Preparatning savdo nomi
Pantap
Ta'sir etuvchi modda (XPN) pantoprazol

Dori shakli
ichakda eriydigan qobiq bilan qoplangan tabletkalar

Tarkibi

faol modda pantoprazol natriy seskvigidrati (20 mg, 40 mg pantoprazolga ekvivalent);
yordamchi moddalar uch asosli suvsiz natriy fosfati, izomalьt, natriy karboksimetiltsellyuloza, krospovidon, natriy stearil fumarati;
1-qobiq gidroksipropilmetiltsellyuloza, polivinilpirrolidon, qobiq uchun material №9 (tozalangan suv, gipromelloza, propilenglikolь, titan dioksidi, temir (II) (sariq) oksidi), propilenglikolь;
2-qobiq eudragit, trietiltsitrat, simetikon emulьsiyasi.
Ta'rifi
PANTAP 20 och sariq rangdan sariq ranggacha bo‘lgan, oval shaklli, ikki yoqlama qavariq, ichakda eriydigan qobiq bilan qoplangan tabletkalar.
PANTAP 40 och sariq rangdan sariq ranggacha bo‘lgan, oval shaklli, ikki yoqlama qavariq, ichakda eriydigan qobiq bilan qoplangan tabletkalar.

Farmakoterapevtik guruhi
me'da va o‘n ikki barmoq ichak yarasiga qarshi vositalar (H+K+ATFaza ingibitori).
ATX kodi A02BC02


Farmakologik xususiyatlari

Pantoprazol me'da sekretsiyasining blokatori bo‘lib, pariyetal hujayralardan xlorid kislotasi sekretsiyasini oxirgi bosqichini kataliz qiluvchi ferment, N+, K+ ATF-aza proton nasosini, ingibitsiya orqali xlorid kislotasi sekretsiyasini ham kamaytiradi. Bunda preparat kislota sekretsiyasini ham asosiysini, ham rag‘batlantirilganini (rag‘batlantiruvchining tabiatidan qat'iy nazar) ingibitsiya qiladi. Bir marta qabul qilingandan keyin kislota sekretsiyasini ingibitsiya qilinishi 24-72 soat mobaynida davom etadi. Preparatni qabul qilish to‘xtatilganda, sekretor faollik asta-sekin o‘zining dastlabki holatiga 7 kundan keyin qaytadi. Pepsin sekretsiyasini susaytirmaydi, gastrinning zardobdagi darajasini oshiradi, u odatda preparat bilan davolash to‘xtatilgandan keyin 1-2 hafta davomida dastlabki ko‘rsatkichga qaytadi. Antibiotiklarning antixelikobakter samarasini namoyon bo‘lishiga yordam beradi.

Farmakokinetikasi

Ichga qabul qilingandan keyin pantoprazol tez so‘riladi. Qon plazmasidagi maksimal kontsentratsiyasiga (Smax) 20 mg yoki 40 mg li birinchi dozadan keyin erishiladi. O‘rtacha1,0-1,5 mkg/ml ga teng bo‘lgan 20 mg dozasi uchun Smax 2-2,5 soatdan keyin va 2,0-3,0 mkg/ml - 40 mg dozasi uchun 2,5 soatdan keyin erishiladi. Ushbu ko‘rsatkich bu preparatni ko‘p marta qo‘llagandan keyin doimiy bo‘lib qoladi.
Taqsimlanish hajmi (Vd) 0,15 l/kg, klirensi - 0,1-l/soat/kg ni tashkil qiladi. Preparatning yarim chiqarilish davri (T1/2) - 1 soatni tashkil qiladi.
Preparatning farmakokinetikasi preparat bir marta qo‘llangandan keyin ham va ko‘p marta qo‘llangandan keyin ham bir xil.
Pantoprazolni qon plazmasi oqsillari bilan bog‘lanishi 98% ni tashkil qiladi. Jigarda metabolizmga uchraydi. Asosiy chiqarilish yo‘li - buyraklar orqali (taxminan 80%) pantoprozolning metabolitlari ko‘rinishida, oz miqdorda axlat bilan chiqariladi. Qon plazmasi va siydikdagi asosiy metaboliti sulьfat bilan kon'yugatsiya qiluvchi desmetilpantoprazoldir.
Mutloq biokiraolishligi - 77% ni tashkil qiladi. Ularni ovqat bilan bir vaqtda qo‘llash “kontsentratsiya-vaqt” egri chiziq ostidagi maydon (AUC) va Smax ga ta'sir qilmaydi.
Preparatni buyrak funktsiyasi cheklangan patsiyentlarda (shu jumladan gemodializdagipatsiyentlarda) qo‘llanganda dozani pasaytirish talab qilinmaydi. Sog‘lom patsiyentlarda bo‘lgani kabi, pantoprazolning T1/2 qisqadir. Preparatning juda oz qismigina dializlanadi. To‘planib qolish yuz bermaydi.
Jigar sirrozi (Child tasnifi bo‘yicha A va V sinflari) bo‘lgan patsiyentlarda T1/2 ko‘rsatkichi, pantoprazolni 20 mg dozada qo‘llanganda 3-6 soatgacha va 40 mg dozada qo‘llanganda esa 7-9 soatgacha oshadi. AUC ko‘rsatkichi (20 mg doza uchun) 3-5 marta va (40 mg doza uchun) 5-7 marta oshadi. Smax sog‘lom patsiyentlarga nisbatan 1,3 marta (20 mg doza uchun) va 1,5 martaga (40 mg doza uchun) oshadi.
Keksa yoshdagi kishilarda AUC va Smax ni biroz oshishi klinik ahamiyatli hisoblanmaydi.


