Preparatning savdo nomi
Tebantin® Ta'sir etuvchi modda (XPN) gabapentin (gabapentin)
Dori shakli
qattiq kapsulalar, 300 mg
Tarkibi
Har bir kapsula quyidagilarni saqlaydi faol modda gabapentin 300 mg; yordamchi moddalar laktoza monogidrati, o‘tajelatinlangan makkajo‘xori kraxmali, talk, magniy stearati, temir III oksidi bo‘yovchisi (E 172), titan dioksidi (E 171), jelatin. Ta'rifi №1 o‘lchamli Coni-Snap® kapsulalar, yuqori qismi pushti-jigarrang rangli, pastki qismi sariq rangli. Kapsula ichidagisi oq yoki deyarli oq kristall kukun. Farmakoterapetik guruhi boshqa tutqanoqqa qarshi preparatlar ATX kodi N03AX12.
Farmakologik xususiyatlari

Farmakodinamika
si Gabapentining aniq ta'sir mexanizmi ma'lum emas. Gabapentin tuzilishi bo‘yicha GAMK (gamma-aminomoy kislotasi) neyrotransmitteriga o‘xshash, lekin ta'sir mexanizmi GAMK retseptorlari bilan o‘zaro ta'sir etuvchi valproat, barbituratlar, benzodiazepinlar, GAMK-transferaza ingibitorlari, GAMK ni qamrab olinishining ingibitorlari, GAMK agonistlari va GAMK o‘tmishdoshlari kabi boshqa moddalarning ta'sir mexanizmidan farq qiladi. Radioaktiv gabapentin bilan neokroteks va gippokampni o‘z ichiga olgan miya to‘qimasidagi in vitro tadqiqotlarda gabapentin va uning struktur hosilalarining tirishishga qarshi va analgetik faolligiga, ehtimol aloqasi bo‘lishi mumkin bo‘lgan yangi peptid-bog‘lovchi fragment aniqlangan. Gabapentinning bog‘lanish joyi bo‘lib, potentsialga bog‘liq kaltsiy kanallarining alfa2-delta subbirligi xizmat qiladi. Gabapentin terapevtik kontsentratsiyada boshqa keng tarqalgan preparatlarning retseptorlari yoki bosh miyaning neyrotransmitter retseptorlari, shu jumladan GAMKA, GAMKV, benzodiazepinlar, glutamat, glitsin yoki N-metil-D-aspartat retseptorlari bilan bog‘lanmaydi. In vitro sharoitlarda gabapentin natriy kanallari bilan o‘zaro ta'sirga kirmagan va shuning hisobiga fentoin va karbamazepindan farq qilgan. In vitro sharoitlarda ayrim test tizimlarda gabapentin glutamat-N-metil-D-aspartat (NMDA) ning samaralarini qisman kamaytirgan. Bu samaraga faqat preparatning kontsentratsiyasi 100 mkmol dan ortiq bo‘lganidagina erishilgan, bunga in vivo sharoitlarda erishish umuman mumkin emas. Gabapentin in vitro sharoitlarda monoamin neyrotransmitterlarni ajralib chiqishini biroz kamaytiradi. Gabapentinni kalamushlarga buyurilishi bosh miyaning ayrim qismlarida GAMK almashinuvini oshirgan, xuddi shunday samara natriy valproati uchun ham ta'riflangan, lekin bosh miyaning boshqa qismlarida. Gabapentinning ushbu samaralarining tirishishga qarshi ta'siriga nisbatan ahamiyati hali aniqlanmagan. Hayvonlarda gabapentin gematoentsefalik to‘siq orqali o‘tgan va maksimal o‘zlashtiraolinishi mumkin bo‘lgan elektroshok ta'rifida induktsiyalangan tirishishlarni, shuningdek kimyoviy konsulvantlar, shu jumladan GAMK sintezi ingibitorlari tomonidan chaqirilgan tirishishlar va genetik omillar bilan bog‘liq tirishishlarni oldini olgan. 3 yoshdan 12 yoshgacha bolalardagi partsial tirishishlarni yordamchi davolashni o‘rganish yuzasidan klinik tadqiqotlar shuni ko‘rsatadiki 50% tekshiriluvchilarda davolashga javob olish bo‘yicha gabapentinning platseboga nisbatan ustunligini son jihatdan ko‘p, lekin statik ahamiyatsiz farqni ko‘rsatgan. Davolashga bo‘lgan javoblar sonini patsiyentlarning yoshiga qarab (3-5 yoshli va 6-12 yoshli yosh guruhlari), qo‘shimcha post-hoc taxlili, ham uzluksiz, ham binar tanaffuslar bilan o‘tkazilgan davolashda tekshiriluvchi patsiyentlarning yoshiga ularning ahamiyatli ta'siri borligini ko‘rsatmadi. Ushbu tashxisning natijalari quyidagi jadvalda keltirilgan Davolash kategoriyalari va guruhlar bo‘yicha davolashga bo‘lgan javob tez-tezligi (≥ 50% yaxshilangan) MITT populyatsiyasi* Yosh kategoriyasi Platsebo Gabapentin R ko‘rsatkichi <6 yosh 4/21 (19,0%) 4/17 (23,5%) 0,7362 6-12 yosh 17/99 (17,2%) 20/96 (20,8%) 0,5144 * MITT (u yoki bu preparatning xech bo‘lmaganda bir dozasini qabul qilgan patsiyentlarning modifikatsiyalangan populyatsiyasi), dastlabki va ikki yoqlama yashirin faza vaqtida 28 kun davomida xurujlar kundaligini baholash uchun yetarli darajada to‘ldiraoladigan, tadqiqotlarga randomizatsiyalangan hamma patsiyentlarni o‘z ichiga oladi.
