Mahsulotning tashqi ko'rinishi fotosuratda ko'rsatilganidan farq qilishi mumkin
Yetkazib berish faqat retseptsiz dori-darmonlar uchun amalga oshiriladi
Kitanal 100 mg / 2 ml 2 ml №10 MER
'Ushbu mahsulot stokda yo'q, lekin biz siz uchun analoglarni tanladik
Yetkazib berish
Yetkazib berish punktidan olib ketish
Toshkent shahridagi qabul qilish punktiga 2 soat ichida yetkazib berish bepul. O'zbekiston bo'ylab 2 kun ichida yetkazib berish bepul. Shanba kuni buyurtma berishda yetkazib berish muddati 3 kun.
Toshkent
2 soat bepul
O'zbekiston
2 kun bepul
Yetkazib beruvchidan uyingizgacha
Yetkazib berish jadvaliga muvofiq 2 soat ichida eshigingizga yetkazib berish. Yetkazib berish xizmati har kuni dam olishlarsiz soat 9-00dan 21-00gacha.
Toshkent
20 000 UZS
O'zbekiston
yo'q
Ekspress yetkazib berish
Toshkent bo'ylab tezkor yetkazib berish - 40 daqiqa ichida. O'zbekiston bo'ylab yetkazib berish 1-2 kun.
Toshkent
40 daqiqagacha
O'zbekiston
1 kun
Yetkazib berish | Toshkent | O'zbekiston | |
Yetkazib berish punktidan olib ketish | 2 soat bepul | 2 kun bepul |
Toshkent shahridagi qabul qilish punktiga 2 soat ichida yetkazib berish bepul. O'zbekiston bo'ylab 2 kun ichida yetkazib berish bepul. Shanba kuni buyurtma berishda yetkazib berish muddati 3 kun.
|
Yetkazib beruvchidan uyingizgacha | 20 000 UZS | yo'q |
Yetkazib berish jadvaliga muvofiq 2 soat ichida eshigingizga yetkazib berish. Yetkazib berish xizmati har kuni dam olishlarsiz soat 9-00dan 21-00gacha.
|
Ekspress yetkazib berish | 40 daqiqagacha | 1 kun |
Toshkent bo'ylab tezkor yetkazib berish - 40 daqiqa ichida. O'zbekiston bo'ylab yetkazib berish 1-2 kun.
|
Xususiyatlari
Faol modda
Кетопрофен
Страна производитель
Узбекистан
Дозировка
100мг/2мл 2 мл
Производитель
MERRYMED FARM, Узбекистан
Рецептурный препарат
Да
Форма выпуска
Раствор для инъекций
Ko'rsatmalar
- Preparatning savdo nomi
- Dori shakli
- Tarkibi
- Farmakoterapevtik guruhi
- Farmakologik xususiyatlari
- Farmakodinamika
- Farmakokinetikasi
- Qo‘llash usuli va dozalari
- Qo‘llanilishi
- Maxsus ko‘rsatmalar
- Qo‘llash mumkin bo‘lmagan holatlar
- Dozani oshirib yuborilishi
- Chiqarilish shakli
- Saqlash sharoiti
- Yaroqlilik muddati
- Ishlab chiqaruvchi
- Dorixonalardan berish tartibi
Preparatning savdo nomi
MR Kitanal
Ta'sir etuvchi modda (XPN) ketoprofen
Dori shakli
in'ektsiya uchun eritma
Tarkibi
bir ampula quyidagilarni saqlaydi
faol modda ketoprofen - 100,0 mg;
yordamchi moddalar propilenglikol, etanol, benzil spirti, natriy gidroksidi, in'ektsiya uchun suv.
Ta'rifi tiniq, rangsiz yoki biroz sarg‘ish suyuqlik.
Farmakoterapevtik guruhi
Nosteroid yallig‘lanishga qarshi vosita.
ATX kodi M02AA10
Farmakologik xususiyatlari
Farmakodinamika
si
MR Kitanal - propion kislotasining hosilasi bo‘lgan nosteroid yallig‘lanishga qarshi vosita (NYaQV) dir. MR Kitanal og‘riq qoldiruvchi, yallig‘lanishga qarshi va isitmani tushiruvchi ta'sir ko‘rsatadi.
