L-Tiroksin tab. 100 mg №50 (Farmak)

Preparatning savdo nomi

L-Tiroksin-Farmak
Ta'sir etuvchi modda (XPN) Levothyroxine sodium

Dori shakli

Tabletkalar

Tarkibi

1 tabletka quyidagilarni saqlaydi
faol modda 100% quruq moddaga qayta hisoblanganda 25 mkg, 50 mkg, 100 mkg levotiroksin natriy;
yordamchi moddalar kartoshka kraxmali, laktoza monogidrati, saxaroza, og‘ir magniy karbonati, magniy stearati, povidon.
Ta'rifi sarg‘ish tusli oq rangli, yassi silindrik shaklli, riskali va faskali tabletkalar.

Farmakoterapevtik guruhi

Tizimli qo‘llash uchun gormon preparatlari (jinsiy gormonlar va insulin bundan mustasno). Qalqonsimon bezi kasalliklarini davolash uchun preparatlar. Tireoid preparatlar. Levotiroksin natriy.
ATX kodi N03AA01

Farmakologik xususiyatlari

Farmakodinamika

L-Tiroksin-Farmak preparatida saqlanadigan sintetik levotiroksin qalqonsimon bezi gormoniga o‘xshash samaralarni namoyish qiladi. Periferik to‘qimalarda T3 (triyodtironin) ga aylanadi va endogen gormon sifatida T3-retseptorlariga ta'sir ko‘rsatadi. Endogen gormon va ekzogen levotiroksin funktsiyalari orasida farq kuzatilmaydi.

Farmakokinetikasi

Levotiroksin ichga qabul qilingandan keyin ingichka ichakning yuqori qismida deyarli to‘liq so‘riladi. Preparatning galen shakliga qarab qabul qilingan dozasining 80% gachasi so‘riladi. Maksimal kontsentratsiyasiga (Tmax) taxminan 5-6 soatdan keyin erishiladi.
Preparatning klinik ta'siri ichga qabul qilgandan so‘ng 3-5 kundan keyin namoyon bo‘ladi. Levotiroksin qondagi spetsifik transport oqsili bilan tez bog‘lanadi (99,97% gacha). Oqsillar bilan bog‘lanishi kovalent hisoblanmaydi va shu sababli, plazmadagi bog‘langan gormon erkin gormon fraktsiyalari bilan doimo va tez almashinish qobiliyatiga egadir.
Levotiroksin oqsillar bilan yuqori darajada bog‘lanishi tufayli, organizmda gemodializda ham, gemoperfuziyada ham chiqarilmaydi.
Preparatning yarim chiqarilish davri 7 kunni tashkil qiladi. Tireotoksikozda bu davr 3-4 kungacha qisqaradi, gipotireozda esa – 9-10 kungacha uzayadi. Taqsimlanish xajmi – 10-12 litrni tashkil qiladi. Levotiroksinning yuborilgan umumiy miqdorining taxminan 1/3 qismi jigarda to‘planadi, u qon plazmasidagi levotiroksin bilan tez o‘zaro ta'sirlashadi. Tireoid gormonlar asosan jigarda, buyrakda, bosh miyada va mushaklarda metabolizmga uchraydi. Metabolitlari siydik va axlat bilan chiqariladi. Levotiroksin metabolizmining umumiy klirensi sutkada taxminan 1,2 l plazmani tashkil qiladi.

Qo‘llanilishi

Xavfsiz eutireoid bo‘qoqni davolash.
Eutireoid bo‘qoqni jarroxlik usulida davolagandan keyin qaytalanishlarini oldini olish.
Gipotireozda o‘rinbosar davolash sifatida.
Qalqonsimon bezi rakini supressiv davolash.
Gipertireozda antitireoid davolash o‘tkazish vaqtida yordamchi preparat sifatida.
Tireoid supressiya testini o‘tkazish vaqtida diagnostik vosita sifatida qo‘llanadi.

