Eskuzan ichga qo‘llash uchun tomchilar 20ml

Preparatning savdo nomi

Eskuzan

Dori shakli

ichga qo‘llash uchun tomchilar.

Tarkibi

1 g quyidagilarni saqlaydi
faol modda ot kashtani urug‘ining quruq ekstrakti (5—71)
ekstragent etanol 60% (V/V) 47,25 mg,
tiamin gidroxloridi 5,0 mg;
yordamchi moddalar etanol 96%, laktoza monogidrati, kolloid kremniy dioksidi,
tozalangan suv.
Ta'rifi Sariq rangdan qizg‘ish-jigarrang rangacha bo‘lgan tiniq yoki bir oz xira suyuqlik. Saqlash jarayonida cho‘kmalar hosil bo‘lishi mumkin.

Farmakoterapevtik guruhi

Angioprotektorlar. Kapillyarlar o‘tkazuvchanligini pasaytiruvchi preparatlar.
ATX kodi C05CX03

Farmakologik hususiyatlari
Dori vositasi venalar tonusini oshiruvchi, antizksudativ ta'sir ko‘rsatadi. Lizosomal fermentlar kontsentratsiyasini kamaytiradi, buning oqibatida kapillyarlar devorida mukopolisaxaridlarni parchalanishi kamayadi. Preparat pastmolekulyar protsinlar, elektrolitlar va suvni xujayralararo bo‘shliqqa fil'tratsiyasini bartaraf qilib, qon tomirlar o‘tkazuvchanligini pasaytiradi.
Transkapillyar fil'tratsiyasini pasaytiradi va periferik shish, oyoqlarda og‘irlik, charchoq, zo‘riqish hissini, qichishish, og‘riqni kamaytiradi.

Farmakodinamika

Ot kashtani urug‘ining ekstraktining aniq ta'sir mexanizmi noma'lum. Klinik oldi va klinik farmakologik tadqiqotlar Ot kashtani urug‘ining eketraktining (estsin bo‘yicha standartlashtirilgan) venoz tonus va kapillyar fil'tratsiya tezligiga ta'sir ko‘rsatishini namoyish qilgan. 17 klinik tadqiqotlarning natijalarini meta-tahlili asosida Ot kashtani urug‘ining ekstrakti (estsin bo‘yicha standartlashtirilgan) shish, og‘riq va qichishish kabi surunkali venoz yetishmovchilik sipmtolarini platseboga nisbatan sezilardi darajada pasaytiradi degan xulosa qilish mumkin.

Farmakokinetikasi

O‘rganilmagan.
Xavfsizlik bo‘yicha klinik oldi ma'lumotlar
Klinik oldi ma'lumotlar to‘liq bo‘lib hisoblanmaydi. Tibbiy qo‘llashning ko‘p yillik tajribasi Ot kashtani ekstraktining xavfsizligini tasdiqlagan. Mutagenlik tadqiqotlari (Eyms testi) estsinning mutagen xususiyatlarini aniqlamagan. Kantserogenlik va reproduktiv toksiklik yuzasidan tadqiqotlar o‘tkazilmagan.

Qo‘llanilishi

Surunkali venoz yetishmovchiligi va uning asoratlari, shu jumladan qon bilan ta'minlashning funktsional buzilishlari (shishlar, boldir mushaklarini tirishishlari, oyoqlarda og‘riq va og‘irlik xissi, venalarning varikoz kengayishi) da qo‘llanadi.

Qo‘llash usuli va dozalari

Kuniga 3 marta ovqatdan oldin 12-15 tomchidan ko‘p bo‘lmagan miqdordagi suyuqlik bilan ichga qabul qilinadi.
Qabul qilishdan oldin chayqating!
Kurs davomiyligi davolashning samaradorligi va o‘zlashtiraolinishiga qarab individual ravishda belgilanadi. Dori vositasini qabul qilish kamida o‘rtacha 4 xafta davom etadi. Davomliroq davolashni o‘tkazish zarurati shifokor tomonidan belgilanadi.
Jigar va buyrak funktsiyasini buzilishi bo‘lgan patsiyentlarda qo‘llanishi
Buyrak yetishmovchiligi bo‘lgan patsiyentlarda dozaga tuzatish kiritish talab etilmaydi.
Jigar funktsiyasini buzilishi bo‘lgan patsiyentlarda dozaga tuzatish kiritish zarurligi haqida yetarli ma'lumotlar yo‘q.
Bolalar va o‘smirlarda qo‘llanishi
Dori vositasi bolalar va 18 yoshgacha bo‘lgan o‘smirlarda qo‘llanilmaydi.

Nojo‘ya ta'sirlari
Kuzatilishi mumkin bo‘lgan nojo‘ya ta'sirlar-me'da-ichak yo‘llari tomonidan buzilishlar, ko‘ngil aynishi, bosh og‘rig‘i, bosh aylanishi, qichishish va allergik reaktsiyalar. Ularni namoyon bo‘lish tez-tezligi noma'lum. Ot kashtani ekstraktini saqlovchi dori vositasini qabul qilgandan keyin allergik reaktsiyaning bitta holati ta'riflangan. Yuqori sezuvchanlikning birinchi belgilarida (masalan terida toshmalar) ushbu preparatni qabul qilishni to‘xtatish kerak.
Yuqorida ta'riflanmagan nojo‘ya reaktsiyalar yuzaga kelganida shifokor yoki farmatsevtga maslahat uchun murojaat etish kerak.