Qo‘llanilishi

Me'da va o‘n ikki barmoq ichak yarasini, shu jumladan N2-gistamin retseptorlarining antagonistlariga chidamli bo‘lgan, nosteroid yallig‘lanishga qarshi vositalari bilan davolash oqibatida chaqirgan eroziv-yarali shikastlanishlar, reflyuks-ezofagit, Zollinger-Ellison sindromini davolash va oldini olish uchun qo‘llanadi. Me'da va o‘n ikki barmoq ichak yarasi bo‘lgan patsiyentlarda Helicobacter pylori ni (antibiotiklar bilan majmuaviy) bartaraf etishda qo‘llanadi.


Qo‘llash usuli va dozalari

Ko‘p bo‘lmagan miqdordagi suyuqlik bilan ovqatdan oldin (odatda ertalab) ichga qabul qilinadi.
Me'da yarasi va reflyuks-ezofagitni simptomatik davolash tavsiya qilinadigan dozasi 20-40 mg bo‘lib, 2-4 hafta davomida har kuni qabul qilinadi. Boshlang‘ich davolash kursidan so‘ng to‘liq sog‘aymagan va davolashni boshqa turlariga chidamli bo‘lgan patsiyentlar uchun preparatning dozasi kunda 40 mg gacha oshiriladi va davolash yana 4 haftagacha davom ettiriladi. Davolash kursining davomiyligi ko‘rsatmaga qarab o‘rnatiladi, lekin u 8 haftadan oshmasligi kerak.
Duodenal yarada odatdagi dozasi 2 hafta davomida har kuni 20-40 mg dan hisoblanadi. Boshlang‘ich davolash kursidan keyin to‘liq sog‘aymagan patsiyentlar uchun davolash yana keyingi 4 haftagacha uzaytiriladi. Yarani yomon bitishida boshlang‘ich dozasi 40 mg bo‘lib, 4 haftalik davolash davomiyligi tavsiya qilinadi.
Yarani qaytalanishi va reflyuks-ezofagitni oldini olish uchun kuniga 10-40 mg dozada tavsiya qilinadi.
Preparat bilan uzoq vaqt uzluksiz davolash tavsiya etilmaydi.
Nosteroid yallig‘lanishga qarshi preparatlarni qabul qilish oqibatida chaqirilgan yaralarda tavsiya qilinadigan doza kuniga 20-40 mg hisoblanadi.
Helicobacter pylori ga nisbatan bakteritsid samaraga erishish uchun preparat 40 mg dozada kunda 2 marta, muvofiq antibiotiklar (amoksitsillin, klaritromitsin (klabel) tetratsiklin va boshqalar) bilan turli sxemalarda qabul qilinadi, ular 7 kundan 14 kungacha davom etadi. Yaraning to‘liq tuzalishi uchun, ikkiyoqlama yoki uchyoqlama davolashdan keyin antatsidlar bilan qo‘shimcha davolash kerak bo‘lishi mumkin.
Zollinger-Ellison sindromida tavsiya qilinadigan boshlang‘ich dozasi 40 mg dan har kuni buyuriladi. Dozani individual ravishda kunda 240 mg gacha oshirish mumkin (bunday holatda uni 2 marta qabul qilishga bo‘linadi), davolash davomiyligi kasallik simptomlarining dinamikasiga bog‘liq.


