Solpadein eruvchan tabletkalar №12

Preparatning savdo nomi

Solpadein
Ta'sir etuvchi moddalar (XPN) paratsetamol, kodein fosfati, kofein.

Dori shakli

eruvchan tabletkalar

Tarkibi

Har bir tabletka quyidagilarni saqlaydi
faol moddalar 500 mg paratsetamol, 8 mg kodein fosfati, 30 mg kofein;
yordamchi moddalar natriy bikarbonati, sorbitol, natriy saxarini, natriy lauril sulfati, suvsiz limon kislotasi, suvsiz natriy karbonati, polividon, dimetikon.
Ta'rifi bir tomoni silliq, faskali, boshqa tomoni riskali oq yassi tabletkalar.

Farmakoterapevtik guruhi

Analgetiklar va antipiretiklar. Paratsetamol boshqa preparatlar bilan majmuada (psixoleptiklardan tashqari).
ATX kodi N02BE51
Farmakologik hususiyatlari
Solpadein uchta faol ingrediyentlar majmuasidan tarkib topgan. Bulardan paratsetamol isitma tushiruvchi, og‘riq qoldiruvchi ta'sir ko‘rsatadi, kofein paratsetamolning og‘riq qoldiruvchi ta'sirini kuchaytiradi, kodein og‘riq qoldiruvchi ta'sir ko‘rsatadi va og‘riqqa chidashni kuchaytirish xususiyatlariga ega.

Qo‘llanilishi

Solpadein 18 yoshdan oshgan kattalarda (shu jumladan keksa yoshdagilar) o‘tkir va o‘rtacha darajadagi og‘riq sindromida (bosh og‘rig‘i, migren, tish og‘rig‘i (shu jumladan stomatologik aralashuvlar/tishni olib tashlash), mushaklar va bo‘g‘imlardagi og‘riqlar, nevralgiya, og‘riqli hayz ko‘rish, ishias, sinusitlar, tomoq og‘rig‘i), shuningdek tana haroratini oshishi bilan bog‘liq bo‘lgan og‘riq sindromida qo‘llanadi.

Qo‘llash usuli va dozalari

18 yoshdan oshgan kattalar (shu jumladan keksa yoshdagilar) 1-2 tabletka yarim stakan suvda eritiladi. Har 4-6 soatda, zarurat bo‘lsa, kamida 4 soatlik interval bilan qabul qilinadi. Maksimal bir martalik dozasi 2 tabletkani tashkil etadi. Maksimal sutkalik doza – 8 tabletkani tashkil qiladi.
Shifokorning maslahatisiz preparatni 3 kundan ortiq qabul qilish mumkin emas. Tavsiya etilgan dozani oshirmang. Paratsetamol yoki kodein saqlovchi boshqa vositalar bilan bir vaqtda qabul qilish mumkin emas.
Nojo‘ya ta'sirlari
Paratsetamol (juda kam hollarda)
• anafilaktik reaktsiyalar;
• terida kuzatiladigan o‘ta yuqori sezuvchanlik reaktsiyalari, shu jumladan teridagi toshmalar, angionevrotik shish, Stivens-Djonson sindromi;
• trombotsitopeniya;
• aspiringa va boshqa NYaQV ga sezuvchanligi yuqori bo‘lgan patsiyentlarda bronxospazm;
• jigar faoliyatini buzilishi.
Kofein (juda kam hollarda)
• asabiylik;
• bosh aylanishi.
Preparatni kofein saqlovchi ovqat mahsulotlari bilan bir vaqtda qabul qilish bezovtalik, ta'sirchanlik, uyquni buzilishi, yurakni tez urib ketishi, bosh og‘rig‘i, me'da-ichak buzilishlariga olib kelishi mumkin.
Kodein (rivojlanish tez-tezligi noma'lum)
• kodeinning katta dozalari uzoq muddat qabul qilinganida doriga qaramlik;
• qabziyat, ko‘ngil aynishi, qusish, dispepsiya, og‘izni qurishi, xoletsistektomiyani o‘tkazgan patsiyentlarda o‘tkir pankreatit;
• bosh aylanishi, uzoq muddat ishlatilganida bosh og‘rig‘ini kuchayishi, uyquchanlik;
• terini qichishishi, kuchli terlash bo‘lishi mumkin.
Yuqorida sanab o‘tilgan reaktsiyalar rivojlanganida, shuningdek terini qipiqlanishi, og‘iz bo‘shlig‘ida yaralarni paydo bo‘lishi, nafasni qiyinlashishi, gematomalar, qon ketishlar va preparatga nisbatan har qanday boshqa noxush reaktsiyalar paydo bo‘lganida, preparatni qabul qilishni zudlik bilan to‘xtatish va shifokorga murojaat qilish kerak.