Qo‘llash usuli va dozalari

Har bir patsiyentning shaxsiy ehtiyojiga qarab davolanishi uchun L-Tiroksin-Farmak preparatining 25 mkg, 50 mkg, 100 mkg levotiroksin saqlovchi tabletkalari mavjud.
Dozalash bo‘yicha ma'lumot faqat tavsiya berish xarakteriga ega.
Sutkalik dozani laborator ko‘rsatkichlar va kasallikning klinik manzarasiga qarab individual ravishda aniqlanadi.
Patsiyentlarning ayrimlarida levotiroksin bilan davolanish fonida T4 va fT4 kontsentratsiyasining oshishi kuzatilganligi sababli, qon zardobida tireotrop gormonining bazal kontsentratsiyasi keyinchalik dozani aniqlash uchun ishnchli ko‘rsatkich hisoblanadi.
Qalqonsimon bezi gormonlari bilan davolashni past dozadan boshlanadi va zarur terapevtik dozagacha asta-sekin (har 2-4 xaftada) oshiriladi.
Bolalar. Terapevtik samaraga tez erishish zarur bo‘lgan gipotireozi bo‘lgan yangi tug‘ilgan chaqaloqlar va go‘daklarda tavsiya etilgan doza birinchi 3 oy davomida sutkada tana vazniga 10 mkg/kg dan 15 mkg/kg gachani tashkil etadi. Shundan so‘ng klinik ko‘rsatkichlar va qalqonsimon bezi tireotrop gormonining (TTG) darajasiga qarab dozaga tuzatish kiritiladi.
Yurakning koronar kasalligi bo‘lgan keksa yoshli patsiyentlarda, og‘ir davomli gipotireozi bo‘lgan patsiyentlarda davolashni ehtiyotkorlik bilan, past dozalardan (sutkada 12,5 mkg) boshlash lozim, qalqonsimon bezi gormonlarining darajasini muntazam nazorat qilib, dozani samarani bir maromda ushlab turuvchi dozagacha katta intervallar bilan (har 2 xaftada asta sekin 12,5 mkg ga) oshiriladi. To‘liq o‘rinbosar davolashni ta'minlaydigan optimal dozadan pastroq dozani buyurish TTG darajasini to‘liq muvofiqlashtirishga olib kelmasligini e'tiborga olish kerak.
Tana vazni kam bo‘lgan patsiyentlar uchun va katta o‘lchamli tugunli bo‘qog‘i bo‘lgan patsiyentlar uchun past dozalarni qabul qilish yetarli hisoblanishini tajribalar ko‘rsatdi.
Qo‘llanishi
Tavsiya etilgan dozalar
(levotiroksin natriy, sutkada mkg)
Xavfsiz eutireoid bo‘qoqni davolash
75-200
Eutireoid bo‘qoqni jarroxlik usulida davolagandan keyin qaytalanishlarni oldini olish
75-200
Kattalarda gipotireozni o‘rnini bosuvchi davolashda
- boshlang‘ich doza;
- samarani bir maromda ushlab turuvchi doza
25-50
100-200
Bolalarda gipotireozni majmuaviy davolashda
- boshlang‘ich doza;
- samarani bir maromda ushlab turuvchi doza
12,5-50
100-150 mkg/m2 tana yuzasi
Gipotireozni artitireod davolash vaqtida yordamchi preparat sifatida
50-100
Qalqonsimon bezi rakini supressiv davolash
150-300
Tireoid supressiya testini o‘tkazganda diagnostik vosita sifatida
Testdan 4 xafta oldin
Testdan 3 xafta oldin
Testdan 2 xafta oldin
Testdan 1 xafta oldin
L-Tiroksin-Farmak 100 mkg
sutkada 2 tabletka
sutkada 2 tabletka
- muvofiq dozada qo‘llansin.
Sutkalik dozani bir qabulda qo‘llash mumkin.
Preparatning sutkalik dozasini ertalab och qoringa, ovqatdan 30 minut oldin oz miqdordagi suv (yarim stakan suv) bilan qabul qilinadi.
Chaqaloqlarga preparatning sutkalik dozasi 1 qabul qilishda, birinchi ovqatlantirishdan 30 minut oldin beriladi. Tabletkanibevosita qabul qilishdan oldin suspenziya hosil bo‘lguncha suvda eritib va yana biroz suyuqlikqo‘shib qo‘llash lozim.
L-Tiroksin-Farmak gipotireozda, jarrohlik aralashuvlaridan keyin (strumektomiya yoki tireoidektomiya), shuningdek eutireoid bo‘qoq olib tashlangandan keyin qaytalanishlarni oldini olish uchun butun umr davomida qabul qilinadi. Eutireiod holatga erishilgandan keyin tireostatiklar bilan majmuaviy davolash buyuriladi.
Eutireiod bo‘qoqning xavfsiz shaklida davolash davomiyligi 6 oydan 2 yilgachani tashkil qiladi. Agar davolagandan keyin holat yaxshilanmasa, jarroxlik aralashuvi yoki radiofaol yod bilan davolash buyuriladi.
Bolalar. Preparatni tug‘ilgan vaqtidan boshlab qo‘llaniladi (“