Nojo‘ya ta'sirlari
JSST ma'lumotiga ko‘ra, nojo‘ya ta'sirlar rivojlanish tezligi bo‘yicha quyidagicha taqsimlanadi juda tez-tez (≥1/10); tez-tez (≥1/100 dan <1/10 gacha); tez-tez emas (≥1/1000 dan <1/100 gacha); kam hollarda (≥1/10000 dan <1/1000 gacha); juda kam hollarda (<1/10000); noma'lum – mavjud ma'lumotlarga ko‘ra uchrash tezligi aniqlashni imkoniyati yo‘q.
Qon yaratish va limfatik tizimi tomonidan kam hollarda– agranulotsitoz; juda kam hollarda - trombotsitopeniya, leykopeniya, pantsitopeniya, anemiya.
Immun tizimi tomonidan kam hollarda– yuqori sezuvchanlik (jumladan anafilaktik reaktsiyalar va anafilaktik shok).
Oziqlanish va moddalar almashinuvi tomonidan kam hollarda – giperlipidemiya, lipid spektrining oshishi (triglitseridlar, xolesterin), tana vaznining o‘zgarishi; noma'lum – giponatriyemiya.
Markaziy nerv tizimi tomonidan tez-tez emas - bosh og‘rig‘i, bosh aylanishi, uyquchanlik, uyqusizlik; kam hollarda – depressiya; juda kam hollarda - dezoriyentatsiya; noma'lum – ongni chalkashishi, gallyutsinatsiyalar (moyilligi bo‘lgan patsiyentlarda), lohaslik hissi, paresteziyalar..
Ko‘rish a'zolari tomonidan kam hollarda – ko‘rish buzilishi/tarqalgan ko‘rish
Nafas tizimi, ko‘krak qafasi va ko‘ks oralig‘i tomonidan tez-tez emas – laringit; kam hollarda– bronxospazm, astma.
Me'da-ichak yo‘llari tomonidan tez-tez emas - diareya, ko‘ngil aynashi, qusish, qorin dam bo‘lishi va meteorizm, kolit, qorinda og‘riq, ta'm sezishni o‘zgarishi, stomatit.
Jigar va o‘t chiqarish yo‘llari tomonidan tez-tez emas – bilirubin darajasini oshishi yoki oshmasligi bilan kechuvchi jigar fermentlari faolligini oshishi; noma'lum – sarilik, jigar hujayralarini shikastlanishi, glikozuriya.
Teri va teri osti to‘qimalari tomonidan tez-tez emas – teri toshmasi, eshakemi va/yoki qichishish; kam hollarda – Kvinke shishi; noma'lum – Stivens-Jonson sindromi, Layell sindromi, ko‘p shaklli eritema, fotosensibilizatsiya.
Tayanch-harakat apparati tomonidan kam hollarda – artralgiya, mialgiya, mushaklarni kuchsizligi.
Buyrak va siydik chiqarish yo‘llari tomonidan noma'lum – interstitsial nefrit, gematuriya, buyrak og‘rig‘i.
Jinsiy a'zolar va sut bezlari tomonidan kam hollarda – ginekomastiya, impotentsiya.
Umumiy buzilishlar va yuborish joyidan buzilishlar tez-tez emas – asteniya, charchash, lohaslik; kam hollarda – tana haroratini ko‘tarilishi, periferik shishlar, ter ajralishini kuchayishi, isitma kuzatilishi mumkin.


Qo‘llash mumkin bo‘lmagan holatlar

Preparatga o‘ta yuqori sezuvchanlik, nevrotik turdagi dispepsiya, me'da-ichak yo‘llarini xavfli o‘sma kasalliklari, buyrak va jigar funktsiyasini yaqqol buzilishlari, homiladorlik, laktatsiya, 12 yoshgacha qo‘llash mumkin emas.

Dorilarning o‘zaro ta'siri
Preparat diazepam, varfarin va fenitoinni, shuningdek jigarda sitoxrom R450 ishtirokida mikrosomal oksidlanishi orqali metabolizmga uchraydigan boshqa dori vositalarini organizmdan chiqarilishini sekinlashtiradi.
Preparatni qabul qilish fonida me'da shirasining rN biologik kiraolishligida muhimomil bo‘lgan ayrim dorilarni (masalan, ketokonazol, ampitsillin va uni hosilalari, temir tuzlari) so‘rilishi pasayishi mumkin.
Preparat antatsidlar, metoprolol, teofillin, lidokain va xinidin bilan bir vaqtda qo‘llanganda dori vositalarining ta'sirini o‘zgarishi kuzatilmasligi aniqlangan.