Qo‘llash mumkin bo‘lmagan holatlar

• Paratsetamol, kofein, kodein, opioid analgetiklar yoki preparatning har qanday boshqa ingrediyentiga shaxsiy yuqori sezuvchanlikda.
• Emizish davrida.
• Kodeinni morfinga o‘zgaruvchan va noma'lum metabolizmga uchrashi oqibatida opioid zaharlanishni rivojlanish havfi borligi sababli bolalar (18 yoshgacha) da qo‘llash mumkin emas.
• Sitoxrom SYP2D6 fermentining faolligi yuqori bo‘lgan patsiyentlarda, hatto tavsiya etilgan dozalarda qo‘llanganida ham, opioid zaharlanish simptomlarini rivojlanish havfi oshishi tufayli (shu jumladan, ongni chalkashishi, uyquchanlik, nafasni tezlashishi, ko‘z qorachiqlarini torayishi, ko‘ngil aynishi, qusish, qabziyat va ishtahani yo‘qolishi, og‘ir xollarda hayotga xavf tug‘dirishi, juda kam hollarda o‘limga olib kelishi mumkin bo‘lgan yurak-qon tomir va nafas yetishmovchiligi belgilari bo‘lishi mumkin).
Dorilarning o‘zaro ta'siri
Uzoq vaqt davomida qabul qilinganida bilvosita antikoagulyantlar (varfarin va boshqa kumarinlar) ning samarasini kuchaytiradi, bu qon ketish xavfini oshiradi; bir martalik dozalari ahamiyatli ta'sir ko‘rsatmaydi.
Kodein me'da-ichak yo‘llarida metoklopramid va domperidonni so‘rilish tezligini pasaytirishi mumkin. Markaziy nerv tizimini susaytiruvchi vositalar, ya'ni alkogol, analgetiklar, uxlatuvchi va sedativ preparatlar, tritsiklik antidepressantlar va fenotiazinlarning samarasini kuchaytiradi. Opioid analgetiklarni monoaminoksidaza (MAO) ingibitorlari bilan bir vaqtda qabul qilish serotonin sindromini chaqirishi mumkin.

Maxsus ko‘rsatmalar

Agar kasallikning simptomlari saqlanib tursa yoki yomonlashsa, shifokorga murojaat qilish kerak. Quyidagi holatlarda preparatni qabul qilishdan oldin shifokor bilan maslahatlashish kerak
• bilvosita antikoagulyantlar, metoklopramid va domperidon, MNT ning faoliyatini susaytiruvchi vositalar (uxlatuvchi va sedativ preparatlar, tritsiklik antidepressantlar, fenotiazin trankvilizatorlar va alkogol), MAO ingibitorlarini qabul qilayotgan patsiyentlar;
• xoletsistektomiya operatsiyasin o‘tkazgan patsiyentlar (o‘tkir pankreatit rivojlanishi mumkin);
• ichakni obstruktiv kasalliklari yoki o‘tkir abdominal holatlari bo‘lgan patsiyentlar;
• jigar va buyrak faoliyatini buzilishlari bo‘lgan patsiyentlar.
Preparatni qabul qilish vaqtida kofein saqlovchi (choy, kofe) ichimliklarni me'yoridan ortiqcha iste'mol qilish tavsiya etilmaydi. Preparatning tavsiya etilgan dozasini oshirish yoki uni uzoq vaqt qo‘llash, preparatning tarkibida kodein borligi sababli, o‘rganib qolish va doriga qaramlikni rivojlanishiga olib kelishi mumkin.
Tuzli yoki tuzsiz parhez saqlovchi patsiyentlar, har bir tabletka tarkibida 398 mg natriy xloridi saqlashini hisobga olishlari kerak.
Har bir tabletka tarkibida 50 mg sorbitol (E420) saqlaganligi sababli, fruktozani nasliy o‘zlashtirolmasligi bo‘lgan patsiyentlar ushbu preparatni qabul qilishi mumkin emas.
Homiladorlik
Yangi tug‘ilgan chaqaloqning nafas faoliyati susayishi mumkinligi sababli, shifokorning maslahatisiz homiladorlik vaqtida, shu jumladan tug‘ruq vaqtida preparatni qo‘llashdan saqlanish kerak.
Homiladorlik vaqtida preparatning havfsizligi homilani ona qornida rivojlanishiga mumkin bo‘lgan nojo‘ya reaktsiyalari sababli aniqlanmagan. Kofeinni qabul qilish bilan bog‘liq bo‘lgan ixtiyorsiz bola tashlashlarni havfi oshganligi sababli homiladorlik vaqtida qabul qilish mumkin emas.
Transport vositalari va potentsial xavfli mexanizmlarni boshqarish qobiliyatiga dori vositasini ta'sir qilish xususiyati.
Bosh aylanishi va uyquchanlik rivojlanganida transport vositalari yoki potentsial havfli mexanizmlarni boshqarishdan saqlanish kerak.
Preparat bolalar ololmaydigan joyda saqlansin va yaroqlilik muddati o‘tgach ishlatilmasin.