Qo‘llash usuli va dozalari

” bo‘limiga qarang).
Nojo‘ya ta'sirlari
Levotiroksinning shaxsiy o‘zlashtiraolinishi yuqori bo‘lgan hollarda uni dozasini oshirib yuborilishida gipertireozning klinik simptomlari paydo bo‘lishi mumkin, qachonki davolashni boshlanishida preparatni dozasi tez oshirilsa.
Simptomlari
yurak-qon tomir tizimi tomonidan yurak aritmiyalari (xilpillovchi aritmiya, ekstrasistoliya), taxikardiya, stenokardiya, yurak urishini his qilish, qizib ketish hissi.
nerv tizimi tomonidan bosh og‘rig‘i, uyqusizlik, havotirlik hissi, bosh miyaning soxta o‘smasi, tremor.
ovqat hazm qilish yo‘llari tomonidan qusish, diareya, tana vaznini kamayishi.
teri va suyak-mushak tizimi tomonidan ko‘p terlash, mushak kuchsizligi, tirishishlar.
umumiy buzilishlar tana haroratini oshishi, hayz siklini buzilishi.
Bunday hollarda preparatning sutkalik dozasini kamaytirish yoki davolashni bir necha kunga to‘xtatish kerak. Nojo‘ya reaktsiyalar bartaraf etilgandan keyin davolashni davom ettirish mumkin.
Preparatning komponentlariga yuqori sezuvchanlikda terida va nafas yo‘llari tomonidan allergik reaktsiyalar, shu jumladan teri toshmasi, qichishish, eshakemi, hansirash kuzatilishi mumkin. Kvinke shishi rivojlanishi haqida xabar berilgan.