Farmakokinetikasi
So‘rilishi Gabapentinni ichga qabul qilgandan so‘ng qon plazmasidagi maksimal kontsentratsiyasiga 2-3 soat davomida erishiladi. Preparatning dozasi oshirilganda gabapentinning (preparatning so‘rilgan qismini) biokiraolishligini kamayishi kuzatiladi. 300 mg li kapsulalar qabul qilinganda gabapentinning mutloq biokiraolishligi taxminan 60% ni tashkil etadi. Ovqat, shu jumladan yog‘li ovqatni qabul qilish, gabapentinning farmakokinetikasiga klinik ahamiyatli ta'sir ko‘rsatmaydi. Ko‘p marta yuborish gabapentinning farmakokinetikasiga ta'sir etmaydi. Klinik tadqiqotlar doirasida preparatning plazmadagi kontsentratsiyasi 2 mkg/ml dan 20 mkg/ml gacha o‘zgarib turgan bo‘lsada, ushbu qiymat preparatning samaradorligi va xavfsizligini belgilamagan. Farmakokinetik parametrlar 1-jadvalda ko‘rsatilgan. 1-jadval Preparatni xar sakkiz soatda yuborilgandan keyin o‘rtacha (%CV) muvozanatli farmakokintik parametrlarining xulosasi Farmakokinetik 300 mg 400 mg 800 mg parametr (N=7) (N=14) (N=14) O‘rta % CV O‘rta % CV O‘rta % CV Smax (mkg/ml) 4,02 (24) 5,74 (38) 8,71 (29) tmax (coat) 2,7 (18) 2,1 (54) 1,6 (76) T1/2 (soat) 5,2 (12) 10,8 (89) 10,6 (41) AUC (0-8) mkg s/ml 24,8 (24) 34,5 (34) 51,4 (27) Ae% (%) ND ND 47,2 (25) 34,4 (37) Smax = maksimal muvozanatli plazmadagi kontsentratsiyasi tmax (coat) = Smax ga erishish uchun ketgan vaqt T1/2 (soat) = eliminatsion yarim chiqarilish davri AUC (0-8) = preparat yuborilgandan keyin 0 soatdan 8 soat oralig‘ida “kontsentratsiya-vaqt” farmakokinetik egri chiziq ostidagi muvozonat maydon Ae% (%) = preparat yuborilgandan keyin 0 dan 8 soat davomida o‘zgarmagan holda siydik bilan chiqarilgan dozaning foizi. ND = ma'lumotlar yo‘q Taqsimlanishi Gabapentin plazma oqsillari bilan bog‘lanmaydi. Preparatning taqsimlanish hajmi 57,7 l ga teng. Tutqanog‘i bor patsiyentlarda gabapentinning orqa miya suyuqlikdagi kontsentratsiyasi plazmadagi minimal muvozonat kontsentratsiyaning taxminan 20% ni tashkil etadi. Biotransformatsiya Odamda gabapentin metabolizmi to‘g‘risida ma'lumotlar olinmagan. Preparat dori vositalarining metabolizmida ishtirok etuvchi jigarning oksidlovchi fermentlarini induktsiya qilmaydi. Chiqarilishi Gabapentin o‘zgarmagan holda faqat buyrak orqali chiqariladi. Gabapentinning yarim chiqarilish davri dozaga bog‘liq emas va o‘rtacha 5-7 soatni tashkil etadi. Katta patsiyentlarda va buyrak faoliyatini buzilishi bo‘lgan patsiyentlarda gabapentinning plazma klirensi pasaygan. Eliminatsiya tezligi konstantasi, plazma klirensi, buyrak klirensi kreatinin klirensiga to‘g‘ri proportsionaldir. Gabapentini gemodializda plazmadan chiqariladi. Buyrak faoliyatini buzilishi bo‘lgan yoki gemodializdagi patsiyentlarda preparatning dozasini qayta ko‘rib chiqish tavsiya etiladi (“
Qo‘llash usuli va dozalari
” bo‘limiga qarang). Bolalarda gabapentinning farmakokintikasi 1 oylikdan 12 yoshgacha bo‘lgan 50 nafar sog‘lom sub'ektlarda baholangan. Umuman olganda, dozani tana og‘irligi kg ga qarab hisoblanganda (mg/kg) 5 yoshdan katta bolalarda gabapentinning plazmadagi kontsentratsiyasi kattalarnikidan farq qilmagan. Proportsionallik/noproportsionallik Gabapentinning biokiraolishligi (preparatning so‘rilgan qismi) doza oshgan sari kamayib boradi, va bu preparatning farmakokinetikasini, ya'ni biokiraolishligining parametrlarini (F) Ae%, CL/F, Vd/F proportsional emasligidan dalolat beradi. Eliminatsiya farmakokinetikasi (F ni o‘z ichiga olmagan SLr va T1/2 farmakokinetika parametrlari) esa proportsional qonuniyatiga ega. Preparatni bir marta qabul qilgandagi ma'lumotlardan kelib chiqib, gabapentinning plazmadagi muvozonatli kontsentratsiyasini oldindan aytish mumkin.
