Lantorol kaps. 30mg №14

Preparatning savdo nomi

Lantorol
Ta'sir etuvchi modda (XPN) Lansoprazol

Dori shakli

Qattiq jelatin kapsulalar.

Tarkibi

Har bir kapsula quyidagilarni saqlaydi
faol modda 30 mg lansoprazol.
yordamchi moddalar mannit, saxaroza, natriy laurilsulfati, dinatriy gidrofosfati, kaltsiy karbonati, natriy karboksimetiltsellyuloza, gidroksipropilmetil-tsellyuloza Ye5 va NR55, setil spirti, titan dioksidi, natriy metilparaben, natriy propilparaben.
kapsulani tarkibi titan dioksidi, temir II-oksidi, jelatin.
Ta'rifi oq yoki deyarli oq rangli sferik pelletlarni saqlovchi, korpusi notiniq oq rangli va qopqoqchasi notiniq sariq rangli, №0 o‘lchamli qattiq jelatin kapsulalar.

Farmakoterapevtik guruhi

Me'da-ichak yarasiga qarshi vosita (N+K+ATFaza ingibitori).
ATX kodi A02BC03
Farmakologik hususiyatlari

Farmakodinamika

Lansoprazol me'daning pariyetal hujayralaridagi N+/K+-ATFaza fermentini (“proton nasosi”ni) ingibitsiya qiladi va shu orqali xlorid kislotasi sintezini yakuniy bosqichini bloklaydi. Bu holat rag‘batlantiruvchi omilning sababidan qat'iy nazar, xlorid kislotasini bazal va rag‘batlantirilgan sekretsiyasi darajasini pasayishiga olib keladi. Lansoprazol pariyetal hujayralarda to‘planadi va ulardagi kislotali muhitda faollashadi, shundan so‘ng N+/K+-ATFaza fermentining sulfgidril guruhlari bilan reaktsiyaga kirishib, fermentning faolligini ingibitsiya qiladi.
Xlorid kislotasi sekretsiyasiga ta'siri
Lansoprazolning peroral qabul qilinadigan bir martalik 30 mg dozasi pentagastrin tomonidan rag‘batlantirilgan me'dadagi xlorid kislotasi sekretsiyasini taxminan 80% ga tormozlaydi. 7 kun davomida har kuni takroran qabul qilinganida induktsiyalangan xlorid kislotasini ishlab chiqarilishini 90% ga tormozlaydi. 30 mg dozani bir marta qabul qilish bazal sekretsiyani 70% ga kamaytiradi, bu birinchi dozasi qabul qilingan zahoti patsiyentda simptomlarni yengillashishini ta'minlaydi. 8 kun davomida har kuni qabul qilinganidan so‘ng sekretsiya 85% ga kamayadi. Simptomlarni tezda yengillashishi sutkada 1 kapsula (30 mg) dan qabul qilinganida erishiladi, sog‘ayish o‘n ikki barmoq ichak yara kasalligi bilan xastalangan ko‘pgina patsiyentlarda 2 hafta davomida, me'dani yara kasalligi va reflyuks-ezofagit bo‘lgan patsiyentlarda – 4 hafta davomida kuzatiladi. Me'da shirasining kislotaligi pasayganida, lansoprazol muvofiq antibiotiklar Helicobacter pylori ga qarshi samarali bo‘lgan muhit yaratadi.
Antisekretor dori preparatlari bilan davolanish vaqtida xlorid kislotasi sekretsiyasini pasayishiga javoban qon zardobida gastrinning darajasi oshadi. Me'daning kislotaligini pasayishi natijasida shuningdek xromogranin A (CgA) ning ham darajalari oshadi. CgA darajasining yuqori bo‘lishi neyroendokrin o‘smalarni tekshirish natijalariga ta'sir qilishi mumkin.
Chop etilgan ma'lumotlar, proton nasosi ingibitorlarini, CgA ning darajasini aniqlashdan 5 kun – 2 hafta oldin, bekor qilish kerakligini ko‘rsatadi. PNIni qabul qilish sababli oshgan bo‘lishi mumkin bo‘lgan CgA ning darajasini normal qiymatlar diapazoniga qaytish imkonini beradi.

