Preparatning savdo nomi
Evika

Dori shakli
Kapsulalar

Tarkibi

Har bir kapsula quyidagi dorivor o‘simliklarning ekstraktlarini saqlaydi
faol moddalar
Hind sarakasi – 150 mg
Supurgi simon simplokos – 50 mg
Hind valerianasi – 50 mg
Dorivor moychechak – 50 mg
Avraam daraxti (prutyak) – 50 mg
Katexu palmasi – 50 mg
yordamchi moddalar makkajo‘xori kraxmali, kaltsiy digidrofosfati, mikrokristal sellyuloza.
Ta'rifi ko‘k rangli “0” o‘lchamli kapsulalar. Jigarrang rangli amorf kukun bilan to‘ldirilgan. Kapsulaning korpusi va qopqog‘iga EVICA chop qilingan.

Farmakoterapevtik guruhi
Asosan akushurlik va ginekologiyada qo‘llaniladigan vosita.


Farmakologik xususiyatlari

Evika – bachadonni tonusini oshiruvchi vosita, tarkibiga o‘zining samaradorligi bilan ma'lum bo‘lgan, maxsus tanlab olingan dorivor o‘simliklar kiruvchi optimal muvozanatlashtirilgan dori preparatidir.
Xind sarakasi
Bachadon kasalliklarida, ayniqsa bachadon fibromasi sabab bo‘lgan menorragiyada samarali. Bachadon qisqarishini kuchaytiradi, bachadondagi qon ketishini bartaraf qiladi.
Supurgisimon simplokos
Endometriy mushagini rag‘batlantiradi va mustahkamlaydi.
Xind valerianasi
Kuchsiz tinchlantiruvchi vosita, nevrasteniyani yengillashtiradi.
Dorivor moychechak
Kichik chanoq a'zolarida yallig‘lanish va og‘riqni kamaytiradi.
Avraam daraxti (prutyak)
Xayz ko‘rish oldi sindromida gormonlar darajasini muvofiqlashtirish oqibatida samarali yordam beradi, hamda xayz ko‘rish siklini yo‘lga soladi.
Katexu palmasi
Qindan suvsimon ajratmalarda samarali.

Evika endometriy mushaklari va tuxumdonlar to‘qimasini rag‘batlantirish va mustahkamlashi yordamida xayz ko‘rish siklini va postklimakterik qon ketishlarni tartibga soladi. O‘zining og‘riq qoldiruvchi va yallig‘lanishga qarshi xususiyatlari tufayli, Evika kichik chanoq a'zolari giperemiyasini pasaytiradi, vaginal epiteliysidan transsudatsiyani kamaytiradi va leykoreyani boshqarilishiga yordam beradi. Evika gipermenoreyada va bachadondan anomal qon ketishida bachadon bo‘shlig‘ining yuzasini va bachadon menorragiyasini kamaytirish yo‘li bilan sog‘lomlashtirishga yordam beradi. Evikani qo‘llash xayz ko‘rish oldi sindromida samarali yordam beradi, chunki preparat gormonlar darajasini nazorat qiladi.


Qo‘llanilishi

• Anomal vaginal ajralmalar
• Leykoreya
• Menorragiya
• Metrorragiya
• Muntazam bo‘lmagan xayz ko‘rish sikli
• Xayz ko‘rish oldi sindromi
• Postklimakterik qon ketishlarida qo‘llaniladi.


Qo‘llash usuli va dozalari

Metroragiya va metropatiya holatlarida xayz ko‘rish siklining 3-chi kunidan boshlab bir kapsuladan kuniga 3 marta qabul qilinadi. Doimiy yoki uzoq muddatli qon ketishlari bilan bo‘lgan boshqa barcha kasalliklarda qabul qilish darhol boshlanadi. Holatning jiddiyligiga muvofiq ravishda, doza kuniga 6 kapsulagacha, bo‘lingan dozalarda xavfsiz oshirilishi mumkin.

Nojo‘ya ta'sirlari
Allergik reaktsiyalar bo‘lishi mumkin.


Qo‘llash mumkin bo‘lmagan holatlar

Homiladorlik va emizish davrida qo‘llash mumkin emas.

Dorilarning o‘zaro ta'siri
Aniqlanmagan.


Maxsus ko‘rsatmalar

Transport vositalarini va potentsial havfli mexanizm va mashinalarni boshqarish qobiliyatiga dori vositalarining ta'sirining o‘ziga xos xususiyatlari.
Ta'sir ko‘rsatmaydi.
Bolalar ololmaydigan joyda saqlansin va o‘ramida ko‘rsatilgan yaroqlilik muddati o‘tganidan so‘ng ishlatilmasin.


Dozani oshirib yuborilishi

Dozani oshirib yuborish holatlari aniqlanmagan.


Chiqarilish shakli

20/60 kapsuladan flakonda.


Saqlash sharoiti

25°C dan yuqori bo‘lmagan haroratda saqlansin.


Yaroqlilik muddati

3 yil



Dorixonalardan berish tartibi

Retseptsiz.


Ishlab chiqaruvchi



Xerbion Pakistan Prayvet Limited