Qo‘llash mumkin bo‘lmagan holatlar

Preparatning komponentlaridan birontasiga yuqori shaxsiysezuvchanlik.
Buyrak usti bezi yetishmovchiligi, gipofizar yetishmovchilik, davolanmagan tireotoksikoz.
O‘tkir miokard infarkti, o‘tkir miokardit, o‘tkir pankarditda qo‘llash mumkin emas.
Homiladorlik davrida levotiroksin va antitereoid vositalar bilan majmuaviy davolash uchun buyurilmaydi (“Homiladorlik yoki emizish davrida qo‘llanilishi” bo‘limiga qarang).
Dorilarning o‘zaro ta'siri
Qandni tushiruvchivositalar. Levotiroksin qandni tushiruvchipreparatlarning samarasini pasaytirishi mumkin. Tireoid gormonlar bilan davolashni boshida qonda glyukozaning darajasini tez-tez nazorat qilish, shuningdek zarurati bo‘lganda qandni tushiruvchi dori vositalarining dozani muvofiqlashtirish tavsiya etiladi.
Kumarin hosilalari. Levotiroksin qon plazmasi oqsillar bilan bog‘idan siqib chiqarib antikoagulyant preparatlarning ta'sirini kuchaytiradi, bu ayniqsa keksa yoshdagi odamlarda qon quyilishlar, masalan orqa miya va bosh miyaga qon quyilishi yoki me'da-ichakdan qon ketishi xavfini oshiradi. Shuning uchun birgalikda olib borilgan davolanishni boshida yoki o‘sha vaqtda koagulyatsiya ko‘rsatkichlarining laborator nazoratini muntazam olib borish kerak va zarurati bo‘lganida antikoagulyant preparatlarning dozasini muvofiqlashtirish kerak.
Proteaza ingibitorlari (masalan, ritonavir, indinavir, lopinavir) levotiroksinning samarasiga ta'sir ko‘rsatishi mumkin. Qalqonsimon bezi gormonlarining darajasini sinchkovlik bilan monitoringini olib borish kerak. Zarurati bo‘lganida levotiroksinning dozasini muvofiqlashtirish kerak.
Fenitoin levotiroksinni qon plazmasi oqsillar bilan bog‘idan siqib chiqarib, uning samarasiga ta'sir ko‘rsatishi mumkin, buning oqibatida erkin tiroksin (fT4) va erkin triyodtironin (fT3) fraktsiyalari darajasi oshadi. Boshqa tomondan fenitoin levotiroksinning jigardagi metabolizmini oshiradi. Qalqonsimon bezi gormonlarining darajasini sinchkovlik bilan monitoringini olib borish tavsiya etiladi.
Xolestiramin, kolestipol. Kolestiramin va kolestipol kabi ushbu ion almashinuvchi mo‘mlarni qabul qilish levotiroksin natriyni so‘rilishini tormozlaydi. Shuning uchun levotiroksin natriyni bunday preparatlarni qabul qilishdan 4-5 soat oldin qabul qilish kerak.
Alyuminiy, temir va kaltsiy saqlovchi preparatlar. Muvofiq adabiyot manba'laridan olingan ma'lumotlarga binoan alyuminiy saqlovchi preparatlar (antatsidlar, sukralfat) levotiroksinning samarasini potentsial pasaytirishi mumkin. Shuning uchun levotiroksinnialyuminiy saqlovchi preparatlarni qabul qilishdan kamida 2 soat oldin qabul qilish kerak. Bu temir va kaltsiy tuzlarini saqlovchi preparatlarga ham tegishli.
Salitsilatlar, dikumarol, yuqori dozalarda (250 mg) furosemid, klofibrat va boshqa moddalar levotiroksinni qon plazmasi oqsillar bilan bog‘idan siqib chiqarishi mumkin, bu fT4 fraktsiyasini oshishiga olib kelishi mumkin.
Orlistat. Orlistat va levotiroksinni birgalikda qabul qilish gipotireozni rivojlanishini chaqirishi va/yoki gipotireozni nazorat qilishni yomonlashtirishi mumkin. Bu yod tuzlari va/yoki levotiroksinni so‘rilishini kamayishi bilan chaqirilishi mumkin.
Selelamer levotiroksinni so‘rilishini kamaytirishi mumkin. Shuning uchun birga davolashning boshida va oxirida qalqonsimon bezi funktsiyasini ko‘rsatkichlarining o‘zgarishlarini nazorat qilish tavsiya etiladi. Zarurati bo‘lganida levotiroksinning dozasiga tuzatish kiritish kerak.
Tirozinkinaza ingibitorlari (masalan imatinib, sunitinib) levotiroksinning samaradorligini kamaytirishi mumkin. Shuning uchun birga davolashning boshida va oxirida qalqonsimon bezi funktsiyasini ko‘rsatkichlarining o‘zgarishlarini nazorat qilish tavsiya etiladi. Zarurati bo‘lganida levotiroksinning dozasiga tuzatish kiritish kerak.
Propiltiouratsil, glyukokortikoidlar, beta-simpatolitiklar, amiodaron va yod saqlovchi kontrast vositalar T4 ni T3 ga periferik aylanishini susaytiradi. Amiodaron tarkibida yod miqdorini yuqori bo‘lganligi tufayli, gipertireoz rivojlanishiga ham, gipotireoz rivojlanishiga ham olib kelishi mumkin. Noma'lum etiologiyali tugunli bo‘qoq bo‘lgan bemorlarda preparatni ehtiyotkorlik bilan buyurish kerak.
Sertralin, xloroxin/proguanil levotiroksinning samaradorligini pasaytiradi va qon zardobida TTG ning laborator ko‘rsatkichlarini oshiradi.
Dori vositalari induktsiya qilgan fermentlar (barbituratlar, karbamazepin) levotiroksinning jigardagi klirensini oshirishi mumkin.
Estrogenlar. Estrogen saqlovchi kontratseptiv preparatlarni qabul qilayotgan ayollar, shuningdek gormon o‘rnini bosuvchi preparatlarni qabul qilayotgan postklimakterik yoshdagi ayollar levotiroksinning yuqoriroq dozalariga muhtoj bo‘lishlari mumkin.
Soya saqlovchi preparatlar levotiroksinni ichakda so‘rilishini susaytirishi mumkin. Shuning uchun ayniqsa soya saqlovchi qo‘shimchalarni qabul qilishni boshida va keyin L-Tiroksin-Farmak® preparatining dozasini muvofiqlashtirish kerak.

