Preparatning savdo nomi
Zolopent®.
Ta'sir etuvchi modda (XPN) pantoprazol

Dori shakli
ichakda eruvchan qobiq bilan qoplangan tabletkalar.

Tarkibi

1 tabletka quyidagilarni saqlaydi
faol modda 40 mg pantoprazolga ekvivalent bo‘lgan pantoprazol natriy seskvigidrati;
yordamchi moddalar suvsiz natriy karbonati, mannit (E 421), krospovidon, gidroksipropiltsellyuloza, kaltsiy stearati, oydragit L30D55, trietiltsitrat, natriy laurilsulfati, titan dioksidi (E 171), temir (II) oksidi (E 172), talk, oq Opadry 03F58750*.
*oq Opadry 03F58750 gipromeloza, titan dioksidi (E 171), polietilenglikol, talk.

Farmakoterapevtik guruhi
me'da va o‘n ikki barmoq ichak yarasiga qarshi vosita.
ATX kodi A02B C02.


Farmakologik xususiyatlari


Farmakodinamika
si
Pantoprazol – pariyetal hujayralarning proton nasoslarini o‘ziga xos blokadasi yo‘li bilan me'dada xlorid kislotasi sekretsiyasini ingibitsiya qiluvchi o‘rin almashingan benzimidazoldir.
Pantoprazol pariyetal hujayralarda kislotali muhitda faol shakliga aylanadi, u yerda u H+-K+-ATFaza fermentini ingibitsiya qiladi, ya'ni me'dada xlorid kislotasi ishlab chiqilishining yakuniy bosqichini bloklaydi. Ingibitsiya qilish dozaga bog‘liq bo‘ladi va xlorid kislotasining ham bazal, ham rag‘batlantiriladigan sekretsiyasini susaytiradi. Pantoprazolning davolash samarasiga ko‘pchilik patsiyentlarda 2 haftalik davolash davomida erishiladi. Pantoprazolni qo‘llanilishi proton nasosining boshqa ingibitorlari va H2-retseptorlari ingibitorlari bilan bo‘lganidek me'dada kislotalilikni pasaytiradi va shu tarzda kislotalilik kamayishiga proportsional holda gastrin sekretsiyasini oshiradi. Gastrin sekretsiyasining oshishi qaytuvchan bo‘ladi. Pantoprazol fermentni hujayra retseptoriga nisbatan distal holda bog‘laganligi tufayli, u boshqa moddalar (atsetilxolin, gistamin, gastrin) bilan rag‘batlantirilishiga bog‘liq bo‘lmagan holda xlorid kislotasi sekretsiyasini ingibitsiya qilishi mumkin. Preparatni peroral va vena ichiga qo‘llanilganidagi samarasi bir xil.
Pantoprazol qo‘llanilganida och qoringa gastrin darajasi oshadi. Pantoprazol qisqa muddatda qo‘llanilganida ko‘pchilik hollarda gastrin darajalari normaning yuqori chegarasidan oshmaydi. Uzoq vaqt davomida davolanganda ko‘pchilik hollarda gastrin darajalari ikki marta ortadi. Biroq ularning haddan tashqari yuqori darajada oshishi faqat ayrim hollarda yuzaga keladi. Buning oqibatida, uzoq vaqt davomida davolanganda ko‘p bo‘lmagan hollarda me'dada enteroxromaffinga o‘xshash (ECL) hujayralar miqdorining (adenomatoid giperplaziyaga o‘xshash) kuchsiz yoki o‘rtacha oshishi kuzatiladi. Shunga qaramasdan, hozirgi vaqtga qadar o‘tkazilgan tadqiqotlarga ko‘ra klinik oldi tadqiqotlar davomida aniqlangan neyroendokrin o‘smalarining o‘tmishdosh-hujayralari (atipik giperplaziya) yoki me'daning neyroendokrin o‘smalari hosil bo‘lishi odamlarda kuzatilmagan.
Klinik oldi tadqiqotlarining natijalaridan kelib chiqqan holda qalqonsimon bezining endokrin faoliyatiga pantoprazol bilan uzoq vaqt (1 yildan ortiq) davolashning ta'sirini istisno qilish mumkin emas.