Dozani oshirib yuborilishi

Paratsetamol
Simptomlari paratsetamolning dozasini oshirib yuborilishi jigar yetishmovchiligiga olib kelishi mumkin.
Davolash dozani oshirib yuborilishiga shubha qilinganida, hatto uning simptomlari bo‘lmasa ham, zudlik bilan tibbiy yordamga murojaat qilish kerak. N-atsetiltsistein yoki metioninni qo‘llash mumkin.
Kodein
Simptomlari erta bosqichlarida – ko‘ngil aynishi va qusish kuzatiladi. Nafas markazi faoliyatini susayishi sianoz, nafasni sekinlashishi, uyquchanlik, ataksiya, va juda kam hollarda o‘pka shishi bilan namoyon bo‘lishi mumkin. Shuningdek nafasni to‘xtashi, mioz, konvulsiyalar, kollaps, siydikni tutilishi bo‘lishi mumkin. Bundan tashqari, gistaminni ajralib chiqishi simptomlari bo‘lishi mumkin.
Davolash simptomatik va tutib turuvchi davolash, shu jumladan organizmning hayotiy muhim faoliyatlari stabil holatga kelgunicha monitoring o‘tkazish kerak. O‘pkani sun'iy ventilyatsiyasini o‘tkazish zarurati tug‘ilishi mumkin. Birinchi soat davomida (kattalarda 350 mg dan ortiq, bolalarda – tana vazniga 5 mg/kg kodein qabul qilinganda) faollashtirilgan ko‘mirni qo‘llash maqsadga muvofiqdir.
Nafasni susayishida yoki koma holatida spetsifik antidot – nalokson qo‘llanadi. Preparat qabul qilinganidan so‘ng kamida to‘rt soat davomida bemorning umumiy holatini, monitoringini o‘tkazish kerak.
Kofein
Simptomlari epigastriyada og‘riq, ko‘ngil aynishi, dizuriya, taxikardiya yoki yurak ritmini buzilishi, MNT ni rag‘batlanishi belgilari (uyqusizlik, bezovtalik, qo‘zg‘aluvchanlik, ta'sirchanlik, tremor va tirishishlar).
Kofeinning dozasini oshirib yuborilishini klinik yaqqol simptomlari, odatda jigarni, paratsetamolning dozasini oshirib yuborilishi bilan bog‘liq bo‘lgan, og‘ir darajadagi shikastlanishi bilan qo‘shilishini hisobga olish kerak.
Davolash simptomatik. Spetsifik antidoti yo‘q, biroq -adrenoretseptorlarning antagonistlarini qo‘llash kardiotoksik samaralarini yengillatishi mumkin.
Natriy bikarbonati
Simptomlari yuqori dozalari kekirish, ko‘ngil aynishi, gipernatriyemiyani chaqirishi mumkin.
Davolash qonda elektrolitlarning darajasini nazorat qilish, simptomatik davolash o‘tkazish kerak.

Chiqarilish shakli

Eruvchan tabletkalar. 2 tabletkadan striplarda (qog‘oz/polietilen/alyumin folga).
2, 4, 6, 12 yoki 30 strip qo‘llash bo‘yicha yo‘riqnomasi bilan birga qarton qutida.

Saqlash sharoiti

25oS dan yuqori bo‘lmagan haroratda saqlansin

Yaroqlilik muddati

4 yil.

Dorixonalardan berish tartibi

Retsept bo‘yicha.

Ishlab chiqaruvchi

“GlaksoSmitKlyayn Dangarvan Limited”, Nokbrak, Dangarvan, Vaterford grafligi, Irlandiya
“GlaksoSmitKlyayn Konsmer Xelzker”, Buyuk Britaniya uchun.
El. pochta oax70065@gsk.com