Maxsus ko‘rsatmalar

Tireoid gormonlar bilan davolashni boshlashdan yoki tireoid supressiyaga test o‘tkazishdan oldin yurakning koronar tanqisligi, stenokardiya, arterioskleroz, arterial gipertenziya, gipofizar yetishmovchilik, buyrak usti bezi yetishmovchiligi kabi kasalliklarni borligini inkor etish yoki dastlab davolash kerak. Shuningdek tireoid gormonlar bilan davolashdan oldin qalqonsimon bezining funktsional avtonomiyasini inkor etish yoki bunday kasalliklarni dastlab davolash kerak.
Ruhiy buzilishlarning rivojlanishi xavfi bo‘lgan patsiyentlarda levotiroksin bilan davolashni past dozalardan boshlash lozim, bunda davolashning boshida dozani asta-sekin oshirish kerak. Patsiyentning holatini kuzatish tavsiya etiladi. Ruhiy buzilishlar rivojlanishi holatida levotiroksin dozasini muvofiqlashtirishni qaytia ko‘rib chiqish lozim.
Yurakning koronar tanqisligi, yurak yetishmovchiligi, taxiaritmiyasi bo‘lgan patsiyentlarda preparatni qo‘llash natijasida rivojlanadigan gipertireozning hatto ahamiyatsiz ko‘rinishlaridan saqlanish kerak. Bunday patsiyentlarni tireoid gormonlar bilan davolaganda tireoid gormonlarning darajasini muntazam nazorat qilish kerak.
Ikkilamchi gipotireoz rivojlangan hollarda o‘rinbosar davolashni buyurishdan oldin sababini aniqlash kerak. Zarurati bo‘lganida buyrak usti bezi po‘stlog‘i yetishmovchiligini kompensatsiyalash uchun o‘rinbosar davolash kursini o‘tkazish kerak.
Qalqonsimon bezining funktsional avtonomiyasiga shubha qilinganda preparat bilan davolashni boshlashdan oldin TTG darajasini aniqlash yoki treostsintigrafiyani o‘tkazish kerak.
Gipotireoz bilan xastalangan postklimakterik davrdagi ayollarga osteoporoz rivojlanishining yuqori xavfi bo‘lganida levotiroksinning qon zardobidagi darajasi fiziologik darajadan yuqori bo‘lishidan saqlanish kerak. Shuning uchun qalqonsimon bezi funktsiyasining laborator ko‘rsatkichlarini sinchkovlik bilan nazorat qilish kerak.
Gipotireoid holatida bo‘lgan patsiyentlarga gipertireozni davolash uchun antitireoid preparatlar bilan davolash o‘tkazilganda levotiroksinni buyurish mumkin emas.
Tireoid gormonlarni tana vaznini kamaytirish uchun qo‘llash mumkin emas. Levotiroksinning dozasini buyurish eutireoid holatda bo‘lgan patsiyentlarda tana vaznini kamayishiga olib kelmaydi. Yuqori dozalar jiddiy yoki hayot uchun xavfli bo‘lgan nojo‘ya reaktsiyalarni paydo bo‘lishiga olib kelishi mumkin. Levotiroksinni yuqori dozalarda qabul qilishni tana vaznini kamayishi uchun mo‘ljallangan aniq moddalar (masalan simpatomimetiklar) bilan birgalikda qo‘llash mumkin emas (“