Farmakokinetikasi

So‘rilishi. Pantoprazol tezda so‘riladi, qon plazmasida maksimal kontsentratsiyalariga bir martalik 40 mg dozasi peroral qabul qilinganidan keyinoq erishiladi. Qabul qilinganidan keyin o‘rtacha 2,5 soat o‘tgach qon zardobida taxminan 2-3 mkg/ml darajasida maksimal kontsentratsiyasiga erishiladi; kontsentratsiya ko‘p marta qabul qilinganidan keyin doimiy darajada qoladi. Farmakokinetika xususiyatlari bir marta yoki takroran qabul qilinganidan keyin o‘zgarmaydi. 10 mg dan 80 mg gacha bo‘lgan dozalar diapazonida plazmada pantoprazol farmakokinetikasi peroral qabul qilinganida ham, vena ichiga yuborilganida ham proportsional bo‘lib qoladi. Tabletkalarning mutloq biokiraolishligi taxminan 77% ni tashkil etilishi aniqlangan. Ovqatlanish bilan bir vaqtda qabul qilish AUC («kontsentratsiya-vaqt» egri chizig‘i ostidagi maydon) qiymatiga yoki qon zardobida maksimal kontsentratsiyasiga, va muvofiq ravishda biokiraolishiga ham ta'sir ko‘rsatmaydi. Ovqatlanish bilan bir vaqtda qabul qilishda latent davrining faqat variantliligi oshadi.
Taqsimlanishi. Pantoprazolni qon zardobi oqsillari bilan bog‘lanishi taxminan 98% ni tashkil etadi. Taqsimlanish hajmi taxminan 0,15 l/kg ni tashkil etadi.
Biotransformatsiyasi. Pantoprazol deyarli faqat jigarda metabolizmga uchraydi. Keyingi sulfatli kon'yugatsiya bilan birga CYP2C19 yordamida demetilizatsiya asosiy metabolik yo‘l bo‘lib hisoblanadi; boshqa metabolik yo‘l – CYP3A4 yordamida oksidlanishdir.
Chiqarilishi. Yarim chiqarilishining yakuniy davri taxminan 1 soatni, klirens esa soatiga 0,1 l/kg ni tashkil etadi. Patsiyentlarda pantoprazol chiqarilishining bir nechta hollari qayd etilgan. Pantoprazolni pariyetal hujayralarning proton nasoslari bilan o‘ziga xos bog‘lanishi oqibatida yarim chiqarilishi davri ko‘proq uzoq davom etadigan ta'sir (kislota ishlab chiqarilishini ingibitsiya qilish) bilan mos tushmaydi.
Pantoprazol metabolitlarining asosiy qismi siydik bilan (taxminan 80%), qolgan qismi axlat bilan chiqariladi. Sulfat bilan kon'yugatsiyalangan desmetilpantoprazol zardobda ham, siydikda ham asosiy metabolit bo‘lib hisoblanadi. Asosiy metabolitning yarim chiqarilish davri (taxminan 1,5 soat) pantoprazolning yarim chiqarilish davridan biroz darajada ortiq bo‘ladi.
Patsiyentlarning alohida guruhlari
Sekin metabolizatorlar. Yevropaliklarning taxminan 3% CYP2C19 faol fermentiga ega emas; ular sekin metabolizatorlar deb ataladi. Bunday shaxslarning organizmida pantoprazol metabolizmi, ehtimol, eng avvalo CYP3A4 fermenti bilan katalizatsiya qilinadi. Pantoprazolning 40 mg bitta dozasi qabul qilinganidan keyin «plazmadagi kontsentratsiyasi-vaqt» farmakokinetik egri chizig‘i bilan chegaralangan o‘rtacha maydon CYP2C19 fermentiga (tez metabolizatorlarga) ega shaxslarga qaraganda sekin metabolizatorlarga ega shaxslarda taxminan 6 marta katta bo‘lgan. Qon plazmasida o‘rtacha eng yuqori kontsentratsiyasi taxminan 60% ga oshgan. Ushbu natijalar pantoprazol dozalariga ta'sir qilmaydi.
Buyrak funktsiyasini buzilishi. Buyrak funktsiyasini buzilishi bo‘lgan patsiyentlarga (shu jumladan dializdagi patsiyentlarga) pantoprazol buyurilganida dozani pasaytirishga doir tavsiyalar yo‘q. Sog‘lom odamlardagi kabi ularda pantoprazolni yarim chiqarilishi davri qisqa bo‘ladi. Pantoprazolning faqat juda kichik miqdorlari dializlanadi. Asosiy metabolitda yarim chiqarilishi davri o‘rtacha uzoq (2–3 soat) bo‘lishiga qaramay, chiqarilishi baribir tez hisoblanadi, shu sababli to‘planishi yuz bermaydi.
Jigar funktsiyasini buzilishi. Garchi jigar sirrozi (Chayld-Pyu bo‘yicha A va B sinflari) bo‘lgan patsiyentlarda yarim chiqarilishi davri 7-9 soatgacha oshadi, AUC qiymati esa 5-7 marta oshadi, qon zardobida eng yuqori kontsentratsiyasi sog‘lom ko‘ngillilardagiga qaraganda faqat uncha katta bo‘lmagan miqdorda, 1,5 marta oshadi.
Keksa yoshdagi patsiyentlar. Keksa yoshdagi ko‘ngillilarda yoshroq ko‘ngillilarga qaraganda AUC va Cmax ko‘rsatkichlarini bir oz oshishi klinik ahamiyatli bo‘lib hisoblanmaydi.
Bolalar. Pantoprazolni 5 yoshdan 16 yoshgacha bo‘lgan bolalar tomonidan 20 yoki 40 mg li dozasi bir marta peroral qabul qilinganidan keyin AUC va Cmax ko‘rsatkichlari kattalardagi tegishli qiymatlar chegarasida bo‘lgan. Pantoprazolni 2 yoshdan 16 yoshgacha bo‘lgan bolalarga bir marta 0,8 yoki 1,6 mg/kg dozada vena ichiga yuborilganidan keyin pantoprazol klirensi va yosh yoki tana vazni o‘rtasida ahamiyatli bog‘liqligi qayd etilmagan. AUC va taqsimlanish hajmi kattalarda o‘tkazilgan tadqiqotlarda olingan ma'lumotlarga mos kelgan.