Maxsus ko‘rsatmalar

Keksa yoshdagi bemorlar va jigar yoki buyrak funktsiyasini buzilishlari bo‘lgan patsiyentlar uchun dozani maxsus tanlash talab qilinmaydi.
Davolashni boshlashdan oldinme'da va qizilo‘ngachda xavfli o‘sma jarayoni yo‘qligini istisno qilish kerak, chunki preparatni qabul qilish simptomlarni niqoblashi mumkin, bu to‘g‘ri tashxis qo‘yishni qiyinlashtiradi va kechiktiradi. Jigar funktsiyasini buzilishlari bo‘lgan patsiyentlarda qo‘llanganda qonda jigar fermentlarining faolligini muntazam nazorat qilish va u oshganda pantoprazolni bekor qilish kerak.
Homiladorlik va laktatsiya davri
Preparatning xomiladorlik davrida qo‘llanilishi bo‘yicha FDAtasnifiga binoan
Pantap (pantoprazol)homilaga ta'siriga ko‘ra “S” toifaga kiradi.
Xavf istisno qilinmaydi hayvonlarda o‘tkazilgan tadqiqotlarda dori vosita homilaga noqulay ta'sir ko‘rsatgan, homilador ayollarga mos,qat'iy boshqariladigan tadqiqotlar o‘tkazilmagan, shuning uchun Pantap xomiladorlikda qo‘llanilishi tavsiya etilmaydi, lekin homilador ayollarda shu dori vositasini qo‘llanganlik bilan bog‘lik potentsial foyda, xavf ehtimoli bo‘lishiga qaramay, undan foydalanishni oqlashi mumkin.
Laktatsiya davrida preparatni qabul qilish zarurati tug‘ilganda emizishni to‘xtatish to‘g‘risidagi masalani hal qilish kerak.
Avtotransportni va potentsial xavfli mexanizmlarni boshqarish qobiliyatiga dori vositasining ta'sirining o‘ziga xosligi.
Preparat bilan davolash vaqtida transport vositalarini boshqarish va diqqatni jamlash talab qiladigan mexanizmlar bilan ishlashdan saqlanish lozim.


Dozani oshirib yuborilishi

Preparatni bir marta 400 mg gacha dozada qabul qilish hech qanday havf soluvchi simptomlarni rivojlanishiga olib kelmaydi. Dozani bundan ham yuqoriroqqa oshirib yuborish hollarida, mahsus antidoti yo‘qligi tufayli, me'dani yuvish va simptomatik davolashni o‘tkazish kerak. Gemodializ bilan qonni preparatdan tozalash samarasiz.


Chiqarilish shakli

Pantap 40, ichakda eriydigan qobiq bilan qoplangan tabletkalar, №14, №28.
Pantap 20, ichakda eriydigan qobiq bilan qoplangan tabletkalar, №14, №28 tibbiyotda qo‘llanilishiga doir yo‘riqnomasi bilan birga.


Saqlash sharoiti

Quruq, yorug‘likdan himoyalangan joyda, 25°C dan yuqori bo‘lmagan haroratda saqlansin.
Bolalar ololmaydigan joyda saqlansin.


Yaroqlilik muddati

2 yil.

Yaroqlilik muddati
o‘tgach ishlatilmasin.


Dorixonalardan berish tartibi

Pantap 40 - retsept bo‘yicha.
Pantap 20 – retseptsiz.


Ishlab chiqaruvchi

MChJ "NOBEL PHARMSANOAT" ChEK

O‘zbekiston Respublikasi xududida dori vositalarining sifati bo‘yicha e'tirozlar (takliflar) ni qabul qiluvchi tashkilot nomi va manzili
MChJ “NOBEL PHARMSANOAT” ChEK
O‘zbekiston Respublikasi, Toshkent shahri, Mirzo Ulug‘bek tumani, Qorasuvbo‘yi ko‘chasi, 5 “A”.
Tel. (99871) 207 99 00; Faks (99871) 207 99 01;
E-mail pv@nobel.uz, www.nobel.uz