Farmakokinetikasi

Lansoprazol pariyetal hujayralarning kislotali muhitida faol shaklga biotransformatsiya bo‘ladigan ikkita faol enantiomerlarning ratsemati hisoblanadi. Lansoprazol xlorida kislotasini ta'sirida tezda faolsizlanganligi tufayli, u ichakda eruvchan qobiq bilan qoplangan dori shaklida peroral qabul qilinadi.
So‘rilishi va taqsimlanishi
Lantorol bir marta qabul qilinganida biokiraolishligi yuqori (80-90%). Plazmada cho‘qqi kontsentratsiyalari 1,5 soatdan 2 soatgacha bo‘lgan chegaralarda kuzatiladi. Ovqatlanish lansoprazolning so‘rilish tezligini sekinlashtiradi va biokiraolishligini taxminan 50% ga pasaytiradi. Plazma oqsillari bilan bog‘lanishi 97% ni tashkil etadi.
Tadqiqotlar, ochiq kapsulalardagi granulalar qabul qilinganida va yopiq kapsulalar qabul qilinganida kontsentratsiya-vaqt egri chizig‘i ostidagi maydoni (AUC) qiymati natijada granulalar ko‘p bo‘lmagan miqdordagi apelsin, olma yoki pomidor sharbatida eritilganida, bir qoshiq olma yoki nok sharbati bilan aralashtirilganida, yoki bir qoshiq yogurt, puding yoki tvorogga qo‘shilganida bir xil bo‘lib qolishini ko‘rsatgan. AUC ning analogik qiymatlari olma sharbatida aralashtirilgan granulalar qabul qilinganida yoki nazogastral zond orqali yuborilganida kuzatilgan.
Metabolizmi va chiqarilishi
Lansoprazol jigarda metabolizmga uchraydi, metabolitlarni chiqarilishi jigar va buyraklar orqali amalga oshadi. Lansoprazolning metabolizmi asosan CYP2C19 fermenti tomonidan amalga oshiriladi. Metabolizmida shuningdek CYP3A4 ferment ham ishtirok etadi. Qon plazmasidan yarim chiqarilish davri sog‘lom shaxslarda bir marta yoki ko‘p marta qabul qilinganidan so‘ng 1 soatdan 2 soatgacha bo‘lgan vaqt oralig‘ida tebranadi. Sog‘lom shaxslarda preparat ko‘p marta qabul qilinganidan so‘ng uni to‘planishi yuzasidan dalillar mavjud emas. Plazmada lansoprazolning quyidagi sulfon, sulfid va 5-gidroksi-lansoprazol hosilalari aniqlanadi. Ushbu metabolitlar faol emas yoki antisekretor faollikka ega emas. 14S nishonlangan lansoprazolni o‘rganish yuzasidan o‘tkazilgan tadqiqotlar, lansoprazolning taxminan uchdan bir qismi siydik bilan va uchdan ikki qismi – axlat bilan chiqarilishini ko‘rsatgan.
Keksa yoshdagi patsiyentlarda farmakokinetikasi
Lansoprazolning klirensi keksalik yoshida kamayadi, yarim chiqarilish davri taxminan 
50-100% ga uzayadi. Plazmadagi cho‘qqi kontsentratsiyalari oshmaydi.
Bolalardagi farmakokinetikasi
1-17 yoshdagi bolalarda preparatning farmakokinetikasini baholash tana vazni 30 kg dan kam bo‘lgan patsiyentlar uchun 15 mg va tana vazni 30 kg dan ortiq bo‘lgan patsiyentlar uchun 
30 mg dozalarda qo‘llanganida kattalarda kuzatiladigan analogik ta'sir darajasini namoyish etgan.
Tana yuzasi maydoniga 17 mg/m2 yoki 1 kg tana vazniga 1 mg dozada qo‘llash bilan o‘tkazilgan tadqiqotda ham 2-3 oylikdan 1 yoshgacha bo‘lgan bolalarda lansoprazolning kattalarda kuzatiladigan ta'sir darajasiga o‘xshash ta'sir darajasi namoyish etilgan.
Lansoprazolning, kattalardagiga nisbatan yanada yuqoriroq ta'sir darajasi 2-3 oylikdan kichik, 1 kg tana vazniga 1,0 mg/kg va 0,5 mg/kg dozalarda bir marta qo‘llanilgan bolalarda kuzatilgan.
Jigar yetishmovchiligi bo‘lgan patsiyentlardagi farmakokinetikasi
Jigar funktsiyasi buzilganida lansoprazolning yarim chiqarilish davri 3-4 barobar uzayadi.
CYP2C19 fermentining metabolizmi sust bo‘lgan patsiyentlar
CYP2C19 fermenti genetik polimorfizmga uchraydi. Kuchsiz metabolizatorlar deb nomlangan aholining 2-6% CYP2C19 mutant alleliga nisbatan gomozigotali hisoblanadilar, shuning uchun ularda funktsional CYP2C19 fermenti bo‘lmaydi. Kuchsiz metabolizatorlarda lansoprazolning ta'sir darajasi ekstensiv metabolizatorlarga nisbatan bir necha marta yuqori bo‘ladi.

