatda otolitlarga ta'sir qilib va yuqori dozalarda yarim oysimon kanallarga ta'sir qilib, vestibulyar rag‘batlantirish oqibatlarini susaytiradi. Qusishga qarshi, ko‘ngil aynishiga qarshi, sedativ, o‘rtacha allergiyaga qarshi ta'sir ko‘rsatadi, bosh og‘rig‘ini bartaraf qiladi.

Farmakokinetikasi

Preparat ichga qabul qilingandan so‘ng yaxshi so‘riladi, a'zo va to‘qimalar bo‘yicha taqsimlanadi. Preparatning ta'siri 15-30 minutdan so‘ng namoyon bo‘ladi va 3-6 soat davomida saqlanadi. Yuqori kontsentratsiyalarda gemoensefalik va yo‘ldosh to‘sig‘idan o‘tadi.
24 soat davomida organizmdan siydik bilan deyarli to‘liq chiqariladi. Oz miqdori ko‘krak suti bilan chiqariladi. Uzoq vaqt iste'mol qilinsa dimengidrinatga tolerantlik rivojlanishi mumkin.


Qo‘llanilishi

-dengiz va kesson kasalligi
-vestibulyar va labirint buzilishlari belgilarini oldini olish va davolash (bosh aylanishi, ko‘ngil aynishi, ich ketishi), o‘smalarga qarshi davolash belgilaridan tashqari
-Mener kasalligida qo‘llanadi.


Qo‘llash usuli va dozalari

Ichga, ovqatdan oldin qabul qilinadi.
1 yoshdan 6 yoshgacha bo‘lgan bolalarga ¼-½ tabletkadan sutkada 2-3 marta.
7 yoshdan 12 yoshgacha bo‘lgan bolalarga ½-1 tabletkadan sutkada 2-3 marta.
Kattalarga 1-2 tabletkadan sutkada 2-3 marta.
Kattalar uchunmaksimal sutkalik doza 6 tabletkadan oshmasligi kerak.
1 yoshdan 6 yoshgacha bo‘lgan bolalar uchun maksimal doza – muvofiq ravishda ½ tabletka va 1 tabletka, 7 yoshdan 12 yoshgacha bo‘lganlarga - muvofiq ravishda 1 tabletka va 2 tabletka.
Kinetozlarni oldini olish uchun yo‘lga chiqishdan 30 minut oldin 1-2 tabletka qabul qilish kerak.
Davolash kursining davomiyligini davolovchi shifokor belgilaydi.

Nojo‘ya ta'sirlari
-bosh aylanishi, uyquchanlik, bosh og‘rig‘i, umumiy xolsizlik, toliqish, diqqatni jamlashni buzilishi, bezovtalik, asabiylashish, uyqusizlik, kam hollarda – kechki ko‘rish va rang ajratish qobiliyatini susayishi, ko‘rishni xiralashishi, akkomodatsiyani buzilishi,
-og‘iz qurishi, ishtahani pasayishi, ko‘ngil aynishi, qusish, diareya, epigastriy sohasida og‘riq,
-burun va tomoq shilliq qavatlarini qurishi, bronx sekretini quyuqlashishi
-arterial bosimni pasayishi, taxikardiya, aritmiya
-gemolitik anemiya
-teri toshmasi, angionevrotik shish, bronxospazm, kam hollarda – medikamentoz dermatit
-siyishni qiyinlashishi
Barcha nojo‘ya ta'sirlar haqida shifokorga xabar berish lozim.


Qo‘llash mumkin bo‘lmagan holatlar

-preparatning komponentlariga yuqori sezuvchanlik
-tutqanoq
-tirishish sindromi (shu jumladan anamnezida)
-o‘tkir ekssudativ va vazikulyar dermatozlar
-1 yoshgacha bo‘lgan bolalar
-homiladorlik, laktatsiya davrida qo‘llash mumkin emas.

Dorilarning o‘zaro ta'siri
Atropin, tritsiklik antidepressantlar, katexolaminlar, barbituratlar, alkogol, sedativ va uxlatuvchi vositalar, neyroleptiklar ta'sirini kuchaytiradi, kortikosteroidlar, antikoagulyantlarta'sirini susaytiradi. Apomorfinga reaktsiyani pasaytiradi. Atsetilxolinning yurak mushaklariga depressiv ta'sirini kamaytiradi. Vismut, skopolamin, og‘riq qoldiruvchi va psixotrop vositalar bilan birga qo‘llanganida ko‘rishni buzilishi ehtimolini oshiradi. Ototoksik antibiotiklar bilan (ctreptomitsin, neomitsin, viomitsin, amikatsin, kanamitsin), nomutanosib, chunki ototoksiklik belgilarini niqoblashi va eshitishni qaytmas buzilishini rivojlanishiga olib kelishi mumkin. Zaharlanishlarda qustiruvchi dori vositasi sifatida buyurilgan apomorfinsamarasini pasaytirishi mumkin.

Maxcuc ko‘rsatmalar
Tirishish sindromida, yopiq burchakli glaukomada, ochiq burchakli glaukomada, prostata bezi giperplaziyasida, bronxial astmada, yurak-qon tomir kasalliklari, gipertireoz, stenozlanuvchi peptik yara, piloroduodenal obstruktsiya va qovuq bo‘yni obstruktsiyasida ehtiyotkorlik bilan qo‘llash kerak.
Preparatni avtotransporti va potentsial xavfli mexanizmlarni boshqarish qobiliyatiga ta'sir etish xususiyati
Yuqori diqqat va psixomotor reaktsiyalarning tezligini talab qiluvchi mashg‘ulotlarni bajarishda ehtiyotkorlikka rioya qilish kerak.
Preparat bolalar ololmaydigan joyda saqlansin va yaroqlilik muddati o‘tgandan so‘ng qo‘llanilmasin!




Dozani oshirib yuborilishi

Simptomlari og‘iz, burun va tomoq qurishi, yuzni qizarishi, nafasni sekinlashishi va qiyinlashishi, ongni chalkashishi, bolalarda – tirishishlar, gallyutsinatsiyalar. Ko‘rsatilgan simptomlar paydo bo‘lganda zudlik bilan shifokorga murojaat qilish kerak.
Davolash me'dani faollashtirilgan ko‘mir aralashmasi bilan yuvish (20–30 g), tuzli surgi vositasini buyurish (10–15 g natriy sulfati), simptomatik davolash, bolalardagi tirishishlarda – fenobarbital (5-6 mg/kg), diazepam.


Chiqarilish shakli

50 mg tabletkalar. 5 yoki 10 tabletkadan polivinilxlorid plyonka va alyumin folgali kontur uyali o‘ramlarga joylanadi. Bir kontur uyali o‘ramdan davlat va rus tillaridagi qo‘llash bo‘yicha yo‘riqnomasi bilan karton qutilarga joylanadi.


Saqlash sharoiti

25ºS dan yuqori bo‘lmagan haroratda saqlansin.


Yaroqlilik muddati

5 yil.


Dorixonalardan berish tartibi

Retseptsiz.


Ishlab chiqaruvchi

YaDRAN-GALENSKI LABORATORIY a.o.., Svilno 20, 51000 Riyeka, Xorvatiya.

Ro‘yxatdan o‘tkazilganlik guvohnomasi egasining nomi va davlati
YADRAN-GALENSKI LABORATORIY a.o., Xorvatiya.