Qo‘llanilishi
Tutqanoq Gabapentin kattalarda va 6 yoshdan katta bolalarda ikkilamchi generalizatsiyasi bilan yoki usiz kechuvchi partsial tirishishlarni davolashda qo‘shimcha preparat sifatida ishlatiladi. (“
Farmakodinamika
si” bo‘limiga qarang). Gabapentin kattalarda,12 yoshdan katta bolalarda ikkilamchi generalizatsiyasi bilan yoki usiz kechuvchi partsial tirishishlarni davolashda monoterapiya sifatida ishlatiladi. Neyropatik og‘riq Gabapentin kattalarda periferik neyropatik og‘riq, masalan og‘riqli diabetik neyropatiya va postgerpetik nevralgiyalarni davolash uchun qo‘llaniladi. Qo‘llash usuli va dozalar Ichga qabul qilish uchun buyuriladi. Gabapentinni ovqat bilan yoki alohida qabul qilish mumkin. Preparatni yetarli miqdordagi suyuqlik (masalan bir stakan suv) bilan ichiladi. Barcha ko‘rsatmalarda davolashni boshlash uchun 2-jadvalda ta'riflangan tanlash sxemasidan foydalaniladi. Ushbu sxema kattalar va 12 yoshdan katta bolalar uchun tavsiya etiladi. 12 yoshdan kichik bolalarga dozani tanlash yuzasidan yo‘riqnoma alohida kichik bo‘limida keltirilgan. 2-jadval Dozani hisoblash jadvali-dastlabki dozani tanlash 1 kun 2 kun 3 kun 300 mg kuniga 1 marta 300 mg kuniga 2 marta 300 mg kuniga 1 marta Gabapentinni bekor qilish Joriy klinik tavsiyalar asosida, ko‘rsatmalardan qat'iy nazar, gabapentinni asta-sekin kamida 1 hafta davomida bekor qilish tavsiya etilgan. Tutqanoq Tutqanoq kasalligida odatda uzoq muddatli davolash talab qilinadi. Doza shaxsiy o‘zlashtiraolinishi va samaradorligiga, muvofiq davolovchi shifokor tomonidan belgilanadi. Kattalar va o‘smirlar (12 yoshdan katta) tutqanoqda samarali dozalar (klinik tadqiqotlarda) sutkada 900 mg dan 3600 mg gachani tashkil etadi. Davolash preparatning dozasini 1-jadvalda ta'riflanganidek titrlash bilan yoki 1 kuni 300 mg dan 3 marta dozadan boshlanadi, so‘ngra shaxsiy o‘zlashtiraolinishini va samaradorligiga qarab, xar 2-3 kunda kuniga 300 mg dan to maksimal doza sutkada 3600 mg gacha oshirilishi mumkin. Ba'zi patsiyentlar uchun gabapentinni ancha sekinroq titrlash zarur bo‘lishi mumkin. Sutkada 1800 mg dozaga erishishning eng qisqa muddati – 1 hafta, sutkada 2400 mg – 2 hafta, sutkada 3600 mg ga erishish uchun – 3 hafta yetarlidir. Uzoq muddatli ochiq klinik tadqiqotlarda sutkada 4800 mg doza patsiyentlar tomonidan yaxshi o‘zlashtirilgan. Sutkalik doza 3 marta qabul qilishga bo‘linishi kerak. Tirishishga qarshi davolash tanaffuslar bo‘lishi tirishish xurujlarini yuz berishidan saqlanish maqsadida preparatni qabul qilish orasidagi maksimal interval 12 soatdan oshmasligi kerak. 6 yosh va undan katta bolalar Preparatning boshlang‘ich dozasi sutkada 10-15 mg/kg ni tashkil etishi kerak. Samarali doza preparatni titrlash orqali taxminan 3 kun davomida aniqlanishi kerak. 6 yosh va undan katta bolalarda gabapentinning samarali dozasi sutkada 25-35 mg/kg ni tashkil etadi. Sutkada 50 mg/kg li doza uzoq muddatli klinik tadqiqotlar doirasida yaxshi o‘zlashtirilganligi isbotlangan. Umumiy sutkalik doza teng qismlarga bo‘linishi kerak (sutkada 3 marta qabul qilish); preparatni qabul qilish orasidagi maksimal interval 12 soatdan oshmasligi kerak. Qon zardobida gabapentin darajasini nazorat qilishga zarurat yo‘q. Bundan tashqari, gabapentin boshqa tutqanoqqa qarshi preparatlar bilan majmuada qo‘llanilishi mumkin, chunki bunda gabapentin yoki boshqa tutaqanoqqa qarshi preparatlarning plazma kontsentratsiyasi o‘zgarmaydi. Periferik neyropatik og‘riq