Preparatning savdo nomi
Sondoks
Ta'sir qiluvchi modda (XPN) doksilamin

Dori shakli
tabletkalar

Tarkibi

1 tabletka saqlaydi
Faol modda 15 mg doksilamin suktsinati;
Yordamchi moddalar magniy stearati, laktoza monogidrati (sut qandi), kartoshka kraxmali, mikrokristallik sellyuloza.
Ta'rifi oq yoki deyarli oq rangli, dumaloq shaklli, faska va riskali tabletkalar.

Farmakoterapevtik guruhi
uxlatuvchi vosita.


Farmakologik xususiyatlari

Kimyoviy tuzilishi va ta'siri bo‘yicha dimedrolga yaqin. Allergiyaga qarshi ta'sir ko‘rsatadi. Markaziy nerv tizimiga kiradi va yaqqol sedativ ta'sir ko‘rsatadi, shuning uchun maxsus uxlatuvchi preparat (birinchi avlod) sifatida ishlatiladi. Uyquga ketish vaqtini qisqartiradi, uyquning davomiyligi va sifatini oshiradi, bunda uyqu bosqichlarini o‘zgartirmaydi. Sondoks tabletkalarining ta'sir etuvchi moddasi - doksilamin suktsinati, me'da-ichak yo‘llaridan yaxshi so‘riladi. Gistogematik to‘siqlardan (shu jumladan gematoentsefalik to‘siq) o‘tadi va to‘qimalar va a'zolar bo‘ylab taqsimlanadi. Biotransformatsiyasi jigarda amalga oshiriladi. Doksilamin suktsinatining asosiy qismi (taxminan 60%) siydik bilan o‘zgarmagan xolda chiqariladi, bir qismi ahlat bilan chiqariladi.


Qo‘llanilishi

Uyqusizlik.


Qo‘llash usuli va dozalari

Faqat kattalar va 15 yoshdan oshgan bolalar uchun!
Sondoks tabletkalari ichga 1 tabletkadan uyquga ketish mo‘ljallangan vaqtdan 15-30 minut oldin qabul qilinadi. Tabletkalarni ko‘p bo‘lmagan miqdordagi suv bilan birga qabul qilish kerak. Dozani ½ tabletkagacha kamaytirish yoki 2 tabletkagacha oshirishning zarurati bo‘lganida shifokor bilan maslahatlashish kerak.



Nojo‘ya ta'sirlari
Preparat odatda yaxshi o‘zlashtiriladi, lekin quyidagi nojo‘ya samaralari kuzatilishi mumkin og‘izni qurishi, ko‘rish akkomodatsiyasini buzilishi, qabziyat, siyishni qiyinlashishi (ayniqsa bu ko‘rinishlarga moyilligi bo‘lgan bemorlarda).
Noxush ko‘rinishlar paydo bo‘lgan xolda, shifokor bilan maslahatlashish kerak!


Qo‘llash mumkin bo‘lmagan holatlar

Preparatni glaukomasi, siydik chiqarish yo‘llari va prostata kasalliklari bo‘lgan bemorlarda, homiladorlikda, emizish davrida (preparat qabul qilinganida emizishdan voz kechish kerak) qo‘llash mumkin emas. Preparatni 15 yoshgacha bo‘lgan bolalarda qo‘llash mumkin emas.

Qo‘llashdagi ehtiyotkorliklar
Davolanishni boshlashdan oldin shifokor bilan maslahatlashing! Shifokorning maslahatisiz preparatni qo‘llamang.
O‘pka kasalliklarida preparat ehtiyotkorlik bilan qo‘llanadi. Homiladorlikda preparatni qo‘llash mumkin emas.

Dorilarning o‘zaro ta'siri
Sondoks tabletkalari barbituratlar, benzodiazepinlar, klonidin, opioid analgetiklar, neyroleptiklar, trankvilizatorlar bilan bir vaqtda qo‘llanganida, markaziy nerv tizimiga bostiruvchi ta'sirini kuchayishi kuzatiladi. Sondoks tabletkalari atropin yoki boshqa M-xolinoblokatorlar bilan bir vaqtda qo‘llanganida, nojo‘ya ta'sirlarining og‘izni qurishi, siyishni qiyinlashishi, paydo bo‘lishini xavfi oshadi.
Agar Siz har qanday boshqa dori vositalarini qabul qilayotgan bo‘lsangiz, preparatni qo‘llash mumkinligi bo‘yicha albatta shifokor bilan maslahatlashing.


Maxsus ko‘rsatmalar

Qo‘llashni cheklanishi o‘pka kasalliklarida preparatni qo‘llashning zarurati bo‘lsa, shifokor bilan maslahatlashish kerak.
Preparat diqqatni pasayishi, uyquchanlikni chaqiradi, shuning uchun transport xaydovchilariga ta'sir qilishi mumkin. Alkogolli ichimliklarni iste'mol qilish mumkin emas.
Preparat bolalar olaolmaydigan joyda saqlansin va yaroqlilik muddati o‘tgach qo‘llanilmasin.


Dozani oshirib yuborilishi

Tasodifan yoki ataylab dozani oshirib yuborilishi faqat tabletkalarni juda katta dozalarda qabul qilinganida yuz berishi mumkin.
Simptomlari qo‘zg‘alish, gallyutsinatsiyalar, muvozanatni buzilishi, xarakat koordinatsiyasini buzilishi, qo‘l va oyoq barmoqlarining tirishishlari, tirishishlar. Simptomlar ko‘rsatilgan ketma-ketlikda paydo bo‘ladi, lekin ayrim xollarda zaharlanishning birinchi simptomlari qaltirash va qo‘l va oyoq barmoqlarining tirishishlari bo‘lishi mumkin. Ko‘pincha atropinizatsiya simptomlari - qorachiqlarni kengayishi, akkomodatsiya falaji, yuz terisini qizarishi, tana haroratini oshishi kuzatiladi. Davolash bo‘lmaganida kollaps bilan birga kechuvchi koma rivojlanishi mumkin.
Davolash. Tez yordamni chaqirish kerak, shifokor kelgunicha suniy nafas o‘tkaziladi.


Chiqarilish shakli

10 tabletkadan blisterda, 1 blisterdan yoki 3 blisterdan karton qutida.


Saqlash sharoiti

Quruq, yorug‘likdan himoyalangan joyda, 25oS dan yuqori bo‘lmagan haroratda saqlansin.


Yaroqlilik muddati

2 yil.


Dorixonalardan berish tartibi

Retseptsiz.


Ishlab chiqaruvchi
ning nomi va manzili
«Ximfarmzavod «Krasnaya zvezda» OAJ
61010, Ukraina, Xarkov sh., Gordiyenkovskaya ko‘ch., 1.