Araxidon kislotasining siklooksigenaza va lipooksigenaza fermentlari ta'sir etuvchi bo‘g‘inlariga ta'sir qilib, preparat prostaglandinlar, leykotriyenlar va tromboksanlarning sintezini ingibitsiya qiladi. Shuningdek lizosomalarning membranasini barqarorlashtiradi, lizosomal fermentlarni ajralib chiqishini sekinlashtiradi, antibradikinin ta'sir ko‘rsatadi, trombotsitlar agregatsiyasiga to‘sqinlik qiladi, revmatoid artriti bo‘lgan bemorlarda neytrofillarning faolligini sezilarli tormozlanishini chaqiradi, qon tomirlar o‘tkazuvchanligini kamaytiradi.
Yaqqol og‘riq qoldiruvchi ta'sirga ega.
Bo‘g‘im sindromida tinch holatda va harakat vaqtida bo‘g‘imlardagi og‘riqni susaytiradi, ertalabki tanglik va bo‘g‘imlarning shishini kamaytiradi, harakat hajmini oshishiga yordam beradi.
Farmakokinetikasi
Qon plazmasidagi maksimal kontsentratsiyasiga vena ichiga yuborilganidan keyin 5 minut o‘tgach, mushak ichiga yuborilganidan keyin 15-30 minut o‘tgach erishiladi. Ketoprofenni qon plazmasidan yarim chiqarilish davri v/i yuborilganidan keyin – 2 soatni tashkil qiladi.
Qon plazmasi oqsillari bilan bog‘lanishi 99% ni tashkil qiladi. Qon plazmasida va orqa miya suyuqligida muvozanatli kontsentratsiyasi 2 soatdan 18 soatgacha saqlanib qoladi.
Ketoprofen sinovial suyuqlikka va biriktiruvchi to‘qimalarga yaxshi kiradi. Sinovial suyuqlikdagi kontsentratsiyalarining ahamiyatli darajalariga 100 mg ketoprofen mushak ichiga bir marta yuborilganidan keyin 15 minut o‘tishi bilanoq erishiladi. Garchi ketoprofenning sinovial suyuqlikdagi kontsentratsiyasi qon plazmasidagiga qaraganda biroz past bo‘lsada, ular ancha barqarordir (30 soatgacha saqlanib turadi), buning natijasida preparatning terapevtik samarasi ancha uzoq vaqt saqlanib turadi. Asosan buyrak orqali va ancha kam darajada ichak orqali chiqariladi.
Qo‘llanilishi
-tayanch-harakat apparatining yallig‘lanish kasalliklari (revmatoid, psoriatik, podagrik, yuvenil surunkali artritlar, ankilozlovchi spondilit);
-tayanch-harakat apparatining degenerativ kasalliklari (deformatsiyalovchi osteoartroz, osteoxondroz);
-lyumbago, ishias, nevralgiya, mialgiya, tendovaginit, bursit;
-yallig‘lanish bilan kechuvchi posttravmatik og‘riqli sindrom;
-operatsiyadan keyingi og‘riq, migren, buyrak sanchig‘i;
-birlamchi algodismenoreya, adneksit, proktitda qo‘llaniladi.
Qo‘llash usuli va dozalari
Tavsiya etiladigan doza - 100 mg (1 ampula) dan preparatni kuniga 1-2 marta mushak ichiga buyuriladi.
Maksimal sutkalik doza (barcha dori shakllari qo‘llanganda) 200 mg ketoprofendan oshmasligi kerak.
Davolash davomiyligi shifokor tomonidan belgilanadi, preparatning in'ektsion shakli bilan davolashni 3 kundan ortiq davom ettirish tavsiya qilinmaydi.
Buyrak yetishmovchiligi bo‘lgan kreatinin klirensi minutiga 20 ml dan kam va surunkali jigar kasalliklari (qonda albumin darajasi past) bo‘lgan patsiyentlarda ketoprofenning dozasini kamaytirish kerak.
Ogohlantirish
Tramadol va ketoprofenni bir flakonda aralashtirish mumkin emas, chunki cho‘kma hosil bo‘ladi.
Nojo‘ya ta'sirlari
Tez-tez
-dispeptik holatlar, ishtahani pasayishi, ko‘ngil aynishi, qusish, meteorizm, abdominal og‘riqlar, qabziyat.
Tez-tez emas
-diareya, gastrit;
-bosh og‘rig‘i, bosh aylanishi, uyquchanlik;
-teri toshmasi;
-in'ektsiya joyida shish, og‘riq va achishish hissi.