Qo‘llanilishi

Kattalar va 12 yoshdan boshlab bolalar
-Reflyuks-ezofagit.
Kattalar
-Helicobacter pylori (H.pylori) - bilan bog‘liq me'da va o‘n ikki barmoq ichak yaralari bo‘lgan patsiyentlarda H.pylori ni tegishli antibiotiklar bilan majmuada eradikatsiyasi;
-o‘n ikki barmoq ichak yarasi;
-me'da yarasi;
-Zollinger-Ellison sindromi va boshqa yuqori sekretorli patologik holatlarda qo‘llanadi.


Qo‘llash usuli va dozalari

Ichakda eruvchan qobiq bilan qoplangan Zolopent® tabletkalarini ovqatlanishdan 1 soat oldin, chaynamasdan va maydalamasdan butun holda suv bilan qabul qilish lozim.
Tavsiya etilgan dozalari
Kattalar va 12 yoshdan boshlab bolalar
Reflyuks-ezofagitni davolash
Tavsiya etiladigan dozasi sutkada 40 mg Zolopent®ning 1 tabletkasini tashkil etadi. Alohida hollarda, ayniqsa reflyuks-ezofagitni davolash uchun boshqa preparatlarni qo‘llashdan samara bo‘lmaganida, dozani ikki marta (sutkada 40 mg Zolopent®ning 2 tabletkasi) oshirish mumkin.
Reflyuks-ezofagitni davolash uchun, odatda, 4 hafta talab qilinadi. Agar bu yetarli bo‘lmasa, sog‘ayishni keyingi 4 hafta davomida kutish mumkin.
Kattalar
H. pylori ni ikkita antibiotiklar bilan majmuada eradikatsiya qilish
Me'da va o‘n ikki barmoq ichak yarasi va H. pylori ga musbat natijasi bo‘lgan katta yoshdagi patsiyentlarda majmuaviy davolash yordamida mikroorganizmni eradikatsiya qilishga erishish zarur. Bakterial rezistentlikka nisbatan lokal ma'lumotlarni va tegishli antibakterial preparatlardan foydalanish va ularni buyurishga nisbatan milliy tavsiyalarni hisobga olish lozim. Kattalarda Helicobacter pylori ni eradikatsiya qilish uchun mikroorganizmlarning sezuvchanligiga bog‘liq ravishda quyidagi davolash majmualari buyurilishi mumkin
a) 40 mg Zolopent® preparatining 1 tabletkasi bir kunda 2 marta
+ 1000 mg amoksitsillin bir kunda 2 marta
+ 500 mg klaritromitsin bir kunda 2 marta;
b) 40 mg Zolopent® preparatining 1 tabletkasi bir kunda 2 marta
+ 400–500 mg metronidazol (yoki 500 mg tinidazol) bir kunda 2 marta
+ 500 mg klaritromitsin bir kunda 2 marta;
v) 40 mg Zolopent® preparatining 1 tabletkasi bir kunda 2 marta
+ 1000 mg amoksitsillin bir kunda 2 marta
+ 400–500 mg metronidazol (yoki 500 mg tinidazol) bir kunda 2 marta.
Helicobacter pylori ni eradikatsiya qilish uchun majmuaviy davolash qo‘llanilganida Zolopent® preparatining 40 mg tabletkasini kechqurun ovqatlanishdan 1 soat oldin qabul qilish lozim. Davolash muddati 7 kunni tashkil etadi va umumiy davolash davomiyligi ikki haftadan ortiq bo‘lmagan holda yana 7 kunga uzaytirilishi mumkin.
Agar yarani bitishini ta'minlash uchun pantoprazol bilan davolashni davom ettirish ko‘rsatilgan bo‘lsa, me'da va o‘n ikki barmoq ichak yaralarida dozalarga doir tavsiyalarni ko‘rib chiqish lozim.
Agar majmuaviy davolash masalan, H. pylori ga manfiy natija bo‘lgan patsiyentlarda ko‘rsatilmagan bo‘lsa, monoterapiya uchun 40 mg Zolopent® preparati quyidagicha dozalarda qo‘llaniladi.
Me'da yarasini davolash