Qo‘llanilishi

• me'da va o‘n ikki barmoq ichak yara kasalligini davolash;
• reflyuks-ezofagitni davolash;
• reflyuks-ezofagitni oldini olish;
• Helicobacter pylori eradikatsiyasi majmuaviy antibakterial davolash tarkibida;
• me'da va o‘n ikki barmoq ichakni, nosteroid yallig‘lanishga qarshi preparatlar (NYaQP)ni qabul qilish bilan bog‘liq bo‘lgan eroziv-yarali shikastlanishlarini davolash va oldini olish;
• havf guruhiga kirgan, uzluksiz davolash o‘tkazish talab etilgan patsiyentlarda me'da va o‘n ikki barmoq ichakni, NYaQP bilan assotsiatsiyalangan, yarasini oldini olish;
• gastroezofageal reflyuks kasalligi (GERK) ni simptomatik davolash;
• Zollinger-Ellison sindromida qo‘llanadi.

Qo‘llash usuli va dozalari

Optimal samaraga erishish uchun Lantorol preparatini sutkada bir marta ertalab qabul qilish kerak; Helicobacter pylori eradikatsiyasida preparat sutkada ikki marta (ertalab va kechqurun) qabul qilinadi. Lantorol preparatini ichga, ovqatlanishdan kamida 30 minut avval, ko‘p bo‘lmagan miqdordagi suyuqlik bilan qabul qilish lozim. Kapsulalarni butun holida, chaynamasdan, yutish lozim. Agar buni imkoni bo‘lmasa, u holda kapsula ochiladi, uning ichidagisi ko‘p bo‘lmagan miqdordagi olma/pomidor sharbati (1 osh qoshig‘i) bilan aralashtiriladi yoki ko‘p bo‘lmagan miqdordagi yumshoq ovqatga (masalan, yogurt, olma pyuresiga) qo‘shiladi. Kapsulaning ichidagisi 40 ml olma sharbati bilan ham aralashtirilishi va nazogastral zond orqali yuborilishi mumkin. Preparat suspenziya yoki aralashma tayyorlangan zahoti qabul qilinishi kerak.
Kapsulaning ichidagisini bo‘lish mumkin emas. Kamroq dozalarini qabul qilish zarurati bo‘lganida boshqa dori shaklini buyurish kerak.
O‘n ikki barmoq ichak yara kasalligi sutkada 30 mg (1 kapsula) dan 2 hafta davomida buyuriladi, rezistent holatlarda davolash 4 haftagacha davom ettiriladi.
Me'dani yara kasalligi va reflyuks-ezofagit sutkada 30 mg (1 kapsula) dan 4 hafta davomida buyuriladi, zarurat bo‘lganida davolash 8 haftagacha davom ettiriladi.
Reflyuks-ezofagitni oldini olish 15 mg dan sutkada 1 marta buyuriladi. Zarurat bo‘lganida dozasi sutkada 30 mg gacha oshirilishi mumkin.
Helicobacter pylori eradikatsiyasi majmuaviy davolashning to‘g‘ri keladigan usulini tanlashda bakteriyalarni chidamliligi, davolashni davomiyligi (ko‘pgina holatlarda 7 kun, ba'zida 14 kun), antibakterial vositalarni muvofiq qo‘llash bo‘yicha mahalliy rasmiy qo‘llanmalarning tavsiyalarini inobatga olish kerak. 30 mg (1 kapsula) dan sutkada 2 marta 7 kun davomida antibakterial vositalar bilan birga quyidagi majmualarda 250-500 mg klaritromitsin kuniga ikki marta + 1 g amoksitsillin kuniga ikki marta; 250 mg klaritromitsin kuniga ikki marta + 400-500 mg metronidazol kuniga ikki marta buyuriladi.
H. pylori eradikatsiya darajasiga klaritromitsin lansoprazol bilan va amoksitsillin yoki metronidazol bilan majmuada qo‘llanganida 90% ga erishiladi.
Samarali eradikatsion davolashdan so‘ng olti oydan keyin takroriy infektsiyalanish havfi past hisoblanadi, qaytalanish ehtimoli kam bo‘ladi.
Shuningdek 30 mg lansoprazol sutkada 2 marta, 1 g amoksitsillin sutkada 2 marta va 400-500 mg metronidazol sutkada 2 marta qabul qilishdan tarkib topgan davolash tartibi o‘rganilgan. Ushbu majmua qo‘llanganida eradikatsiya darajasi, klaritromitsinni qo‘llash tartibiga nisbatan yanada pastroq bo‘lishi kuzatilgan. Agar ushbu maskanda metronidazolga bakteriyalarni chidamlilik darajasi past bo‘lsa, eradikatsion davolashda klaritromitsinni qabul qilishga qodir bo‘lmagan patsiyentlar uchun bunday davolash tartibi qulay hisoblanadi.
Me'da va o‘n ikki barmoq ichakni, NYaQP qabul qilish bilan bog‘liq bo‘lgan eroziv-yarali shikastlanishlari sutkada 30 mg (1 tabletka) dan 4-8 hafta davomida buyuriladi. Rezistent holatlarda davolash yanada yuqoriroq dozalar yordamida yanada uzoqroq vaqt mobaynida davom ettiriladi.