Dozani oshirib yuborilishi

” bo‘limiga qarang).
L-Tiroksin-Farmak preparatini xuddi shu ta'sir etuvchi moddasi bo‘lgan boshqa dori vositasi bilan o‘zgartirilganda patsiyentning preparatga reaktsiyasi va laborator ko‘rsatkichlar ma'lumotlariga qarab preparatning dozasiga tuzatish kiritish tavsiya etiladi.
Orlistat va levotiroksinni birgalikda qabul qilish gipotireozni rivojlanishini chaqirishi va/yoki gipotireozni nazorat qilishni yomonlashtirishi mumkin (“Dorilarning o‘zaro ta'siri” bo‘limiga qarang). Levotiroksinni qabul qilayotgan patsiyentlarga orlistat bilan davolashni boshlashdan avval, to‘xtatilganda yoki davolashni o‘zgartirilganda shifokor bilan maslahatlashish lozim, chunki orlistat va levotiroksinni har xil vaqtda qabul qilish, hamda levotiroksinning dozasini muvofiqlashtirish lozim. Keyinchalik patsiyentlarning qon zardobida gormonlarning darajasini monitoringini o‘tkazish tavsiya etiladi.
Galaktozani kam uchraydigan nasliy o‘zlashtiraolmaslik, laktaza yetishmovchiligi yoki glyukoza-galaktozani so‘rilishini buzilishlari bo‘lgan patsiyentlarda bu preparatni qo‘llash mumkin emas, chunki u laktoza saqlaydi.Qandli diabeti bo‘lgan patsiyentlarda va antikoagulyant preparatlarni qabul qilayotgan patsiyentlarga preparat ehtiyotkorlik bilan qo‘llanilsin (“Dorilarning o‘zaro ta'siri” bo‘limiga qarang).
Homiladorlik va laktatsiya davrida qo‘llanishi
Homiladorlik yoki emizish davrida gipotireozda buyurilgan preparat bilan davolashni davom ettirish kerak. Homiladorlik davrida preparatning dozasini oshirish zarurati paydo bo‘lishi kerak. Homiladorlikning 4 xaftasidan boshlab zardobda TTG darajasini oshishi kuzatilganligi sababli, levotiroksinni qabul qilayotgan homilador ayollarga har bir uch oylik vaqtida TTG darajasini tekshirish lozim. Homilador ayollarda zardobda TTG darajsi har bir uch oylik uchun talab etilgan chegarada bo‘lishi lozim. Qon zardobida TTG ning yuqori darajasini to‘g‘rilash uchun levotiroksinning dozasini oshirish lozim. TTG ning postnatal darajasi urug‘lantirish vaqtigacha bo‘lgan ko‘rsatkich bilan muvofiq bo‘lganligi uchun, tug‘ruqdan keyin levotiroksinning dozasini homiladorlik boshlanishidan oldin dozaga to‘g‘irlab muvofilashtirish lozim. Tug‘ruqdan keyin 6-8 xaftadan so‘ng zardobda TTG ning zarur bo‘lgan darajasini aniqlanishi kerak.
Homiladorlik.
Preparat terapevtik dozalarda qo‘llanganida teratogenligi va/yoki fetotoksikligi yuzasidan ma'lumotlar ma'lumotlar mavjud emas. Homiladorlikvaqtida levotiroksinning juda yuqori dozalarini qabul qilish homilaga va bolaning postnatal rivojlanishiga salbiy ta'sir ko‘rsatishi mumkin.
Gipertireozni davolash uchun homiladorlik davrida levotiroksin va antitireoid vositalari bilan majmuaviy davolash buyurilmaydi, chunki preparatlarning bunday majmuasi yo‘ldosh to‘sig‘i orqali o‘ta oladigan va yangi tug‘ilgan chaqaloqda gipotireoz rivojlanishini chaqirishi mumkin bo‘lgan antitireoid preparatlarning yuqori dozalarini buyurishni talab etadi. Homiladorlik davrida tireoid supressiyaga test o‘tkazish mumkin emas, chunki homiladorlik davrida radiofaol moddalarni qo‘llash mumkin emas.
Emizish davri
Levotiroksin emizish vaqtida ko‘krak sutiga chiqariladi, lekin tavsiya etilgan terapevtik dozalarda qo‘llanilganda ko‘krak sutidagi preparat kontsentratsiyasining darajasi chaqaloqda gipertireoz rivojlanishi yoki TTG sekretsiyasiga susaytiruvchi ta'sir etishi uchun yetarli emas.
Avtomobilni va murakkab mexanizmlarni boshqarish qobiliyatiga ta'siri
Avtotransportni boshqarish yoki murakkab mexanizmlar bilan ishlash qobiliyatiga ta'siri yuzasidan ma'lumotlar yo‘q. Biroq, levotiroksin qalqonsimon bezining tabiiy gormoni bilan bir xil bo‘lganligi sababli, L-Tiroksin-Farmak preparatining avtotransportni yoki boshqa mexanizmlarni boshqarishda reaktsiya tezligiga ta'siri kutilmaydi.