Qo‘llash mumkin bo‘lmagan holatlar

Preparat komponentlariga yuqori sezuvchanlik, homiladorlik, laktatsiya davrida, 18 yoshgacha bo‘lgan bolalarda qo‘llash mumkin emas.

Dorilarning o‘zaro ta'siri
Antikoagulyantlarning ta'sirini kuchaytiradi.
Sul'fat saqlovchi infuzion eritmalar bilan bir vaqtda qo‘llanilganida tiaminning ta'siri kamayadi.

Maxsus ko‘rsatmalar

Jigar, buyrakning funktsional kasalliklari, alkogolizm, bosh miya jarohati, bosh miya kasalliklari va avtikoagulyantlar bilan bir vaqtda ehtiyotkorlik bilan qo‘llash kerak.
4 xafta davolagandan keyin simptomatik samara yetarli bo‘lmaganida yoki qoniqarsiz bo‘lganida, patsiyont shishning boshqa bo‘lishi mumkin bo‘lgan sabablari yuzasidan shifokor bilan maslahatlashishi kerak.
Venoz yetishmovchilikning kuchli yaqqollikdagi simptomlari (ayniqsa bitta oyoqda) – shish, teri rangini o‘zgarishi, zo‘riqish yoki qizib ketish hissi, og‘riq to‘satdan paydo bo‘lganida oyoq venalarining trombozini inkor etish uchun shifokorga murojaat etish kerak.
Bir martalik maksimal dozadagi etanolning miqdori 166 mg ni tashkil qiladi.
Yurak yoki buyrak yetishmovchiligi belgilari paydo bo‘lganida darhol shifokorga murojaat etish kerak.
Patsiyentlar shifokor tomonidan buyurilgan kompression davolovchi trikotaj (gol'fi, paypoq) ni taqib yurish, kompresslar, oyoq sohasiga sovuq dush va boshqalar kabi qo‘shimcha davolash choralariga qat'iy rioya qilishlari kerak.
Homiladorlik va emizish davrida qo‘llanishi
Qo‘llash mumkin emas.
Avtomobilni boshqarish va mexanizmlar bilan ishlash qobiliyatiga ta'siri
Dori vositasi etil spirti saqlaydi. Tavsiya etilgan dozalarda qabul qilinganda avtomobilni boshqarish va diqqatni yuqori jamlash va aniq harakat koordinatsiyasini talab etuvchi ishlarni bajarish qobiliyatiga ta'sir ko‘rsatmaydi.

Dozani oshirib yuborilishi

Ot kashtani urug‘idagi saponinlar dozani oshirib yuborilganda ma'lum nojo‘ya samarasi — ko‘ngil aynishi hissini kuchayishiga, shuningdek qusish va ich ketishiga olib kelishi mumkin. Bu simptomlarni bartaraf etish uchun choralarni ko‘rish zarurligi yuzasidan shifokor bilan maslahatlashing.

Dozani oshirib yuborilishi

ning simptomlari
Ot kashtanini ovqat bilan iste'mol qilgandan keyin zaharlanishning quyidagi belgilari kuzatilgan bezovtalik, kuchli qusish va ich ketishi, midriaz, uyquchanlik, deliriy, ayrim hollarda-24-48 soatdan keyin nafas yo‘llari falaji bilan bog‘liq o‘lim.
Dozani oshirib yuborilgandagi choralar va aks ta'sir ko‘rsatuvchi vositalar
Terapevtik vositalar sifatida quyidagilar tavsiya etiladi
- agar preparatni ko‘p miqdorda iste'mol qilgandan keyin qusish kuzatilmasa, me'dani yuvish (masalan 0,02% li kaliy permanganati eritmasi) va faollashtirilgan ko‘mirni qabul qilish kerak;
- boshqa hollarda simptomatik davolash o‘tkaziladi.

Chiqarilish shakli

20 ml dan tomchilagich-tiqinli va buraladigan plastmassa qopqoqchali to‘q rangli flakonlarda. Bir flakon tibbiyotda qo‘llanilishiga doir yo‘riqnomasi bilan karton qutiga joylangan.

Saqlash sharoiti

8°C dan 25°C gacha haroratda saqlansin. Muzlatilmasin.
Bolalar ololmaydigan joyda saqlansin1

Yaroqlilik muddati

3 yil.

Yaroqlilik muddati

o‘tgach preparat qo‘llanilmasin

Dorixonalardan berish tartibi

Retseptsiz.

Qayd etish guvohnomasining egasi
Esparma GmbX
Bilefel'der Shtrasse 1,39171 Zyul'tsetal'/Osterveddingen, Germaniya.

Ishlab chiqaruvchi

ning nomi va manzili
Farma Vernigerode GmbX
Dornbergseveg 35,38855 Vernigerode, Germaniya.