Havf guruhiga kirgan (> 65 yoshdagi yoki anamnezida me'da yoki o‘n ikki barmoq ichak yarasiga ko‘rsatmalari bo‘lgan), NYaQV ni uzluksiz qabul qilish talab etilgan patsiyentlarda me'da va o‘n ikki barmoq ichakning NYaQV bilan assotsiatsiyalangan yaralarini oldini olish 15 mg dan sutkada 1 marta buyuriladi. Davolash samarasiz bo‘lganida preparatning dozasi sutkada 1 marta 30 mg gacha oshirilishi mumkin.
GERK simptomatik davolash sutkada 15-30 mg buyuriladi. Simptomlarni yengillashishi tez kuzatiladi. Dozaga individual ravishda tuzatish kiritish ehtimolini ko‘rib chiqish kerak. Sutkada 30 mg dozada qo‘llanganida 4 hafta davomida simptomlarni yengillashishi kuzatilmasa, navbatdagi tekshiruvni o‘tkazish kerak.
Zollinger-Ellison sindromi dozasi individual ravishda tanlanadi. Odatda 60 mg 
(2 kapsula) dan sutkada 1 marta buyuriladi. Agar sutkada 120 mg dan ortiq dozalarni qo‘llash zarurati bo‘lsa, ularni ikki marta qabulga bo‘lish lozim. Davolash uchun sutkada 180 mg gacha bo‘lgan doza qo‘llanishi mumkin.
Buyrak funktsiyasini buzilishi bo‘lgan patsiyentlar uchun dozaga tuzatish kiritish talab etilmaydi.
Jigar funktsiyasini o‘rtacha yoki og‘ir darajada buzilishi bo‘lgan patsiyentlar kuzatuv ostida bo‘lishlari kerak, sutkalik dozani 50% ga pasaytirish tavsiya etilgan.
Keksa yoshdagi patsiyentlar – dozasi individual ravishda tanlanadi. 30 mg sutkalik dozasi klinik ko‘rsatmalarsiz oshirilishi mumkin emas.
Nojo‘ya ta'sirlari
Noxush reaktsiyalarni uchrash tezligini ko‘rsatkichlari quyidagi tarzda aniqlanadi juda tez-tez (≥ 1/10); tez-tez (≥ 1/100, ammo < 1/10); tez-tez emas (≥ 1/1000, ammo < 1/100); kam hollarda (≥ 1/10000, ammo < 1/1000); juda kam hollarda (< 1/10000); uchrash tezligi noma'lum (mavjud ma'lumotlar asosida baholash mumkin emas).
Qon va limfa tizimlari tomonidan tez-tez emas – trombotsitopeniya, eozinofiliya, leykopeniya; kam hollarda – anemiya; juda kam hollarda – agranulotsitoz, pantsitopeniya.
Metabolizm va oziqlanishni buzilishlari uchrash tezligi noma'lum – gipomagniyemiya.
Ruhiy buzilishlar tez-tez emas – depressiya; kam hollarda – uyqusizlik, gallyutsinatsiyalar, ongni chalkashishi.
Nerv tizimi tomonidan tez-tez – bosh og‘rig‘i, bosh aylanishi; kam hollarda – qo‘zg‘aluvchanlik holati, vertigo, paresteziya, uyquchanlik, tremor.
Ko‘rish a'zolari tomonidan kam hollarda – ko‘rishni buzilishlari.
MIT a'zolari tomonidan tez-tez – ko‘ngil aynishi, diareya, me'dada og‘riq, qabziyat, qusish, meteorizm, og‘iz yoki tomoqni qurishi, me'daning tubida bezli poliplar (havfsiz); kam hollarda – glossit, qizilo‘ngach kandidozi, pankreatit, ta'm bilishni buzilishi; juda kam hollarda – kolit, stomatit.
Gepatobiliar tizimi tomonidan tez-tez – jigar fermentlarining darajasini oshishi; kam hollarda – gepatit, sariqlik.
Teri va teri osti to‘qimalari tomonidan tez-tez – eshakemi, qichishish, teri toshmalari; kam hollarda – petexiyalar, purpura, sochlarni to‘kilishi, ko‘p shaklli eritema, yorug‘likka sezuvchanlik; juda kam hollarda – Stivens-Djonson sindromi, toksik epidermal nekroliz; uchrash tezligi noma'lum – terining nimo‘tkir kechuvchi qizil yugurigi.
Skelet mushaklari va biriktiruvchi to‘qimalari tomonidan tez-tez emas – artralgiya, mialgiya, son suyagini, bilak yoki umurtqa pog‘onasini sinishlari.
Buyraklar va siydik chiqarish yo‘llari tomonidan kam hollarda – interstitsial nefrit.
Reproduktiv tizimi va sut bezlari tomonidan kam hollarda – ginekomastiya.
Umumiy buzilishlar tez-tez – toliqish; tez-tez emas – shish; kam hollarda – isitma, gipergidroz, angionevrotik shish, anoreksiya, impotentsiya; juda kam hollarda – anafilaktik shok.
Laborator tekshiruv natijalari juda kam hollarda – triglitseridlar va xolesterinning darajasini oshishi, giponatriyemiya.
Shubha qilingan noxush reaktsiyalar xaqida xabarlar
Dori vositasi ro‘yxatdan o‘tkazilgandan keyin shubha qilingan noxush reaktsiyalar haqida xabarlar muhim hisoblanadilar. Patsiyentda dori vositasiga nisbatan jiddiy noxush reaktsiya aniqlanganida yoki ushbu bo‘limda ta'riflanmagan yangi noxush reaktsiya paydo bo‘lganida Milliy farmakoogohlik tizimiga muvofiq ravishda xabar berishingizni so‘raymiz.

