Preparatning savdo nomi
PROSTATILEN-BIOFARMA

Dori shakli
in'ektsiya uchun eritma tayyorlash uchun liofilizat.

Tarkibi

1 ampula yoki flakon quyidagilarni saqlaydi
faol modda ekstraktsiya yo‘li bilan olingan buqalar prostata bezining suvli eritmasini liofilizatsiya qilingan ekstrakti - 10 mg;
yordamchi modda glitsin.
Ta'rifi oq yoki sarg‘ish tusli oq rangli amorf kukun yoki g‘ovak massa.

Farmakoterapevtik guruhi
prostata bezining xavfsiz gipertrofiyasida qo‘llanadigan vosita.
ATX kodi G04CX.


Farmakologik xususiyatlari


Farmakodinamika
si
Prostatilen prostata beziga spetsifik organotrop ta'sirga ega. Prostata bezi kasalliklarida preparat patogenetik davolash vositasi sifatida mikrotsirkulyatsiya va trombotsitar-qon tomir gemostazi jarayonlarini normallashtiradi, to‘qima shishi, leykotsitar infiltratsiyani kamaytiradi va bartaraf qiladi (shu jumladan, bez sekretida leykotsitlarning miqdorini pasaytiradi), sekret mikroflorasiga bilvosita bakteriostatik ta'sir namoyon etadi, aniqlangan qo‘zg‘atuvchining titrini mutlaq sterillikkacha pasaytiradi yoki mikroorganizmlarning hayot faoliyatini susaytiradi. Prostatilen spermatogenezni normallashtiradi (spermatozoidlarning miqdori va harakatchanligini oshiradi), T- va V-limfotsitlarning holatiga modulyatsiya qiluvchi ta'sir ko‘rsatadi, qovuq mushaklarining tonusini, shu jumladan detruzor tonusini xam boshqaradi, organizmning nospetsifik rezistentligini oshiradi.

Farmakokinetikasi

Peptid preparat sifatida prostatilen xujayra proteazalari tomonidan aminokislotalargacha parchalanadi. Prostatilen va uning metabolitlari siydik bilan chiqariladi. Preparat kumulyativ ta'sirga ega emas.





Qo‘llanilishi

Surunkali prostatit, prostata bezi adenomasi, uning funktsiyasini yoshga bog‘liq buzilishi va u bilan bog‘liq bo‘lgan siyishni buzilishi, prostata bezidagi operatsiyalardan keyingi asoratlar; interoretseptiv kopulyativ disfunktsiyada, erkaklar bepushtligida qo‘llanadi.


Qo‘llash usuli va dozalari

Kattalarni, shu jumladan keksa yoshli erkaklarni davolash uchun qo‘llanadi. Mushak ichiga yuboriladi. Qo‘llash oldidan ampula yoki flakon ichidagisi 1-2 ml in'ektsiya uchun suvda yoki 0,9% li natriy xloridi eritmasida, yoki 0,5% li novokain eritmasida eritiladi. Novokain erituvchi sifatida ishlatilgan xolda, novokainning xavfsizligi yuzasidan mavjud ma'lumotlarni hisobga olish kerak. Preparat 1-2 ampula yoki flakondan har kuni sutkada 1 marta yuboriladi. Davolash kursi 5-10 kunni tashkil qiladi. Zarurati bo‘lganida takroriy kurs o‘tkaziladi (1-6 oy o‘tgach).

Nojo‘ya ta'sirlari
Qichishish, shu jumladan toshma, allergik reaktsiyalar, yuborish joyida o‘zgarishlar bo‘lishi mumkin.


Qo‘llash mumkin bo‘lmagan holatlar

Preparatning komponentlariga va qoramol oqsillariga shaxsiy yuqori sezuvchanlikda qo‘llash mumkin emas.

Dorilarning o‘zaro ta'siri
O‘rganilmagan.
Nomutanosibligi. Preparatni bir shpritsda boshqa dori vositalar bilan aralashtirish mumkin emas. Faqat tavsiya etilgan eritmalar ishlatilsin.


Maxsus ko‘rsatmalar

Novokain erituvchi sifatida qo‘llanganida allergik sinamani o‘tkazish kerak. Preparat bilan davolashda prostata bezining faolligini klinik ko‘rsatkichlari tahlilini o‘tkazish tavsiya etiladi.
Homiladorlik yoki emizish davrida qo‘llanilishi. Preparat ayollarda qo‘llanmaydi.
Bolalar. Preparat bolalarda qo‘llanmaydi.
Avtotransportni yoki boshqa mexanizmlarni boshqarishda reaktsiya tezligiga ta'sir qilish xususiyati. Tekshirilmagan.
Preparat bolalar ololmaydigan joyda saqlansin va yaroqlilik muddati o‘tgach qo‘llanilmasin.




Dozani oshirib yuborilishi

O‘rganilmagan.


Chiqarilish shakli

Liofilizatli 10 ampuladan yoki flakondan qutida. Liofilizatli 5 flakondan yoki ampuladan blisterda, 2 blisterdan qutida.


Saqlash sharoiti

Original o‘ramida, yorug‘likdan ximoyalangan joyda, 25oS dan yuqori bo‘lmagan haroratda saqlansin.


Yaroqlilik muddati

3 yil.


Dorixonalardan berish tartibi

Retsept bo‘yicha.


Ishlab chiqaruvchi

“BIOFARMA” XAJ, Ukraina; “FZ “BIOFARMA” MChJ, Ukraina.

Manzili
Ukraina, 03680, Kiyev sh., N.Amosov ko‘ch., 9;
Ukraina, 09100, Kiyev oblati, Belaya Serkov sh., Kiyevskaya ko‘ch., 37.