Dozani oshirib yuborilishi

Qon zardobida T4 va fT4 (erkin) darajasini oshishiga nisbatan T3 (triyodtironin) ning darajasini oshishi preparatning dozasini oshirib yuborilishining ishonchli indikatori bo‘lib hisoblanadi.

Dozani oshirib yuborilishi

natijasida moddalar almashinuvi ko‘rsatkichlari oshishi mumkin (“Nojo‘ya ta'sirlari” bo‘limiga qarang).
Doza oshirib yuborilgan hollarda preparatni qo‘llashni to‘xtatish va laborator tahlillar o‘tkazish kerak.
Taxikardiya, bezovtalik, nerv qo‘zg‘aluvchanligi, giperkineziya kabi beta-simpatomimetik samaralar holidagi simptomlarda beta-blokatorlar buyuriladi. Doza sezilarli darajada oshirib yuborilganda plazmaferez o‘tkazish tavsiya etiladi.
Ayrim hollarda tirishishga moyilligi bo‘lgan patsiyentlarda preparatning individual yo‘l qo‘yiladigan dozasi oshirilganda tirishishlar rivojlanishi mumkin.
Levotiroksin bilan dozani oshirib yuborilishi gipertireoz simptomlarini chaqirishi mumkin va ayniqsa ruhiy buzilishlarning rivojlanishi xavfi bo‘lgan patsiyentlarda o‘tkir psixozga olib kelishi mumkin.
Ko‘p yillar davomida levotiroksinni suiiste'mol qilgan (tavsiya etilgan dozani oshirgan) patsiyentlarda yurak ishini buzilishi oqibatida to‘satdan o‘limning bir necha holatlari ma'lum.

Chiqarilish shakli

10 tabletkadan blisterda. 5 blisterlar tibbiyotda qo‘llanilishiga doir yo‘riqnoma bilan birga qutida.

Saqlash sharoiti

Original o‘ramida, 25°C dan yuqori bo‘lmagan haroratda saqlansin.
Bolalar ololmaydigan joyda saqlansin.

Yaroqlilik muddati

3 yil.

O‘rami

da ko‘rsatilgan yaroqlilik muddati o‘tganidan so‘ng qo‘llanmasin.

Dorixonalardan berish tartibi

Retsept bo‘yicha.