Qo‘llash mumkin bo‘lmagan holatlar

• lansoprazolga yoki yordamchi moddalaridan birortasiga yuqori sezuvchanlik;
• OITV proteaza ingibitorlari (atazanavir, nelfinavir) bilan birga qo‘llash;
• 18 yoshgacha bo‘lgan bolalar va o‘smirlar;
• homiladorlik va laktatsiya davrida preparatni qo‘llash mumkin emas.
Dorilarning o‘zaro ta'siri
Lansoprazol, biokiraolishligida me'da shirasining rN hal qiluvchi ahamiyatga ega bo‘lgan dori vositalarning so‘rilishiga ta'sir qilishi mumkin.
Atazanavir tadqiqotlar, lansoprazolni (60 mg dan sutkada 1 marta) 400 mg atazanavir bilan birga sog‘lom ko‘ngillilarga qo‘llash atazanavirning ekspozitsiyasini ahamiyatli darajada pasayishiga olib kelishini ko‘rsatgan (AUC va Smax qiymatlarini pasayishi taxminan 90% ni tashkil etgan). Lantorolni atazanavir bilan bir vaqtda qo‘llash mumkin emas.
Ketokonazol va itrakonazol xlorid kislotasini ta'sirida ketokonazol va itrakonazolni MIY dan so‘rilishi kuchayadi. Lansoprazolni qo‘llash ketokonazol va itrakonazolning subterapevtik kontsentratsiyalariga olib kelishi mumkin, shuning uchun birga qabul qilishdan saqlanish lozim.
Digoksin lansoprazol va digoksinni birga qo‘llash digoksinning plazmadagi darajasini oshishiga olib kelishi mumkin. Shuning uchun digoksinning plazmadagi darajasini nazorat qilish va zarurat bo‘lganida lansoprazol bilan davolashni boshlanishida va oxirida digoksinning dozasiga tuzatish kiritish kerak.
Sitoxrom R450 yordamida metabolizmga uchraydigan dori preparatlari lansoprazol CYP3A4 izofermenti ta'sirida metabolizmga uchraydigan preparatlarning plazmadagi kontsentratsiyalarini oshirishi mumkin. Lantorol va terapevtik doirasi tor bo‘lgan ushbu preparatlar bir vaqtda qo‘llanganida ehtiyotkorlikka rioya qilish tavsiya etiladi.
Teofillin lansoprazol plazmada teofillinning kontsentratsiyasini kamaytiradi, bu kutilgan klinik samarani pasaytirishi mumkin. Ushbu preparatlar majmuada qo‘llanganida ehtiyotkorlikka rioya qilish tavsiya etiladi.
Takrolimus lansoprazolni birga qo‘llash takrolimusning plazmadagi kontsentratsiyasini oshiradi. Lansoprazol takrolimusning o‘rtacha ekspozitsiyasini 81% ga oshiradi. Lansoprazol bilan bir vaqtda qo‘llashni boshlanishida va oxirida takrolimusning qon plazmasidagi kontsentratsiyasini monitoringini o‘tkazish tavsiya etiladi.
R-glikoprotein tomonidan tashiladigan dori preparatlari
In vitro sharoitida lansoprazol transport proteini P-glikoprotein (P-gp) ni ingibitsiya qilishi aniqlangan. Ushbu faktni klinik ahamiyati noma'lum.
Fluvoksamin lansoprazol CYP2C19 izofermentining ingibitori fluvoksamin bilan bir vaqtda qo‘llanganida uning dozasini kamaytirish masalasini ko‘rib chiqish kerak. Lansoprazolning plazmadagi kontsentratsiyasi 4 barobar oshadi.
Rifampitsin va teshik dalachoy (Hypericum perforatum) kabi CYP2C19 va CYP3A4 fermentlarining induktorlari lansoprazolning plazmadagi kontsentratsiyasini ahamiyatli darajada pasaytirishi mumkin.
Sukralfat/antatsidlar sukralfat/antatsidlar lansoprazolning biokiraolishligini pasaytirishi mumkin. Shunday qilib, Lantorol preparatini ushbu preparatlarni qabul qilgandan so‘ng kamida 1 soatdan keyin qabul qilish lozim.
Lansoprazolni nosteroid yallig‘lanishga qarshi vositalar bilan klinik ahamiyatli o‘zaro ta'siri aniqlanmagan, biroq o‘zaro ta'sirini o‘rganish bo‘yicha rasmiy tadqiqotlar o‘tkazilmagan.