Sutkada 40 mg Zolopent® preparatining 1 tabletkasi qabul qilinadi. Alohida hollarda, ayniqsa boshqa preparatlarni qo‘llashdan samara bo‘lmaganida, dozani ikki marta (sutkada 40 mg Zolopent® preparatining 2 tabletkasi) oshirish mumkin.
Me'da yarasini davolash uchun, odatda 4 hafta talab qilinadi. Agar bu yetarli bo‘lmasa, yaraning bitishini keyingi 4 hafta davomida kutish mumkin.
O‘n ikki barmoq ichak yarasini davolash
Sutkada 40 mg Zolopent® preparatining 1 tabletkasi qabul qilinadi. Alohida hollarda, ayniqsa boshqa preparatlarni qo‘llashdan samara bo‘lmaganida, dozani ikki marta (sutkada 40 mg Zolopent® preparatining 2 tabletkasi) oshirish mumkin.
O‘n ikki barmoq ichak yarasini davolash uchun, odatda 2 hafta talab qilinadi. Agar bu yetarli bo‘lmasa, yarani bitishini keyingi 2 hafta davomida kutish mumkin.
Zollinger-Ellison sindromini va boshqa yuqori sekretor patologik holatlarni davolash
Zollinger-Ellison sindromini va boshqa yuqori sekretor patologik holatlarni uzoq vaqt davolash uchun boshlang‘ich doza 80 mg (sutkada 40 mg Zolopent® preparatining 2 tabletkasi) ni tashkil etadi. Zarurat bo‘lganida bundan keyin me'da shirasi kislotaliligining ko‘rsatkichlariga bog‘liq ravishda dozani oshirgan yoki kamaytirgan holda titrlash mumkin. Sutkada 80 mg dan ortiq bo‘lgan dozani ikki marta qabul qilish uchun ajratish zarur. Pantoprazol dozasini 160 mg dan ortiq dozada vaqtincha oshirish mumkin, ammo qo‘llash davomiyligi faqat kislotalilikni mos ravishda nazorat qilish uchun zarur bo‘lgan davr bilan cheklanishi kerak.
Zollinger-Ellison sindromini va boshqa yuqori sekretor patologik holatlarni uzoq vaqt davolash davomiyligi cheklanmagan va klinik zaruratga bog‘liq.
Jigar funktsiyasini buzilishi bo‘lgan patsiyentlar. Jigar funktsiyasini og‘ir buzilishlari bo‘lgan patsiyentlarda pantoprazolni sutkalik 20 mg dozasini oshirmaslik lozim (20 mg dozani buyurish zarurati bo‘lganida, pantoprazol preparatlarini tegishli dozalarda qo‘llash lozim).
Jigar funktsiyasini o‘rtacha va og‘ir darajada buzilishi bo‘lgan patsiyentlarda H. pylori ni eradikatsiya qilish uchun Zolopent® preparatini majmuaviy davolashda qo‘llash mumkin emas, chunki hozirgi vaqtda ushbu toifadagi patsiyentlar uchun bunday qo‘llashning samaradorligi va xavfsizligi haqida ma'lumotlar yo‘q.
Buyrak funktsiyasini buzilishi bo‘lgan patsiyentlar. Buyrak funktsiyasini buzilishi bo‘lgan patsiyentlar uchun dozaga tuzatish kiritish kerak emas. Buyrak funktsiyasini buzilishlari bo‘lgan patsiyentlarda H. pylori ni eradikatsiya qilish uchun Zolopent® preparatini majmuaviy davolashda qo‘llash mumkin emas, chunki hozirgi vaqtda ushbu toifadagi patsiyentlar uchun bunday qo‘llashning samaradorligi va xavfsizligi haqida ma'lumotlar yo‘q.
Keksa yoshdagi patsiyentlarda dozaga tuzatish kiritish talab qilinmaydi.
Bolalar
Zolopent® 40 mg 12 yoshdan boshlab bolalarga reflyuks-ezofagitni davolash uchun buyuriladi. Preparatni 12 yoshgacha bo‘lgan bolalarda qo‘llash tavsiya etilmaydi, chunki pantoprazolning ushbu yosh toifasi uchun xavfsizligi va samaradorligiga doir ma'lumotlar cheklangan.