Kattalar Davolash preparatning dozasini 1 jadvalda ta'riflanganidek titrlashdan boshlanadi. Aks holda boshlang‘ich 900 mg doza uch marta qabul qilishga bo‘linishi kerak. So‘ngra shaxsiy o‘zlashtiraolinishi va samaradorligiga qarab, doza 2-3 kunda sutkada 300 mg dan, maksimal sutkada 3600 mg gacha oshirilishi mumkin. Ba'zi patsiyentlar uchun gabapentinni asta-sekin titrlash kerak bo‘lishi mumkin. Sutkada 1800 mg dozaga erishishning eng qisqa muddati – 1 hafta, sutkada 2400 mg ga – 2 hafta, sutkada 3600 mg ga erishish uchun - 3 hafta yetarlidir. Periferik neyropatik og‘riq (masalan, og‘riqli diabetik neyropatiya yoki postgerpetik nevralgiya) ni gabapentin bilan davolash samaradorligi va xavfsizligi uzoq davom etadigan klinik tadqiqotlar doirasi 5 oydan ortiq vaqt davomida o‘rganilmagan. Agar patsiyentga neyropatik og‘riqlar yuzasidan gabapentin bilan uzoqroq (5 oy dan ortiq) davolanish talab qilinsa, shifokor, davolanishni davom ettirishdan oldin patsiyentning klinik statusini baxolash va qo‘shimcha davolash zarurligini aniqlashi kerak. Hamma ko‘rsatmalardagi tavsiyalar Umumiy holati og‘ir yoki kam tana vazni, transplantatsiyadan keyingi holat kabi ma'lum bir og‘irlashtiruvchi omillari bo‘lgan patsiyentlarda titrlashni qadamli dozani kamaytirib yoki dozani oshirish orasidagi intervalni uzaytirish bilan asta-sekin o‘tkazish kerak. Keksa yoshdagi (65 yoshdan katta) patsiyentlarda qo‘llanishi Keksa yoshdagi patsiyentlarga ba'zida ularda buyrak yetishmovchiligi bo‘lishi mumkinligi tufayli, dozani shaxsiy ravishda tanlash talab etilishi mumkin (2 jadvalga qarang). Keksa yoshdagi patsiyentlarda ko‘pincha uyquchanlik, periferik shishlar va xolsizlik kuzatiladi. Buyrak yetishmovchiligi bo‘lgan patsiyentlarda qo‘llanishi Yaqqol buyrak yetishmovchiligi bo‘lgan patsiyentlar va/yoki gemodializdagi patsiyentlarga preparatning dozasini shaxsiy tanlash talab qilinadi (3-jadvalga qarang). Bunday patsiyentlarga gabapentinning 100 mg li kapsulalarini qo‘llash tavsiya etilgan. 3-jadval Buyrak faoliyatini buzilishidagi dozalar Kreatinin klirensi (ml/min) Gabapentinning umumiy sutkalik dozasi* mg/sut ≥80 (kreatinin klirensi me'yoriy) 900-3600 50-79 600-1800 30-49 300-900 15-29 150**-600 <15*** 150**-300 *Umumiy sutkalik doza 3 marta qabul qilishga bo‘linishi kerak. Kamaytirilgan dozalar buyrak faoliyat yetishmovchiligi bor patsiyentlarda qo‘llaniladi (kreatinin klirensi <79 ml/min). **3x100 mg dan kunora qabul qilishga buyuriladi. ***kreatinin klirensi <15 ml/min bo‘lgan patsiyentlarda sutkalik doza kreatinin klirensi ko‘rsatkichlariga qarab pasaytirilishi kerak (masalan, kreatinin klirensi 7,5 ml/min bo‘lgan patsiyentlar, kreatinin klirensi 15 ml/min bo‘lgan patsiyentlardagi sutkalik dozaning yarmini qabul qilishlari kerak. Gemodializ qabul qilayotgan patsiyentlarda dozalar Anuriyasi bo‘lgan, gemodializdagi va ilgari hech qachon gabapentin olmagan patsiyentlar uchun, preparatning tavsiya etilgan to‘yintiriladigan dozasi 300-400 mg ni tashkil etishi kerak, so‘ngra gemodializning xar 4 soatidan keyin 200-300 mg gabapentinni buyurish kerak. Gemodializ bo‘lmagan kunlari, gabapentinni qabul qilish mumkin emas. Gemodializdagi patsiyentlar uchun gabapentinning samarani bir maromda saqlab turuvchi dozasi 2-jadvalda keltirilgan tavsiyalar asosida aniqlanadi. Gemodializdagi patsiyentlarga saqlab turuvchi dozaga qo‘shimcha sifatida gemodializning har 4 soatidan keyin 200-300 mg preparat qabul qilish tavsiya etilgan.