Maxsus ko‘rsatmalar

Boshqa preparatlar bilan me'da-ichak yarasiga qarshi davolash o‘tkazilganda bo‘lgani kabi, me'daning yara kasalligini lansoprazol bilan davolashda, me'da va o‘n ikki barmoq ichakda havfli o‘smalar borligini istisno qilish kerak, chunki lansoprazol kasallikning simptomlarini yashirishi va tashxis qo‘yishni kechiktirishi mumkin.
Lantorol preparatini jigar funktsiyasini o‘rtacha va og‘ir buzilishlari bo‘lgan patsiyentlarga ehtiyotkorlik bilan qo‘llash kerak.
Lantorolni qo‘llash oqibatida me'daning kislotaligini pasayishi normada MIYda mavjud bo‘lgan bakteriyalarning sonini ko‘payishiga olib kelishi mumkin. Lansoprazol bilan davolash Salmonella va Campylobacter tomonidan chaqirilgan me'da-ichak infektsiyalarini rivojlanish havfini biroz oshishiga olib kelishi mumkin.
Me'da va o‘n ikki barmoq ichak yara kasalligi bo‘lgan patsiyentlarda Helicobacter pylori infektsiyasi etiologik omil sifatida bo‘lishi mumkinligini inobatga olish kerak.
Helicobacter pylori eradikatsiyasi uchun lansoprazol boshqa antibiotiklar bilan majmuada qo‘llanganida ushbu antibiotiklarning qo‘llash bo‘yicha yo‘riqnomalariga rioya qilish kerak. 1 yildan ortiq vaqt davomida samarani bir maromda tutib turuvchi davolashda bo‘lgan patsiyentlar uchun havfsizligi bo‘yicha ma'lumotlar cheklanganligi tufayli, ushbu patsiyentlarni kuzatish va havf/foyda nisbatini sinchiklab baholash kerak.
Lansoprazol qabul qilgan patsiyentlarda kolit holatlarini rivojlanganligi xaqida juda kam xabar berilgan. Shunday qilib, og‘ir darajadagi va/yoki doimiy avj oluvchi diareya kuzatilganida davolashni to‘xtatish masalasini ko‘rib chiqish kerak.
NYaQP bilan uzluksiz davolanishga muhtoj bo‘lgan patsiyentlarda me'da-ichak yara kasalligini oldini olish uchun lansoprazolni qo‘llash asoratlarni rivojlanish havfi yuqori darajada bo‘lganida anamnezida me'da-ichak qon ketishlari bo‘lganida, perforatsiyalarda yoki yaralarda, keksa yoshda, MIYning yuqori bo‘limlarida noxush ko‘rinishlarni rivojlanish ehtimolini oshiruvchi dori vositalar (masalan, kortikosteroidlar yoki antikoagulyantlar) bir vaqtda qabul qilinganida, jiddiy yondosh kasalliklari mavjud bo‘lganida yoki NYaQP maksimal buyurilgan dozalarda uzoq muddat qo‘llanganida lansoprazolni qo‘llash cheklanishi kerak. PNI, shu jumladan lansoprazolni uch oydan bir yilgacha qabul qilgan patsiyentlarda og‘ir darajadagi gipomagniyemiyani rivojlanish holatlari xaqida xabar berilgan. Gipomagniyemiyaning toliqish, tetaniya, alahsirash, tirishishlar, bosh aylanishi, va yurak qorinchalari aritmiyasi kabi jiddiy ko‘rinishlari organizm uchun havf tug‘dirishi va inobatga olinmasdan qolib ketishi mumkin. Ko‘pchilik patsiyentlarda gipomagniyemiya magniy preparatlari qabul qilinganidan va PNI bilan davolash to‘xtatilganidan keyin kamaygan. Agar patsiyentni digoksin yoki gipomagniyemiyani chaqiruvchi boshqa preparatlar (masalan, diuretiklar) bilan bir vaqtda PNI bilan uzoq muddat davolash rejalashtirilgan bo‘lsa, mutaxassis davolashni boshlashdan avval magniyning darajasini baholash va davolanish jarayonida uni nazorat qilish kerak.