Nojo‘ya ta'sirlari
Qon va limfatik tizim tomonidan agranulotsitoz, leykopeniya, trombotsitopeniya, pantsitopeniya.
Immun tizimi tomonidan o‘ta yuqori sezuvchanlik reaktsiyalari (shu jumladan anafilaktik reaktsiyalar, anafilaktik shok).
Metabolizm va moddalar almashinuvi tomonidan buzilishlar giperlipidemiya va lipidlar (triglitseridlar, xolestirol) darajasini oshishi; tana vaznini o‘zgarishi, giponatriyemiya, gipomagniyemiya, gipokaltsiyemiya1, gipokaliyemiya.
Ruhiy buzilishlar uyquni buzilishi, depressiya (shu jumladan zo‘rayishi), dezoriyentatsiya (shu jumladan zo‘rayishi), gallyutsinatsiyalar, ongni chalkashishi (ayniqsa mazkur buzilishlarga moyilligi bo‘lgan patsiyentlarda, shuningdek anamnezda mavjud bo‘lganida ushbu simptomlarning zo‘rayishi).
Nerv tizimi tomonidan bosh og‘rig‘i, bosh aylanishi, ta'mni buzilishi, paresteziya.
Ko‘rish a'zolari tomonidan ko‘rishni buzilishi/ko‘rishni xiralashishi.
Ovqat hazm qilish yo‘llari tomonidan diareya, ko‘ngil aynishi, qusish, qorinni dam bo‘lishi, qabziyat, og‘izni qurishi, abdominal og‘riq va diskomfort.
Gepatobiliar tizim tomonidan jigar fermentlari (transaminaza, gamma-glutamintransferaza) darajasini oshishi, bilirubin darajasini oshishi, gepatotsitlar shikastlanishi, sariqlik, gepatotsellyulyar yetishmovchilik.
Teri va teri osti to‘qimalari tomonidan teri toshmasi, ekzantema, qichishish, eshakemi, angionevrotik shish, Stivens-Djonson sindromi, Layell sindromi, ko‘p shaklli eritema, yorug‘likka sezuvchanlik.
Suyak-mushak tizimi va biriktiruvchi to‘qima tomonidan artralgiya, mialgiya, mushaklar spazmi2, son suyagi, bilak, umurtqa sinishlari.
Buyrak va siydik chiqarish tizimi tomonidan interstitsial nefrit (buyrak yetishmovchiligi rivojlanishi ehtimoli bilan).
Reproduktiv tizim va sut bezlari tomonidan ginekomastiya.
Umumiy buzilishlar asteniya, toliqish, lohaslik, tana haroratini oshishi, periferik shishlar.
1Gipokaltsiyemiya gipomagniyemiya bilan bir vaqtda.
2 Mushaklar spazmi elektrolitlar muvozanatini buzilishi oqibatida.


Qo‘llash mumkin bo‘lmagan holatlar

Preparatning ta'sir etuvchi moddasiga, benzimidazol hosilalariga va preparatning har qanday komponentiga yuqori sezuvchanlikda qo‘llash mumkin emas.