Nojo‘ya ta'sir
lari Tutqanoq (qo‘shimcha davolash yoki monoterapiya) va neyropatik og‘riq yuzasidan tadqiqotlar vaqtida quyidagi noxush reaktsiyalar kuzatilgan (ularning tez-tezligini hisobga olgan holda keltirilgan) juda tez-tez (>1/10), tez-tez (>1/100-<1/10), tez-tez emas (>1/1000-<1/100) va kam hollarda (>1/10 000-<1/1000). Agar turli tadqiqotlarda nojo‘ya ta'sirlarning kelib chiqish tez-tezligi farq qilgan bo‘lsa, hisobotga eng ko‘p kuzatilgan holatlar to‘g‘risidagi ma'lumotlar kiritilgan. Postmarketing tadqiqotlarda qayd qilingan qo‘shimcha nojo‘ya ta'sirlar “tez-tezligi noma'lum” kategoriyasi ro‘yxatiga kiritilgan (olingan ma'lumotlar asosida baholash mumkin emas). Har bir guruhda tez-tezligi bo‘yicha noxush samaralar og‘irlik darajasini kamayib borishi tartibida keltirilgan. Infektsion va parazitar kasalliklar Juda tez-tez virusli infektsiya Tez-tez pnevmoniya, respirator infektsiya, siydik chiqarish yo‘llarining infektsiyasi, o‘rta quloq otiti. Qon yaratish tizimi va limfatik tizim tomonidan buzilishlar Tez-tez leykopeniya Noma'lum trombotsitopeniya Immun tizimi tomonidan buzilishlar Tez-tez emas allergik reaktsiyalar (masalan, eshakemi). Modda almashinuvi va ovqatlanish tomonidan buzilishlar Tez-tez ishtahani pasayishi, ishtahani oshishi Ruhiy buzilishlar Tez-tez adovat, es-hushni chalkashishi va emotsional labillik, depressiya, asabiylik, anomal fikrlash. Noma'lum gallyutsinatsiyalar Nerv tizimi tomonidan buzilishlar Juda tez-tez uyquchanlik, bosh aylanishi, ataksiya. Tez-tez tirishishlar, giperkinezlar, dizartriya, xotirani pasayishi, dizartriya, tremor, uyqusizlik, bosh og‘rig‘i, sezuvchanlikni buzilishlari (paresteziya, gipesteziya), koordinatsiyani buzilishlari, nistagm, reflekslarni oshishi, pasayishi yoki yo‘qolishi. Tez-tez emas gipokineziya Noma'lum boshqa harakat buzilishlari (shu jumladan xoreatetoz, diskineziya, distoniya). Ko‘rish a'zosi tomonidan buzilishlar Tez-tez ko‘rishni buzilishlari, amblopiya yoki diplopiya. Eshitish va muvozanat a'zolari tomonidan buzilishlar Tez-tez tizimli bosh aylanishi Noma'lum quloqni shang‘illashi Yurak tomonidan buzilishlar Tez-tez emas yurakni kuchli urishini his etish Qon tomirlari tomonidan buzilishlar Tez-tez bosimni oshishi, qon tomirlarni kengayishi Nafas tizimi, ko‘krak qafasi va ko‘ks oralig‘i a'zolari tomonidan buzilishlar Tez-tez hansirash, bronxit, faringit, yo‘tal, rinit Me'da-ichak yo‘llari tomonidan buzilishlar Tez-tez qusish, ko‘ngil aynishi, tishlar patologiyasi, gingivit, ich ketishi, qorinda og‘riq, dispepsiya, ich qotishi, og‘iz yoki halqumni qurishi, qorinni dam bo‘lishi. Noma'lum pankreatit Jigar va o‘t chiqarish yo‘llari tomonidan buzilishlar Noma'lum gepatit, sariqlik Teri va teri osti to‘qimalari tomonidan buzilishlar Tez-tez yuzni shishib ketishi, purpura (ko‘pincha jarohatdan keyin ko‘karish sifatida ta'riflanadi), toshmalar, qichishish, akne. Noma'lum Stivens-Djonson sindromi, angionevrotik shish, ko‘pshaklli eritema, alopetsiya. Skelet mushaklari va biriktiruvchi to‘qima tomonidan buzilishlar Tez-tez artralgiya, mialgiya, belda og‘riq, mushak qisqarishlari Noma'lum mioklonik tirishishlar Buyrak va siydik chiqarish yo‘llari tomonidan buzilishlar Noma'lum o‘tkir buyrak yetishmovchiligi, siydikni tutib turaolmaslik Jinsiy a'zolar va sut bezi tomonidan buzilishlar Tez-tez erektil disfunktsiya Noma'lum sut bezlari gipertrofiyasi, ginekomastiya Umumiy buzilishlar va yuborish joyidagi buzilishlar Juda tez-tez toliqish, isitma Tez-tez periferik shishlar, yurishni buzilishi, holsizlik, og‘riq, diskomfort hissi, grippga o‘xshash sindrom. Tez-tez emas tarqalgan