PNI yuqori dozalarida uzoq muddat (> 1 yil) qo‘llanganida ayniqsa keksa yoshdagi patsiyentlarda yoki boshqa havf omillari mavjud bo‘lganida son suyagi, bilak umurtqa pog‘onasini sinish havfi oshishi mumkin. Kuzatuv ostida o‘tkazilgan tadqiqotlar, proton nasosi ingibitorlari umumiy sinishlar havfini 10-40% ga oshirishi mumkin. Bunday oshishi jarayoni biroz darajada boshqa havf omillari bilan chaqirilishi mumkin. Osteoporozni rivojlanish havfi bo‘lgan patsiyentlar amaldagi klinik tavsiyalarga muvofiq ravishda davolanishlari va D vitamini hamda kaltsiyni yetarli miqdorda qabul qilishlari kerak.
Terining nimo‘tkir kechuvchi qizil egurigi (TNQYu)
Proton nasosi ingibitorlari qo‘llanganida juda kam hollarda TNQYu kuzatilgan. Shikastlanishlar yuzaga kelganida, ayniqsa terining quyosh nurlari ta'siriga uchragan, va artralgiya bilan kechuvchi sohalarida rivojlanganida patsiyent zudlik bilan tibbiy yordamga murojaat qilishi kerak, tibbiy xodim esa Lantorol preparatini bekor qilish ehtimolini ko‘rib chiqishi kerak. Ilgari proton nasosi ingibitori bilan davolangandan keyin TNQYu ni kuzatilganligi boshqa proton nasosi ingibitorlari bilan davolanganda TNQYu rivojlanish havfini oshirishi mumkin.
Laborator tahlil natijalari bilan interferentsiyasi
Xromogranin A (CgA) ning darajalarini yuqori bo‘lishi neyroendokrin o‘smalar borligini aniqlash uchun tekshiruv natijalari bilan interferentsiya qilinishi mumkin. Bunday interferentsiyadan saqlanish uchun CgA ning darajalarini aniqlashdan kamida 5 kun oldin preparatni qabul qilishni to‘xtatish kerak. Agar CgA va gastrinning darajalari birinchi marta o‘lchanganidan so‘ng normal qiymatlar diapazoniga qaytmasa, proton nasosi ingibitorlarini qabul qilish to‘xtatilganidan so‘ng 14 kundan keyin takroran o‘lchash lozim.
Lantorol tarkibida saxaroza saqlaydi. Fruktozani kam uchraydigan o‘zlashtirolmasligi, glyukoza-galaktoza malabsorbtsiyasi yoki saxaraza-izomaltaza yetishmovchiligi bo‘lgan patsiyentlar ushbu preparatni qabul qilishlari mumkin emas.
Homiladorlikda va laktatsiya davrida qo‘llanishi
Homiladorlikka lansoprazolni ta'siri yuzasidan klinik ma'lumotlar yetarli emas. Hayvonlarda o‘tkazilgan tadqiqotlar, homiladorlikka, embrional rivojlanishi/qorin ichida rivojlanishiga, tug‘ruq yoki postnatal rivojlanishga bevosita yoki bilvosita salbiy ta'sir qilishini ko‘rsatmaydi. Homiladorlik vaqtida lansoprazolni qo‘llash tavsiya etilmaydi.
Odamning ko‘krak sutiga lansoprazolni ajralib chiqishi noma'lum. Biroq, hayvonlarda o‘tkazilgan tadqiqotlarda lansoprazolni hayvonlarning ko‘krak sutiga ajralib chiqishi ko‘rsatilgan. Emizishni davom ettirish/to‘xtatish masalasi yoki lansoprazol bilan davolashni davom ettirish/to‘xtatish masalasi bola uchun emizishni foydasi va ona uchun lansoprazol bilan davolashni foydasini inobatga olgan holda hal qilinishi kerak.
Pediatriyada qo‘llanishi
Klinik ma'lumotlar yetarli bo‘lmaganligi tufayli, lansoprazolni 18 yoshgacha bo‘lgan bolalar va o‘smirlarga qo‘llash tavsiya etilmagan. 1 yoshgacha bo‘lgan bolalarni davolashdan saqlanish kerak, chunki mavjud ma'lumotlarga muvofiq, GERK davolashda ijobiy samarasi isbotlanmagan.
Avtotransportni haydash va mexanizmlarni boshqarish qobiliyatiga ta'siri
Bosh aylanishi, vertigo, ko‘rishni buzilishi va uyquchanlik rivojlanishi mumkinligi tufayli, transport vositalari va diqqatni yuqori darajada jamlashni talab etuvchi boshqa mexanizmlarni boshqarishdan saqlanish kerak.