Dorilarning o‘zaro ta'siri
Pantoprazolni boshqa dori preparatlarining so‘rilishiga ta'siri
Pantoprazol biokiraolishligi me'da shirasining rN ga bog‘liq bo‘lgan preparatlarning (masalan, ketokonazol, itrakonazol, pozakonazol kabi zamburug‘ga qarshi ayrim preparatlarning yoki erlotinib kabi boshqa preparatlarning) so‘rilishini pasaytirishi mumkin.
OITV ga qarshi preparatlar (atazanavir). Proton pompasi ingibitorlarini atazanavir va OITV ni davolashda qo‘llaniladigan, so‘rilishi rN ga bog‘liq bo‘lgan boshqa preparatlar bilan birga qo‘llanilishi ularning biokiraolishligi sezilarli ravishda pasayishiga olib kelishi hamda ularning samaradorligiga ta'sir ko‘rsatishi mumkin. Shu sababli proton pompasi ingibitorlarini atazanavir bilan birga qo‘llash tavsiya etilmaydi.
Kumarin antikoagulyantlari (fenprokumon va varfarin). Klinik tadqiqotlarni o‘tkazishda fenprokumon va varfarin bilan bir vaqtda buyurilganida o‘zaro ta'sirning mavjud emasligiga qaramay, postmarketing davrda XNI (Xalqaro normallashtiruvchi indeks) o‘zgarishining yakka hollari qayd etilgan. Shunday qilib, kumarin antikoagulyantlarini (masalan, fenprokumon va varfarinni) qo‘llayotgan patsiyentlarga pantoprazol qabul qilinishi boshlanishidan, to‘xtatilganidan keyin yoki nomuntazam qabul qilinganida protrombin vaqti/XNI monitoringini amalga oshirish tavsiya etiladi.
Metotreksat. Metotreksatning yuqori dozalarini (masalan, 300 mg) va proton pompasi ingibitorlarini bir vaqtda qo‘llanilishi ayrim patsiyentlarda qonda metotreksat darajasini oshirishi haqida xabar berilgan. Metotreksatning yuqori dozalarini, masalan, onkologik kasalliklarda yoki psoriazda, qo‘llayotgan patsiyentlarga pantoprazol bilan davolashni vaqtincha to‘xtatish tavsiya etiladi.
Boshqa o‘zaro ta'sirlar
Pantoprazol R450 sitoxromi fermentlari tizimi ishtirokida jigarda sezilarli darajada metabolizmga uchraydi. Metabolizmning asosiy yo‘li – CYP2S19 va boshqa metabolik yo‘llar, shu jumladan CYP3A4 fermenti bilan oksidlash yordamida demetilizatsiyadir. Ushbu yo‘llar yordamida shuningdek metabolizmga uchraydigan karbamazepin, diazepam, glibenklamid, nifedipin, fenprokumon kabi dori vositalari bilan hamda levonorgestrel va etinilestradiolni saqlaydigan oral kontratseptivlar bilan o‘tkazilgan tadqiqotlarda klinik ahamiyatga ega o‘zaro ta'sirlar aniqlanmagan.
Ehtimol qilingan o‘zaro ta'sirlarga doir bir qator tadqiqotlarning natijalari pantoprazol CYP1A2 (masalan, kofein, teofillin), CYP2S9 (masalan, piroksikam, diklofenak, naproksen), CYP2D6 (masalan, metoprolol), CYP2E1 (masalan, etanol) yordamida metabolizmga uchraydigan faol moddalar metabolizmiga, digoksin so‘rilishini ta'minlaydigan R-glikoproteinga ta'sir qilmasligini ko‘rsatadi.
Bir vaqtda buyurilgan antatsidlar bilan o‘zaro ta'siri aniqlanmagan.
Pantoprazolni bir vaqtda buyurilgan ayrim antibiotiklar (klaritromitsin, metronidazol, amoksitsillin) bilan o‘zaro ta'sirini aniqlash bo‘yicha tadqiqotlar o‘tkazilgan. Ushbu preparatlar bilan klinik ahamiyatli o‘zaro ta'sirlar aniqlanmagan.