shishlar. Noma'lum bekor qilish reaktsiyalari (asosan xovotir, uyqusizlik, ko‘ngil aynishi, og‘riqlar, kuchli terlash), ko‘krakda og‘riq. Behosdan o‘lim hollari ta'riflangan, biroq gabapentinni qabul qilish bilan bog‘liqligi aniq aniqlanmagan. Laborator va instrumental ma'lumotlar Tez-tez leykotsitlar sonini kamayishi, tana vaznini oshishi. Tez-tez emas jigar faoliyati ko‘rsatkichlari (AST, ALT) va bilirubinni oshishi. Noma'lum qandli diabeti bo‘lgan patsiyentlarda qonda glyukoza darajasini o‘zgarishlari Jarohatlar va zaharlanishlar Tez-tez tasodifiy shikastlanishlar, sinishlar, shilinishlar. Gabapentin bilan davolash fonida o‘tkir pankreatit holatlari keltirilgan. Gabapentin bilan bog‘liqligi aniqlanmagan (“
Maxsus ko‘rsatmalar
” bo‘limiga qaralsin). Gemodializdagi terminal buyrak yetishmovchiligi bo‘lgan patsiyentlarda kreatinkinaza darajasini oshishi bilan kechuvchi miopatiya holatlari qayd qilingan. Nafas yo‘llari infektsiyalari, o‘rta quloq otiti, tirishishlar va bronxitlar faqat bolalar ishtiroq etgan klinik tadqiqotlarda ta'riflangan. Bundan tashqari, bolalarda o‘tkazilgan tadqiqotlarda agressiv hatti-harakat va giperkinezlar yetarli ko‘p holatlarda qayd etilgan. Noxush dori reaktsiyalari holatlari haqida xabarlar Dori preparatini qayd qilingandan keyingi noxush dori reaktsiyalari haqida ma'lumotlarni keltirish katta ahamiyatga ega. Ular dori preparatining xavfi va foyda nisbatini nazorat qilishga imkon beradi. Sog‘liqni saqlash xodimlaridan har qanday noxush dori reaktsiyalari haqida milliy axborot tizimlari orqali xabar berishlarini so‘raymiz.
Qo‘llash mumkin bo‘lmagan holatlar

Tarkibi
bo‘limida sanab o‘tilgan faol substantsiya yoki yordamchi moddalarga nisbatan yuqori sezuvchanlikda qo‘llash mumkin emas.
Dorilarning o‘zaro ta'siri
Tutqanoqqa qarshi preparatlar Farmakokinetik tadqiqotlar doirasida gabapentin buyurilganidan so‘ng, asosiy davolash sifatida qo‘llanilgan fenitoin, karbamazepin, valproat kislotasi, fenobarbitalning plazmadagi kontsentratsiyalarini ahamiyatli darajada o‘zgarishi aniqlanmagan. Aynan shu tadqiqotlarda gabapentinning ham farmakokinetikasida o‘zgarishlar aniqlanmagan. Peroral kontratseptivlar gabapentin va noresteron va/yoki etiniletradiol saqlagan peroral kontratseptiv preparatlarni bir vaqtda buyurish, ushbu preparatlarning muvozonati kontsentratsiyalari ko‘rsatkichlariga ta'sir etmaydi. Antatsidlar Gabapentin va alyuminiy yoki magniy saqlagan antatsidlarni bir vaqtda buyurish, gabapentinning biokiraolishligini maksimum 24% ga pasaytiradi. Gabapentinni antatsidlar qabul qilingandan so‘ng kamida 2 soatdan keyin qabul qilish tavsiya qilinadi. Simetidin Simetidin bilan bir vaqtda qo‘llanilganda gabapentinni buyrak orqali chiqarilishini bir oz kamayishi aniqlangan, bu samara klinik ahamiyatga egaligi ko‘rsatilmaydi. Alkogol va MNS ga ta'sir etuvchi boshqa preparatlarni noto‘g‘ri ishlatilishi gabapentining MNT tomonidan nojo‘ya ta'sirlar (masalan, uyquchanik, ataksiya va boshqalar) kuchayishi mumkin. Morfin gabapentinni (kapsula 600 mg) qabul qilishdan 2 soat oldin ajralib chiqishi nazoratlangan, 60 mg morfin saqlagan kapsulani qabul qilgan sog‘lom ko‘ngillilarni (N=12) o‘z ichiga olgan tadqiqotlarda gabapentinning o‘rtacha AUC morfin qabul qilmaganlarga qaraganda 44% ga ortgan. Shuning uchun, morfin va gabapentinn bir vaqtda qo‘llanganda MNT susayish simptomlari (masalan uyquchanlik) ni vaqtida aniqlash uchun patsiyentlarni sinchiklab kuzatib borish va gabapentin va morfinning dozasini muvofiq ravishda kamaytirish kerak. Probentsidni qo‘llash gabapentinni buyrak orqali chiqarilishini buzmaydi.