Kam hollarda
-gemorragik anemiya, leykopeniya;
-depressiya, uyqusizlik, asabiylik, paresteziya;
-ko‘rishni yomonlashishi;
-quloqlarni shang‘illashi;
-stomatit, me'da va o‘n ikki barmoq ichak yarasi;
-gepatit, transaminazalar darajasini va bilirubinni oshishi;
-tana vaznini oshishi;
-anafilaktik shok;
-bronxospazm, bronxial astma xuruji.
Qo‘llash mumkin bo‘lmagan holatlar
-ketoprofenga, aspiringa yoki boshqa nosteroid yallig‘lanishga qarshi vositaga shaxsiy yuqori sezuvchanlik (anamnezida atsetilsalitsil kislotasini qabul qilish bilan bog‘liq astma, bronxospazm, eshakemi yoki rinit bo‘lganligi xususida ko‘rsatma);
-og‘ir yurak yetishmovchiligi;
-me'da-ichak yo‘llarining zo‘rayish bosqichidagi kasalliklari (gastrit, me'daning yara kasalligi, anamnezida me'da-ichakdan qon ketishlari, yaralarni hosil bo‘lishi yoki teshilishi bo‘lganligi xususida ko‘rsatma);
-qon ketishlari (me'da-ichakdan qon ketishlari, serebrovaskulyar yoki boshqa faol qon ketishlari);
-qon ketishiga moyillik;
-jigar yoki buyrak fapoliyatini og‘ir buzilishlari;
-qon tomonidan buzilishlar (leykopeniya, trombotsitopeniya, gemokoagulyatsiyani buzilishlari);
-bronxial astma, rinit;
-homiladorlik va laktatsiya davri;
-15 yoshgacha bo‘lgan bolalarda qo‘llash mumkin emas.
Dorilarning o‘zaro ta'siri
Dori vositalarni qon plazmasi oqsillari bilan bog‘laridan siqib chiqaradi.
Siydik haydovchi vositalarning samarasini susaytiradi. MR Kitanal va halqali diuretiklar bir vaqtda qo‘llanganida, ikkala preparatlarning ham nefrotoksik ta'siri kuchayadi.
Antikoagulyantlarning ta'sirini potentsiyalaydi. MR Kitanal va varfarin yoki litiy tuzlari bir vaqtda qo‘llanganida, patsiyentlar shifokorning qat'iy kuzatuvi ostida bo‘lishlari kerak (qon plazmasida litiyning kontsentratsiyasi, uni buyrak orqali chiqarilishini pasayishi hisobiga toksik darajagacha oshishi kuzatiladi).
Qonda metotreksatning kontsentratsiyasini oshiradi (uning nojo‘ya ta'sirlarini kuchaytiradi).
Cho‘kma hosil bo‘lishiga yo‘l qo‘ymaslik uchun, bir flakonda ketoprofen va tramadolni aralashtirmaslik kerak.
Maxsus ko‘rsatmalar
MR Kitanal in'ektsiya uchun eritmasini boshqa nosteroid yallig‘lanishga qarshi preparatlar, shu jumladan SOG-2 selektiv ingibitorlari bilan bir vaqtda qo‘llashdan saqlanish kerak.
Preparatni anamnezida me'da-ichak yo‘llari kasalliklari bo‘lgan patsiyentlarga o‘ziga xos ehtiyotkorlik bilan buyurish kerak (qon ketishlari va perforatsiya dastlabki simptomlarsiz behosdan rivojlanib ketishi mumkin).
Peroral yuboriladigan kortikosteroidlar, antikoagulyantlar (masalan varfarin), serotoninni qayta qamrab olinishining selektiv ingibitorlari yoki antiagregant vositalar (shu jumladan atsetilsalitsil kislotasi) kabi me'da yarasini hosil bo‘lishi yoki qon ketishlari xavfini oshirishi mumkin bo‘lgan patsiyentlarda ehtiyotkorlikka amal qilish kerak. Me'da-ichakdan qon ketishini yuz berishi, me'da yarasini hosil bo‘lishi yoki perforatsiya xavfi nosteroid yallig‘lanishga qarshi preparatlarning dozasi oshgani sayin oshib boradi. Bunday hollarda me'da-ichak yo‘llariga protektiv ta'sir ko‘rsatuvchi preparatlar (masalan mizoprostol yoki proton pompa ingibitorlari) bilan majmuaviy davolashni ko‘rib chiqish lozim.