Maxsus ko‘rsatmalar

Jigar funktsiyasini buzilishi. Jigar funktsiyasini og‘ir buzilishlari bo‘lgan patsiyentlar jigar fermentlari darajasini, ayniqsa uzoq muddatli davolanishda, muntazam ravishda nazorat qilishi zarur. Jigar fermentlari darajasi oshganida preparat bilan davolashni to‘xtatish zarur.
Majmuaviy davolash. Majmuaviy davolashda tegishli dori vositalarini qo‘llash bo‘yicha yo‘riqnomalarga rioya qilish zarur.
Xavotirli simptomlarning mavjudligi. Xavotirli simptomlar mavjud bo‘lganida (masalan, tana vazni sezilarli darajada yo‘qotilganida, davriy qusishda, disfagiyada, qonli qusishlarda, anemiyada, melenada), shuningdek me'dada yaraga shubha qilinganida yoki yara mavjud bo‘lganida xavfli o‘sma jarayoni mavjudligini istisno qilish kerak, chunki pantoprazol bilan davolash simptomlarni yashirishi va tashhis aniqlanishini keyingi surishi mumkin.
Agar simptomlar mos ravishda davolanganda saqlansa, qo‘shimcha tekshiruv o‘tkazish zarur.
Atazanavir bilan birga qo‘llanilishi. Atazanavirni proton pompasi ingibitorlari (PPI) bilan birga qo‘llanilishi tavsiya etilmaydi («Dorilarning o‘zaro ta'siri» bo‘limiga qarang). Agar PPI ni atazanavir bilan majmuasi zarur bo‘lsa, 100 mg ritonavir qo‘llanilgan holda atazanavir dozasini 400 mg gacha oshirish bilan birga sinchkov klinik monitoringni (masalan, virusli yuklamani aniqlash) o‘tkazish lozim. Pantoprazolning dozasini sutkada 20 mg dan oshirmaslik lozim (20 mg dozani buyurish zarurat bo‘lganida, pantoprazol preparatlarini tegishli dozalarda qo‘llash kerak).
V12 vitaminini so‘rilishi. Zollinger-Ellison sindromi va uzoq muddat davolashni talab qiladigan gipersekretor boshqa patologik holatlari bo‘lgan patsiyentlarda, pantoprazol xlorid kislotasi ishlab chiqilishini bloklaydigan boshqa preparatlar kabi V12 vitamini (tsianokobalamin) ni so‘rilishini gipo- va axlorgidriya yuzaga kelishi munosabati bilan pasaytirishi mumkin. Uzoq muddat davolanganda patsiyentlarda tana vazni pasayganida yoki V12 vitaminini so‘rilishini pasayishi omillari mavjud bo‘lganida yoki tegishli klinik simptomlar mavjud bo‘lganida buni hisobga olish lozim.
Uzoq vaqt davom etadigan davolash. Uzoq vaqt, ayniqsa 1 yildan ortiq davom etadigan davolashda, patsiyentlar shifokorning muntazam nazoratida bo‘lishlari kerak.
Bakteriyalar keltirib chiqargan me'da-ichak yo‘llari infektsiyalari. Pantoprazol proton pompasining boshqa ingibitorlari kabi odatda me'da-ichak yo‘llarining yuqori bo‘lmalarida mavjud bo‘ladigan bakteriyalar sonini oshirishi mumkin. Preparat bilan davolash Salmonella va Campylobacter yoki C. Difficile kabi bakteriyalar keltirib chiqaradigan me'da-ichak infektsiyalari yuzaga kelishi xavfini sezilarli bo‘lmagan darajada oshirishi mumkin.
Gipomagniyemiya. Pantoprazol kabi proton pompasi ingibitorlarini qo‘llagan patsiyentlarda og‘ir gipomagniyemiya hollari kamida uch oy davomida, ko‘pchilik hollarda esa bir yil davomida kuzatilgan. Toliqish, tetaniya, deliriy, tirishishlar, bosh aylanishi va yurak qorinchalari aritmiyasi kabi jiddiy gipomagniyemiya holatlari sezilmagan holda yuzaga kelishi va ular o‘tkazib yuborilishi mumkin. Ko‘pchilik hollarda patsiyentlarning holati magniy bilan o‘rin bosuvchi davolashdan va proton pompasi ingibitorlari bilan davolash to‘xtatilganidan keyin yaxshilanadi. Uzoq muddatli davolashni rejalashtirayotgan yoki proton pompasi ingibitorlarini digoksin yoki gipomagniyemiyani keltirib chiqaruvchi preparatlar (masalan, diuretiklar) bilan majmuada qabul qilayotgan patsiyentlarga proton pompasi ingibitorlari bilan davolash boshlanishidan oldin va davolash davomida davriy magniy darajasini aniqlash tavsiya etiladi.
Suyak sinishlari. Proton pompasi ingibitorlari, ayniqsa yuqori dozalarda va uzoq vaqt
(1 yildan ortiq) davolash davomida qo‘llanilganida, ko‘proq keksa yoshdagi patsiyentlarda yoki boshqa mavjud xavf omillari mavjud bo‘lganida son suyagi, bilak va umurtqa sinishi xavfini ma'lum darajada oshirishi mumkin.
Kuzatuv tadqiqotlari proton pompasi ingibitorlari suyak sinishlari umumiy xavfini 10-40% ga oshirishi mumkinligi haqida dalolat beradi. Ulardan ayrimlari xavfning boshqa omillaridan kelib chiqishi mumkin. Osteoporoz rivojlanishi xavfi bo‘lgan patsiyentlar amaldagi klinik tavsiyalarga muvofiq davolanishlari va D vitamini hamda kaltsiyni mos miqdorida qabul qilishlari kerak.
Homiladorlik va emizish davrida qo‘llanilishi
Homiladorlik. Homilador ayollarda pantoprazolni qo‘llash tajribasi cheklangan. Hayvonlarda reproduktiv faoliyatga ta'siriga doir tadqiqotlarda reproduktiv toksiklik kuzatilgan. Odam uchun potentsial xavfi noma'lum. Preparatni homiladorlik vaqtida qo‘llash mumkin emas, o‘ta zarur bo‘lgan hollar bundan mustasno.
Emizish. Pantoprazolni inson ko‘krak sutiga ajralib chiqishiga oid ma'lumotlar mavjud. Emizishni to‘xtatish yoki Zolopent® preparati bilan davolashni to‘xtatish/davolashdan saqlanish haqidagi qaror bola uchun emizishdan foyda va ayol uchun Zolopent® preparati bilan davolashdan foydani hisobga olgan holda qabul qilinishi kerak.
Transport vositasini boshqarish yoki boshqa mexanizmlar bilan ishlash qobiliyatiga ta'siri
Bosh aylanishi va ko‘rishni buzilishi kabi nojo‘ya reaktsiyalarni rivojlanishi mumkinligini e'tiborga olish zarur. Bunday hollarda avtotransportni boshqarish yoki boshqa mexanizmlar bilan ishlash mumkin emas.
Preparat bolalar ololmaydigan joyda saqlansin va yaroqlilik muddati o‘tgach qo‘llanilmasin.