Maxsus ko‘rsatmalar
Gabapentinni qo‘llash fonida o‘tkir pakreatit rivojlanganda, gabapentinni bekor qilish ko‘rsatilgan (“
Nojo‘ya ta'sir
lari” bo‘limiga qarang). Gabapentin qo‘llanganida reaktiv tirishish xurujlarini borligiga dalillarni yo‘qligiga qaramay, tutqanog‘i bo‘lgan patsiyentlarda tutqanoqqa qarshi preparatlarni keskin bekor qilish tutqanoq statusini (xurujini) rivojlanishiga olib kelishi mumkin (“
Qo‘llash usuli va dozalari
” bo‘limiga qarang). Boshqa tutqanoqqa qarshi preparatlarni qo‘llanganda bo‘lgani, gabapentin bilan monoterapiyaga o‘tish maqsadida boshqa yondosh qo‘llaniladigan tutqanoqqa qarshi preparatlarni qo‘llashni to‘xtatishga qaratilgan urinishlar kam holatlardagina muvaffaqiyatli bo‘lgan. Gabapentin absanslar kabi birlamchi keng tarqalgan xurujlarni davolashda samarali deb hisoblanmaydi va ba'zi patsiyentlarda bunday xurujlarning jadalligini kuchaytirishi mumkin. Shu sababli gabapentinni aralash tirishish xurujlari, shu jumladan absanslari bo‘lgan patsiyentlarda ehtiyotkorlik bilan qo‘llash kerak. 65 yosh va undan katta yoshdagi patsiyentlarda gabapentinni qo‘llash bo‘yicha muntazam tadqiqotlar olib borilmagan. Neyropatik og‘rig‘i bo‘lgan patsiyentlar ishtirok etgan bitta ikki tomonlama yashirin tadqiqotlarda 65 yoshdan katta patsiyentlarda, yoshroq patsiyentlarga nisbatan uyquchanlik, periferik shishlar va holsizlik ko‘proq kuzatilgan. Keltirilgan bu ma'lumotlardan tashqari, ushbu yosh guruhida o‘tkazilgan klinik tadqiqotlar, yoshroq patsiyentlar populyatsiyasida xuddi shunday noxush holatlar profilida farqlar isboti olinmagan. Gabapentinni uzoq vaqt (36 haftadan ortiq) qo‘llanilishini bolalar va o‘smirlarda ta'lim olish, intellekt rivojlanishga ta'siri yetarli darajada o‘rganilmagan. Shuning uchun uzoq vaqt davolash zarurati to‘g‘risida qaror qabul qilinganda kelib chiqishi mumkin bo‘lgan xavfni hisobiga olish kerak. Laborator testlari Test-tizimcha yordamida siydikda oqsil miqdorini aniqlaydigan yarim miqdoriy testlar natijalari soxta ijobiy bo‘lishi mumkin. Shuning uchun, zarurat tug‘ilganida boshqa usullar (biuret usuli, turbidiametrik usul, bo‘yovchilar bilan sinamalar) qo‘llash orqali qo‘shimcha taxlillarni o‘tkazish tavsiya etiladi. Juda kam uchraydigan laktozani o‘zlashtiraolmaslik. Lappa laktoza yetishmovchiligi, glyukoza-galaktoza malabsorbtsiya kabi kam uchraydigan nasliy kasalliklari bo‘lgan patsiyentlar preparatni qabul qilmasliklari kerak. Homiladorlik va emizish davrida qo‘llanilishi Tutqanoq va tutqanoqqa qarshi davolashning umumiy xavflari Tutqanoqqa qarshi preparatlarni qabul qilgan onalar naslida tug‘ma patologiya xavfi 2-3 marta ortgan. Ko‘pchilik holatlarda “quyonlab”, yurak-qon tomir tizimi anomaliyalari va nerv nayining nuqsonlarini rivojlanishi to‘g‘risida xabar berilgan. Majmuaviy tutqanoqqa qarshi davolash, monoterapiyaga qiyosiy ravishda, rivojlanish nuqsonlarining yuqori xavfi bilan bog‘liq bo‘lishi mumkin, shuning uchun maksimal ravishda ko‘proq monoterapiyani qo‘llash tavsiya qilingan. Tutqanoqqa qarshi davolashni o‘tkazish lozim bo‘lgan barcha homilador ayollar va tug‘ruq yoshidagi ayollar, davolanishdan oldin mutaxassis bilan maslahatlashishlari kerak. Homiladorlik rejalashtiralayotganda tutqanoqqa qarshi davolashning lozimligi yana bir bor qayta ko‘rib chiqish kerak. Tutqanoqqa qarshi preparatlarni qabul qilishni to‘satdan to‘xtatish mumkin emas, chunki u tirishishlarni yuz berishiga hamda ona va bola sog‘lig‘iga sezilarli zarar yetkazishi mumkin. Tutqanog‘i bo‘lgan ayollar naslida rivojlanishni kechikishi kam kuzatiladi. Rivojlanishni kechikishi genetik buzilishlar, sotsial omillar, onadagi tutqanoq kasalligi yoki uning tutqanoqqa qarshi preparatlar qabul qilish oqibati bilan bog‘liqligini differentsiatsiya qilish mumkin emas. Gabapentin