Me'da-ichak yo‘llari kasalliklari bo‘lgan patsiyentlar (ayniqsa keksa yoshdagi shaxslar) har qanday abdominal ko‘rinishlar to‘g‘risida davolovchi shifokorga xabar berishlari lozim.
Me'da-ichak yo‘llaridan qon ketishi yuz bergan yoki me'da-ichak yo‘llarida yara hosil bo‘lgan hollarda davolashni darhol to‘xtatish kerak.
Arterial gipertenziyasi va/yoki dimlangan yurak yetishmovchiligi bo‘lgan patsiyentlarni sinchiklab kuzatish lozim, chunki ketoprofen bilan davolash vaqtida organizmda suyuqlikni tutilishini rivojlanishi yoki kuchayishi to‘g‘risida xabarlar mavjud.
Ketoprofen bilan davolanish vaqtida arterial bosimni, ayniqsa yurak-qon tomir kasalliklari bo‘lgan patsiyentlarda arterial bosimni monitoringi tavsiya qilinadi.
Nazorat qilib bo‘lmaydigan arterial gipertenziyaisi, o‘tkir yoki og‘ir surunkali yurak yetishmovchiligi, yurak ishemik kasalligi, periferik arteriyalarning kasalliklari va/yoki serebrovaskulyar kasalliklari bo‘lgan patsiyentlarda ketoprofen bilan davolashni ehtiyotkorlik bilan o‘tkazish lozim. Ayrim nosteroid yallig‘lanishga qarshi preparatlarni qo‘llanishi arterial trombozlar (miokard infarkti, insult) ni rivojlanish xavfi bilan bog‘liq bo‘lishi mumkin. Bunday xavfni istisno qilish uchun ketoprofenda ma'lumotlar yetarli emas.
Bronxial astmasi, surunkali riniti, surunkali sinusiti va/yoki nazal polipozi bo‘lgan patsiyentlarda, qolgan patsiyentlarga nisbatan allergik reaktsiyalar ko‘proq yuz berishi mumkin.
Keksa yoshdagi patsiyentlarga preparatni ehtiyotkorlik bilan buyurish kerak.
Dori vositasining transport vositalarini yoki potentsial xavfli mexanizmlarni boshqarish qobiliyatiga ta'sirini o‘ziga xos xususiyatlari
Bosh aylanishi, fazoda dezoriyentatsiya, uyquchanlik, ko‘rish fokusini buzilishi yoki tirishishlar yuz bergan hollarda transportni haydash yoki potentsial xavfli mexanizmlarni boshqarish mumkin emas.
Preparat bolalar ololmaydigan joyda saqlansin va yaroqlilik muddati o‘tganidan so‘ng qo‘llanilmasin.
Dozani oshirib yuborilishi
Simptomlari nojo‘ya samaralari kuchayishi mumkin.
Davolash simptomatik. Spetsifik antidoti mavjud emas.
Chiqarilish shakli
In'ektsiya uchun eritma 100 mg/2 ml. 2 ml dan ampulalarga joylangan.
10 ampuladan polivinilxlorid plenkali kontur-uyali o‘ramga yoki folgasiz alyumin o‘ramga joylanadi.
Saqlash sharoiti
Quruq, yorug‘likdan himoyalangan joyda, 25oS dan yuqori bo‘lmagan haroratda saqlansin.
Yaroqlilik muddati
3 yil.
Dorixonalardan berish tartibi
Retsept bo‘yicha.
Ishlab chiqaruvchi
«MERRYMED FARM» MChJ
O‘zbekiston Respublikasi, Namangan viloyati, Namangan tumani, Bog‘ishamol KFY, Sherbuloq ko‘chasi, 1 uy.Tel (0369) 224-67-22
Diqqat!
Ma'lumotlar faqat ma'lumot olish uchun berilgan va o'z-o'zidan davolanish uchun qo'llanma sifatida foydalanilmasligi kerak. Faqat shifokor preparatni buyurishga qaror qilishi mumkin, shuningdek uni qo'llash dozasi va usullarini aniqlaydi.
Pharmalick.uz veb-sayti Pharmalick.uz veb-saytida joylashtirilgan ma'lumotlardan foydalanish natijasida yuzaga kelishi mumkin bo'lgan salbiy oqibatlar uchun javobgar emas.