Dozani oshirib yuborilishi

Odamda lansoprazolning dozasini oshirib yuborilish samarasi noma'lum (garchi o‘tkir toksiklik ehtimoli kam bo‘lsa-da), shuning uchun davolash bo‘yicha yo‘riqnoma berilishi mumkin emas. Shunday bo‘lsa-da, tadqiqotlarda lansoprazolning 180 mg gacha bo‘lgan peroral qabul qilinadigan va 90 mg gacha bo‘lgan vena ichiga yuboriladigan sutkalik dozalari jiddiy nojo‘ya samaralar bilan kechmagan.
Lansoprazolning dozasini oshirib yuborilish simptomlarini

Maxsus ko‘rsatmalar

bo‘limiga qarang.

Dozani oshirib yuborilishi

ga shubha qilinganida patsiyentning ahvolini nazorat qilish kerak. Lansoprazol gemodializ orqali ahamiyatsiz darajada chiqariladi. Zarurat bo‘lganida me'dani bo‘shatish, faollashtirilgan ko‘mir qabul qilish va simptomatik davolash o‘tkazish tavsiya etiladi.

Chiqarilish shakli

Qattiq jelatin kapsulalar. 7 kapsuladan blisterda. 2 yoki 4 blister tibbiyotda qo‘llanilishiga doir yo‘riqnomasi bilan birga karton qutiga joylangan.

Saqlash sharoiti

Namlik va yorug‘likdan himoyalangan joyda, 25ºC dan yuqori bo‘lmagan xaroratda saqlansin.
Bolalar ololmaydigan joyda saqlansin!

Yaroqlilik muddati

Ishlab chiqarilgan

sanadan boshlab 3 yil.

Yaroqlilik muddati

tugaganidan so‘ng qo‘llanilmasin.

Dorixonalardan berish tartibi

Retsept bo‘yicha.