bilan davolash bilan bog‘liq xavflar Gabapentinni homilador ayollarda qo‘llash bo‘yicha adekvat ma'lumotlar yo‘q. Hayvonlarda o‘tkazilgan tadqiqotlar preparatda reproduktiv toksiklik borligini ko‘rsatadi. Odam uchun potentsial xavf borligi ma'lum emas. Gabapentin homiladorlik vaqtida ishlatilmasligi lozim, agar faqat ona uchun bo‘lgan potentsial foyda homila uchun bo‘lishi mumkin bo‘lgan xavfdan ustun bo‘lsagina qo‘llanishi mumkin. Homiladorlik vaqtida ayollar tomonidan tutqanoq tufayli qabul qilingan gabapentin tug‘ma patologiyani rivojlanish xavfini oshirish xususiyatiga egaligi, hamda ayolda tutqanoqni borligi tufayli, shuningdek boshqa tutqanoqqa qarshi preparatlarni qo‘llash oqibatida avlodda tug‘ma patologiyani rivojlanish xavfini oshirishi to‘g‘risida yakdil xulosalar yo‘q. Gabapentin ko‘krak suti bilan ajralib chiqadi. Preparatning go‘daklarga ta'siri o‘rganilmaganligi tufayli, gapabentinni emizikli ayollarga ehtiyotkorlik bilan buyurish kerak. Gabapentin emizikli ayollarda qo‘llash faqat ona uchun odatda potentsial xavfdan ustun bo‘lgandagina amalga oshirilishi mumkin. Transport vositalarini boshqarish va mexanizmlar bilan ishlash qobiliyatiga ta'siri Gabapentin avtomobil va mexanik vositalarni boshqarish qobiliyatiga biroz yoki o‘rtacha ta'sir etishi mumkin. Gabapentin markaziy nerv tizimiga ta'sir ko‘rsatadi va uyquchanlik, bosh aylanishi yoki shunga o‘xshash simptomlar chaqirishi mumkin. Shuning uchun gabapentin hatto ko‘rsatmalar bo‘yicha qo‘llanilganda ham, reaktsiya tezligini kamaytirishi va transport vositalarini boshqarish yoki xavfli ishlab chiqarishda ishlash qobiliyatini (ayniqsa davolash boshlashida va preparatning dozasi oshirilganda, shuningdek bir vaqtning o‘zida alkogol qabul qilinganda) yomonlashtirishi mumkin. Preparat bolalar ololmaydigan joyda saqlansin va yaroqlilik muddati o‘tgach qo‘llanilmasin.
Dozani oshirib yuborilishi
Xatto preparatni sutkada 49 g gacha dozada qabul qilgan holatda ham, hayot uchun xavfli o‘tkir toksik reaktsiyalar rivojlanishi qayd etilmagan. Doza oshirib yuborilgan hollarda bosh aylanishi, jismlarni ikkita ko‘rish, dizatriya, uyquchanlik, lohaslik va kuchsiz rivojlangan ich ketishi yuz berishi mumkin. Samarani bir maromda saqlab turuvchi davolash qo‘llanilganda patsiyentlarning holati to‘liq tiklangan. Yuqori dozalarda qo‘llangan gabapentinni so‘rilishini kamaytirish dori vositalarini so‘rilishi cheklashi va dozani oshirib yuborilishi oqibatidagi toksik samaralarini kamaytirishi mumkin. Garchi gemodializ yordamida gabapentinni chiqarib yuborish mumkin bo‘lsada, kam odatda bu talab etilmaydi. Shunday bo‘lsada, buyrak yetishmovchiligi bo‘lgan patsiyentlarda gemodializni qo‘llash mumkin. Sichqonlarda va kalamushlarda o‘tkazilgan tadqiqotlarda 8000 mg/kg gacha dozasi ishlatilganiga qaramay, gabapentinning o‘limga olib keluvchi dozasini aniqlab bo‘lmagan. Hayvonlardagi o‘tkir zaharlanish simptomlariga ataksiya, nafas olishning qiyinlashishi, ptoz, faollikni pasayishi yoki aksincha qo‘zg‘aluvchanlikni oshishini o‘z ichiga oladi. Gabapentinning dozasi oshirib yuborilishi, ayniqsa MNT ni so‘ndiruvchi boshqa preparatlarni qabul qilish bilan birga, komani rivojlanishiga olib kelishi mumkin.
Chiqarilish shakli
10 kapsula PVX/PVDX plyonka va alyumin folga blisterda. 5 yoki 10 blister qo‘llash bo‘yicha yo‘riqnomasi bilan birga karton qutida.
Saqlash sharoiti
25oS dan yuqori bo‘lmagan haroratda.
Yaroqlilik muddati
5 yil. Dorixonadan berish tartibi Retsept bo‘yicha.
Ishlab chiqaruvchi
“Gedeon Rixter” OAJ, Vengriya, Budapesht
Ishlab chiqaruvchi
va buyurtmachining manfatini belgilovchi kompaniya “Gedeon Rixter” OAJ 1103, Budapesht, Dyomryoi ko‘ch., 19-21, Vengriya Ishonch telefon tarmog‘i (bepul qo‘ng‘iroq) 7-800-555-00777 Elektron manzili drugsafety@g-richter.ru