Dozani oshirib yuborilishi
Dozani oshirib yuborilishi simptomlari noma'lum.
2 minut davomida vena ichiga yuborilganida 240 mg gacha bo‘lgan dozalar ta'siri yaxshi o‘zlashtirilgan. Pantoprazol ekstensiv ravishda oqsillar bilan bog‘lanishi tufayli, u dializ yordamida yengil chiqarilishi mumkin bo‘lgan preparatlar qatoriga kirmaydi.
Doza oshirib yuborilgan taqdirda intoksikatsiyaning klinik belgilari paydo bo‘lishi bilan simptomatik va tutib turuvchi davolash qo‘llaniladi. O‘ziga xos davolashga oid tavsiyalar yo‘q.


Chiqarilish shakli

14 tabletkadan blisterda; 1 blisterdan karton qutida.
10 tabletkadan blisterda; 3 blisterdan karton qutida.


Saqlash sharoiti

25°S dan yuqori bo‘lmagan haroratda, original o‘ramida saqlansin.


Yaroqlilik muddati

3 yil.


Dorixonalardan berish tartibi

Retsept bo‘yicha.


Ishlab chiqaruvchi

«KUSUM FARM» MChJ.


Ishlab chiqaruvchi
ning manzili
40020, Ukraina, Sumskaya oblasti, Sumi shahri, Skryabin ko‘chasi, 54-uy.

O‘zbekiston Respublikasi xududida dori vositalarining sifati bo‘yicha etirozlar (takliflar) qabul qiluvchi tashkilot nomi va manzili
XK MChJ “BARAKA DORI FARM”
100015, Toshkent sh., Mirobod tumani, Afrosiyob kuch., 4-B,
tel. + (99871) 252-50-45, + (99871) 252-36-36
sot. +99893 388 87 82
info@kusumhealthcare-pv.uz